Morgunblaðið - 05.07.1957, Síða 6

6
MORGVNBLAÐIC
Föstudagur 5. júlí 1957
IKosningar í Egyptalandi
í
FYRIR ári siðan eða 23. júní í
fyrra, var haldin þjóðarat-
kvæðagreiðsla í Egyptalandi,
sem átti að samþykkja val Nass-
ers til forseta og lýsa yfir sam-
þykki þjóðarinnar við nýrri
stjórnskipan, sem hafði veiið sett
á, nokkrum mánuðum á undan.
Engin framboð eða andmæli voru
leyfð gegn Nasser og stjórnar-
skráin var eins og hann hafði
óskað eftir. Karlmenn voru skyld
ir til að greiða atkvæði en konur
ekki og samkvæmt hinum beztu
fyrirmyndum úr austri, fékk
Nasser 99,9% af atkvæðunum og
stjórnarskrá hans 99,8%. En eftir
var að velja þing, sem samkvæmt
stjórnarskránni átti að vera liður
í stjórn landsins. Vegna þeirra
atburða, sem síðar gerðust, hefur
kosningum til þingsins verið
frestað, þar til þær fóru fram í
fyrradag, en úrslit áttu að verða
kunn í gær.
Talið er að innanlandsmál
Egyptalands muni nú verða meira
áberandi eftir að utanríkisstefna
Nassers meðal Arabaþjóðanna
hefur beðið skipbrot. Þeir dagar,
þegar Nasser hitti í Kairo hina
þrjá arabisku þjóðhöfðingja,
Saud frá Arabíu, Hussein úr Jór-
danríki og sýrlenzka forsetann
Kuwattli, virðast ekki verða
löngu liðið, en sýnast samt í mik-
illi fjarlægð vegna þeirra at-
burða, sem síðan hafa gerzt. Deil-
an um Jórdanríki hefir fullkomn
að þann ósigur, sem Nasser hefur
beðið í viðleitni sinni til að gerast
oddviti allra Arabaþjóða. Nokkur
arabísk lönd hafa krafizt þess
að egyptzkir hernaðarsérfræð-
ingar við sendisveitirnar þar
verði kallaðir heim og teija má,
að stjórnmálasambandið við Jór-
danríki sé, að kalla rofið. —
Egyptar hafa neitað að greiða
þann hluta af fé, sem Jódan-
ríki var lofað til bóta fyrir það
tjón, sem það beið, þegar ríkið
sagði upp samningi sínu mvið
England. Gert hafði verið ráð fyr
ir sameiginlegri herstjórn Egypta
lands, Sýrlands og Jórdanríkis og
átti það að vera fyrsta skrefið
til ennþá nánari sameiningar
ríkjanna, en þessi samstjórn á
hernaðarsviðinu er orðin að engu.
Hinn síðasti og einasti bandamað-
ur meðal Arabaþjóðanna, sem
Nasser getur reitt sig á, Sýrland,
er nú orðið stjórnmálalega ein-
angrað meðal Arabaríkjanna, og
hefir orðið það enn meir eftir að
Saud konungur gaf sendiherra
sínum þar skipun um að flytja
sig í bili til Libanon. Saud kon-
ungur hefur náð sáttum við kon-
ungana í frak og Jórdanríki og
heimsótt Bagdad og Amman til
að innsigla hina nýju vináttu. Tal
ið er að á þeim fundum hafí ekki
Kerlingarfjöl! - Þórs-
mörk - Byggðir og
öræfi Ausfurlands
FARFUGLADEILD Reykjavíkur
ráðgerir ferð í Kerlingarfjöll um
næstu helgi. Lagt verður af stað
kl. 2 á laugardaginn og ekið í
skála Ferðafélagsins í Árskarði og
gist þar um nóttina. Á sunnudag-
inn verður gengið á Loðmund og
skoðað hverasvæðið í Kerlingar-
fjöllum.
Farnar verða sumarleyfisferðir
í Þórsmörk 13.—21. júlí, í Húsa-
fellsskóg 28. júlí til 5. gúst, göngu
ferð om Fjallabaksveg nyrðri, 27.
júlí til 5. ágúst og hálfsmánaðar-
ferð um byggðir og öræfi Austur-
lands, sem hefst 4. ágúst. Þátt-
taka tilkynnist sem fyrst. Skrif-
stofan er á Lindargötu 50, opin á
miðvikudags- og fimmtudagskvöld-
lun kl. 8,30—10.
fallið mörg ijúf orð í garð Nass-
ers þó ekki kæmi það mikið fram
á yfirborðinu vegna þess að það
er óneitanlegt, að enn hefur nafn
Nassers haft mikil áhrif meðal
óbreyttra Araba í þessum lönd-
um.
Talið er að Nasser hefði fengið
traustsyfirlýsingu Egypta við
kosningarnar nú, þó þær hefðu
verið frjálsar, en svó var ekki. í
maílok stofnsetti Nasser, með til-
skipun, einskonar þjóðarflokk,
sem gert var ráð fyrir í stjórnar-
skrá hans, en flokkur þessi á að
vera eins konar þjóðarhreyfing
en þó án tiltekinnar stjórnmála-
stefnu. Hlutverk þessa flokks á að
vera að koma hugsjónum bylt-
ingarinnar í framkvæmd og koma
til leiðar heilbrigðri þróunistjórn
málalífi landsins og efnahagsmál
um. Samkvæmt því, sem Nasser
hefur lýst yfir, áttu kosningarnar
að vera fyrsta skrefið til þess að
endurskapa stjórnmálalíf lands-
ins, en hann vill áfram hafa hönd
í bagga með hvernig sú þróun
verður.
Jafnframt því sem Nasser stofn
aði þennan þjóðarflokk, sem
hann nefnir svo, skipaði hann
eins konar nefnd undir sínu eigin
forsæti en í henni voru 3 ráð-
herrar, sem allir eru áhangandi
þeirri hernaðarklíku sem lyfti
Nasser til valda. Þessi nefnd hef-
ur yfirfarið listann yfir þá fram-
bjóðendur, sem tilkynnt höfðu
framboð við kosningarnar. Niður
staðan varð sú að 1210 frambjóð-
endur eða hér um bil helmingur-
inn var strikaður út og eftir urðu
1318 frambjóðendur, en kjósend-
ur geta úr þeim hópi valið 350
þingmenn. Þó eru 65 frambjóð-
endur, sem eru sjálfkjörnir en
meðal þeirra eru 16 ráðherrar.
Kosningarnar eru því engar raun
verulegar kosningar frekar held-
ur en þjóðaratkvæðagreiðsla sú,
sem getið var hér í upphafi. Talið
er að kosningarnar veiti Nasser
engan nýjan bakhjarl til að
styðjast við, heldur muni hann
eftir sem áður byggja vald sitt á
hernum.
Fólk flýr heimili sín undan flóðunum.
100 þús. heimílislausir
Hvirfilvindarnir ollu geysimiklu tjóni
' New York, 3. júlí:
GEYSIMIKIÐ tjón hefur orðið af völdum hvirfilvindanna, sem
undanfarna daga hafa gengið yfir nokkur af suðurríkjum
Bandaríkjanna. Harðast hefur bærinn Cameron í Louisiana orðið
úti, því að um 90% af öllum byggingum hrundu til grunna í storm-
inum og heilbrigðismálaráðherra fylkisins hefur lýst bæinn óbyggi-
Iegan.
Fréttamenn segja, að engu sélgerð á bæinn. Vart standi þar
líkara en að loftárás hafi verið j steinn yfir steini. Vatnsveitan
shrifar ur
daglega lífinu
BÓNDI skrifar dálkunum:
Mikið hefir nú verið ritað og i
rætt um minkapláguna hérlendis.
Minkaplágan
OG sjálfur jafna ég henni saman
við þá handvömm forfeðra
okkar að rýja landið skógi,
höggva þann skóg sem fyrir hendi
var í eldivið, en eins og við vit-
um herma fornar heimildir
að þegar landnámsmenn komu
hingað hafi landið verið skógi
vaxið milli fjalls og fjöru.
Ég er bóndi á góðri jörð í einni
af meiri hlunnindasveitum lands-
ins. Við höfum hvorttveggja
bændurnir, varp í löndum okkar
og einnig þó nokkra silungsveiði.
Af þessu höfum við haft' allmiklar
nytjar og þó nokkurn gróða og
hefir það haft það í för með sér að
miklum mun byggilegra hefir ver
ið í þessari sveit en mörgum öðr-
um enda hefir fólksfækkun verið
svo til engin og skýtur þar skökku
við margar aðrar sveitir.
En nú hefur bliku dregið á loft
og svart er fram undan. Fyrir fjór
um árum kom minkurinn í mína
sveit og það er eins óg dregið
hafi fyrir sólu síðan. Hann hefir
þegar gert mikil spjöll. Varpið
hefir hann nær því eyðilagt með
öllu og silungsveiðin hefir stór-
minnkað. Það er von að okkur
bændunum gremjist þetta óféti
og allt framferði þess. Manni
verður óneitanlega hugsað til
Móðuharðindanna og annarra
pesta sem yfir landið gengu hér
á miðöldum þegar um minkinn
er að ráeða. Og ef til vill er það
enn sorglégra að hér eiga máttar
völdin enga sök heldur aðeins
við dauðlegir mennirnir. Öll þessi
óáran er runnin undan rifjum
okkar og engra annarra.
Hvað er hægt að gera?
Og þá er ekki nema von að sú
spurning vakni I hugum
manna hvað unnt sé að gera til
þess að koma í veg fyrir minka-
pláguna. Það er auðvitað erfitt
að koma með ákveðin úrræði en
ég held að öllum heilvita mönn-
um sé Ijóst að eitthvað þarf að
gera og það þegar í stað. Karlsen
er okkur öllum kunnur og flest-
um að góðu einu. Hann hefir
unnið mikið og óeigingjarnt starf
við minkaeyðinguna, því verð-
launin fyrir minkadrápið hafa
verið hlægilega lítil. En það er
alveg sama hvað Karlsen er dug-
legur, hann má ekki við ofurefl-
inu og við þyrftum að eiga marga
Karlssena ef högg ætti að sjást á
vatni.
Ég hefi heyrt getið um eitur-
kenninguna. Hún kvað hafa gef-
izt allsæmilega erlendis, og ég
hefi eftir föngum kynnt mér það
sem um hana hefir verið ritað
hér á landi. Og meðan ekki hefir
alveg verið afsannað að hún geti
komið til greina þá finnst mér
að við ættum skilyrðislaust að
gera það sem í okkar valdi stend-
ur til þess að reyna hana hér á
landi. En allt of lítið hefir verið
aðhafzt í þessum málum. Ennþá
hefir ekki einu sinni verið fram-
kvæmd nauðsynleg athugun á
lifnaðarháttum minksins úti í
mörkinni hér á landi, en slík at-
hugun er þó óneitanlega undir-
staðan undir allar aðgjörðir gegn
honum. Hvar eru dýrafræðing-
ar okkar? Hvar eru íslenzk nátt-
úruverndaryfirvöld?
* Hefjumst handa
MINKAMÁLIÐ var til umræðu
í þinginu í vetur en engar
aðgjörðir hafa sézt. Umræður eru
gagnslausar nema þeim fylgi
framkvæmdir. Og heldur þykir
mér Búnaðarfélagið og Landbún-
aðarmálaráðuneytið sofa djúpum
svefni en það eru þeir aðilar sem
hafa bæði lagalega og siðferði-
lega skyldu til þess að hefjast
hér handa. Og hví ekki að leita
ráða erlendra dýrafræðinga sem
hafa reynslu á þessu sviði, hví
ekki að gera eitthvað til þess að
vernda náttúru þessa landa.?
Ef okkur er algjörlega sama
um fuglalífið í Mývatnssveit og
fegurð Arnarvatnsheiðar, varp
um land allt og silung í ám og
vötnum, þá er rétt að halda að sér
höndum. Ef ekki, hvar eru þá
framkvæmdirnar?
og skolpleiðslur eru með öllu
ónýtar, mikil flóð fylgdu hvirf-
ilvindinum, allt er morandi af
eitursnákum og moskitóflugum,
svo að langt er frá því, að líf-
vænlegt sé í Cameron.
Nærliggjandi héruð hafa
einnig orðið hart úti. Enn er
ekki ljóst hve margir hafi lát-
ið lífið í náttúruhamförum
þessum, en tala þeirra líka,
sem þegar eru fundin, er um
600. Á mánudaginn voru lík 65
negra, sem látizt höfðu í veð-
urofsanum í Cameron, jarð-
sett í fjöldagrafir, þar eð líkia
voru það illa farin, að þau
þekktust ekki.
★
Flóðanna gætti víða meira en
í Cameron. í Lake Charles í Lou-
isiana óx vatnshæðin um tvo
metra á hálfri klukkustund,
þegar vöxturinn var hvað ör-
astur. Einnar hæðar hús fóru víða
í kaf, en fólk, sem bjó í tveggja
hæða húsum hafðist við á þökum
uppi.
Gizkað er á, að um 100 þús.
manns í Louisiana og Texas
hafi misst heimili sín og býr
mikill hluti þessa fólks í tjöld
um á víðavangi.
Bamaspífalasjóður
Hringsins
MERKJASALA Hringsins til
ágóða fyrir Barnaspítalasjóð 21.
júní s. 1., gekk með afbrigðum vel
og má efalaust þakka það hinum
góða hug, sem allur almenning-
ur ber til þessa málefnis. Alls
söfnuðust kr. 68.000,00.
Með þessu ávarpi vill Kvenfél.
Hringurinn þakka öllum þeim, sem
lögðu fé af mörkum og keyptu
merki, einnig þeim félagskonum er
störfuðu að merkjasölunni og
börnum þeim og unglingum, -er
lögðu hönd að verki, enda gáfu
mörg þeirra sölulaun sín.
Með kærri kveðju.
Soffía Haraldsdóttir,
form. Kvenfél. Hringurinn.
Keyskapur gengur
rel í DýraférSi
ÞINGEYRI, 1. júlí. — Veðurfar’
hefur verið með eindæmum gott
undanfarið. Stöðugar blíður hafa
verið dag eftir dag. Bændur eru
farnir að slá fyrir nokkru og er
spretta mjög sæmileg. Heyið hef-
ur þornað vel, enda stöðugir hitar.
Fyrir helgina var víða hirt og
talsvert á sumum bæjum.
— Fréttaritari.
Ársnámskeið
á vegum SÞ.
NÆSTA ársnámskeið Sameinuðu
þjóðanna hefst í New York 13.
september n.k. og stendur til 12.
september 1958. Tilgangur þess
er að örva áhuga þátttakenda á
alþjóðasamstarfi og gefa þeim
tækifæri til náinna kynna af
starfsemi Sameinuðu þjóðanna
og sérstofnana þeirra.
Kennslan verður fólgin í fyrir-
lestrum, umræðufundum og því
að þátttakendur verða látnir
starfa í hinum ýmsu deildum
stofnunarinnar. M. a. er ætlazt
til að þeir starfi í um 4 mánuði
sem fyrirlesarar og leiðsögu-
menn ferðamannahópa, sem vilja
kynna sér starfsemi S.Þ. Skilyrði
til þátttöku eru að umsækjandi
sé á aldrinum 20—30 ára, hafi
a. m. k. lokið stúdentsprófi og
tali vel ensku.
Ferðakostnaður frá heimalandi
til New York og til baka verður
greiddur af S.Þ. og hver þátttak-
andi fær $ 240 í laun á mánuði,
enda hlíti hann öllum reglum
venjulegra starfsmanna S.Þ.
Utanríkisráðuneytið gefur all-
ar nánari upplýsingar og skulu
umsóknir sendar því í síðasta
lagi mánudaginn 15. þ. m.
(Frá utanríkisráðuneytinu).