Morgunblaðið - 06.02.1958, Side 14

14
MORGVMtLAÐIÐ
Fimmtudagur 6. febrúar 195íi
— Iðnrekendui’
Framh. af bls. 3
ina inn á við og þreifa fyrir sér
um störfin út á við. Félagsmönn-
um fjölgaði árlega, og starfsget-
an fór vaxandi.
A stríðsárunum var af ýmsum
ástæðum erfitt um vik með mikið
félagsstarf, en eftir lok heims-
styraldarinnar hóf félagið mjög
öfluga starfsemi, sem hefur á
margan hátt borið gifturíkan ár-
angur, m. a. í því að kynna þjóð-
inni íslenzkan verksmiðjuiðnað,
og hlut hans í þjóðarbúskapnum.
Viðfangsefnin hafa á þessum ár-
um verið mörg og margþætt.
Ekki er rúm til þess hér að
rekja sögu Félags ísl. iðnrekenda,
en félagsstjórnin hefur í undir-
búningi útgáfu afmælisrits, þar
sem saga þess verður rakin ýtar-
lega. Aðeins skal látið nægja að
drepa á fá verkefni, sem félagið
hefur fengizt við, en óhætt mun
að segja að F. í. I. hafi átt aðild
og forgöngu um flest þau mál, er
varða hagsmuni verksmiðjuiðn-
aðarins í landinu.
Frá stofnun félagsins og ávallt
síðan hefur Félag íslenzkra iðn-
rekenda látið tollamálin sig
miklu varða. Enda hefur tolla-
löggjöfin grundvallandi áhrif á
sköpun og þróun verksmiðjuiðn-
aðarins. Tollalög þau, er sett hafa
verið hér á landi, hafa fyrst og
fremst haft það markmið að afla
rikissjóði tekna. Voru þau lengi
á flestum sviðum iðnaðinum óhag
stæð, og óþægur ljár í þúfu. í
flestum tilfellum voru hráefni
jafn hátt tolluð og fullgerðar iðn-
aðarvörur, og stundum var tollur
hænri á hráefnum, en tilbúnum
vörum sömu tegundar.
Lagfæring á þessu efni þokaðist
áfram eftir því sem árin liðu en
stærsta sporið í þá átt að bæta
tollakjör iðnaðarins var stigið ár
ið 1954 fyrir atbeina F. f. I., en
það ár var tollskráin öll endur-
skoðuð með tilliti til iðnaðarins.
Iðnsýningar og önnur kynning
á íslenzkum iðnaði hefur frá önd-
verðu verið eitt af aðaláhuga-
málum F. í. I. Mest átak i þessu
efni gerði F. í. I. árið 1952 í sam-
vinnu við önnur félagssamtök
með Iðnsýningunni miklu, sem
gerbreytti áliti þjóðarinnar á
möguleikum iðnaðarins hér á
landi.
Það hefur því um langt árabil
verið dagskrármál iðnrekenda og
iðnaðarmanna að hér í bæ yrði
sköpuð varanleg aðstaða til iðn-
sýninga, en eins og kunnugt er er
ekkert húsnæði til í bænum. sem
hýst getur stórar vörusýningar.
Að lokinni iðnsýningunni 1952
hófst F. í. I. handa um undirbún-
ing málsins, og á sl. sumri var
stofnaður félagsskapur, Samtök
atvinnuveganna til þess að hrinda
máli þessu í framkvæmd. Hafa
þessi samtök nú gert samning við
Reykjavíkurbæ um byggingu stór
hýsis m. a. til sýningahalds á
mótum Suðurlandsbrautar og
fyrirhugaðs Þvottalaugavegar. en
jafnframt skuldbindur bærinn sig
til þess að láta í samvinnu við
Samtök atvinnuveganna skipu-
leggja framtíðar sýningarsvæði á
þessum stað og verður þeim gef-
inn kostur á því að reisa þar
sýningarskála. Iðnrekendur binda
miklar vonir við þessar fram-
kvæmdir, enda verður ekki um
það deilt, hve mikilvægt það er
fyrir atvinnuvegina að hafa mögu
leika á því að kynna framleiðslu-
vörur sínar með veglegum vöru-
sýningum, Ekki sízt er þetta mikil
vægt fyrir hinn unga íslenzka
iðnað, sem á tilveru sína undir
því komna, að landsmenn skilji
að „holt er heima hvað“, en einn-
ig er æskilegt að geta haldið
sýningar hér heima til þess að
kynna erlendum kaupendum
framleiðsluvörur okkar.
Eitt þýðingarmesta málið, sem
F. í. I. hefur barizt fytir var
stofnun Iðnaðarbanka íslands hf.
sem stofnaður var af félaginu og
Landssambandi iðnaðarmanna.
Bankinn hefur nú starfað í 5 ár
og hefur reynzt þess megnugur
að leysa mikinn vanda fyrir iðnað
inn, enda hafa iðnrekendur og
iðnaðarmenn skipað sér um bank
ann og eflt hann eftir mætti. Er
bankastofnunin mikilverðasti ár-
angur af ágætu samstarfi Lands-
sambands iðnaðarmannaog Félags
ísl. iðnrekenda til hagsbóta fyrir
iðnaðinn.
Af þeim málum, sem í dag eru
efst á baugi hjá F. í. I. má nefna
lagfæringu á skattalöggjöfinni,
þannig að mögulegt verði hér á
landi að stofna og starfrækja stór
fyrirtæki á sviði iðnaðar, m. a.
með erlendu fjármagni, en það
má heita útilokað. Þá leggur fé-
lagið áherzlu á aukin rannsóknar
störf í þágu iðnaðarins hér á
landi og skipulegar athuganir á
möguleikum á uppbyggingu stór-
iðnaðar með útflutning fyrir aug-
um. Einnig að slíkar rannsóknir
verði gerðar í samráði við ein-
staklinga og félög, sem áhuga
kynnu að hafa á því að hefjast
handa um framkvæmdir á við-
komandi sviðum.
Hinn kunni brautryðjandi í ís-
Vigdís sýnir dragt
(Myndirnar tók Þórarinn)
lenzkum iðnaði, Sigurjón Péturs-
son á Alafossi var formaður F.íll.
fyrstu 12 árin. Síðan var Kristján
Jóh. Kristjánsson formaður um
11 ára skeið, sem var mikili at-
hafnatími í sögu félagsins. Er
Kristján Jóhann lét af for-
mennsku í félaginu var hann
kjörinn fyrsti heiðursfélagi þess
í viðurkenningarskyni fyrir
ágæta forystu í félaginu og marg-
háttuð störf að velferðarmálum
íslenzks iðnaðar.
Núverandi formaður félagsins
er Sveinn B. Valfells en aðrir í
stjórn eru Gunnar J. Friðriksson
varaform., Sigurjón Guðmunds-
son, Axel Kristjánsson, Gunnar
Jónasson, Guðmundur Ágústsson
og Árni Jónsson.
Félag ísl. iðnrekenda minnist
afmælis síns annað kvöld með
samsæti að Hótel Borg.
Stokkseyri
Frá Stokkseyri eru nokkrir
b.átar byrjaðir að róa. Hafa þeir
aflað sæmilega. Þeir leggja aflann
upp í frystihúsið á Stokkseyri.
Bæði á Eyrarbakka og Stokks-
eyri hafa gæftir verið ágætar
síðustu daga og Tarimalítið.
Tízkosýníng í
UM ÞESSAR mundir eru
haldnar miklar tízkusýningar í
háborg tízkunnar París. Er nú
verið að taka fram vor- og
sumartízkuna, sem jafnan er
beðið eftir með mikilli eftir-
væntingu. Við hér á fslandi
reynum alltaf að fylgjast með
á hvaða sviði sem er og si.
mánudagskvöld var mér boðið
að horfa á tízkusýningu hér í
Austurbæj arbíói.
Það var að vísu ekki sýning,
sem kom fram með nýjar „línur“
eða vor- og sumarklæönað ein-
göngu. Sýningin líkist meir
þeim sem við höfum áður séð.
Sýning þessi fylgdi með á rokk-
hljómleikum danska „Tommy
Steel“ James Rassmussen. Fyrir
sýningunni stóð ungfrú Vigdís
Kjóll
Aðalsteinsdóttir, sem um þessar
mundir er orðin eitt frægasta og
snjallasta „módelið", sem við
höfum eignazt.
Fyrirtækin sem sýndu voru
kjólaverzlunin Bezt, sem sýndi
einn skíðagalla, og dag- og kvöld-
kjóla. Nokkrir af ullarkjólunum
vöktu mikla og verðskuldaða at-
hygli, m.a. skærgrænn, erma-
laus kjóll með poka í pilsinu. Þá
vakti mikla athygli rauðxöflótt
ullarpils (úr íslenzku efni) og
svört jersey-hettublússa. Segja
VITIÐ ÞER að ekkert ex betra til að þvo ur ull, silki og nælon en
Þér getið verið öruggar
með beztu ullarpeysuna yðar, ef þér þvoið hana úr
ÞVOL, því ÞVOL inniheldur nýtt efni, sem jafnframt
því að þvo vel, er algjörlega skaðlaust ullartaui, nælon
og silki.
"fir vel me8
hendup...
ÞVOL
Þ V O L hefir einnig
þann eiginleika að
skýra liti í ullartaui,
þvo jafnt í heitu sem
köldu vatni, og er
mjög létt í skolun. —
ÞVOL er því ákjós-
anlegt til þvotta á
barnataui.
Þ V O L er ótrúlega
drjugt.
Austurbæjarbíói
má að heildarsvipur kjólasýning-
arinnar hafi verið góður þótt
nokkrir taftkjólar væru með,
sem ekki voru fallegir.
Kápuverzlun Andrésar Andrés-
sonar sýndi kápur og voru flest-
ar þeirra sérlega fallegar. Sér-
staklega var falleg mosagræn
dragt skreytt skinni með sam-
svarandi 7/8 síddar kápu utan
yfir.
Hattarnir voru smekklegir en
látlausir frá Hattabúð Reykjavik-
ur. Þá sýndu tvö börn nokkra
barnaklæðnaði frá verzluninni
Eros og Anderson & Laut.
Sýningarstúlkurnar voru 4.
Ungfrú Vigdís Aðalsteinsdóttir,
sem tókst mjög vel upp, ungfrú
Guðrún K. Magnúsdóttir, sem
virðist þekkja þessa starfsgrein
mjög vel og var gaman að sjá
hve hún sýndi skemmtilega. Guð-
rún Einarsdóttir var heldur stirð
í hreyfingum en falleg stúlka og
loks sýndi Kristbjörg Þorvarðar-
dóttir með heldur litlum tilþrif-
um. Kynnir var Bragi Jónsson.
Undirleik annaðist Aage Lorange
með ágætum og hárgreiðslu Hár-
greiðslustofan Greiðan. — Hraði
sýningarinnar var alveg prýðileg-
ur, — en aðstæður eru ekki góð-
ar til tízkusýningar í Austurbæj-
arbíói.
Þótt alltaf sé gaman að sjá
tízkusýningu, þá finnst manni ó-
neitanlega dálítið undarlegt að
hún er höfð með rokk hljómlist,
þar sem gera má ráð fyrir að á-
heyrendur séu að mestu leyti
„rokk-óðir unglingar". Svo var þó
ekki á mánudagskvöldið, furðu
margt af fullorðnu fólki var á
hljómleikunum, þótt unglingarn-
ir vreru í meirihluta. — A. Bj.

Þorlákshafnar-
bátar veiða mest
ýsu
SELFOSSI, 5. febrúar. — Róðrar
hófust fyrir nokkru frá Þorláks-
höfn. Verða sennilega gerðir það-
an út um átta bátar í vetur og
verða það allt heimabátar. Gæftir
hafa verið sæmilegar undanfarið
og ágætar síðustu daga. Afli hef-
ur verið frekar tregur, allt ýsa
sem veiðist, en ágætur fiskur.
Aflinn er sendur hingað að Sel-
fossi og til Reykjavíkur, því ekk-
ert frystihús er í Þorlákshöfn.
Frá Eyrarbakka er einn bátur
byrjaður róðra, en þaðan verða
fleiri bátar gerðir út í vetur. Afli
hjá þessum báti hefur verið all-
góður, eða um þrjár lestir í róðri.
Hann leggur upp í frystihúsið
á Eyrarbakka.
— Guðmundur.