Morgunblaðið - 18.07.1963, Blaðsíða 23
MORGVnBLAÐ r*>
23
Fimmtudágur 18. julí 1963
Gjaldeyrisvand-
ræði vestan hafs
FRÁ því var skýrt í fréttum í
gær, að Bandaríkjastjórn
hefði ákveðið að hækka al-
menna bankavexti. Verða þeir
nú 3Hs%, í stað 3%.
Hér er um að ræða einn
þátt í fyrirhuguðum ráðstöf-
unum yfirvalda vestanhafs til
að tryggja gengi dollarans, og
þá um leið framtíð hans á al-
þjóðavettvangi.
Komið hefur fram að und-
anförnu, að fjármagnsflutn-
ingar frá Bandaríkjunum eru
meiri, en flutningur f jármagns
til þeirra.
Fjármálaráðherra Banda-
ríkjanna, Douglas Dillon, og
ráðherra sá, sem fer með pen-
ingamál, Robert V. Roosa,
fluttu 8. og 9. júlí sl. sérstaka
skýrslu fyrir efnahagsmála-
nefnd Bandaríkjaþings. í ljósi
þessara upplýsinga, og ann-
arra, sem safnað hefur verið
um bandaríska gjaldmiðilinn,
og stöðu hans, var vaxtahækk
unin ákveðin í gær.
í skýrslu sinni lýstu ráð-
herrarnir þeim atriðum, sem
helzt skipta máli, í þessu sam-
bandi, ekki aðeins fyrir banda
ríska ráðamenn, heldur alla
banka og bankamenn utan
Bandaríkjanna, sem hafa í
fórum sínum milljarða doll-
ara.
Helztu atriði greinargerðar
ráðherranna voru þessi:
• Dollarinn, ásamt gulli,
liggur til grundvallar gengi
gjaldmiðils vestrænna landa.
Gengi dollarans er nú í hættu.
• Einhvern veginn verð-
ur að reyna að stuðla að því,
að ekki hverfi meira af doll-
urum og gulli frá Bandaríkj-
unum, en þangað kemur er-
lendis frá. Mikið skortir nú á,
að slíkt jafnvægi náist.
• Ný alþjóðasamtök til að
veita fé til vaxandi alþjóða-
viðskipta yrðu vart til á svo
skömmum tíma, að þau gætu
talizt lausn á vandamálum líð-
andi stundar.
• Talið er víst, að sérhver
tilraun Bandaríkjastjórnar til
að leita á náðir alþjóðasam-
tuka, muni veikja traust á doll
aranum. Heppilegra sé, að
Kobert V. Roosa og Douglas Dillon.
lausnar á vandamálinu sé
leitað af stjórn Bandaríkjanna
sjálfra.
Eigi að vera um að ræða ein
hverja heildarlausn, þá verð-
ur hún eitthvað á þennan veg:
Hafa verður hagstæð áhrif á
þau öfl, sem stjórná fjármagns
flutningi til og frá Bandaríkj-
unum. Takist það ekki, má
gera ráð fyrir, að erlendir
bankar vilji skipta á dollur-
um sínum og hreinu gulli.
Ljóst er, að margháttaðar
ráðstafanir þarf að gera. —
Vaxtahækkunin á að hafa í
för með sér, að menn leitist
ekki við að ávaxta bandarískt
fjármagn sitt utan Banda-
ríkjanna, vegna hærri vaxta
annars staðar, t.d. í Evrópu.
Hvort það tekst, skal látið ó-
sagt, enda eru bandarísk blöð
og sérfræðingar ekki á einu
máli. Fyrsta skrefið hefur þó
verið stigið.
— Á sk'iðum
Framh. af bls. 13.
alla leið niður að skála um
nóttina. En sól skein alla daga
og kuldinn gerði skíðafærið
bara betra. Skíðakennararnir
og örfáir fullhugar stungu sér
á skíðum beint niður af tind-
inum og virtust brátt eins og
flugur á fleygiferð í fjallshlíð-
inni. Aðrir, sem höfðu í upp-
hafi verið svo bjartsýnir að
bera með sér skíði upp undir
efstu brekkuna, urðu nú nauð
ugir viljugir, að viðlagðri
sæmd sinni, að taka brekkuna
niður — í stórsvigi — og öf-
unduðu hina, sem aldrei höfðu
þótzt neinir kappar. Eftir þá
gönguferð var gott að halda
til Hveravalla og leggjast í
volga laugina.
Allt fram á miðjan dag á
laugardag kepptist fólk við að
nema skíðalistina. Það létti
mikið erfiðið, að komið hafði
verið fyrir tveimur traktorum,
sem drógu fólk á kaðli um 300
m upp í Keisinn og Fannborg-
ina.
Á sunnudeginum efndi ÍR
til sumarskíðamóts í Fann-
borginni, þar sem eru miklar
og góðar skíðabrekkur. Kom
því margt skíðafólk til Kerl-
ingarfjalla aðfaranótt laugar-
dagsins. Þann dag skilaði Jón-
as Kjerúlf okkar hópi í bæinn,
og átti að leggja af stað austur
með fólk á næsta námskeið
á sunnudagsmorgun.
Mikil aðsókn er að nám-
skeiðum þessum í sumar og
taka ákveðnir hópar sig gjarn
an saman. T.d. verður mikið
af læknum eina vikuna í sum-
ar og í ágúst hefur Skíðasam-
band fslands í hyggju að
senda 10 skíðamenn í Kerling-
arfjöllin til að þjálfa fyrir
Ólympíuleikana í Austurríki
næsta vetur. — E. Pá.
— /W/ðoð hefur
Framh. af bls. 1
hafs- og Varsjárbandalagsins
sem skilyrði fyrir takmörkuðu
tilraunabanni eins og óttazt var
eftir ræðu Krúsjeffs í Berlín 2.
júlí.
Að viðræðunum loknum í dag
bauð Gromyko Halisham og
Harriman til veizlu og sáu frétta-
menn ráðherrana, er þeir komu
til veizlunnar. Léku þeir þá á
als oddi.
Fréttaritari bandaríska stór-
blaðsins New York Times í
Moskvu, Seymour Topping, full-
yrti í dag, að næðist samkomu-
lag á þríveldaráðstefnunni, yrði
efnt til fleiri funda fulltrúa Aust-
urs og Vesturs til viðræðna um
öfyggismál Evrópu. Segir frétta-
ritarinn enn fremur, að Krús-
jeff hafi farið fram á sérstakar
viðræður um griðarsáttmála
Atlantshafs- og Varsjárbanda-
lagsins.
í Washington flaug það fyrir
í dag, að Bandaríkjamenn myndu
bjóða Rússum beinan griðarsátt-
mála meðan rætt væri um grið-
arsáttmáia varnarbandalaganna
tveggja. Talsmaður Hvíta húss-
ins vildi ekkert segja um þessa
fregn.
Heyskapurirm
gengur vel
VALDASTÖÐUM, 10. júlí. —
Sumir bændur eru þegar búnir
að hirða allmikið af vel þurri
töðu, enda heyskapartíð mjög
hagstæð. Grasspretta er sumstað-
ar ágæt, en þó dálítið misjöfn
eins og oft áður. Smalanir sauð-
fjár, tefja nú bændur frá slætti,
því enn er allmikið af fé órúið.
Styrkur
ÁKVEÐIÐ hefur verið að veita
efnilegum söngvara styrk úr
minningarsjóði Kjartans Sigur-
jónssonar frá Vík í Mýrdal.
Fyrsti söngvarinn, sem hlaut
styrk úr sjóðnum var Árni Jóns
son, óperusöngvari.
Þeir söngvarar, sem áhuga
kunna að hafa á styrk þessum,
sendi umsóknir sínar til Báru
Sigurjóns, Austurstræti 14, Rvík.
Hverfisgata — Hverfisgata (innanverð)
Unglingur óskast til þess að bera Morgunblaðið til
kaupenda við Hverfisgötuna innanverða.
Gjörið svo vel að tala við afgr., sími 22480.
Vegna sumarleyfa! Vegna sumarleyfa!
vantar Morgunblaðið unglinga nú þegar til blað-
burðarstarfa í liverfum í námunda við Miðbæinn.
Gjörið svo vel að tala við afgr. eða skrifstofuna.
fttnguttÞIafrifr
Sími 22-4-80.
— Mikil ræktun
Framhald af bls. 2.
manns hafi mætt. Segist formað
ur eiga glæsilegar minningar
um alla þessa hátíðisdaga og tel-
ur þetta eitt af því bezta sem
samtökin hafa beitt sér fyrir
í félagslífi sveitanna. Er jafn-
an til hátíðanna vandað og fyr-
irhöfn og annað er að gagni má
verða þá ekki sparað.
Formaður Búnaðarsambands-
ins, og jafnframt framkvæmda-
stjóri Ræktunarsambandsins og
jarðræktarráðunautur er Gunn-
ar Jónatansson Stykkishólmi.
Aðrir í stjórn eru Gísli Þórð-
arson, hreppstjóri, Mýrdal, og
Gunnar Guðbjartsson bóndi,
Hjarðarfelli.
Búfjárræktarráðunautur er
Leifur Jóhanesson Stykkishólmi.
Skemmtlferð Hringsins
Kvenfélagið Hringurinn í
Stykkishólmi fer sína árlegu
skemmtiferð á morgun. Verður
þetta 3 daga ferð um Suðurland
og eru þátttakendur nær 40 tals-
ins. Undanfarin ár hefur kven-
félagið gengist fyrir skemmtiferð
á hverju sumri og hefir jafnan
verið góð þátttaka í þeim.
Handfæraveiðar
Héðan eru nú aðallega stund-
aðar handfæraveiðar og hefir
afli verið misjafn í júní var hann
góður en síðustu daga hefir afli
verið tregari. Fiskurinn er smár
og er hann unninn í fiskiðjuver-
unum hér. Langróið er og bát-
arnir allt að 3 sólarhringa í
róðri. — Fréttaritari
— Minnjasafn
Framnald af bls 24.
sem nú eru um 1900 skrásettir,
en margt muna er enn óskrásett.
Safnið er á þrem hæðum og þó
er húsnæði þegar tekið að kreppa
að því. Safnvörður, Þórður Frið-
bjarnarson, hefur leyst af hendi
geysimikið starf við uppsetningu
mun'anna með smekkvisi og vand
virkni, auk þess sem hann hefur
annazt viðgerðir og skráningu.
ásamt aðgerðum á húsinu.
Safngripir eru mjög fjölbreyti-
legir og margir gamlir og merki-
legir.
Loks bauð stjórn Minjasafns-
ins gestum til kaffidrykkju að
Hótel KEA. Þar tóku til máls
Þórarin Eldjárn á Tjörn, einn af
frumkvöðlum minjasafnsmáls-
ins, Bragi Sigurjónsson, vara-
forseti bæjarstjórnar Akureyrar,
Ragnar Ásgeirsson, ráðunautur,
og Sveinbjörn Jónsson, fram-
kvæmdastjóri, sem jafnan hefur
sýnt safninu mikla rausn og vel-
vilja. Lýsti hann því nú yfir, að
hann gæfi nú til safnsins Borg-
undarhólmsklukku úr búi Þor-
steins Daníelssonar á Skipalóni.
Kveðjur bárust frá Ryels hjón-
um, Snorra Sigfússyni, sem
einnig sendi rausnarlega pen-
ingagjöf, og Eyfirðmgafélaginu
í Reykjavík, sem hyggst beita sér
fyrir fjársöfnun meðal burt-
fluttra Eyfirðinga til styrktar
minjasafninu. Jónas Kristjáns-
son þakkaði kveðjur, gjafir og
góðar óskir.
Gestir voru samdóma um, að
myndarlega væri af stað farið og
safnið ætti eftir að verða ey-
firzkri menningu til sæmdar og
styrktar. — Sv. P.
íbúð óskast
Höfum kaupendur að:
4ra herb. íbúð í risi eða kjallara, eða hæð í Smá-
íbúðarhverfi. Góð útborgun.
2ja herb. íbúð í nýlegu húsi í Vesturbænum. —
Útborgun kr. 250 þúsund.
3ja herb. íbúð á góðum stað. íbúðin þarf að vera á
hæð í nýlegu steinhúsi. Full útborgun lcemur
til greina.
Málflutningsskrifstofa
VAGNS E. JÓNSSONAR
Austurstræti 9. — Símar 14400 og 20480.