Morgunblaðið - 28.07.1965, Qupperneq 15

Miðviku(?a£ttr 28. júlí 1965
MORGUNBLAÐIÐ
15
Gísli Sigurbjörnsson:
Ellin og framtíðin
LÍKIÆGA hefir ýmsum brugðið,
sem lásu nýlega hér í blaðinu,
hvernig komið er í velferðarrík-
inu Svíþjóð í heilbrigðismálum.
Frá því var skýrt, að nýlega hafi
Svíar keypt sjúkrahús í Róma-
foorg til þess að geta látið hjúkra
Iþar sænskum langlegusjúkling-
um, sem fluttir yrðu frá Svíþjóð
þeirra erinda. Er nú svo komjð
þar í landi, að þrátt fyrir næg
fjárhagsleg efni — éða einmitt
þess vegna — þá geta Svíar ekki
starfrækt sjúkrahús sín sem
skyldi og verða því að grípa til
slíkra óyndisúrræða. Sjúkrahús
geta þeir reist. en fengið hjúkr-
unarlið og annað starfsfólk, það
er allt annað mál.
Hjá okkur er þetta ennþá ekki
orðið svona slæmt, þrátt fyrir
allt. Við reisum reyndar mörg
sjúkrahús og viðbætur við þau
þessi árin, og þarf á sínum tíma
fjöldann allan til þess að sjá um
þá starfsemi. En við þurfum nú
ekki almennt að hafa miklar
áhyggjur eða vangaveltur um
framtíðina. Þetta gengur ein-
hvern veginn — slarkast af, eins
og það er kallað. Þó eru þeir
nokkrir, sem halda, að betra væri
að hafa fyrirhyggju og nokkra
framsýni í þessum málum sem
öðrum, ef ekki á illa að fara.
Að undanförnu hefi ég verið
að hugsa um,' hvað til bragðs
skuli taka til þess að vekja at-
hygli og skilning þorra manna á
málefnum ellinnar. Þettá er ekki
nein ný hugsun og heldur ekki
frumleg. Árum saman hafa marg
ir verið að velta þessari alvar-
legu spurningu fyrir sér — hvað
verður um mig í ellinni? Svörin
eru margvísleg, en fjöldinn allur
veit þó ekki, hvert skal snúa sér,
í hvaða skjól skal venda. Um
allt þetta hefir þegar verið skrif-
að og talað oft og mörgum sinn-
um, svo að margir eru orðnir
ónæmir fyrir, en aðrir búnir að
fá ofnæmi. En miskunnarlaust
verður að hamra á þessum mál-
um, í þeirri von, að fleiri og
fleiri fari að hugsa um þau með
alvöru og að hafizt verði handa
um úrbætur, áður en í öngþveiti
er komið.
Borgarstjórn Reykjavíkur ernú
íarin að rumska — og er það
ágætt út af fyrir sig — en mörg
eru tækifærin glötuð, og verður
nú að freista þess að gera stórt
Og mikið átak í þessum málum,
til þess að úr greiðist.
íbúðir fyrir aldurhnigið fólk
eru nauðsynlegar, og verði nokkr
ar reistar á vegum Reykjavíkur-
foorgar. Er það byrjun á því, er
koma skal. Þörfin á hæli fyrir
geðveilt eldra fólk er mikii og
brýn. Hefir marg oft verið ritað
og rætt um þetta við ráðamenn
landsins, að maður tali nú ekki
um ráðanjenn borgarinnar. Ekk-
ert hefir þó verið gert. Allt situr
þetta við það sama, við rífumst
og deilum, en vesalingarnir bíða.
Biðin verður þeim mörgum of
löng og öllum árangurslaus. Og
svo erum við að halda okkur
mikla karla, en þessum aumustu
allra, þeim getum við ekki líkn-
að.
Þetta er skrifað sem gagnrýni
við yður, lesendur góðir, en ég
tel mig ekki sjálfan undanþeg-
inn. Þó er rétt að geta þess, að
í þessu máli hefur sú stofnun,
sem ég veiti forstöðu, oftar en
einu sinni komið með tillögur
um úrbætur, en allt hefur þetta
því miður verið árangurslaust.
Hversu lengi vont getur versnað,
veit ég ekki, en líklega verða
stjórnendur borgarinnar og lands
ins fyrst persónulega að verða
fyrir barðinu á þessum málum,
áður en eitthvað er að gert. „En
hvað varðar mig um hann Jón“?,
sagði maðurinn. Þáttur þeirra
mörgu, sem árum saman eru
rúmliggjandi sjúklingar, oft í
heimahúsum, er heldur ekki
neinn skemmti- eða gleðiþáttur.
Þetta fólk er oft illa statt og þá
ekki síður vandamenn þess og
ættingjar, sem hjúkra því og
annast. Reynt er að fá dvöl í
sjúkrahúsi, stundum fæst hún,
oft'aðeins um skamma stund, en
oftast er þó afsvar. Litlu betra
er að komast á vistheimili eða
hjúkrunarheimili. Venjulega^t er
svarið — því miður ekki hægt,
öll pláss fullsetin. Og þannig líða
árin, og svo þegar ellin færist
yfir, þá bætist fjöldinn allur við
þessa endalausu biðröð vonlausra
njanna. Dugnaður okkar íslend-
inga er með afbrigðum. Við fisk-
um' og fiskum, við seljum og
getum allt gert, eða svo finnst
okkur og Færeyingum, en að sjá
um gamla fólkið sem er orðið
lúið eftir langt og erfitt starf,
þessu fólki getum við ekki hjálp-
að við höfum gleymt því í öllum
hraðanum, í öllu stríðinu fyrir
að fá íbúð og bíl. Líklega þykir
ýmsum þetta fullsagt og sumt
ósanngjarnt, og má vera að segja
megi þetta allt með öðrum orð-
um og án tilfinninga. En hvað
mynduð þér segja og gera í mín-
um sporum? Þér hafið í áratugi
verið að vinna í þessum málum.
Þér hafið fengið kynni af fjöl-
þættu þjóðarvandamáli og þér
vitið, að unnt er að leysa málin
með samvinnu, skipulagi og um
fram allt með þrotlausu starfi.
Og þér horfið eftir árunum, sem
líða. Þér eruð bráðum sjálfir
komnir á efri ár og þegar þér
lítið yfir veginn, þá finnst yður
svo sáralítið hafa áunnizt. Jú, að
vísu eru stofnanir orðnar fleiri,
vistplássin líka, en þér hugsið
oft um — líklega of oft — hvað
hefði verið hægt að gera, ef —
ef....
Já, þessi ef eru mörg og hvert
þeirra er merki um glatað tæki-
færi til framkvæmda í málum,
sem þjóðina alla varða.
En nú er farið að rofa til. Söfn-
uðir landsins eru sumir farnir að
sinna líknarmálum meira en áð-
Ur. þó alveg sérstaklega málefn-
um ellinnar. Þetta er mörgum
gleðiefni. Kirkjan hefir, sem bet-
ur fer, enn mikil og góð áhrif,
og þau munu efalaust aukast og
eflast. þegar söfnuðir landsins
fara að sinna líknarmálum af lífi
og sál. Vonandi verður þess ekki
langt að bíða, að árangurinn af
því starfi, sem nú er hafið verði
öllum sjáanlegur, en fyrst og
fremst, að hann verði mörgum
til hjálpar og blessunar.
Gísli Sigurbjömsson.
Heildarsýn yfirl
veðrið I
heiminum
Mót bindindismanna i
Vagiaskógi um helgina
Myndamósaik þetta hefur
1 verið gert úr 450 ljósmyndum, l
sem teknar voru á 24 klst. 13.
febrúar sl. úr veðurathugana-
hnettinum Tiros IX. Hvíta,
lárétta línan, sem dregin er
yfir myndina og merkir mið
baug, og hvíta línurnar á út-
jöðrum meiriháttar lands-
svæða eru dregnar á banda-
rísku Veðurstofunni. Ljósustu
hlutar myndamósaiksins
merkja skýjabreiður, eða þær
sem undir eru heimskauta-
svæðinu, ísbreiður. örin efst
á myndinni sýnir ísland.
Landssvæði eru dálítið ljósaril
en höfin. y
Tiros IX. var skotið á loft 22. i
| janúar, 1965, frá Kennedy- ,
höfða í Flórída. (Frá Upplýs-
ingaþjónustu Bandaríkjanna.)'

Akureyri,' 22. júlí.
BINDINDISMÓT verður haldið
í Vaglaskógi um verzlunarmanna
helgina, og ver'ður það með líku
sniði og sams kónar mót, sem
þar var haldið í fyrra og á veg-
um sömu félagssamtaka að
mestu, en þau eru íþróttabanda-
lag Akureyrar, Héraðssamband
Þingeyinga, Ungmennasamfoand
Eyjafjarðar, Þingstúka Akureyr-
at;, Æskulýðsráð Akureyrar,
Skátafélögin á Akureyri og
Æskulýðsráð Akureyrar, Skáta-
félögin á Akureyri og Æskulýðs-
samfoand kirkjunnar í Hólastifti.
Framkvæmdastjóri mótsins verð
ur Þóroddur Jóhannsson.
Mótið er ekki haldið í fjáröfl-
unarskyni, enda verður verði á
aðgöngumiðum og veitingum í
hóf stillt, eins og kostur er á,
til þess að auðvelda sem 'flestum
að sækja mótið. Skógarmótið í
fyrra sóttu um 3000 manns og
fór það ágætlega fram. Sýndi
það, að ungt fólk getur og vill
koma saman til áð skemmta sér
á fögrum stað án þess að hafa
vín um hönd, enda er það til-
gangur og markmið þeirra, sem
að mótinu standa. Þar verður
algerlega bannað að vera með
eða drekka áfengi, og verður
hver sá, sembrjóta kann það bann
fjarlægður þegar í stáð, en á stað
num verður öflugur vörður lög-
reglu og eftirlitsmanna.
Dagskrá mótsins verður í aðal
atriðum á þessa leið:
Laugardaskvöldið 31. júlí kl.
20.00 verður mótið sett í Stóra-
rjóðri, en síðan fara fram ýmis
skemmtiatriði. Þau annast m.a.
Smárakvartettinn á Akureyri,
Ómar Ragnarsson og skátar frá
Akureyri, en um mfðnættið verð
ur varðeldur og flugeldasýning
í Hróarsstaðanesi. Þá verður
dansleikur í Brúarlundi frá kl.
21:00 til kl. 3 eftir miðnætti.
Á sunnudaginn leikur Lúðra-
sveit Akureyrar kl. 13:00, en
kl. 13:30, hefst messa, þar sem
sr. Þórir Stephensen á Sauðár-
króki prédikar. Eftir messu
skemmta sömu skemmtikraftar
og kvöildið áður, en síðan hefst
íþróttakeppni. Kvennaflokkur úr
ÍBA og HSÞ keppa í handknatt-
leik, og III. fl. úr Þór, KA, UMSIE
og HSÞ keppa í knattspyrnu. Þá
verður keppt í starfshlaupi og
e.t.v. dráttarvélaakstri — Um
kvöldið verður svo kvöldvaka
með gamanþáttum gamanvísum,
einsöng o.fl. — Dansa’ð verður
í Brúarlandi til kl. 2 eftir mið-
nætti. — Mótinu verður formlega
slitið eftir hádegi á mánudaginn.
Mikil undirbúningsvinna hefir
verið af hendi leyst og mun
verða unnin í sambandi við mót
þetta, og mun að því vinna um !
200 manns. Varðmenn verða við !
tjaldstæðin allan tímann, 'og ,
einnig verður sjúkra- og slysa- ,
varzla, meðan á mótinu stendur. !
Beint símasamband verður við .
Akureyri og talstöðvasamfoand
milli einstakra starfshópa í skóg-
inum. Ýmsar veitingar verða
seldar, svo sem skyr, mjólk,
grautar, pylsur, heitir og kaldir
drykkir og m.fl., aðallega á veg-
um kvenfélagsins í Fnjóskadal.
Ferðir verða frá ferðaskrif
stofum á Akureyri alla mótsdag-
ana. — Sv. P.
T rúlof unarhr ingar
H A L L D O R
Skólavörðustíg 2.
Hafnarfjörður — Hafnarfjörður
Leikja- og Iþróttakennsla
hefst að Hörðuvöllum, fimmtudaginn
29. júlí.
Piltar og stúlkur 8 — 10 ára mæti kl. 9 f.h.
Piltar og stúlkur 7 og 8 ára mæti kl. 1,30 e.h.
Piltar og stúlkur 11 — 13 ára mæti kl. 3 e.h.
Öllum börnum heimil þátttaka.
Innritun á staðnum.
(Hafið strigaskó meðferðis).
m-
Æsku/ýðsráð Hafnarfjarðar
íþróttabandalag Hafnarfjarðar