Morgunblaðið - 08.04.1976, Blaðsíða 5

MORGUNBLAÐIÐ, FIMMTUDAGUR 8. APRlL 1976
Lionshreyfingin:
Rauða fjöðrin til
styrktar vangefnum
I FRÉTTATILKYNNINGU frá
Lionshreyfingunni á Islandi kem-
ur fram að hreyfingin er 25 ára á
þessu ári. Á síðasta umdæmis-
þingi var ákveðið að minnast
þessara tímamóta með sameigin-
legu átaki allra Lionsklúbba á
landinu með því að selja Rauðu
fjöðrina til styrktar vangefnum.
Söfnunarfénu á að verja til tækja-
og áhaldakaupa í öllum landshlut-
um og mun salan fara fram dag-
ana 9, 10. og 11. apríl.
Lionshreyfingin hefur áður
gengizt fyrir landssöfnun en þá
var Rauða fjöðrin seld í þágu
sjónverndar. Var fénu sem þá
nam um 5 millj. kr. einkum varið
til að byggja upp fullkomna að-
stöðu fyrir augnsjúklinga á
Landakotsspitalnum og einnig
voru keypt tæki til sjónprófunar
sem dreift var um allt land til að
leita að gláku á frumstigi, en
gláka var þá langtum útbreiddari
hér en f nágrannalöndunum.
Sölu á Rauðu fjöðrinni er þann-
ig háttað að Lionsklúbbarnir
skipuleggja sjálfir söluna hver í
sínu byggðarlagi og nágrenni
þess. Á Islandi eru nú starfandi
72 Lionsklúbbar og eru i þeim um
2.600 félagar. Gert er ráð fyrir að
gengið verði i flest hús á Islandi.
Þá kemur fram í fréttatilkynn-
ingunni að margvisleg verkefni
biði nú úrlausnar fyrir vangefna
en þeir eru nú um 1500 á landinu
en aðeins er rúm fyrir 400 þeirra
á stofnunum. Nauðsynlegt er að
byggja skóla fyrir þetta fólk enda
hægt að þjálfa það ótrúlega mikið
ef byrjað er á unga aldri. A Vest-
ur- og Austurlandi eru engin
heimili fyrir vangefna en viðkom-
andi aðilar á þessum stöðum hafa
ákveðið að beita sér fyrir bygg-
ingu heimila fyrir þetta fólk.
Það er von þeirra sem að þess-
ari söfnun standa, að almenning-
ur taki vel á móti þeim sem selja
Rauðu fjöðrina og stuðli þannig
að bættri aðstöðu vangefinna hér
á landi.
Á fundi sem boðaður var af
þessu tilefni kom einnig fram að
Lions hreyfingar eru starfandi í
147 löndum í liðlega 28 þús.
klúbbum.
Sýning á textíl
NU stendur yfir I Norræna
húsinu sýning á textílverkum frá
Svlþjóð. Er hún opin daglega frá
kl. 14—22 fram yfir páska eða til
19. aprfl.
Verkin eru eftir félaga I svo-
nefndum „Textilgruppen" sem er
hópur textílhönnuða eða nánar
tiltekið 44 listakvenna, sem reka
sýningarsali og verzlun við St.
Pálsgötu i Stokkhólmi. Hópurinn
hefur haldið sýningar viða í
Svíþjóð við góðar undirtektir, og í
haust sýndi hópurinn í
Washington. Á sýningunni eru
ýmiss konar textilverk, svo sem
myndvefnaður, tauþrykk og
textll-skúlptúr, og eru flest verk-
anna til sölu. Fjórir textilhönnuð-
ir komu með sýninguna hingað og
settu hana upp, þær Kristina
Laurent, Tania Alyhr, Margareta
Röstin og Asa Bengtsson.
INYSKIPAÐUR sendiherra Chile, hr. Mario Rodriguez, afhenti á
miðvikudag forseta tslands trúnaðarbréf sitt að viðstöddum
utanríkisráðherra Einari Agústssyni. Sfðdegis þá sendiherrann
boð forsetahjónanna að Bessastöðum ásamt fleiri gestum.
Sýning á vélsleðum
Á MÁNUDAG var opnuð sýning á
vélsleðum og ýmsu fylgjandi
þeim í húsnæði Gisla Jónssonar &
Co í Sundaborg, Klettagörðum 11.
Sýningin er haldin í sameiningu
af Gisla Jónssyni o§ Co og Véla-
borg. Mun hún standa yfir fram á
sunnudag.
Hjá Þorsteini Baldurssyni feng-
um við þær upplýsingar að hér
væri á ferðinni fjölbreyttasta
sýning þessarar tegundar á
Islandi. Á sýningunni eru átta
sleðar af mismunandi tegundum
og gerðum svo og kerrur undir
sleðana, sleðar sem hengdir eru
aftan í vélsleðana og ýmislegt
fleira viðvíkjandi vélsleðaakstri.
Þá eru á sýningunni búningar
sem hentugir eru við vélsleða-
akstur, hjálmar o.m.fl.
Sýningin er opin daglega frá
9—6, á laugardag frá kl. 10—6 og
á sunnudag frá kl. 2—6.
BJÖRG Vík, höfundur leikrits-
ins Fimm konur sem frumsýnt
verður í Þjóðleikhúsinu I kvöld
er nú stödd hér á landi I boði
Norræna hússins þar sem hún
mun kynna verk sln og lesa úr
þeim.
1 fréttatilkynningu frá
Norræna húsinu segir að sagt
hafi verið um Björg Vik að hún
sé ein af fáum rithöfundum
sem njóti almennra vinsælda.
Hún er einkum smásagnahöf-
undur og fyrsta smásagnasafn
hennar, Söndag eftermiddag,
kom út 1963. Auk smásagnanna
hefur hún skrifað tvö leikrit,
Hurra det ble en kvinne og To
akter for fem kvinner (1974),
sem hefur verið sýnt víð miklar
Höfundur „Fimm
kvenna” hér á landi
vinsældir og var m.a. sýnt i
fjórum leikhúsum samtímis í
Noregi og verður nú sýnt hér í
Þjóðleikhúsinu.
Málefni kvenna hafa verið
Björg Vik ofarlega í huga og í
verkum sínum fjallar hún um
samskipti karls og konu og
vandamál kynjanna og hvernig
þau megi leysa. I fyrstu var
hún bara fræg i heimalandi
sinu en nú hefur hróður henn-
ar borizt til annarra Ianda og
smásögur hennar hafa víða
birzt i úrvalsritum margra
landa segir i fréttatilkynning-
unni.
Björg Vik er blaðamaður að
mennt og hefur unnið í mörg ár
við það starf og hún stóð m.a. að
útgáfu nýs kvennablaðs í
Noregi, Sirene, sem fyrst kom
út 1973.
I dag kl. 14.15 ræðir Björg
Vik um leikrit sitt Fimm konur
í Norræna húsinu en á sunnu-
dag mun hún lesa úr verkum
sinum á sama stað.
Erdýr
chrome —
helmingi meira viröi
en nýja
X1000
kasettan?
Við vitum að svo er ekki
og þekktir atvinnutónlistarmenn
eru því sammála.
En þú!
X 1000 60 — 90 mín
Einnig til:
EMimiPi
Hy — Dynamic
60 — 90 —
120 mín
Gerið verö og
gæða samanburð
•2-___' ív.;
FÁLKINN
Suðuriandsbraut 8 — sími 84670