Morgunblaðið - 25.05.1976, Blaðsíða 24

24
MORGUNBLAÐIÐ, ÞRIÐJUDAGUR 25. MAÍ 1976
Evrópukeppni landsliða:
Mœtast Vestur-Þjóðverjar
og Hollendingar í úrslitum?
EINS og flestir bjuggust við, veröa þaö Holland, Vestur-Þýzkaland, Júgóslavía og
Tókkóslóvakía, sem leika í undanúrslitum Evrópukeppni landsliða. Seinni leikir
8-liöa úrslitanna voru leiknir á laugardaginn og unnu þá Vestur-Þjóðverjar Spán-
verja 2:0, Hollendingar unnu Belga 2:1, en jafntefli gerðu Walesbúar og Júgóslavar
1:1 og Sovétmenn og Tékkar 2:2.
í fyrri leikjum lióanna, sem fram fóru í byrjun maí, sigruðu Júgóslavar Walesbúa
2:0 og því samanlagt 3:1, Tékkar unnu Sovétmenn 2:0 og því samanlagt 4:2,
Hollendingar unnu Belga 5:0 og því samanlagt 7:1 og Spánverjar og Vestur-
Þjóðverjar gerðu jafntefli 1:1, en Þjóðverjar unnu samanlagt 3:1. Vestur-Þjóðverjar
eru núverandi Evrópumeistarar landsliða, báru sigur úr býtum í keppninni 1972, en
tveimur árum síðar tryggði liðið sér svo heimsmeistaratitilinn, eins og menn eflaust
muna.
I undanúrslitunum mæta Vestur-Þjóðverjar Júgóslövum og Hollendingar mæta
Tékkum. Það er því allt útlit fyrir það, að úrslitaleikurinn verði milli Vestur-
Þjóðverja og HolJendinga og yrði þá um að ræða endurtekningu á úrslitaleik HIVI
1974, en þann leik unnu Þjóðverjar 2:1.
Franz Beckenbauer og Helmut Schön, mennirnir, sem staðið hafa að baki velgengni v-þýzka landsliðsins
undanfarin ár.
Vestur-Þgzkatand - Spánn 2:0
Vestur-Þjóðverjar, núverandi
heimsmeistarar og Evrópumeist-
arar, komust átakalftið í undanúr-
slit EM með því að sigra Spán 2:0
f Miinchen á laugardaginn að við-
stöddum 77.600 áhorfendum.
Liðið lók af öryggi f vörninni og
var ákveðið f sóknaraðgerðum
sínum og virðist stefna að enn
einum sigri f stórmóti. Keisarinn
Franz Beckenbauer var sem fyrr
potturinn og pannan í leik liðsins,
en hann lék þarna sinn 55 lands-
leik í röð, sem er nýtt met.
Komist Þjóðverjar f úrslit keppn-
innar, leikur Beckenbauer
þar sinn 100. landsleik fyrir
Vestur-Þjóðverja. Velgengni
hans hefur verið einstök, hann
hefur verið fyrirliði heims-
meistaraliðs og Evrópumeistara-
iiðs, fyrirliði Bayern Miinchen,
sem þrisvar f röð hefur orðið
Evrópumeistari félagsliða, og auk
þess hefur hann unnið ótal titla í
heimalandi sínu.
Spánverjar sóttu mun meira í
byrjun og snemma í leiknum áttu
þeir skot í þverslá. En á 17. mín-
útu tóku Þjóðverjar forystuna
þegar Uli Höness skallaði boltann
laglega i netið eftir fyrirgjöf
Beer, en Höness var þarna að
leika sinn fyrsta landsleik eftir
árs fjarveru vegna meiðsla. Við
þetta mark var mestur vindur úr
Spánverjum og Klaus Toppmöller
arftaki Gerd Miiller, bætti við
marki eftir að Angel, markvörður
Spánverjanna, hafði hálfvarið
skot frá Beckenbauer. Spánverjar
komu knettinum einu sinni í net-
ið, rétt fyrir Ieikslok, og var Quini
þar að verki, sá sami og hafði fyrr
skotið í þverslána, en markið var
dæmt af vegna rangstöðu.
Wales - Júgóslavía 1:1
LEIKUR Wales og Júgóslavíu í
Cardiff var mjög sögulegur. Tvö
mörk. skoruð af John Toshack,
voru dæmd af við litlar vinsældir
áhorfenda og var stanzlaust pípt á
dómarann, Rudi Clöckner frá
Vestur-Þýzkalandi. Auk þess
brást Terry Yorath bogalistin í
vítaspyrnu þannig að Wales átti
sér ekki viðriesnar von. Leikur-
inn endaði 1:1 og Júgóslavfa
komst áfram f Evrópukeppninni.
Júgóslavía náði forystunni á 18.
mínútu, þegar Katalinski skoraði
úr vítaspyrnu. Á 39. mínútu jafn-
aði Ian Evans metin fyrir Wales
upp úr hornspyrnu.
í seinni halfleik færðist fjör í
leikinn. Toshack skoraði mark en
það var dæmt af vegna þess að
dómarinn taldi John Mahoney
sýna háskaleik þegar hann sendi
boltann til Toshack með hjól-
hestaspyrnu. Áhorfendur ruddust
inn á völlinn svo að hlé varð að
gera á leiknum. Hótaði dómarinn
að flauta leikinn af ef ekki
færðist ró á mannskapinn. Eftir
þetta skoraði Toshack annað
mark, en það var dæmt af vegna
rangstoðu. Loks fimm minútum
TEKKAR komust f undan-
úrslit EM með því að slá Sovét-
menn óvænt úr keppninni en
örugglega. Sovétmenn tefldu
fram liði Dynamo Kiev sem
landsliði, sama liði og lék hér
gegn Akranesi á Melavellinum
f fyrrahaust. Seinni leiknum
lauk 2:2, en hann fór fram í
Kiev á laugardaginn. Fyrri
leikinn unnu Tékkar 2:0.
Framherjinn Moder var
heldur betur á skotskónum
fyrir Tékka á laugardaginn.
Sovétmenn sóttu mun meira í
fyrri hálfleik en gátu ekki
brotið niður vörn Tékkanna.
fyrir leikslok misnotaði Yorath
vítaspyrnu fyrir Wales. Mark-
vörður Júgóslava gerði sér lítið
fyrir og varði spyrnuna.
Þýzki dómari bókaði 4 leik-
menn í þessum sögulega leik.
Svo var það á 44. mínútu að
Moder skoraði stórglæsilegt
mark af 30 metra færi, sem
hinn hávaxni markvörður
Rudakov átti ekki möguleika
að ná.
Þegar 8 mínútur voru liðnar
af seinni hálfleik jafnaði
Burayak fyrir Sovétmenn.
Þannig var staðan þar til á 84.
mínútu að Moder bætti við
marki fyrir Tékka eftir fallega
sóknarlotu. En Sovétmenn
jöfnuðu aftur þremur mínút-
um síðar og var þar að verki
bezti knattspyrnumaður
Evrópu, Blokhin.
Sovétrðdn - Tékkóstóva/da 2:2
Leighton James, einn leikmanna Wales, sem urðu að bfta f það súra
epli að ná aðeins jafntefli gegn Júgóslövum, þrátt fyrir að lið Wales
hefði yfirburði f leiknum.
Betgía -Hotland 1:2
HOLLENZKA landsliðið virðist
vera f miklu stuði ef miðað er við
útreiðina, sem belgfska landsliðið
fékk hjá þvf f Evrópukeppninni.
Fyrri leikinn unnu Hollending-
arnir 5:0 og þann seinni 2:1 f
Briissel f Belgfu á laugardaginn.
En þrátt fyrir tapið á laugardag-
inn var belgfski landsliðsþjálfar-
inn Guy Thys ekki óánægður með
útkomuna. Hann er að þreifa fyr-
ir sér með nýtt lið og t.d. léku 5
nýliðar með á móti Hollandi. Eins
og menn muna, drógust Holland
og Belgfa með tslandi í riðil f
undankeppni heimsmeistara-
keppninnar og leika bæði liðin
hér á landi f haust.
Ekki voru liðnar nema 7 mínút-
ur af leiknum þegar varnarmaður
Belganna, Maertens, handlék
boltann inni í vítateig, en Johnny
Neeskens skaut langt framhjá úr
vítinu. Belgarnir tóku sfðan for-
ystuna með marki Roger van Cool
eftir að hann hafði fengið boltann
frá félaga sínum Vandereycken.
Hollendingarnir sóttu allmikið í
fyrri hálfleik en nýliðin Pfaff í
marki Belganna varði vel. En
hann réð ekki við skot Rep á 63.
mínútu, sem jafnaði metin fyrir
Holland, en Rep fékk boltann eft-
ir góða sóknarlotu Cruyff og
Kraay. Og á 78. mínútu skoraði
Cruyff sjálfur sigurmark Hol-
lendinga úr mjög þröngri aðstöðu.
1 Reutersfrétt er þess sérstaklega
getið, að Hollendingurinn
Rensenbrink, sem leikur í Belgiu,
hafi varla komið við boltann leik-
inn út í gegn.
Danir unnu stór-
sigur gfir Kgpur
DANIR unnu stórsigur yfir Kýp-
ur um helgina. Þetta var fyrsti
leikur f undankeppni Heims-
meistarakeppninnar 1978. Leikið
var í Limasol á Kýpur og unnu
Danir 5:1, en f hálfleik var staðan
3:1.
Kýpur tók forystuna á 9. mín-
útu með marki Michael, en Danir
byrjuðu brátt að raða niður mörk-
unum. Mörk þeirra gerðu Allan
Simonsen, Niels Tune Hansen,
Ole Rassmusen og Lars Bastrup
(2). Kýpurbúar gerðu ekki fleiri
mörk þótt þeir fengju mörg góð
tækifæri í leiknum.
Sovétmenn unnn Brela
428:253ílanfckqipni
í frjálsnm íþrótiuni
SOVETRlKIN sigruðu Bretland örugglega f frjálsfþróttalands-
keppni, sem háð var f Kiev f Sovétrfkjunum um helgina. Unnu
Sovétríkin samanlagt með 428 stigum gegn 253, f karlagreinum
254:153 og 174:100 f kvennagreinum. Sovétmenn unnu sigur f 26
greinum en Bretar 8.
Þrátt fyrir yfirburði Sovét-
manna var það 19 ára brezk
skrifstofustúlka frá Birming-
ham, Sonia Lannaman, sem
vakti mesta athygli. Fyrri dag
keppninnar hljóp hún 100
metrana á 10,75 sek., sem er
bezti tími, sem kona hefur náð
í vegalengdinni, en vegna of
mikils meðvinds fæst metið
ekki staðfest. Og daginn eftir
setti hún brezkt met f 200 metra
hlaupi er hún hljóp á 22,6 sek.
Binda Bretar miklar vonir við
ungfrúna á Olympiuleikunum í
sumar.
1 1500 metra hlaupi náði Lud-
mila Bragina bezta tíma ársins
er hún hljóp á 4,06,0 mín og í
100 metra grindahlaupi náði
Anisimova, Sovétrikjunum,
bezta tíma ársins, 12,75 sek.
I karlagreinum voru Sovét-
menn beztir nema helzt í lang-
hlaupum. I kúluvarpi háðu
Alexander Baryshnikov og
Geoff Capes hörkukeppni og
hafði Sovétmaðurinn betur
með 21,31 metra kasti á móti
21,15 m hjá Capes. Sovétmenn
náðu prýðilegum árangri i
mörgum greinum. Til dæmis
stökk Budalov 2,21 m f
hástökki, Peraverzev stökk 8,21
m í langstökki, Prokhorenko
stökk 5,50 m í stangarstökki og
Spilidonov kastaði 78,62 metra í
sleggjukasti.
Bonavena myrtnr
ARGENTlSKI þungaviktarhnefaleikarinn Oscar Bonavena var
myrtur f gleðihúsi einu í Nevada í Bandarfkjunum um helgina.
Bonavena, sem var 33 ára gamall, var 7. f röðinni á áskorendalista
heimsmeistarans Alis. Hann þótti harður f horn að taka og hafði
keppt við alla helstu boxara heimsins.
Öryggisvörður einn f gleðihúsinu er f haldi lögreglunnar,
grunaður um að hafa skotið Bonavena með riffli. Gleðihúsið er f
eigu manns nokkurs, sem sá um framkvæmd á sfðasta bardaga
hnefaleikarans. Lögreglan er með málið f rannsókn, en kona
Bonavena hefur sagt að hann hafi á síðustu dögum fengið
morðhótanir og síðustu viku var framið innbrot þar sem hann
bjó.