Morgunblaðið - 25.05.1976, Blaðsíða 38

38
MORGUNBLAÐIÐ, ÞRIÐJUDAGUR 25. MAI 1976
Litir gera lífió
fjölskrúóugt
Hversdagsleikinn í daglegu lífi er grárri en
góðu hófi gegnir.
Andstæða þessa gráma eru litir náttúrunnar,
sem vekja gleði í brjósti þess, er gengur á vit
þeirra.
Litirnir frá Hörpu standast ef til vill ekki sam-
anþurð við litadýrð náttúrunnar, en þeir geta
vikið hversdagsleikanum til hliðar og hresst
upp á tilveruna.
LÁTIÐ HÖRPU GEFA TÓNINN
LÍF Í LITUM ER ÁNÆGJULEGRA
Milljónatjón þegar vél-
smiðja í Njarðvíkum brann
MILI.JÓNATJÓN varð ( bruna f
Innri-Njarðvík I gærmorgun.
Kom upp eldur ( vélsmiðjunni
Kópu sf. og má segja að vél-
smiðjan hafi brunnið til kaldra
kola.
Hús vélsmiðjunnar er ónýtt,
en það var 150 fermetra
járnklætt timburhús. Sömule.lis
eru verkfæri og vélar smiðjunnar
stórskemmdar eða ónýtar, en eig-
andinn telur verðmæti véla og
verkfæra 4—5 milljónir króna.
Það er því ljóst að þarna hefur
orðið stórtjón. Vélarnar voru
flestar nýlegar.
Slökkviliðið í Keflavík var kall-
að að vélsmiðjunni klukkan 7.50 í
gærmorgun. Var þá þegar orðinn
mikill eldur og magnaður og þeg-
ar tókst að ráða niðurlögum hans,
var húsið að mestu fallið. Talið er
líklegt að kviknað hafi í út frá
kyndingu.
—■ Algjör þögn
Framhald af bls. 1
dag: „Skjótur friður í
þorskastrfði ólíklegur".
Fréttamaður blaðsins, Pet-
er Niesewand, hefur eftir
Crosland: „Ég veit af við-
ræðum mínum í Ósló að
enn er nokkuð langt í land.
Ég trúi því að samkomulag
sé mögulegt en það er enn
langt í frá öruggt. Allt, og
ég endurtek, allt veltur nú
á því sem gerist í Reykja-
vík á næstu tveimur dög-
um.“
Þá er haft eftir Crosland á
fundi i Grimsby: „Það er ekki satt
að ég hafi verið undir gífurlegum
þrýstingi af hálfu NATO á meðan
ég var í Osló í síðustu viku um að
leysa deiluna við íslendinga. Vita-
skuld vill NATO samkomulag
vegna þess að deilan hefur áhrif á
varnir þess á norðurhluta banda-
lagssvæðisins. En það er greini-
legt að önnur NATO-lönd lita
ekki svo á að það séu Bretar sem
hegði sér á óábyrgan hátt.“
Niesewand segir ennfremur i
frétt sinni að þrátt fyrir það að
brezka rikisstjórnin vilji ekki láta
neitt uppi um Oslóarviðræðurnar
i einstökum atriðum sé „talið að
viðræðurnar hafi ekki snúist um
árlegt aflamagn í tonnum sem
brezkum togurum yrði heimilt að
veiða á hinum umdeildu miðum
heldur fremur um raunverulegan
fjölda skipa sem hleypt yrði inn á
svæðið."
BEÐIÐ EFTIR
ISLENDINGUM?
Malcolm Rutherford skrifar í
Financial Times að „samkomulag
i þorskastríðinu milli Bretlands
og Islands sé komið undir ríkis-
stjórnarfundinum í Reykjavik í
dag“. Hafi að mestu verið gengið
frá nokkrum grundvallaratriðum
í Ösló „en brezka ríkisstjórnin
óttast enn að þau verði ekki talin
aðgengileg fyrir islenzku ríkis-
stjórnina í heild“. „Þess vegna,“
heldur hann áfram, „hafa Bretar
frestað að tilkynna um ákvörðun-
ina um að stöðva flotavernd við
brezka togara á hinum umdeildu
miðum. Þessi ákvörðun hefur
verið tekin efnislega, en fram-
kvæmd hennar veltur á því að
traust trygging fáist fyrir þvi frá
íslenzku ríkisstjórninni um að
hinar formiegu viðræður um sam-
komulag báðum aðilum í hag geti
skjótlega hafizt“.
Daily Telegraph segir í frétt
sinni að brezkir embættismenn
vilji ekki gera of mikið úr sam-
komulagshorfum, því það sé bitur
reynsla að Islendingar hafi á síð-
ustu stundu halað í land.
Bæði The Guardian og The
Times skýra stuttlega frá ásök-
unum Kristins Arnasonar, skip-
herra á Ver, á hendur John Tait,
skipherra á Leander, um „morð-
tilræði", en Times hefur eftir
talsmanni varnarmálaráðuneytis-
ins að sigling Vers hafi boðið
árekstri heim.
Haft var eftir Anthony Cros-
land í Grimsby um helgina að'
hann teldi ósennilegt að íslend-
ingar hætti þátttöku í NATO
vegna fiskveiðideilunnar. Slíkt
myndi t.d. kosta Islendinga „veru-
Iegar fjárupphæðir og góðvild að
því er Bandaríkin varðar“. Hann
játti því hins vegar að ljóst væri
að íslenzka ríkisstjórnin væri
undir miklum þrýstingi um úr-
sögn úr bandalaginu.
— Vilja fá
Framhald af bls. 2
við rætt mest um Miklatún, en
auðvitað koma ýmsir aðrir staðir
til greina og menn sem kunna að
hafa áhuga á málinu eru beðnir
að hafa samband við garðyrkju-
stjóra.
Markmiðið með þessu er að
reyna að glæða þessi grænu svæði
enn meira lífi, fá fleira fólk til að
njóta þeirra með því að koma á
þau. Við viljum gjarnan stuðla að
þvi að fólk sæki meira í garða
borgarinnar, því þar er ýmislegt
að sjá ef að er gáð, ýmislegt sem
fólk sér ekki í gegn um bílrúðurn-
ar. Það er mín skoðun að fólk
heimsæki ekki nógu mikið garð-
ana í borginni, en ef til vill glæð-
ist áhugi fólks ef unnt er að ganga
að einhverju sér til dægrastytt-
ingar og því óskum við eftir hug-
myndum og framkvæmdafólki.“
HARPA SKÚLAGÖTU 42
Ólafsvík:
Matthildur
aflahæst
Ólafsvík, 24. maí.
LÉLEGRI vertíð er nú lokið. Fá-
einir bátar róa þó enn með net og
smærri bátar með handfæri.
Þann 15. maí höfðu borizt á land
6445 lestir af 20 bátum. Aflahæst-
ir urðu Matthildur með 534 lestir,
Garðar II. með 521 og Fróði með
492 lestir. Skipstjóri á Matthildi
er Kristmundur Halldórsson.
— Helgi.
— Betri tíð
Framhald af bls. 1
um hug hlutleysisstefnu Svía, en
hlutleysisstefna flestra rikja væri
þó undir þvi komin að vaidajafn-
vægið í Evrópu héldist óskert fyr-
ir tilstilli NATO og Bandaríkj-
anna. Kissinger snæddi í dag há-
degisverð með Karli Gústaf Svía-
konungi og eftir blaðamanna-
fundinn hélt hann til kirkjugarðs
fyrir norðan Stokkhólm þar sem
afi hans, er flúði undan nasistum
til Svíþjóðar árið 1938, ergrafinn.
Með Kissinger var Arno Kissin-
ger, frændi hans, sem flúði tveim
árum á undan, og er búsettur i
Svíþjóð. Er Kissinger kom til
Stokkhólms á sunnudagskvöld
höfðu um 15.000 manns tekið þátt
i mótmælaaðgerðum i borginní
gegn Bandaríkjunum.
Fótbrotnaði
í árekstri
HARÐUR árekstur varð snemma
í gærmorgun á mótum Suður-
landsbrautar, Laugavegar og
Kringlumýrarbrautar. Lentu þar
saman tveir fólksbílar. Ökumaður
annars bílsins fótbrotnaði, en
hinn ökumaðurinn slapp án
meiðsla. Þá skemmdist annar bíll-
inn mjög mikið, en það var bíll af
Volkswagengerð. Hinn billinn,
Scout-jeppi skemmdist sáralítið.
Talið er að sá bíll hafi ekið yfir á
rauðu ljósi.
.................
ROLLING STONES
hljómleikar
í París
VIKUFERÐ Á STONES HLJÓMLEIKANA í
PARÍS 1 . — 8 JÚNÍ
NOKKUR SÆTI LAUS.
UPPL. í SÍMA 26572 HEIÐAR
mmmmmmm^m^^mmmmmmmmmmmmm^á