Morgunblaðið - 15.02.1977, Side 12

12
MORGUNBLAÐIÐ, ÞRIÐJUDAGUR 15. FEBRUAR 1977
Meira og meira
Magnús Oddsson bæjarstjóri á grjótgarðinum, sem gerður var f sumar, en þá var 26 þúsund rúmmetrum
af grjóti ekið f garðinn.
— FRAMKVÆMDIR við höfn-
ina, gatnagerð og lagning varan-
legs slitlags, bygging við sjúkra-
húsið og dvalarheimili fyrir aldr-
aða eru þeir málaflokkar, sem
mestum kröftum og fjármunum
verður varið til á árinu hér á
Akranesi af hálfu bæjarins.
Margt fleira er á döfinni hjá bæj-
arfélaginu og einstaklingar hér
eru með miklar framkvæmdir,
þannig að óhætt er að segja, að
mikill uppgangur sé hér á staðn-
um og hugur f fólki. Við sjáum til
dæmis, að á sfðasta ári var hvrjað
á byggingu 92 fbúða hér, en ef vid(
förum 5—10 ár aftur í tfmann
sjáum við að þá var yfirleitt byrj-
að á 15—20 fbúðum árlega.
Þannig fórust Magnúsi Odds-
syni bæjarstjóra á Akranesi orð f
viðtali við Morgunblaðið á dögun-
um. Niðurstöðutölum fjárhags-
áætlunar Akranesbæjar fyrir
þetta ár eru rúmar 453 milljónir
króna og er það umtalsverð aukn-
ing frá sfðasta ári. Mestu fé verð-
ur varið f gatna- og holræsagerð
og þar er veigamesti liðurinn
lagning steypu og olfumalar á göt-
ur f bænum.
Þessar götur óku Morgunblaðs-
menn með Magnúsi Oddssyni fyr-
ir nokkru og greindi hann frá því
helzta, sem fyrir augu bar og unn-
ið er við á Akranesi um þessar
mundir, gert hefur verið á sfðast-
liðnum árum eða verður fram-
kvæmt á komandi árum.
••
Onnnr mesta flntninga-
höfn landsins
Fyrst lögðum við leið okkar nið-
ur að höfninni, en síðastliðið sum-
ar var gerður mikill garður með-
fram hafnargarðinum utanverð-
um og alls 26 þúsund rúmmetrum
af grjóti ekið í þennan garð. Hald-
ið verður áfram með þetta verk
næsta sumar og grjótgarðurinn
lengdur um 120 metra.
— Það hefur verið mikill galli á
höfninni hér hve mikill óróleiki
er í henni og mikil ölduhreyfing,
sem getur farið á annan metra
þegar verst er, segir Magnús
Oddsson okkur. — Menn áttu
bágt með að trúa þessu fyrr en
starfsmenn Hafnarmálastofnun-
arinnar mældu hreyfinguna í
höfninni og fengu þessar niður-
stöður. Reyndar hafa sjómenn
hér lengi talað um þetta og segja
að hér þurfi að binda báta meira
en víðast annars staðar. Þegar
lokið verður við grjótgarðinn þarf
nauðsynlega að bæta aðstöðu fyr-
ir smábáta, en hún er varla nokk-
ur hér á Akranesi. Er svo sannar-
lega tími til kominn að þessum
þætti útgerðarinnar verði meira
sinnt, þvi t.d. á síðasta ári færði
grásleppuútgerð héðan 80—90
milljónir króna í gjaldeyri í þjóð-
arbúið. Aðstaða fyrir minnstu
bátana kemur væntanlega fyrir
neðan mjölskemmu Sildar- og
fiskimjölsverksmiðjunnar.
— Akraneshöfn var önnur
mesta flutningahöfn landsins árið
1975 og þó að ég hafi ekki tölur
yfir síðasta ár held ég að sú staða
hafi ekkert breytzt. Aðeins meiri
flutningar fari um Reykjavíkur-
höfn. Árið 1975 var landað hér
31.300 tonnum af fiski og 232.800
lestum af hráefni og vörum. Það
ár var skipað út hér 107.900 lest-
um, auk þess sem Akraborgin
flytur árlega um 40 þúsund bila
og 120 þúsund farþega, segir
Magnús Oddsson.
Bnndið slitlag á 10
kílómetrnm
Frá höfninni leggjum við leið
okkar framhjá nýju, skemmtilegu
húsi hvar ný hafnarvog verður á
skaganum og höldum í nýjasta
hverfið i bænum, Grundarhverfi,
austast i bænum. Þar hefur
byggðin þotið upp á fáum árum
og hvert einbýlishúsið er þar öðru
glæstara. Á leið okkar þangað
ræðum við um gatnagerð á Akra-
nesi.
— Á þessu ári er áætlað að
verja 77.7 milljónum króna í
gatna- og holræsagerð og er bund-
ið slitlag á götur i bænum stærsti
liðurinn I því dæmi. Olíumöl er
lögð á götur í fbúðarhverfum, en
umferðargötur eru steyptar. Olíu-
möl var lögð á samtals 2435 metra
á síðasta ári og steypa á 770
metra. Er nú bundið slitlag á
10.380 metrum af götum á Akra-
nesi, eða um 50% af götum bæjar-
ins, segir Magnús.
Næst snúum við okkur að
íbúðabyggingum á Akranesi og
segir Magnús að fyrir 5—10 árum
hafi verið byrjað á 15—20 íbúðum
á Akranesi árlega. 1974 var byrj-
að á 35 íbúðum þar, 60 ibúðum
1975 og á síðasta ári hvorki meira
né minna en á smiði 92 íbúða.
— Það virðist vera sama hve
mikið er byggt hér á Akranesi,
íbúðir seljast um leið og það er
talsvert um að fólk flytjist hingað.
Auk þess reiknum við með því, að
þegar járnblendiverksmiðjan á
Grundartanga verður komin í
gagnið aukist enn straumur fólks
hingað, því ekki tekur nema um
15 mínútur að aka þangað héðan
frá Akranesi, eða álika langan
tíma og úr Breiðholtinu niður í
miðbæ Reykjavíkur. Hinar miklu
byggingar hér á undanförnum ár-
um hafa gert það að verkum að
við teljum okkur nu allvel búin
undir að taka á móti þeirri skriðu,
sem við búumst við að fylgi verk-
smiðjunni á Grundartanga.
— Hér hefur verið byggt mjög
mikið af einbýlishúsum og einnig
af blokkum eða fjölbýlishúsum
síðari áfin. Verð á íbúðum i
blokkunum er mjög hagstætt mið-
að við það sem gerist almennt á
þeim markaði, en það eru einkum
þrjú fyrirtæki, sem hafa verið
með byggingar á fjölbýlishúsun-
um hér, þ.e. Trésmiðja Guðmund-
ar Magnússonar, Trésmiðjan Ak-
ur og Húsverk hf. Eru þessi fyrir-
tæki nú með 4 blokkir í smíðum.
Fyrstn sjoklingarnir á
nyrri deild
Frá íbúðabyggingum snúum við
talinu að sjúkrahúsinu, en á
Akranesi er miðstöð heilbrigðis-
mála á Vesturlandi. Nýlega var
lokið við byggingu heilsugæzlu-
stöðvar og nýrrar lyflæknisdeild-
ar með 30 rúmum. Um starfsemi
sjúkrahússins fræða þeir okkur
Guðmundur Árnason læknir, Sig-
urður Ólafsson forstöðumaður
sjúkrahússins og Reynir Þor-
steinsson læknir.
Fyrstu sjúklingarnir voru ein-
mitt teknir inn á lyflækninga-
deildina þann dag sem Morgun-
blaðsmenn heimsóttu Akranes.
Vatnsskorturinn, sem var á Akra-
nesi i byrjun mánaðarins, olli
nokkrum erfiðleikum f sambandi
við deildina og einnig gekk erfið-
lega að ráða fólk i allar stöður við
deildina. Að sögn Guðmundar
Árnasonar bætir lyflækninga-
deildin nýja úr brýnni þörf á
slikri deild á Akranesi en mun þó
sennilega reynast i það minnsta
fljótlega.
Legudagar á sjúkrahúsinu á
Akranesi voru 25188 á siðasta ári
og fjöldi sjúklinga 1815, en eftir
stækkunina eru þar nú 94 rúm.
Af sjúklingunum á síðasta ári
voru um 55% frá Akranesi, en
45% annars staðar að og þá jafn-
vel frá Reykjavík. Fæðingar á
sjúkrahúsinu á árinu voru 225.
Bygging dvalarheimilis fyrir aldraða að Höfða er vel á veg komin og I lok ársins verður hluti byggingarinnar væntanlega tekinn f notkun.
byggt á hverjn
ári og mikill
hogor í fólki