Morgunblaðið - 23.08.1977, Page 15

MORGUNBLAÐIÐ, ÞRIÐJUDAGUR 23. AGUST 1977
15
Sveinn Eiðsson sveitarstjóri
Guðmundur segir að undirbúningur
hafi staðið nokkuð lengi. Hann var
sjómaður lengi en veiktist í baki og má
ekki stunda erfiðisvinnu. Þá tók hann
sig til og ákvað að reyna að koma upp
þessari saumastofu, ásamt konu sinni.
Hann fékk lán úr Byggðasjóði og Iðn-
lánasjóði og sagði möguleika hafa verið
á að fá lán úr Iðnþróunarsjóði, en þar
er allt vísitölutryggt gagnvart dollar og
ekki hagstætt.
— Við verðum að reyna að efla þetta
hægt og rólega. Fólkið er mjög hresst
yfir þessu, enda nauðsynlegt fyrir
byggðarlögin að geta aukið fjölbreytn-
ina í atvinnunni. Hér eru til dæmis
engar sveitir að kalla, svo að landbún-
aður er nánast enginn og þjónusta við
sveitir ekki umtalsverð. Því brýnni
ástæða er til að hlúa að þvi sem til
fjölbreytni heyrir.
Heilbrigðisþjónustan
og samgöngumálin
á oddinum
Þegar gengið er um Raufarhöfn sést
að síðustu ár hefur verið nokkur upp-
gangur í byggingu íbúðarhúsa. Þetta
eru myndarleg hús og bera vitni um
góð efni. I fljótu bragði sýnist ekki
hafa verið byrjað á neinu íbúðarhúsi í
ár. Aftur á móti er hreppurinn að byrja
á sundlaugarbyggingu. Það er þeim á
Raufarhöfn hið mesta gleðiefni.
Sveinn Eiðsson, tiltölulega nýbakað-
ur sveitarstjóri, sýndi mér teikningar
af sundlauginni og íþróttahúsinu, sem
byggt verður í áföngum og verður mik-
ið mannvirki þegar það verður komið
upp. Hann segir að börn hafi orðið að
sækja sundkennslu að Laugum og leik-
fimi hafi verið stunduð í félagsheimil-
inu. En þar er engin aðstaða til slíks og
til að mynda hefur ekki mátt stunda
þar boltaleiki. Svo að það er ekki van-
þörf á að koma upp þessum mannvirkj-
um, enda segir hann ótrúlega mikinn
áhuga meðal Raufarhafnarbúa á mál-
inu og hafi margir lagt fram vinnu og
gjafir og vilji allir stuðla að því að
þetta gangi sem skjótast fyrir sig.
— Það er margt sem þarf að gera
hér, segir Sveinn. — Okkur vantar alla
þjónustu fyrir báta og bila, og okkur
vantar trésmiðju. Við erum afleitlega
settir með iðnaðarmenn. Meðal fram-
kvæmda hér er að nefna að unnið verð-
ur við höfnina fyrir um 25 milljónir,
einkum við gerð smábátahafnar. Þá er
byrjað að rífa gömlu bryggjurnar og
alls konar drasl sem staðið hefur hér
síðan á síldarárunum. Lagðar hafa ver-
ið um 15 milljónir í Sléttuveginn og
það er til bóta svo langt sem það nær.
Atvinna hefur aftur á móti verið yfrið
nóg. En hins vegar kemur margt til
sem torveldar fólksfjölgun hér, svo að
nokkru nemi. Þar má nefna samgöngu-
málin, sem eru vægast sagt í ölestri hér
á meðan ekki hefur verið gert langtum
stærra átak í þvi að bæta og breyta
Sléttuveginum. Heilbrigðismálin erum
við heldur ekki ánægð með. Við höfum
að vísu héraðshjúkrunarkonu en lækni
engan, þótt mjög góður bústaður sé
fyrir hann. Þórshafnarlæknir hefur
komið hingað reglulega, en við teljum
það ekki fullnægjandi og viljum fá að
búa við það eðlilega öryggi að hafa
lækni á staðnum.
— Ég hef ekki verið hér svo lengi, að
ég geti farið að gefa einhverjar krass-
andi yfirlýsingar, segir sveitarstjórinn.
— En mér sýnist einsætt að samgöngu-
og heilbrigðismál sé það sem er bágast
hér. Margt er gott um staðinn að segja,
félagsheimilið er með þeim fallegri
sem ég hef séð, myndarleg og mikil
skóíabygging, frystihúsið Jökull hefur
afbragðs rekstur og skapar mikla
vinnu og við höfum þennan vísi að
iðnaði sem saumastofan er. Hér eru
mörg áhugaverð verkefni, en þau tvö
sem ég nefndi, samgöngumálin og heil-
brigðismálin, hljóta að vera á oddinum.
Framkvæmdastjórinn vill fá fleiri tog-
aratil Raufarhafnar
A bryggjunni er hávaxinn og síð-
hærður ungur maður að aðstoða við
löndun. Þar er komin Ólafur Kjartans-
son, framkv. Jökuls. Rauðinúpur ÞH
var nýkominn að með á annað hundruð
tonn eftir skamma útivist og allt var á
fullu. Fyrirsjáanlegt var að svo yrði á
næstunni og þeir hafa þurft að ráða
aðkomufólk til starfa.
—Það hefur gengið upp og niður
með þennan togararekstur, segir hann.
— Rauðinúpur var keyptur hingað
1973 og er 464 lestir að stærð. Þetta
hefur gengið betur eftir því sem lengra
hefur liðið. Rauðinúpur hefur stundað
veiðar fyrir Austfjörðum og á Vest-
fjarðamiðum. Frystihúsið sjálft var
byggt 1946 eða þar um bil og síðan
endurbyggf eftir bruna 1968. Þar
starfa 80—100 manns þegar allt er á
fullu. Ekki segi ég að vinnan sé alger-
lega stöðug, en frystihúsið tekur einnig
við afla úr 30—40 smábátum yfir sum-
arið og 3—4 stórir bátar leggja hér upp
allt árið.
— Afli brást gersamlega á siðasta
ári. En nú er útlitið betra, t.d. voru
netaveiðarnar í vor með því bezta, en
grásleppuveiðin frekar rýr eins og víð-
ast hvar annars staðar. Sumarvertíðin
hefur gengið vei. Vinnuaðstaðan í
frystihúsinu mætti vera betri. Innan
næstu tiu ára er nauðsynlegt að ráðast i
að byggja nýtt. Fyrirtækið Jökull er
sem stendur ekki í stakk búið til störra
átaka, en allt er á réttri leið. Menn
verða að hafa í huga að hér hafa orðið
Framhald á bls. 31
Morgunblaðið
óskar eftir
blaðburðarfólki
Vesturbær
Granaskjól, Melhaga, Lyng-
haga, Ægissíðu, Miðbraut,
Austurbær
Bragagötu, Baldursgötu, Lindar-
götu, Sóleyjargötu
Freyjugötu (hærri tölur) Úthlíð.
Upplýsingar í síma 35408
fHttrguuÞIftfetfc