Morgunblaðið - 15.03.1979, Qupperneq 2

2
MORGUNBLAÐIÐ, FIMMTUDAGUR 15. MARZ 1979
Sárafáir búa nú
við skerta vísitölu
Bankarnir tilkynntu SÍB í gær að
þaki á launum bankamanna yrði lyft
MJÖG fáir starfshópar í þjóðfél-
aginu búa nú við skerta vísitölu
eftir að Kjaradómur dæmdi í máli
BHM og fjármálaráðuneytisins
og það lýsti sfðan yfir að eitt
skyldi yfir félaga BHM og BSRB
ganga. Samkvæmt upplýsingum
Vinnuveitendasambands íslands
eru það aðeins skipstjórar, sem
búa við skerta vísitölu vegna
þaksins, og nokkrir vélstjórar, en
sökum þess hve fáir þeir voru,
var þaklyfting gerð hjá þeim. Þá
tilkynntu bankarnir í gær Sam-
bandi fslenskra bankamanna, að
þaki á launum þeirra yrði lyft í
samræmi við úrskurð kjaradóms.
Samkvæmt upplýsingum launa-
deildar fjármálaráðuneytisins hef-
ur Kjaradómur enn ekki formlega
lyft þaki af launum forseta
Islands, ráðherra, ráðuneytis-
stjóra, ríkissaksóknara og hæsta-
réttardómara, en til þess þarf
dómurinn að koma saman og lyfta
þakinu formlega. Var búizt við því
að það yrði gert áður en langt um
liði. Þá munu og vera nokkrir
starfsmenn ríkisins, sem ekki eru
á launum BSRB eða BHM, sem
enn búa a.m.k. formlega við skerta
vísitölu og eru þar t.d. skipstjórar
á rannsóknaskipum ríkisins.
Jónas Sveinsson, hagfræðingur
hjá Vinnuveitendasambandi
íslands, kvað nánast enga falla
undir bráðabirgðalög ríkis-
stjórnarinnar, sem kváðu á um
þakið, nema áðurnefnda skip-
stjóra. Hann kvað hins vegar VSÍ
vera bundið þessum lögum, þar ti!
um annað yrði samið. Allt Verka-
mannasambandið sleppur undir
þakið, nema hæsti flokkur verk-
stjóra. Hins vegar hafa laun
þeirra verið látin óskert á sama
hátt og hæsti flokkur vélstjóra.
Þá er enn einn starfshópur, sem
býr við skerta vísitölu, og eru það
blaðamenn sem hafa starfsaldur 3
ár eða lengri.
Vísir vill
„Stefaníu”
„ÞAÐ er því skoðun Vísis, að það
beri að kanna möguleikana á
samstjórn Sjálfstæðisflokksins,
Alþýðuílokksins og Framsóknar-
flokksins til þess að koma lagi á
efnahagsmál þjóðarinnar. Til
þess þarf nýja ríkisstjórn, og
þessi möguleiki virðist nú vera
raunhæfasta leiðin,“ segir meðal
annars í forystugrein dagblaðs-
ins Vísis í gær. Forystugreinin
bar yfirskriftina „Það þarf nýja
stjórn.“
í greininni segir einnig, að hin
harða andstaða miðstjórnar A.S.I.
gegn tillögunum sem vera áttu
endanlegar tillögur ríkisstjórnar-
innar, opinberi enn einu sinni
valdafrekju þeirrar litlu komma-
klíku sem undanfarin ár hafi litið
á sig sem yfirstjórn íslands — og
komist upp með það.
Vísir segir enn fremur að núver-
andi ríkisstjórn sé „búin að vera“.,
Jafnvel þó efnahagsmálafrumvarp
forsætisráðherra verði lögfest í
sinni núverandi mynd muni verð-
bólgan æða áfram og ekki verða
undir 40% á þessu ári. Svo mörg
stór göt séu í frumvarpinu að
tilefnin til deilumála milli stjórn-
arflokkanna verði áfram óteljandi
og samkvæmt reynslu muni þau
verða notuð. Astæða þess hvernig
nú sé komið sé fyrst og fremst sú
að kommúnistar séu ósamstarfs-
hæfir, þeir geti ekki tekið þátt í að
leysa þau vandamál sem þeir hafi
sjálfir átt stærstan hlut í að
skapa.
Vísir segir ennfremur, að sé
annars nokkur kostur, þá sé það
ábyrgðarleysi af stjórnarandstöð-
unni að knýja fram kosningar
núna, þó það kunni að vera hag-
kvæmt með tilliti til væntanlegs
fylgis. Sjálfstæðisflokkur, Alþýðu-
flokkur og Framsóknarflokkur eigi
að geta komið sér saman þau
málefni sem mestu skipta: Aðhald
í peningamálum, samdrátt í ríkis-
búskapnum, verðtryggingu skulda,
frjálsa verðmyndun, breytingu á
vísitölukerfinu, og frjálsa kjara-
samninga.
Segir Vísir að nú dugi ekkert
minna en samstjórn þessara
þriggja flokka, enda yrði minni-
hlutastjórn nú einskis megnug. í
lok forystugreinar Vísis í gær
segir svo:
„Kosningar nú eða fljótlega eru
út af fyrir sig ekki nein lausn
heldur. Nokkurra þingsæta til-
færsla milli flokkanna breytir litlu
í því, sem máli skiptir. Völd
kommúnista í íslensku þjóðlífi
byggjast ekki fyrst og fremst á
því, að þeir fengu í síðustu kosn-
ingum 23% atkvæða, en ekki t.d.
16% eða 19%. Völd þeirra byggj-
ast á þrælatökum þeirra á verka-
lýðshreyfingunni og því, að sífellt
hefur verið látið undan þeim
síðustu árin. Því aðeins, að menn
séu reiðubúnir til að leggja í
baráttuna gegn veldi kommúnista,
er von til þess að ná tökum á
stjórn landsins."
Safnar pen-
ingum íÞýska-
landi til Kópa-
vogshœlis
PLÖTUSNÚÐURINN breski,
John Lewis sem hóf heimsmets-
tilraun í plötúsnúningi á
dögunum á Wester-Wald
hótelinu nálægt Frankfurt í
Þýskalandi hefur nú hafið söfnun
fyrir leiktækjasafni handa Kópa-
vogshæli, að sögn Skúla Einars-
sonar sem flaug til Þýskalands til
þess að vera John til aðstoðar.
Síðastliðið ár safnaði John fé til
byggingar sundlaugar við Kópa-
vogshælið en hann hefur tvisvar
starfað hér á landi sem plötu-
snúður. Skúli sagði einnig að það
eina sem að væri hjá þeim John,
væri að líklega tækist John ekki
að slá heimsmetið þar sem hann
færi ekki rétt að.
Mickie Gee sá sem sló heims-
metið í plötusnúningi s.l. mánu-
dag sagðist í gær hafa heyrt'
ávæning af því að í Banda-
ríkjunum hefði einn plötusnúður
einnig hafið heimsmetstilraun.
Mickie heldur enn áfram að spila
plötur en samningur hans við
Óðal rann út 11. mars s.l. og nýr
plötusnúður hefur tekið til starfa.
Mickie hefur hugsað sér að halda
áfram í tvær vikur til viðbótar og
ná 1500 klukkustundum.
Kirkjuvikan
á Akureyri
Dagskráin í kvöld:
Aðalræðumaður kvöldsins er
Kristinn Jóhannsson skólastjóri,
Ólafsfirði, en Björk Bjarkadóttir
nemi flytur ávarp, og séra Bolli
Gústavsson ræðir spurningu kvölds-
ins.
Kirkjukór Lögmannshlíðar syngur
undir stjórn Askels Jónssonar og
Gyða Halldórsdóttir leikur á orgel
kirkjunnar. Auk þess verður
samlestur prests og safnaðar og
almennur söngur. — SvP.
| « R
Unnið að innréttingu nýja matsölustaðarins Nessý.
Nýr matsölustaður
í Austurstrœti
NÝR matsölustaður verður
opnaður í Austurstræti í
Reykjavík n.k. laugardag.
Staðurinn sem mun bera nafnið
Nessý er bakvið verslanahús
Karnabæjar og verður inn-
gangurinn í portinu sem liggur
að Nýja bíói. Eigendur hins
nýja matsölustaðar^ eru Jón
Hjaltason og Bjarni Árnason.
Öll áhöld, svo sem hnífapör og
skálar, eru aðeins ætluð til
notkunar einu sinni. Einnig
mun maturinn verða borinn
fram í körfum og sögðu eigend-
ur þá myndu leggja mesta
áherslu á sem skjótasta af-
greiðslu. Nessý verður innréttuð
í gömlum skoskum stíl og þar
mun verða boðið upp á ýmsa
nýja rétti t.d. kjúkling mat-
reiddan á nýjan máta sem þeir
hafa kallað „western".
Veggir portsins sem verður
inngangurinn í matsölustaðinn,
verða þaktir auglýsingum úr
skemmtanalífi og listalífi höfuð-
borgarinnar. Einnig hefur til-
laga Jóns og Bjarna um að hafa
útimatsölu í portinu verið sam-
þykkt en þeir hafa ekki enn
fengið leyfi til þess að byggja
yfir hluta portsins. Sögðust þeir
ekki geta sagt til um það hvort
af útimatsölu yrði fyrr en sýnt
yrði hvort leyfi til yfirbygging-
arinnar fengist. Portið mun
bera nafnið Inn-stræti.
Sinfóníuhljómsveit-
in á ferð og flugi
Beethoventónleikarnir í kvöld
MIKIÐ annríki er hjá Sinfóníu-
hljómsveit íslands þessa dagana
því að hljómsveitin heldur alls sjö
tónleika í þessari viku.
Hljómsveitin var með tónleika í
Hamrahiíðarskólanum fyrir nem-
endur þar og síðar um daginn með
tónleika í Háskólabíói fyrir
Menntaskólann við Sund og
Menntaskólann í Kópavogi, og í
gær var hljómsveitin á Akranesi
og hélt þar tvenna tónleika. í kvöld
eru svo hefðbundnir áskriftartón-
leikar Sinfóníuhljómsveitarinnar í
Háskólabíó og eru þar á ferð
Beethoventónleikar þeir sem
fresta varð hinn 8. marz sl. vegna
óveðurs. Hljómsveitarstjóri verður
Jean-Pierre Jacquillat og ein-
Ríkisstjórnin getur ekki
setið til neinnar frambúðar
— segir Gunnar Thoroddsen formaður þingflokks Sjálfstæðisflokksins
„ÉG TEL sennilegt að stjórnarflokkarnir bræði sig
saman og nái samkomulagi um efnahagsfrumvarpið
meðan það liggur fyrir Alþingi og þá mun stjórnin
tóra áfram um sinn,“ sagði dr. Gunnar Thoroddsen
formaður þingflokks Sjálfstæðisflokksins í samtali við
Morgunblaðið í gærkvöldi er hann var inntur álits á
síðustu atburðum innan ríkisstjórnarinnar.
„En allir þessir endur-
teknu árekstrar stjórnar-
flokkanna, allar þessar
ásakanir þeirra í garð
hver annars," sagði Gunn-
ar ennfremur, „grafa und-
an stjórnarsamstarfinu,
menga andrúmsloftið,
magna tortryggni í sam-
skiptum og lama störf
stjórnarinnar. Allt þetta
dregur úr trausti fólksins
á ríkisstjórninni, hún get-
ur því ekki orðið til neinn-
ar frambúðar."
Gunnar sagði að efna-
hagsfrumvarp Ólafs Jó-
hannessonar hefði verið
rætt rækilega á fundi
þingflokksins í gær, er
hann var spurður hvert
væri viðhorf þingflokks
Sjálfstæðisflokksins til
efnahagsfrumvarpsins.
„Það var sett í gang gagn-
ger könnun á frumvarp-
inu fram til næsta fundar
þingflokksins,“ sagði
Gunnar Thoroddsen enn-
fremur. „Við munum taka
efnislega og ábyrga af-
stöðu til frumvarpsins, en
ef sú spá reynist rétt að
frumvarpið þýði um 33%
verðbólgu í ár, þá er það
sýnt að það nær æði
skammt í viðnámi gegn
verðbólgunni.“
leikari Halldór Haraldsson, eins
og auglýst hafði verið þá.
Hljómsveitin heimsækir svo
Hafnarfjörð á morgun, föstudag,
og heldur þar tvenna tónleika,
hina fyrri fyrir barnaskólana en
þá síðari fyrir nemendur Flens-
borgarskóla og fleiri.
Hljómsveitarstjórar á þessum 6
skólatónleikum eru þeir
Jean-Pierre Jacquillaat og Páll P.
Pálsson. Einleikarar eru þeir
Halldór Haraldsson píanóleikari
og Bjarni Guðmundsson, sem leik-
ur á túbu. Kór Menntaskólans við
Hamrahlíð syngur á öllum skóla-
tónleikunum og Guðrún Þ.
Stephensen leikkona segir yngri
nemendum á Akranesi og í
Hafnarfirði söguna um hann
Tobba Túbu.
ö
INNLENT