Morgunblaðið - 01.04.1979, Blaðsíða 18

18
MORGUNBLAÐIÐ, SUNNUDAGUR 1. APRÍL 1979
Á morgun er níræö Kristín
Ingileifsdóttir, ljósmóðir frá Vík í
Mýrdal. Kristín er fædd að
Norðurhjáleigu í Álftaveri,
V-Skaftafellssýslu, hinn 2. apríl
árið 1889. Foreldrar hennar voru
Ingileifur Ólafsson og Þórunn
Magnúsdóttir, bæði ættuð úr Með-
allandi. Kristín ólst upp í skjóli
móður sinnar, en Ingileifur og
Þórunn voru víða í vinnumennsku,
eins og títt var á þeim tíma. Árið
1892 koma þær mæðgur að Suð-
ur-Götum í Mýrdal, en þar var
Þórunn vinnukona. Þá bjuggu þar
Heiðmundur Hjaltason og Gunn-
vör Guðmundsdóttir, en hjá þeim
ólst Kristín upp í góðu yfirlæti,
enda var vel búið að mönnum og
skepnum að Suður-Götum.
Heiðmundur Hjaltason var svip-
mikill og stórbrotinn maður í alla
staði. Hann stundaði jafnframt
búskapnum að kaupa fé og naut-
gripi, og fór hann með rekstra til
Reykjavíkur og seldi þar. Af þessu
varð hann þekktur um allt Suður-
land.
Slíku ástfóstri tóku þau Gunn-
vör og Heiðmundur við Kristínu,
að hún varð sem þeirra eigin
dóttir, og fáa menn hefur Kristín
metið meira á sinni löngu lífsleið
en Heiðmund á Götum.
Með stuðningi Heiðmundar fer
Kristín síðan á Hvítárbakkaskóla í
Borgarfirði, og lærði til þess að
vera rjómabússtýra. Námið tók
einn vetur, og sumarið eftir varð
hún rjómabússtýra við rjómabúið
að Gufuá í Borgarfirði. Veturinn
eftir var Kristín kennari á Val-
bjarnarvöllum í Borgarfirði. Þá
var hún einnig rjómabússtýra við
Deildará í Mýrdal. Auk þess lærði
Kristín ljósmóðurstörf og útskrif-
aðist sem Ijósmóðir 18 ára að
aldri.
Árið 1914 giftist Kristín manni
sínum Einari Einarssyni frá Reyni
í Mýrdal. Einar var lærður bú-
fræðingur frá Hvanneyri. Settust
ungu hjónin að í Vík í Mýrdal, og
reistu sér þar hús, sem nefnt er
Hlíðarendi. Einar var verzlunar-
maður hjá Kaupfélagi Vest-
Kristín Ingileifs-
dóttir frá Vík níræð
ur-Skaftfellinga í Vík, jafnframt
því sem hann var formaður á
uppskipunar- og vertíðarbátum,
sem gerðir voru út frá Vík. Allt
gekk ungu hjónunum í haginn og
varð þeim sex barna auðið, en í
blóma lífsins veiktist Einar af
krabbameini, og varð það hans
banamein. Hann lézt árið 1927, þá
aðeins 35 ára gamall. Nú stóð
Kristín ein uppi með barnahópinn,
en það var ekki bjargarlegt fyrir
einstæðar mæður í þá daga. En
Kristín gafst ekki upp, nú reyndi á
áræði og festu, og hún lét ekki
hugfallast, heldur hélt heimili sínu
áfram saman að Hlíðarenda, með
fádæma dugnaði.
Árið 1925 varð Kristín ljósmóðir
í Hvammshreppi í Mýrdal, og var
hún það óslitið allt til ársins 1941.
Með ljósmóðurlaunum sínum
megnaði hún að sjá fjölskyldunni
farþorða. Minnast gamlir Mýrdæl-
ingar hennar alltaf með hlýhug og
þakklæti.
Til Reykjavíkur flyzt Kristín
síðan árið 1941, og sezt að hjá
Sigríði dóttur sinni og tengdasyni
Ragnari Guðmundssyni frá Nesi í
Selvogi, og hefur hún búið þar
óslitið síðan. Sigríður og Ragnar
hafa búið henni myndarlegt og
gott heimili. Þau búa nú að Korp-
úlfsstöðum í Mosfellssveit, en þar
er Ragnar umsjónarmaður.
Eftir að Kristín fluttist til
Reykjavíkur tók hún til starfa í
fatahengi Alþingis og vann hún
þar í um 25 ára skeið.
Börn Kristínar og Einars eru
þessi: Brynjólfur f. 1912, skrif-
st.maður hjá SÍBS, d. 1977, Sig-
ríður f. 1916, frú að Korpúlfsstöð-
um, Þórunn f. 1918, dáin sama ár,
Gunnþórunn f. 1920, frú og kaup-
maður í Reykjavík, Einar Jón f.
1921 og Leifur f. 1925, báðir
vörubifreiðastjórar í Reykjavík.
Einnig tók hún að sér föður sinn,
þá sjötugan, og var hann hjá
henni, þar til hann lézt 92 ára, árið
1944. Þá ól Kristín upp Guðlaugu
Guðlaugsdóttur húsfreyju að Sól-
heimum í Mýrdal.
Eins og sjá má af framanskráðu
hafa skipst á skin og skúrir í lífi
Kristínar, en aldrei hefur heyrzt
ffá henni æðruorð til vorkunnar
sjálfri sér, heldur hefur hún haldið
sínu striki, með reisn og það hefur
sópað af henni hvar sem hún hefur
komið.
Kristín er óvenju heilsteypt og
vönduð kona, sem ekkert aumt má
sjá eða vita til einhvers, sem má
sín miður, þá sendir hún honum
glaðning, því að hún veit að
hjartahlýja má sín meira en mörg
orð.
Þó að Kristín Ingileifsdóttir
verði níræð á morgun, þá er hún
heilsuhraust, bæði líkamlega og
andlega. Hennar helzta yndi er að
hlusta á, eða lesa góða bók eða
kvæði. Hún man allt það sem hún
heyrir og les og er unun að hlusta
á hana þylja upp heilubókarkafl-
ana orðrétt. Þá er hún hafsjór
fróðleiks um menn og málefni
liðins tíma, því hún er kona sem
lifað hefur mörg tímamót í sögu
lands og þjóðar, og hefur haft
greind og minni til að gera sér
ljósa atburði líðandi stundar.
Ég vil fyrir hönd okkar allra,
barna hennar, ættingja og vina,
óska henni hjartanlega til ham-
ingju með afmælisdaginn, og við
vonum að henni endist kraftar og
heilsa til að vera sem lengst hér á
meðal okkar.
Ingileifur Einarsson
OMIC reiknivélin kom á markaðinn fyrir
einu ári, ný vél sérhönnuð samkvæmt
óskum viðskiptavina Skrifstofuvéla h/f.
Móttökurnar voru frábærar. A örfáum
vikum varð OMIC metsöluvél.
I framhaldi af þessum afburða góða
árangri bjóða Skrifstofuvélar h/f tvær
nýjar gerðir af OMIC reiknivélum:OMIC
210 PD OMIC 210 P
SMIÐJUVEGI6 SlMI 44544
argus
312PD 210PD 210P
NÝTT
Vorum að fá nokkrar gerÖir af
mjög vönduðum sófasettum frá
belgíska, fyrirtækinu VELDA
Mjög hagstætt verÖ
Ve'r'ið 'velTco'm'in að sJcoðct oJcJca'r
fjöUyreyttcL hnsyczynCLiJ/rral ci 1200
fermetrcL gólffletil
(Allt & söynn Jzceð).
____OMIC reiknivélin
hef ur slegið sölumet
OMIC vélar í einfaldari útfærslu en
OMIC 312 PD.
Komið og kynnist kostum OMIC:

%
SKRIFSTOFUVELAR H.F.
«Ji§ ■ i
liiilliiiii
HVERRSGATA
7. ■ . v ~ ^ Hverfisgötu 33
x Sími 20560
V =* 4 C
Við byggjum upp framtíð fyrirtækis þíns