Morgunblaðið - 16.10.1979, Síða 46

26
MORGUNBLAÐIÐ, ÞRIÐJUDAGUR 16. OKTÓBER 1979
Frjálsíþrótta-
sambandi íslands
berst góð gjöf
LítiEI skylminga-
áhugi meðal Dana
DANIR undrandi á þeim litla áhuga sem almenningur hafði á opna
danska meistaramótinu i skylmingum sem fram fór eigi alls fyrir
löngu.
Kom fram, að áhorfendur á mótinu voru aðeins fjórir, „kun tre
tilskuere!“ Er að sjá, að ekki einu sinni vinir og vandamenn keppenda
geri þeim þann greiða að mæta með hvatningaróp sín. Ahorfendur að
íþrótt þessari eru svo fáir að jafnaði í Danmörku, að það væri ekki
einu sinni hægt að fá áhorfanda til að hlaupa í skarðið ef dómari tæki
upp á því að skrópa.
Húsvíkingurinn
fékk verðlaunin
í mfl. Víkings
Frjálsiþróttasambandi íslands
barst fyrir skömmu góð gjöf frá
Austur-Þýska alþýðulýðveldinu.
Var það íþróttakvikmynd sem
tekin var á minningarmóti í
frjálsum iþróttum sem haldið er
árlega um þýska heimsmethaf-
ann Rudolf Harbig. Kvikmynd
þessi er tekin árið 1957, en það ár
vann islenskur íþróttamaður
Svavar heitinn Markússon það
frækilega afrek að sigra í aðal-
grein mótsins 800 metra hlaup-
inu. í kvikmyndinni er hlaupið
sýnt frá upphafi til enda, og
geymir því vel minninguna um
þennan frækna íþróttamann. Það
var formaður FRÍ Örn Eiðsson
sem veitti gjöfinni móttöku, en
viðstaddir voru meðal annarra
forseti ÍSÍ, Gísli Halldórsson, og
fleiri stjórnarmenn. Við skulum
rifja lítillega upp feril Svavars á
hlaupabrautinni.
Vorið 1950 tók 15 ára KR-ingur
þátt í drengjahlaupi Ármanns í
fyrsta skipti. Hann varð þriðji í
því hlaupi og fyllti sigursveit KR í
hlaupinu. Þessi ungi maður hét
Svavar Markússon, og hann átti
eftir að verða glæsilegasti hlaup-
ari félagsins á millivegalengdum,
sem varpaði ljóma á félag sitt
bæði á innlendum og erlendum
vettvangi.
Hann tók hraðstígum framför-
um undir handleiðslu Benedikts
Jakobssonar þjálfara, sem hann
mat mikils, og átján ára gamall
setti hann íslenskt drengjamet í
1500 m hlaupi, nítján ára varð
hann íslandsmeistari á sömu
vegalengd, tvítugur setti hann 2
• Svavar Markússon,
íslandsmet í 800 m hlaupi á
meistaramóti í Búkarest í Rúm-
eníu, komst þar í úrslit og sannaði,
að hann var orðinn gjaldgengur í
keppni með bestu hlaupurum Evr-
ópu á þessari vegalengd.
Næsta ár, 1956, setti hann
fyrstu Islandsmet sín í 1500 m
hlaupi, auk meta í 1000 m hlaupi,
míluhlaupi og 2000 m hlaupi. Á
árunum 1955—60 setti hann alls
19 íslandsmet á vegalengdum frá
800 til 2000 m, en átti auk þess
hlutdeild í 5 metum í boðhlaupum,
þar á meðal landssveitarmeti í
4x400 m boðhlaupi, sem enn er
óslegið, en það var sett í frægri
landskeppni við Dani í Kaup-
mannahöfn 1956.
Fyrsta landskeppni sem hann
tók þátt í, var gegn Hollendingum
í Reykjavík 1955, og þar sigraði
hann í 1500 m hlaupi. í landsliði
átti hann síðan fastan sess, þar til
hann hætti keppni eftir sumarið
1961.
Islandsmeistari varð hann 5
sinnum í 800 m hlaupi, 7 sinnum í
1500 m hlaupi, einu sinni í 5000 m
hlaupi og sex sinnum í boðhlaup-
um á árunum 1954—1961.
Frægasta sigur sinn á erlendri
grund vann hann haustið 1957,
þegar hann sigraði í 800 m hlaupi
á minningarmóti um þýska heims-
methafann Rudolf Harbig, en það
mót er árlega haldið í Dresden.
Árið eftir átti hann fimmta besta
tima í undanrásum 800 m hlaups-
ins á Evrópumeistaramótinu í
Stokkhólmi og setti íslandsmet,
1:50,5 mín., en í milliriðli gekk
honum ekki eins vel. Enn verður
að geta þátttöku hans í Olympíu-
leikunum í Róm 1960, en þar setti
hann síðasta Islandsmet sitt í 1500
m hlaupi, 3:47,1 mín., sem stóð
sem met í 16 ár.
Það gefur auga leið að slíkum
árangri nær enginn, nema saman
fari mikið upplag og þrotlaus
ástundun. Svavar æfði líka allra
manna mest og best á þessum
árum, en engu að síður lét hann
ekki sitt eftir liggja við félags-
störfin, átti sæti í stjórn Frjáls-
íþróttadeildar KR um margra ára
skeið. Eftir að hann hætti keppn-
isþjálfun og keppni, tók hann upp
þráðinn sem forystumaður á
vettvangi frjálsíþrótta, og hafði
setið í stjórn Frjálsíþróttasam-
bands Islands á annan tug ára,
þegar hann lést aðfaranótt 28.
október 1976, langt um aldur fram
og harmdauði öllum, sem þekktu
hann.
KNATTSPYRNUMENN í
Víkingi héldu fyrir nokkru upp-
skeruhátíð fyrir yngri sem eldri
leikmenn félagsins. Á þessari
hátíð var meðal annars veitt
verðlaun þeim leikmönnum, sem i
sumar hafa að mati þjálfara og
knattspyrnuráðs skarað fram úr
í sinum flokki, sýnt mestar fram-
farir eða áhuga við æfingar. Af
leikmönnum meistaraflokks varð
Helgi Helgason fyrir valinu, en
þessi eitilharði Húsvikingur hef-
ur mætt á hverja einustu æfingu
síðan hann gekk til liðs við
Vikinga, sýnt miklar framfarir
og verið jákvæður sama á hverju
hefur gengið.
Í 2. flokki varð Aðalsteinn
Aðalsteinsson fyrir valinu, en
þessi bráðefnilegi leikmaður
varð þessa heiðurs aðnjótandi i 3.
flokki í fyrra. Valdimar Jónsson
var valinn i 3. flokki, Agnar
Rúnar Agnarsson i 4. flokki og i
5. flokki var Pétur Ólafur Pét-
ursson valinn leikmaður sins
flokks.
Iþróttabandalag Reykjavíkur svarar KKI
VEGNA greinar í heiðruðu blaði
yðar hinn 10. október varðandi
niðurröðun leikja í væntanlegu
íslandsmóti i körfuknattleik i
Reykjavík, viljum vér vekja at-
hygli á eftirfarandi:
Þegar íþróttahús Ilagaskólans
tók til starfa í janúar 1976 voru
allir leikir iþróttafélaganna i
Reykjavik i körfuknattleik flutt-
ir i það hús. Þar var einnig komið
fyrir æfingum velflestra meist-
araflokksliða félaganna i körfu-
knattleik, að Í.R. undanskildu,
þar sem það félag vildi halda sig
við Breiðholtið. Eftir fyrsta vet-
urinn var af skólans hálfu Iagt
blátt bann við æfingum og
keppni í handknattleik í húsinu,
sem vegna stærðar gólfflatarins
tók við nokkrum fjölda leik-
kvölda í yngri flokka mótum
handknattleiksins. Þá var farið
að gæta nokkurra þrengsla varð-
andi mót í Laugardalshöllinni.
Þessi ráðstöfun varðandi
körfuknattleikinn stafaði af
þrennskonar orsökum:
1. Stærð salar er 18x33 m en
keppnisvöllur í körfuknattleik
er 14x28 m.
2. Áhorfendarými var vel við
hæfi, þar sem meðalaðsókn að
1. deildinni í körfuknattleik var
1976-1977: 40.3 og 1977-1978:
89.2 greiðandi áhorfendur.
3. Minnsta afnotagjald var 50%
af lágmarksgjaldi Laugar-
dalshallar.
Á hinn bóginn er Laugardals-
höllin með 20x40 m keppnisgólfi,
sem er lögleg vallarstærð fyrir
handknattleik og er eina íþrótta-
húsið í Reykjavík með þeirri
stærð. Þar hafa meistaraflokkar
Reykjavíkurfélaganna í hand-
knattleik fengið inni með 50%
sinna æfingastunda miðað við
stundaskrá, en í reynd hefur þessi
úthlutun æfingastunda verið skor-
in niður með keppniskvöldum um
ca. 35—70% eftir dögum. T.d.
síðasta vetur 1978—1979 féllu
niður æfingar 10 föstudagskvöld
af 28, en í 17 skipti varð að fella
niður æfingar á þriðjudögum,
miðvikudögum og fimmtudögum.
Alla laugardaga kl. 15.30—19.30
og alla sunnudaga frá kl. 14.00—
23.00 var keppni í ýmsum íþrótta-
greinum í Laugardalshöll, að
verulegu leyti á vegum hand-
knattleiksins.
Á síðasta keppnistímabili sótti
stjórn Körfuknattleikssambands
íslands um alla heimaleiki Í.R.,
K.R. og Vals í íþróttahúsi Haga-
skólans, og tók jafnframt fram, að
hún mæltist til þess, að þessir
leikir „hefðú algeran forgang", þá
líklega fram yfir blakíþróttina,
sem er eini sambýlisaðili körfu-
knattleiksins í íþróttahúsi Haga-
skólans. Aðsókn að leikjum í
úrvalsdeild K.K.Í. framan af vetr-
inum 1978—1979 var sæmileg, en
jókst stöðugt og er húsið fylltist á
leik hinn 28. janúar 1979 milli
K.R. og Vals, voru 4 leikir fluttir í
Laugardalshöll, enda þá komin
mikil baráttustemmning í úrvals-
deildinni milli K.R., Vals og
U.M.F.N.
Aðsókn að leikjum Úrvalsdeild-
ar K.K.Í. í Reykjavík s.l. vetur:
Valur — Þór, Ak manns 94
K.R. — Stúdentar 278
Valur - l.R. 53
K.R. - U.M.F.N. 364
I.R. — í. Stúdenta 104
l.R. — Þór, Ak. 34
Valur - K.R. 288
K.R. - t.R. 234
Í.R. - U.M.F.N. 238
I.R. - Valur 107
K.R. - Valur 318
Valur - U.M.F.N. 229
K.R. - Þór, Ak. 109
K.R. - l.R. 177
K.R. — í. Stúdenta 100
Valur - I.R. 79
Í.R. Stúdentar 69
Valur — Stúdentar 82
Í.R. - Þór, Ak. 33
Valur - K.R. 469
K.lt. - Í.R. 132
K.R. - U.M.F.N. 712
(Höllln)
l.R. - U.M.F.N. 111
Í.R. - K.R. 186
Valur — Stúdentar 103
Í.R. - Valur 129
K.R. - Valur 688
(Höllinni)
K.R. - Þór. Ak. 118
Valur - U.M.F.N. 1195
(Höllinni)
Valur — Þór, Ak. 74
K.R. - Valur 2488
(Húllinni)
Það skal tekið fram, að Laugar-
dalshöllin rúmar upp undir 3000
manns, en í öll þessi skipti má
bæta við óþekktum fjölda fríkorta.
Þegar gengið var frá skiptingu
leikkvölda fyrir körfuknattleiks-
mót íslands 1979—1980, bar niður-
röðúnaraðili K.K.Í. á milli þá ósk
frá K.R. og Val, að fá alla 20
heimaleiki þeirra færða í Laugar-
dalshöll, en þessi tala lækkaði
vegna hagræðingar hans í niður-
röðun í 17 leiki. Við athugun á
þróun aðsóknar á síðasta vetri,
var ákveðið, að allir leikir inn-
byrðis milli K.R. og Vals færu í
Höllina og einnig 4 leikir þessara
félaga gegn U.M.F.N. Þá var það
undirstrikað, að yrði þróun að-
sóknar svipuð og á síðasta vetri,
yrði óhjákvæmilegt að endurskoða
þessa niðurröðun, enda engum
greiði gerður með því að yfirfylla
Hagaskólahúsið. Á hinn bóginn er
ekki unnt að sjá nokkra sanngirni
í því að staðsetja strax leiki K.R.
og Vals gegn Í.R. og Fram í
Laugardalshöllinni, en láta
heimaleiki Í.R. og Fram gegn K.R.
og Val sitja eftir í Hagaskólanum,
þótt allt bendi til þess að það
skipti ekki hinu minnsta máli
varðandi aðsókn, hvaða lið er talið
á undan í innbyrðis leikjum
Reykj avíkurfélaganna.
Á þessu hausti höfum vér rætt
um möguleika þess að taka Laug-
ardalshöllina úr notkun sem æf-
ingahús og koma öllum mótum og
leikjum í handknattleik, körfu-
knattleik, blaki og innanhúss-
knattspyrnu þar fyrir og fylla
allar helgar í íþróttahúsi Haga-
skólans með æfingum eins og gert
er í öðrum æfingasölum af sömu
stærð. Þetta myndi þýða, að hand-
knattleiksdeildir félaganna í
Reykjavík yrðu að leita að Brúar-
landi eða suður í Hafnarfjörð eftir
æfingasölum af sömu stærð, síðan
yrðu einstaka tímar lausir í Laug-
ardalshöll auglýstir fyrir tilfall-
andi æfingar. Þá mundu að sjálf-
sögðu körfuknattleiksdeildirnar
hafa frið með sínar æfingastundir
í Hagaskóla, en hverjir mundu
hugsanlega skipa sér aftast í
biðröðina eftir lausum æfinga-
stundum í Laugardalshöll, þ.e.
þeir hefðu eigin æfingahús?
í Laugardalshöll eru öll virk
kvöld, sem kæmu til greina til
afnota fyrir leiki úrvalsdeildar í
körfuknattleik, áskipuð með æf-
ingum, eingöngu eða að langmestu
leyti á vegum handknattleiksins.
Ef reynslan sýnir, að það er rétt
sem stjórn K.K.Í. gerir ráð fyrir,
sem sé að aðsókn muni verða
miklu meiri að íslandsmótinu en
áður, verður nauðsynlegt að grípa
til sömu ráða og gert var s.l. vetur,
að flytja fyrirsjáanlega stórleiki
inn í Laugardalshöll. Mun það
gert, ef þessar forsendur haldast.
Það er hinsvegar óhjákvæmilegt
að nota þá tíma, sem þannig falla
niður í Hagaskóla undir æfingar
þeirra handknattleiksdeilda, sem
missa æfingar í Laugardalshöll-
inni. Þar kemur til kasta fræðslu-
yfirvalda Reykjavíkur en ekki
I.B.R. enda hefur stjórn Í.B.R.
aldrei fallist á þær röksemdir, sem
leiddu til þess að handknattleikn-
um var úthýst úr íþróttahúsi
Hagaskólans.
í hvert sinn, sem nýtt íþrótta-
hús hefur verið tekið í notkun hér
í Reykjavík, hefur heyrzt, að nú
væru leyst vandamál félaganna
varðandi æfingar, en nærri jafn-
óðum hafa íþróttafélögin vegna
aukinnar þátttöku verið í sömu
vandræðum aftur vegna skorts á
aðstöðu til æfinga og keppni. Með
tilkomu íþróttahúss Hagaskóla
var talið að vel væri fyrir körfu-
knattleiknum séð, a.m.k. um nokk-
urn tíma, en núverandi umræður
sanna áþreifanlega, að vegur þess-
arar ágætu íþróttagreinar hefur
vaxið miklu hraðar en nokkurn
gat grunað eða gert ráð fyrir. Nú
liggja á teikniborðum borgarinnar
drög að nýju íþróttahúsi í Breið-
holti II, 20x40 m með
áhorfendarými fyrir 1000—1200
manns. Það er ljóst, að þessi salur
þarf að komast í gagnið sem fyrst,
en fyrirsjáanlegt er, að nú þegar
væri hægt að fylla hann með
verkefnum hvert kvöld.
Virðingarfyllst,
íþróttabandalag Reykjavíkur.