Morgunblaðið - 29.03.1981, Side 21

MORGUNBLAÐIÐ, SUNNUDAGUR 29. MARZ 1981
61
Grænlandskort eftlr Bertlus frá árlnu 1618. Þarna hafa menn verið
búnir að komast að þvi að landið er eyja en á kortinu eru þau tvð.

íslenzk litapóstkort frá þvi um aldamót. Efst ÞinKvellir. i miðið
Eskifjörður og neðst Hekla.
Islensk spil úr spilasafni Magna. Þarna eru t.d. Geysis-spilin sem
Eggert Guðmundsson teiknaði, Rammislenzku-spilin sem Lovisa
Matthiasdóttir teiknaði og Tafl-spilin sem Tryggvi Magnússon
teiknaði.
að fleygja því ekki, heldur bera
það undir sérfræðing og fá
úrskurð um verðmæti þess. Það
er svo margt sem leynist í eigu
manns sem gæti verið verð-
mætt þó maður átti sig ekki á
því. Tökum til dæmis gamla
skömmtunarseðla — þeir segja
mikla sögu um fátækt og vand-
ræði, og eru auk þess merk
heimild um neyzluhætti fyrr á
tímum.
En það er, eins og ég sagði,
alls ekki víst að maður átti sig
á verðmæti svona hluta —
sérstaklega ekki á þeim sviðum
þar sem þekking manns er
takmörkuð. Einu sinni þegar
ég var staddur í London fyrir
mörgum árum, var ég ásamt
nokkrum félögum mínum að
skoða útstoppaða fugla í
glugga antikbúðar þar. Við
skoðuðum fuglana drykklanga
stund en enginn okkar veitti
því athygli að einn þeirra var
geirfugl. Þetta var skömmu
áður en íslendingar keyptu
geirfuglinn, sem frægt varð á
sínum tíma, en þarna hefur
hann örugglega verið á miklu
lægra verði en á uppboðinu."
Er ekki dýrt að
hafa söfnun fyrir
tómstundaiðju?
„Nei, því fer fjarri að svo
þurfi að vera. Það er til dæmis
hægt að safna frímerkjum á
öllum stigum, — dýrum frí-
merkjum eða ódýfmn og allt
þar á milli. Það skiptir engu
máli hvort safnið er dýrt eða
ódýrt — það er ánægjan sem
maður hefur af safninu sem
öllu máli skiptir. Það er líka
hægt að safna nær hverju sem
er og margar tegundir söfnun-
ar hafa engan kostnað í för
með sér — það er t.d. hægt að
safna steinum, vindlamerkjum,
eldspýtustokkum, jólakortum,
kertum o.s.frv.
Söfnunarástríðan er öllum
mönnum í blóð borin og það er
öllum hollt að láta eftir henni.
Ég þekki til dæmis lækni sem
segir, að það sé sama hversu
þreyttur hann sé eftir erfiðan
dag — að þegar hann sest niður
við frímerkjasafnið á kvöldin
þá gleymi hann sér alveg og
öðlist þannig dýrmæta hvíld."
Hvenær hófst frí-
merkjaútgáfa hér
á íslandi?
„1. janúar 1873 var fyrsta
íslenzka frímerkið gefið út.
Elztu íslenzku frímerkin, og
eins frímerki frá árinu 1903,
eru í mjög háu verði — það
dýrasta kostar yfir 20.000 nýkr.
og myndi trúlega seljast á enn
hærra verði á uppboði. Þessi
dýru frímerki eru flest erlendis
því það hafa fáir íslendingar
efni á að eiga þau. — Það er
mikil eftirspurn eftir frí-
merkjum frá öllum tímum hér-
lendis og þau eru í tiltölulega
háu verði. Frímerki frá ára-
tugnum 1950—1960 eru til
dæmis mörg á verðbilinu 60—
1000 nýkr. Mörg frímerki eru
dýr þó þau séu alls ekki gömul,
t.d. kostar frímerkið með Al-
þingishúsinu frá 1952 um 1000
nýkr. Annars er hægt að fá
ókeypis upplýsingar um verð-
gildi einstakra frímerkja frá
Félagi frímerkjasafnara að
Amtmannsstíg 2. Þar er alltaf
opið frá kl. 15—18 á laugardög-
um og í herbergi félagsins. Þar
liggja frammi verðlistar, og
eins getur fólk fengið ókeypis
ráðgjöf um allt er lýtur að
frímerkum og frímerkja-
söfnun," sagði Magni að lokum.
íslandskeppni
í hárgreiöslu og
hárskuröi 1981
veröur haldin sunnudaginn 17. maí í íþróttahúsinu á
Seltjarnarnesi.
Nánari upplýsingar í símum 51434 — 33968 —
21144' Samband hárgreiöslu
og hárskerameistara.
The Globe Study
Centre for English
3ja—8 vikna
enskunámskeið
fyrir ungmenni 14—21 árs
Skráning er hafin í hin vinsælu enskunámskeiö í Exeter á
suðurströnd Englands.
Brottfarardagar frá íslandi: 4. júlí og 1. ágúst.
Verð frá kr. 6.250,-
Innifalið í verði er t.d.
1. Flugfargjöld báöar leiöir.
2. Bílferð: London — Exeter — London.
3. Fullt fæði og húsnæði hjá valinni enskri fjölskyldu.
4. 14 klst. kennsluvika hjá góöum og reyndum kennurum.
5. Allar kennslubækur og gögn.
6. Ein dagsferö á viku (t.d. ein dagsferö til London á hvoru
námskeiöi).
Auk þess eiga nemendur kost á aö stunda margskonar
íþróttir og fara í skemmti- og kynnisferöir.
ísl. fararstjóri fylgir nemendum frá Keflavík til Exeter og
dvelur þar til leiöbeiningar. Einnig sér hann um allan
undirbúning vegna fararinnar.
Allar nánari uppl. veitir Böövar Friðriksson í síma 41930 á
skrifstofutíma og í síma 78238 á kvöldin og um helgar.
Renascence-
stólar
'Bóktmrim
Hverfisgötu 76 — Sími 15102