Morgunblaðið - 17.08.1983, Síða 22

22
Reykjavíkurvika
MORGUNBLAÐIÐ, MIÐVIKUDAGUR 17. ÁGÚST 1983
Vatnsveita
Reykjavíkur
kynnt í dag
STARFSEMI Vatnsveitu Reykjavík-
ur verður kynnt sérstaklega í dag,
17. ágúst, á Kjarvalsstöðum kl.
16.00.
Þóroddur Th. Sigurðsson,
vatnsveitustjóri, flytur erindi um
Vatnsveituna. Að lokinni kynn-
ingu þar verður farið í kynnisferð
undir leiðsögn í Heiðmörk að
Gvendarbrunnum. Skoðaðar verða
daelustöðvar við borholur og inni í
borginni. Dagskráin verður endur-
tekin sunnudaginn 21. ágúst kl.
14.00 í Gerðubergi og þaðan verð-
ur síðan farið í kynnisferð. Aðset-
ur Vatnsveitunnar er á Breiðhöfða
13 og gefst borgarbúum tækifæri
til þess að kynnast starfseminni
þar þriðjudaginn 16. ágúst og
föstudaginn 19. ágúst kl.
14.00-16.00.
Vatnsveitustjóri er Þóroddur
Th. Sigurðsson.
Reykjavíkurvika:
Tónleikar að
Kjarvalsstöðum
Á VEGUM Reykjavíkurviku verða í
kvöld tónleikar að Kjarvalsstöðum
og hefjast þeir kl. 21.00. Tónlistar-
fólk úr Reykjavík leikur og syngur.
Fram koma: Áshildur Har-
aldsdóttir leikur á flautu og með
henni leikur Haukur Tómasson á
píanó. Elísabet F. Eiríksdóttir,
sópran. Júlíus Vífill Ingvarsson,
tenór. Nína Margrét Grímsdóttir,
einleikur á píanó. Sigríður Hulda
Geirlaugsdóttir, einleikur á píanó.
Laufey Sigurðardóttir leikur á
fiðlu og með henni leikur Jórunn
Viðar á píanó.
Tónleikarnir verða endurteknir
föstudaginn 19. ágúst kl. 20.00 í
Gerðubergi.
Smásagnakeppni móðurmálskennara:
Olga Guðrún hlaut verðlaunin
SAMTÖK móðurmálskennara efndu til
samkeppni um smásögur handa börn-
um sl. vetur. Frestur til að skila sögum
rann út 1. júní, en alls hárust 77 sögur
eftir höfunda á aldrinum 20 til 75 ára.
Ein verðlaun voru veitt, krónur 20 þús-
und, og tilkynnti dómnefnd val sitt á
fundi samtakanna með blaðamönnum í
gær. Fyrir valinu varð saga Olgu Guð-
rúnar Arnadóttur, „Vertu ekki með
svona blá augu“, en auk hennar var
valin 21 saga, sem samtökin hyggjast
gefa út í tveimur bókum í vetur.
Sigurður Svavarsson, formaður
samtakanna, sagði að hugmyndin að
þessari samkeppni hefði sprottið upp
úr umræðum um þörfina á hand-
hægri kennslubók með smásögum
ætluðum börnum og unglingum.
Voru verðlaunin hugsuð sem hvatn-
ing til höfunda að setjast niður og
skrifa sérstaklega fyrir þennan ald-
urshóp. Sagði Sigurður að samtökin
væru mjög ánægð með árangur
keppninnar, enda væru sögurnar
flestar hverjar mjög góðar. Ætlunin
er að skipta sögunum, sem fyrir val-
inu urðu, í tvo hópa og gefa út i
tveimur bókum, önnur frekar ætluð
bórnum, en hin unglingum. Það er
Meimir Pálsson menntaskólakennari
sem verður í forsvari fyrir útgáfunni.
Höfundar þeirra sagna sem valdar
voru í bækurnar eru eftirtaldir: And-
rés Indriðason, Ármann Kr. Einars-
son, Ása Sólveig, Benóný Ægisson,
Elías Snæland Jónsson, Elísabet
Þorgeirsdóttir, Guðjón Sveinsson,
Guðmundur Ólafsson, Herdís Egils-
dóttir, Jón Dan, Jórunn Sörensen,
Sigurður Svavarsson, formaður sam-
taka móðurmálskennara, afhendir
Olgu Guðrúnu Árnadóttur verð-
launaávísunina.
Kristín Steinsdóttir, Njörður P.
Njarðvík, Oddný Guðmundsdóttir,
Ólafur Haukur Símonarson, Sigrún
Björgvinsdóttir, Steinunn Arnþrúður
Björnsdóttir, Svanhildur Friðriks-
dóttir og Þórður Helgason.
Einnig benti dómnefndin á tvær
aðrar sögur sem hún taldi mjög góð-
ar, en of langar til að eiga heima í
smásagnasafni. Höfundar þeirra eru
Þóranna Gröndal og Trausti Ólafs-
son.
Dómnefndina skipuðu Sigurborg
Hilmarsdóttir kennari, Silja Aðal-
steinsdóttir bókmenntafræðingur og
Símon Jón Jóhannsson, kennari.
Keppendi á mótorhjóli bíður þess að leggja af stað á eina sérleið rallsins, í baksýn má sjá sex hjóla sjúkrabfl,
sem kemur til landsins með Bertrand.
íslandsrallið:
„Vonast til að fá
leiðirnar í gegn“
allar
Einn keppenda í Alsír-rallinu á síðasta ári, sem Jean Claude Bertrand
skipulagði og er svipað í sniðum og íslandsrallið.
— segir Jean
Claude
Bertrand
„ÞAÐ ER 21 keppandi um borð
í Kddunni með mér núna, einnig
þrír starfsmenn sjónvarpsstöðv-
ar og blaðamenn frá Frakk-
landi, Sviss, Belgíu og Ítalíu,“
sagði Bertrand er Morgunblaðið
ræddi við hann um íslandsrall-
ið.
„íslands hefur verið mikið í
erlendum fjölmiðlum og mikið
hefur verið skrifað um seina-
gang íslenskra stjórnvalda.
Þetta er örugglega eina land
Evrópu þar sem þetta gæti
gerst. Persónulega líkar mér
þetta náttúrlega afar illa og er
vægast sagt mjög reiður,"
sagði Bertrand og var greini-
lega órór. „Þetta hefur þegar
kostað mig stórfé og nú á
skyndileg að sleppa fjórum
leiðum. Keppendurnir eru að
sjálfsögðu mjög spenntir að
koma til íslands, en því er ekki
hægt að neita að margt mis-
jafnt hefur verið sagt um
landið. Það telja margir land-
ið vera afar einkennilegt
..,, “ sagði Bertrand.
Upphaflega var áætlað að
íslandsrallið yrði átta daga
keppni og átti leiðin að liggja
um vegi á hálendi landsins.
Hinsvegar fékkst aðeins leyfi
á tæpan helming þeirra er sótt
var um, þ.e. Kjalveg, Sprengi-
sand, Kaldadal og hugsanlega
Fjallabaksleið, en ákvörðun
hefur enn ekki verið tekið um
hvort sú leið verður leyfð í
keppninni. „Við höfum fengið
synjun á Kverkfjallaleið,
Fljótsdal og Hlöðufelli. Við
Hlöðufellsleiðina var talið að
rafmagnsmöstur stæðu of ná-
lægt veginum. Einnig verður
Arnarvatnsheiði ekki ekin þar
sem við teljum hættu á jarð-
raski vegna mikilla rigninga
undanfarið," sagði Olafur
Guðmundsson, ritari LÍA, sem
aðstoðað hefur Bertrand við
skipulagningu rallsins, er
Morgunblaðið ræddi við hann.
„Það er afar slæmt að búið er
að eyðileggja allt skipulag
keppninnar nokkrum dögum
áður en hún hefst. Líklega
verður keppnin í fimm daga og
þá með einhverju hléi, þar sem
aðeins er um fjórar aksturs-
leiðir að ræða,“ sagði Ólafur.
íslandsrallið á að hefjast
þann 25. ágúst miðað við nú-
verandi áætlun. Aðeins er vit-
að um erlenda keppendur í
rallið, en allmargir íslenskir
ökuþórar hafa þó sýnt keppn-
inni áhuga og nokkrir kepp-
endur í Ljómarallinu segjast
ætla að taka þátt í íslandsrall-
inu ef þeir falla snemma úr
keppni. Einnig kvað Októ Ein-
arsson í Vélhjólaíþrótta-
klúbbnum. Moto-Cross kepp-
endur hafa áhuga, en fulldýrt
væri að taka þátt í rallinu.
Kvað hann jafnframt sérstaka
tegund mótorhjóla þurfa í
svona langa keppni og því
ættu menn erfitt um vik. Það
er því ekki ljóst nákvæmlega
enn sem komið er hvernig end-
anlegt fyrirkomulag rallsins
verður, né hve margir þátttak-
endur koma til með að leggja
af stað. „Við verðum bara að
bíða og sjá hvað gerist er við
komum til íslands," sagði
Bertrand að lokum. „Ég von-
ast enn til að fá allar leiðirnar
í gegn.“ G.R.