Morgunblaðið - 04.01.1984, Blaðsíða 2

2
MORGUNBLAÐIÐ, MIÐVIKUDAGUR 4. JANÚAR 1984
Ljósm.: Ounnar aerg.
Mikið fannfergi er nú á Akureyri og víðar á norðan- og austanverðu landinu, eins og þessi mynd Gunnars Berg
frá Akureyri ber með sér. f gær var slæmt veður á Noröurlandi og austur um til Austfjarða, og voru flestir vegir
ófærir allt frá Holtavörðuheiði norður og suður um til Hornafjarðar. Þá var einnig slæm færð á Vestfjörðum og
víðar á landinu, en er leið á daginn var færð þó orðin góð á Suðurlandi og í nágrenni Reykjavíkur.
Stóriðjunefnd:
Kynna álver við
Eyjafjörð fyrir er-
lendum fyrirtækjum
„VIÐ HÖFUM verið að undirbúa það að hafa samband við erlend fyrirtæki í
áliðnaði og reiknum með að farið verði skipulega í það starf fljótlega, og við erum
að undirbúa sérstakan kynningarbækling. I>á höfum við í huga möguleika á nýrri
álverksmiðju við Eyjafjörð", sagði Birgir ísleifur Gunnarsson formaður stóriðju-
nefndar í viðtali við Mbl. í gær.
Birgir sagði að hugmyndin væri sú
að hefja strax kynningu á þessum
möguleikum hérlendis, því slíkir
samningar tækju alltaf langan tíma,
sérstaklega þar sem sú stefna virtist
nú gilda í þessum iðnaði að fyrirtæk-
in vildu greinilega dreifa áhættunni
í stað þess að fara ein í að reisa
álverksmiðjur. Þá sagði hann þessi
fyrirtæki ekki mörg í heiminum,
telja mætti þau á fingrum sér, því
væri mikilvægt að aðdraganda og
undirbúningi væri gefinn góður tími.
Ýmislegt annað hefur verið í skoð-
un í stóriðjunefnd að sögn Birgis.
Hann sagði mikinn áhuga á Húsavík
fyrir að reisa þar trjákvoðuverk-
smiðju og verið væri að kanna hvort
hugsanlega finnist erlendir aðilar
sem hefðu áhuga á því. Finnskt
fyrirtæki hefur haft mál þetta í at-
hugun fyrir stóriðjunefnd, en Birgir
sagði enga niðurstöðu liggja fyrir
enn.
Þá er annað mál á könnunarstigi
hjá nefndinni, en það er hvort hugs-
anlega sé möguleiki á að reisa kísil-
karbítverksmiðju á Suðurlandi, en
það yrði lítil verksmiðja sem talin er
henta aðstæðum þar vel. Birgir sagði
að Samband sveitarfélaga á Suður-
landi og Iðntæknistofnun hefði verið
að kanna mál þetta sameiginlega og
nefndin hefði nú til athugunar frum-
skýrslu um málið. Hann sagði nefnd-
ina nú vera að velta fyrir sér hvert
framhald málsins gæti orðið.
Rockall-svæðið og réttur íslands:
Hlutdeild í auðlindum eða
yfirráð yfir landgrunni
TVÆR meginhugmyndir liggja nú fyrir um það hvaða réttar íslendingar
geta krafist á Rockall-hásléttunni. Annars vegar er hugmynd um hlutdeild
Islands í auðlindum á svæðinu og hins vegar um rétt íslands til land-
grunnsins umhverfis Rockall. Hvorug þessara hugmynda nýtur viðurkenn-
ingar stjórnvalda þeirra þriggja ríkja sem nauðsynlegt er að ræða eða
semja við um landgrunnið umhverfis Rockall, það er frlands, Bretlands og
Færeyja. Á næstunni fer Hans G. Andersen, sendiherra, til írlands og
Bretlands til að ræða þessi mál við embættismenn þar og skýra sjónarmið
íslendinga.
Hinn 12. desember síðastliðinn
var lögð fram skýrsla í utanrík-
ismálanefnd alþingis frá dr.
Talwani, sem er fyrrum forstöðu-
maður jarðfræðistofnunar Col-
umbia-háskóla í New York. í
skýrslunni reifar hann þau sjón-
armið sem leggja mætti til
grundvallar til að gæta hags-
muna íslands utan 200 sjómílna
efnahagslögsögunnar í áttina að
Rockall, sem er klettur úr hafinu
suð-suðaustur af íslandi. Land-
grunnið utan 12 mílna frá Rock-
all er umdeilaniegt svæði og ekki
er úr því skorið í hafréttarsátt-
mála Sameinuðu þjóðanna hver
skuli hafa yfirráð á því. 200 mílna
mörk fjögurra landa liggja að
svæðinu, Islands, Færeyja, Bret-
lands og írlands.
í skýrslu sinni reifar dr. Tal-
wani þá hugmynd hvort íslend-
ingar geti krafist ríflegrar hlut-
deildar í auðæfum sem finnast
kynnu á landgrunninu umhverfis
Rockall á þeirri forsendu að Bret-
ar og írar eigi olíu og gas á land-
grunni sínu og Færeyingar séu
fámennari en Islendingar, innan
færeyskrar lögsögu kunni að
finnast olía og gas en líkur á að
slíkar auðlindir finnist í lögsögu
íslands séu hverfandi litlar. Dr.
Talwani bendir einnig á að unnt
sé að færa fyrir því ákveðin rök
að Rockall-hásléttan sé jarð-
fræðilegt framhald landgrunns-
ins austur af íslandi.
Á fundi utanríkismálanefndar
12. desember var ákveðið að þing-
menn myndu íhuga skýrslu dr.
Talwani í jólaleyfi alþingis.
Fundur hefur ekki verið haldinn í
nefndinni að nýju um þessi mál
en Hans G. Andersen, sendi-
herra, situr fund með nefndinni
áður en hann fer til Bretlands-
eyja.
Ekki þarf að skoða nýja bíla:
Bifreiðaskoðunum
fækkar um allt að
14 þúsund á ári
ÁÆTLAÐ er að bifreiðaskoðunum hjá Bifrciðaeftirliti ríkisins fækki á
þessu ári um 13 til 14 þúsund, vegna nýrra reglna, sem dómsmálaráðu-
neytið gaf út í gær um bifreiðaskoðun. Samkvæmt hinum nýju reglum
skal ekki færa bifreiðir til einkanota til almennrar skoðunar fyrr en á
þriðja ári eftir að þær voru skráðar í fysta skipti. Samkvæmt þessu þarf
ekki að skoða á þessu ári bíla, sem skráðir voru nýir á árunum 1982 og
1983.
Áfram skal skoða árlega bíla
er taka fleiri en 8 farþega, leigu-
bíla, bílaleigubíla, kennslubif-
reiöir, lögreglu- og sjúkrabíla,
létt bifhjól og fleiri tegundir bíla,
sem ekki flokkast undir fólksbif-
reiðir til venjulegra einkaafnota.
í frétt um hinar nýju reglur frá
dómsmálaráðuneytinu segir
meðal annars:
„Reglur þær um bifreiðaskoð-
un, sem nú hafa tekið gildi, miða
að því að draga nokkuð úr verk-
efnum Bifreiðaeftirlits ríkisins,
án þess að umferðaröryggi rask-
ist. Regiur þessar leiða til um-
talsverðs sparnaðar fyrir ríkis-
sjóð og bifreiðaeigendur, en talið
er að bifreiðaskoðunum á árinu
fækki um 13—14.000. Þá felur
breytingin í sér að bifreiðaeftir-
litið ætti að verða betur sett til
að hafa í ríkara mæli eftirlit með
bifreiðum, sem ástæða er til að
sinna frekar en unnt hefur verið
til þessa.
Þótt skylduskoðun sé felld
niður á nýlegum bifreiðum, hvíl-
ir eftir sem áður á eiganda og
umráðamanni ábyrgð á því að
halda bifreið í fullkomnu lagi.
Verða ökumenn almennt að vera
við því búnir að sæta skoðun á
ökutækjum sínum hvenær sem
er, en samhliða breytingu þessari
á almennri skoðun er ætlunin að
auka skyndiskoðanir ökutækja.“
Morgunbladid/Júlíus.
Jeppi valt:
Fjórir köstuðust
út úr jeppanum
ÖKUMAÐUR Willys-jeppabifreið- inni og köstuðust allir farþeg-
ar missti stjórn á bifreið sinni í arnir út úr henni við veltuna.
hálkunni á móts vió Gunnars- Þrír voru fluttir í slysadeild
hólma, skammt fyrir neðan Lög- Borgarspítalans en meiðsli
bergsbrekkuna laust eftir klukkan þeirra reyndust ekki alvarleg.
tvö í gærdag. Bifreiðin fór eina Jeppinn var með veltigrind.
veltu og staðnæmdist á hjólunum. Sáralitlar skemmdir urðu á
Fimm manns voru í bifreið- jeppanum.
Friðrik Sophusson
Stjórnarnefnd
ríkisspítalanna:
Friðrik Sophusson
skipaður formaður
FRIÐRIK Sophusson alþingismaður
hefur verið skipaður formaður
stjórnarncfndar ríkisspítalanna, af
Matthíasi Bjarnasyni heilbrigðis- og
tryggingaráðherra.
f stjórnarnefnd ríkisspítalanna
eiga sæti sjö menn, fjórir kjörnir
af Alþingi, tveir skipaðir af
starfsmannaráði ríkisspítalanna
og einn án tilnefningar, skipaður
af ráðherra og er hann jafnframt
formaður nefndarinnar.
Skákmótið í Noregi:
Margeir
nú efstur
MARGEIR Pétursson hefur tekið for-
ustu í alþjóðlega skákmótinu í Noregi.
Að loknum sex umferðum hefur hann
hlotið 4 vinninga og á biðskák þar sem
hann stendur betur. Jóhann Hjartar-
son er í 2.—3. sæti með 4 vinninga.
Stefán Þórisson tekur einnig þátt í
mótinu. Hann hefur 2 vinninga og á
biðskák. Margeir Pétursson vann
Schön frá V-Þýzkalandi í gær en Jó-
hann Hjartarson gerði jafntefli við
Rajkovic.
Evrópumeistaramóti unglinga
lauk í gær. Sovétmaðurinn Salov
varð Evrópumeistari. Hann hlaut
10'Á! vinning. Norðmaðurinn Simen
Agdestein hlaut 10 vinninga og
Howell frá Englandi hlaut 9'/i vinn-
ing. Björgvin Jónsson hafnaði í 12.
sæti. Hann hlaut 7 vinninga.