Morgunblaðið - 09.02.1984, Side 31

MORGUNBLAÐIÐ, FIMMTUDAGUR 9. FEBRÚAR 1984
31
Umferðarslys sem dánarorsök:
Bifreiðaljós allan
sólarhringinn
Salóme Þorkelsdóttir (S) o.fl.
þingmenn flytja frumvarp til breyt-
inga á umferðarlögum. Frumvarpið
fclur m.a. í sér:
• Að ljós skuli jafnan tendruð þá
bifreið eða bifhjól eru í notkun.
• Að bifreiðir sem flytja skóla-
börn skuli sérstaklega merktar.
• Ökumenn, sem aka á móti eða á
eftir slíkum skólabifreiðum, skuli
stöðva ökutæki sín meðan skóla-
börnum er hleypt út eða tekin upp.
• að niðurlag 2. gr. gildandi laga,
frá og með orðinu „ljósatími",
skuli niður falla.
í greinargerð kemur fram að
ökumönnum er víða gert að aka
með ljósum allan sólarhringinn
árið um kring. Bifreiðar, sem komi
á móti í umferð, verði mun fyrr
vart ef ljós eru notuð, þó bjartur
dagur sé. Af þessum sökum hafi
„Greyhound“-langferðabifreiðir
ekið með ljósum allan sólarhring-
inn í hálfa öld. Svíar hafi og tekið
þessa reglu upp og séu eina Norð-
urlandaþjóðin sem tekizt hafi að
fækka umferðaróhöppum.
Vitnað er til skýrslu landlæknis
þar sem fram kemur að í aldurs-
hópnum 7—20 ára eru slys algeng-
asta dánarorsök og á aldrinum
17—25 ára eru umferðarslys al-
gengari dánarorsök en nokkur
önnur.
Menntamálaráðuneytið hefur
ákveðið að námsvistargjöld í bók-
námsdeildum iðnskóla verði 8.500
kr. á skólaárinu 1983—1984, en í
verknámsdeildum verði gjaldið
13.550 kr. Um er að rsða gjald á
hvern nemanda, sem ekki á lög-
heimili í Reykjavík.
Þetta kom fram í svari mennta-
málaráðherra við fyrirspurn frá
Helga Seljan, en þar var spurst
fyrir um lagastoð þá sem náms-
vistargjöld og innheimta þeirra
byggðist á, enda hefði innheimtu
þessara gjalda verið mótmælt.
Sagði menntamálaráðherra,
Ragnhildur Helgadóttir, í svari
sínu, að lagaheimild til innheimtu
námsvistargjalda næði til nokkurs
hluta náms, þ.e. iðnnáms, en I lög-
um um iðnfræðslu væri ákvæði
um námsvistargjald. Sagðist hún í
bréfi til borgarstjórans í Reykja-
vík hafa tilkynnt upphæð náms-
vistargjalda fyrir skólaárið
1983—1984. Þá sagðist hún ekki
hafa staðfest innheimtu námsvist-
argjalds vegna annars náms en
iðnnáms, vegna takmarkaðrar
lagaheimildar.
Reykjavíkurborg innheimtir
námsvistargjöld vegna nemend-
anna af þeim sveitarfélögum, sem
nemendurnir eru heimilisfastir í.
Námsvistargjald inn-
heimt vegna iðnnáms
Frumvarp um Kvikmyndasafn
íslands og Kvikmyndasjóð
FRUMVARP til laga um Kvimynda-
safn íslands og Kvikmyndasjóð
verður lagt fram á Alþingi innan tíð-
ar, en nú er unnið að endurskoðun á
uppkasti að frumvarpinu í mennta-
málaráðuneytinu, en í tíð síðasta
menntamálaráðherra voru frum-
varpsdrög um þetta efni til athugun-
ar í ráðuneytinu.
Þetta kom m.a. fram í svari
Ragnhildar Helgadóttur mennta-
málaráðherra í svari við fyrir-
spurn frá Guðrúnu Helgadóttur
alþingismanni, en hún spurðist
fyrir um hvort vænta mætti þess
að ofangreint frumvarp yrði lagt
fram á yfirstandandi þingi. Sagði
Guðrún m.a. þegar hún kynnti
fyrirspurnina, að hún hefði spurst
fyrir um málið fyrir þremur árum,
en þá hefði þáverandi mennta-
málaráðherra sagt að frumvarpið
yrði lagt fram í þinginu „innan
tíðar".
Ragnhildur Helgadóttir sagði
m.a. að nú væri unnið að athugun
á frumvarpinu í ráðuneytinu, því
rétt hefði þótt að gera nokkur
ákvæði þess einfaldari í fram-
kvæmd, en verið hefði samkvæmt
frumvarpsdrögunum. Frumvarpið
yrði síðan lagt fram strax að lok-
inni þessari athugun.
Sjávarótvegsráðuneyti:
Frumvarp
um selveið-
ar í vinnslu
Frumvarp um selveiðar
o.fl. er nú til athugunar í
sjávarútvegsráðuneytinu, að
því er fram kom í máli Hall-
dórs Ásgrímssonar, sjávar-
útvegsráðherra, á Alþingi í
gær, en Guðmundur Einars-
son, alþingismaður, bar fram
fyrirspurn um selveiðar við
Island.
Sagði Halldór að ágreiningur
hefði verið um það, hvernig staðið
hafi verið að selveiðum, en nauð-
synlegt væri að hafa um það víð-
tækt samráð, hvernig að þessum
málum skuli standa. Þá sagði
Halldór að vonast væri til að hægt
yrði að leggja fram frumvarp um
selveiðar á þessu þingi, en í frum-
varpsdrögum væri gert ráð fyrir
því að yfirstjórn þeirra mála yrði í
höndum ráðuneytisins, en einnig
væru þar ákvæði um rannsóknir á
selastofninum.
Guðmundur Einarsson sagði
m.a. að hann vonaðist til að frum-
varp um selveiði yrði lagt fram á
Alþingi hið fyrsta, enda væri mik-
ilvægt að hafa stjórn á þessum
málum.
Ólafur Þ. Þórðarson varpaði
fram þeirri spurningu hvort verið
gæti að sjófuglar bæru hringorm
á milli og stuðluðu þannig að út-
breiðslu hans, en til þess benti
margt, því ekki taldi ólafur líklegt
að selurinn einn ætti sök á auk-
inni útbreiðslu hringorms.
Alexander Stefánsson, félags-
málaráðherra, sagði að í fisk-
vinnslustöð á Vesturlandi hefði
verið gerð könnun á kostnaði við
að hreinsa hringorm úr 600 tonn-
um af saltfiski, en kostnaðurinn
við það hefði numið 4,4 milljónum
króna! Taldi Alexander þetta
dæmi um hvílíkt vandamál þarna
væri á ferðinni og ekki síst vegna
þess að nú væri hringormur
þekktur í nær öll um tegundum
fisks á íslandsmiðum.
Lislamaðurinn Karl Laserfeld hefur í samvinnu við CHLOÉ-safnið i Paris
hannað þessi gullfallegu matar- 05 kaflistell ..Kalablómið"
sem Hutschenreuther framleiðir úr postulini af bestu gerð.
SILFURBÚÐIN
LAUGAVEGUR 55 101 REYKJAVlK SlMI 11065
MARLÍN-TÓG
LÍNUEFNI
BLÝ-TEINATÓG
FLOTTEINN
NÆLON-TÓG
LANDFESTAR
STÁLVÍR
SNURPIVÍR
3%“ 6x24x7
400 mtr. rúllur
•
BAUJUSTENGUR
ÁL, BAMBUS, PLAST
BAUJULUKTIR
ENDURSKINSHÓLKAR
ENDURSKINSBORÐAR
LÍNUBELGIR
NETABELGIR
BAUJUBELGIR
ÖNGLAR — TAUMAR
MÖRE-
NETAHRINGIR
NETAKEÐJA
NETALÁSAR
NETAKÓSSAR
LÓÐADREKAR
BAUJUFLÖGG
NETAFLÖGG
FISKKÖRFUR
FISKGOGGAR
FISKSTINGIR
FLATNINGSHNÍFAR
FLÖKUNARHNÍFAR
BEITUHNÍFAR
KÚLUHNÍFAR
SVEDJUR
STÁLBRÝNI
HVERFISTEINAR
í KASSA OG LAUSIR
RAFMAGNS-HVERFISTEINAR
SALTSKÓFLUR
ÍSSKÓFLUR
KLAKASKÖFUR
FÓTREIPISKEÐJUR
%“
TROLLLÁSAR
DURCO PATENTLÁSAR
%“
GÚMMÍSLÖNGUR
PLASTSLÖNGUR
GLJERAR MEÐ
OG ÁN INNLEGGS
SLÖNGUKLEMMUR
PLÖTUBLÝ
1 — Vh — 2 m/m
TJÖRUHAMPUR
SKÓLPRÖRA-
HAMPUR
STÁLBIK, SVART
•
VELATVISTUR
í 25 KG BÖLLUM
HVÍTUR OG MISL.
GRISJUR I RÚLLUM
SÍMI 28855
Opið laugardaga 9—12.