Morgunblaðið - 02.11.1985, Page 3

MORGUNBLAÐID, LAUG ARDAGUR 2. NÓVEMBER1985
B 3
Þriðjungur segir
stj órnmálamenn
takast á við brýn-
ustu vandamálin
íslenskir stjórnmálamenn fá ekki
sérstaklega glæsilega útreið þegar
almenningur er spurður að því hvort
stjórnmálamennirnir takist almennt
séð á við þau vandamál sem brýnust
eru úrlausnar fyrir íslendinga. Ein-
ungis rúmur þriðjungur svarar spurn-
ingunni játandi, en tveir af hverjum
þremur telja að stjórnmálamennirnir
takist ekki á við brýnustu vandamál-
in.
Taflan sýnir einungis skiptingu
þeirra sem afstöðu tóku, en 8%
svarendanna sögðu „veit ekki“ við
spurningunni. Taflan sýnir líka að
nánast enginn munur er á afstöðu
kynjanna til þessarar spurningar.
Hins vegar leiðir taflan í ljós
nokkurn mun á afstöðu aldurs-
Spurt var: Telur þú að íslenskir stjórnmálamenn takist almennt séð á við þau vandamál sem brýnust eru úrlausnar fyrir íslendinga?
Já Nei Alls (fjöldi)
Svarendur í heild 35% 65% 100% (710)
Kyn
Karlar 33% 67% 100% (360)
Konur 37% 63% 100% (342)
Aldur
18—24 ára 44% 56% 100% (117)
25—29 ára 35% 65% 100% (81)
30—39 ára 41% 59% 100% (182)
40—49 ára 26% 74% 100% (129)
50—59 ára 25% 75% 100% (97)
60 ára og eldri 33% 67% 100% (91)
hópa. Þeir sem yngri eru virðast
hafa heldur meira traust á stjórn-
málamönnum um þetta efni: þeir
eru heldur gjarnari á að svara
spurningunni játandi. En drjúgur
meirihluti i öllum aldurshópum
telur þó að stjórnmálamennirnir
takist ekki á við þau vandamál sem
brýnust eru á íslandi.
Þegar svarendunum er skipt í
hópa eftir þeirri tegund skóla-
göngu sem þeir hafa að baki kemur
í Ijós að munurinn á afstöðu hóp-
anna er ekki mikill. Það er t.d.
enginn skýr munur á afstöðu
þeirra sem hafa stutta og langa
skólagöngu að baki.
Afstaða manna til þess hvort
stjórnmálamennirnir takist á við
brýnustu vandamál íslendinga er
heldur ekki mjög breytileg eftir
því hvaða atvinnu svarendurnir
stunda. Þó skera þrír atvinnuhóp-
ar sig dálítið frá hinum: Þeir sem
vinna að iðnaði eru gagnrýnni á
stjórnmálamennina í þessu efni en
aðrir — einungis fjórðungur svar-
ar spurningunni játandi — en
námsmenn og þeir sem eru heima-
vinnandi eru jákvæðari um þetta:
um helmingur þessara hópa telur
að íslenskir stjórnmálamenn tak-
ist á við brýnustu vandamál þjóð-
arinnar. Hafa ber þó í huga að
tveir síðastnefndu hóparnir eru
ekki mjög stórir í könnuninni (og
á það einkum við um námsmenn)
þannig að skekkjumörk eru stór
fyrir þessa hópa.
Loks má nefna að sáralítill
munur er á afstöðu manna eftir
tekjum og hið sama á við um bú-
setu.
Einungis fjórð-
ungur telur að
stjórnmálamenn
segi yfirleitt
sannleikann
Stjórnmálamönnum er oft legið á
hálsi fyrir að umgangast sannleikann
með nokkurri léttúð; oft er sagt að
þeir hagræði staðreyndum og getur
það bæði falið í sér að þeir fari
beinlínis rangt með og að þeir láti
sér nægja að tína það til sem málstað
þeirra er hagstætt. Hugmyndir af
þessu tagi virðast býsna útbreiddar
meðal íslendinga ef marka má könn-
unina. Þegar menn eru spurðir hvort
þeir telji að stjórnmálamenn segi
yfirleitt sannleikann svarar einungis
fjórðungur þeirra sem skoðun hafa
á málinu játandi. Þrír af hverjum
fjórum telja sem sé ekki að stjórn-
málamennirnir segi yfirleitt satt. Til
viðbótar sögðu svo 9% „veit ekki“
við spurningunni og er þeim sleppt
í töflunni.
Taflan sýnir líka afstöðu ýmissa
hópa til spurningarinnar. í ljós
kemur að karlar eru heldur trúaðri
á það en konur að stjórnmálamenn
segi yfirleitt satt. En mestur
reyndist munurinn á viðhorfunum
vera eftir skólagöngu svarend-
anna. Þrír hópar skera sig mest úr
heildinni: þeir sem hafa lokið stúd-
entsprófi, háskólaprófi og „öðru
námi“. Að vísu ber að hafa í huga
að þessir hópar eru litlir og því
ber að túlka tölurnar með varúð.
Eigi að síður er greinilegt að af-
staða þeirra sem lokið hafa há-
skólaprófi er önnur en hinna. 48%
háskólamannanna telja að stjórn-
málamenn segi yfirleitt satt, sam-
anboriðvið24% heildarinnar.
Þá sýnir taflan að nokkur munur
er á afstöðu manna eftir tekjum.
32% þeirra sem hafa 70 þúsund
eða meira í mánaðarlaun telja að
stjórnmálamenn segi yfirleitt satt,
en einungis 18% þeirra sem hafa
undir 40 þúsund krónum á mánuði.
Loks er athyglisvert að líta á
skiptingu eftir aldri. Þeir elstu
(yfir sextugt) skera sig þar dálítið
úr og eru trúaðri á sannsögli
stjórnmálamanna en aðrir, en að
öðru leyti er munur á afstöðu
aldurshópanna ekki mikill. Taflan
sýnir að vísu að fólk undir þrítugu
tortryggir stjórnmálamennina
ofurlítið meira en hinir, en ekki í
þeim mæli að hægt sé að tala um
skörp skil.
Spurt var: Ertu þeirrar skoðunar að stjórnmálamenn segi yflrleitt sannleikann?
Já Nei Alls (fjöldi)
Svarendur í heild 24% 76% 100% (700)
Kyn
Karlar 29% 72% 100% (347)
Konur 19% 81% 100% (347)
Aldur
18-24 ára 21% 79% 100% (122)
25—29ára 16%. 84% 100% (81)
30—39 ára 26% 74% 100% (185)
40—49 ára 24% 76% 100% (115)
50—59 ára 21% 79% 100% (96)
60 ára og eldri 30% 70% 100% (91)
Skólaganga
Skyldunám eða minna 23% 77% 100% (173) !
Gagnfræðapróf/landspróf 25% 75% 100% (203) ;
Verklegt framhaldsnám (3—4 ár) 20% 80% 100% (128)
Stúdentspróf 13% 87% 100% (45)
Annað bókl. framhaldsnám (3—4 ár) 31% 69% 100% (62)
Háskólapróf 48% 52% 100% (46) ,
Annað 10% 90% 100% (40) 1
Tekjur
Undir 30 þúsund 18% 82% 100% (94)
30—39 þúsund 18% 82% 100% (94)
40—49 þúsund 25% 75% 100% (102)
50—69 þúsund 22% 78% 100% (144)
70 þúsund eða hærra 32% 68% 100% (117)