Morgunblaðið - 28.12.1985, Qupperneq 48

STADFEST lÁNSfRAUST
^Vuglýsinga-
síminn er22480
LAUGARDAGUR 28. DESEMBER1985
VERÐ í LAUSASÖLU 40 KR.
Snjóflóðið á Seyðisfírði:
Siglinga-
málastofn-
unin varaði
við staðsetn-
ingu olíu-
geymisins
í SKÝRSLU, sem Siglingamála-
stofnun ríkisins gaf út árið 1976,
var sérstaklega varað við stað-
setningu olíugeymisins á Seyðis-
fírði, sem skemmdist í snjó-
skriðu aðfaranótt annars dags
jóla. Skýrslan var gefín út í kjöl-
far könnunar, sem gerð var í
árslok 1975, á olíubirgðageym-
um á Austfjörðum.
Að sögn Magnúsar Jóhannes-
sonar, siglingamálastjóra, var
sérstaklega tekið fram í þessari
skýrslu, að þessi geymir á Seyðis-
firði væri illa staðsettur, þar sem
vitað var, að þarna höfðu fallið
snjóflóð áður. Lagt var til að
geymirinn yrði fluttur og enn-
fremur, að í kringum hann yrði
sett olíuþró og gengið þannig frá
lögnum, að þær yrðu varðar.
Mjög snjóþungt er á Seyðisfirði
og var tekið fram í ábendingum
Siglingamálastofnunar að reynt
yrði að koma í veg fyrir að óhöpp,
eins og þarna varð nú, gætu átt
sér stað.
Olía fyllti smábátahöfnina
Milli 300 og 400 tonn af svartolíu láku í sjóinn á SeyAisfírði á
annan dag jóla þegar snjóskriða rauf leiðslu við olíutank hjá
bræðsluverksmiðju ísbjarnarins. Olíuna rak inn fjörðinn og er
talið að um hundrað tonn hafí sest í smábátahöfnina og víkina
utan við hana. Kristján Kristjónsson, einn smábátaeigenda á
Seyðisfirði, mokar þarna upp krapaðri olíuleðju. Það var þó
aðeins gert í sýningarskyni, en eiginleg dæling hófst síðdegis í
gær og gekk greiðlega.
Sjá nánar frásögn á bls. 4 og fréttamy nd á bls. 28.
Magnús sagði að reglugerð
hefði verið sett um olíustöðvar
árið 1982 þannig að nú væri skýrt
kveðið á um, að óheimilt væri
að setja upp nýjar stöðvar á
svæðum þar sem snjóflóð hafa
fallið. Ennfremur eru gerðar þær
kröfur að setja olíuheldar þrær
í kringum geymana. Þessi reglu-
gerð gilti ekki aftur fyrir sig,
þannig að ekki var hægt að gera
þá kröfu, að flytja umræddan
olíugeymi á Seyðisfirði, heldur
var einungis á það bent, að stað-
setning hans væri óheppileg.
Drög að reglugerð um útvarp samkvæmt tímabundnum leyfum:
Lagt til að miða leyfisgjaid
að hluta við íbúafjölda
í DRÖGUM að reglugerð um út- I leyfum er lagt til að mótun dag-
varp samkvsmt tímabundnum | skrár skuli vera í höndum stjórn-
enda útvarpsstöðva. Sá sem hafi
leyfi til útvarpsrekstrar skuli sjálf-
ur bera kostnað af öllum fjárfest-
ingum og rekstri stöðvarinnar og
kosta almenna dagskrárgerð. Þó sé
heimilt að einstakir dagskrárliðir
séu kostaðir af öðrum aðilum, sé
þess getið í kynningu. Slíkir dag-
skrárliðir megi þó ekki nema
meira en 10% af samanlagðri lengd
dagskrár í mánuði hverjum. Þá er
gerð tillaga um að einstakur aðili í
mánuði hverjum megi ekki kosta
einstaka dagskrárliði umfram 3%
af samanlagðir dagskrárlengd út-
varpsstöðvarinnar.
Fyrsta grein draganna gerir ráð
fyrir að leyfi til útvarpsrekstrar
almennings á afmörkuðum svæð-
um megi veita hvers konar félaga-
samtökum, hlutafélögum og lög-
ráða einstaklingum. „Þó er óheim-
ilt að veita erlendum aðila leyfi
til útvarpsrekstrar, né félagi eða
stofnun þar sem eignarhlutdeild
erlendra aðila er meiri en 10%,“
segir orðrétt í 1. grein.
Fimmta grein fjallar um leyfis-
veitingar. Þar er gert ráð fyrir að
leyfi til hljóðvarps verði veitt til
þriggja ára, þegar leyfi er veitt í
fyrsta sinn, en til fimm ára eftir
það. Leyfi til sjónvarps til 5 ára í
fyrsta sinn, en síðan til 7 ára.
Gerð er tillaga um að útvarpsrétt-
arnefnd ákveði leyfisgjald sem
renni í ríkissjóð. Slíkt gjald verði
grunngjald, það sama fyrir allar
stöðvar, að viðbættu viðbótar-
gjaldi, miðað við íbúafjölda á því
svæði sem útvarpsleyfi afmarkast
af.
í drögunum er jafnframt gerð
tillaga um að útvarpsréttarnefnd
geti krafist upplýsinga úr bókhaldi
og reikningum útvarpsstöðvar sé
þess talin þörf við úrlausn hvort
laga- eða reglugerðarákvæði eða
leiguskilmálar hafi verið brotin.
„Skal trúnaðarmanni nefndarinn-
ar heimilt að kanna slík gögn í
umboði hennar. Hann skal bund-
inn þagnarskyldu um allt það sem
leynt á að fara,“ segir orðrétt í
drögunum.
í 14. grein er fjallað um tekjuöfl-
un útvarpsstöðva. Þar segir orð-
rétt: „Útvarpsstöðvum er heimilt
að afla tekna með auglýsingum,
afnotagjaldi eða sérlegu gjaldi
vegna útsendingar fræðslu- og
skýringarefnis sem áskilja má úr
hendi þess sem óskar útvarps á
slíku efni. Annars konar tekjuöfl-
un er óheimil."
6. grein draganna segir að út-
varpsstöðvar skuli stuðla að al-
mennri menningarþróun og efla
íslenska tungu. Efni á erlendu máli
sem sýnt sé í sjónvarpi skuli jafn-
an fylgja íslenskt tal eða neðan-
málstexti á íslensku. Erlendir
söngtextar eru þó undanskildir svo
og beinar útsendingar á fréttum
og dagskrárefni um gervihnetti,
en þá skuli kynning eða endursögn
þularfylgjaefninu.
Morjfunblaöið/Bjarni
Verðla unaafhending Morgunblaðsins
HIN árlega verðlaunaafhending Morgunblaðsins,
þar sem íþróttafólki sem skarað hefur fram úr á
liðnu ári, var veitt viðurkenning, fór fram í gær.
A myndinni _ eru verðlaunahafar ásamt fram-
kvæmdastjóra Árvakurs, Haraldi Sveinssyni.
Efri röð frá vinstri: Valur Ingimundarson, körfu-
knattleiksmaður, Ómar Torfason, knattspyrnu-
maður, Eðvarð Þór Eðvarðsson, sundmaður. Guðni
Halldórsson, formaður FRÍ, sem tók við viðurkenn-
ingu fyrir hönd Einars Vilhjálmssonar, Ragnar
Margeirsson, knattspyrnumaður, Sigurður Péturs-
son, golfmaður, og Kristján Arason, handknatt-
leiksmaður. Neðri röð frá vinstri: Ragnar Ólafsson,
sundmaður, Bryndís Ólafsdóttir, sundkona, Har-
aldur Sveinsson, framkvæmdastjóri Árvakurs,
Hugrún Ólafsdóttir, sundkona, Hrafnhildur Guð-
mundsdóttir, sundþjálfari.
Sjá nánar á íþróttasíðu.