Morgunblaðið - 28.02.1987, Qupperneq 47

MORGUNBLAÐIÐ, LAUGARDAGUR 28. FEBRÚAR 1987
47
Amnesty International:
Fangar mánaðar-
ins - febrúar 1987
Morgunblaðið/Sigurður Jónsson
Hilmar Pálsson bakari með kleinustafla. Með honum á myndinni er
Katrín Helgadóttir starfsstúlka.
Ný kökugerð
á Selfossi
Flatkökur og kleinur uppistaðan í framleiðslunni
Mannréttindasamtökin Am-
nesty International vilja vekja
athygli almennings á máli eftir-
farandi samviskufanga í febrú-
ar. Jafnframt vonast samtökin
til að fólk sjái sér fært að skrifa
bréf til hjálpar þessum föngum
og sýna þannig í verki andstöðu
sína við að slík mannréttindabrot
eru framin. íslandsdeild Am-
nesty gefur einnig út póstkort
til stuðnings föngum mánaðar-
ins, og fást áskriftir á skrifstofu
samtakanna.
Júgóslavía: Destan AIiu er 28
ára gamall veitingasali af albönsk-
um ættum, sem flutti frá Júgóslavíu
til Bandaríkjanna árið 1974. Hann
hafði fengið fullt búsetuleyfi og var
að sækja um borgararéttindi árið
1982 þegar hann fór frá Banda-
ríkjunum til Júgóslavíu til að giftast
unnustu sinni og heimsækja föður
sinn sem var veikur. Þrem dögum
eftir giftinguna var hann hand-
tekinn á heimili föður síns í Zajas
í V-Makedóníu og ákærður fyrir
aðild að albönskum innflytjenda-
samtökum í Bandaríkjunum og fyrir
þátttöku í mótmælaaðgerðum í
Chicago, New York og Washington
til stuðnings albanska þjóðarbrotinu
í Júgóslavíu; svo og fyrir að hafa
mætt á þjóðhátíðarfagnaði í
Chicago 1974-81 þar sem Júgó-
slavía og þarlend stjómvöld voru
gagnrýnd. Ákæran byggðist á 131.
grein almennra hegningarlaga, sem
kveður á um allt að 15 ára dóm
fyrir „þátttöku í fjandsamlegum
aðgerðum". Destan Áliu hlaut 7 ára
fangelsisdóm, og er vistaður í
Idrizovo-fangelsi í Makedóníu.
Dóminíkanska lýðveldið: Pablo
Liberato Rodrigues, 24 ára stúd-
ent, var handtekinn 9. ágúst 1974
í San Francisco de Macoris og flutt-
ur til lögreglustöðvar bæjarins, þar
sem hann sást síðast með blæðandi
auga og sár á hálsi sem benti til
barsmíða. Ættingjum var sagt frá
handtökunni, en daginn eftir var
þeim sagt að hann hefði sloppið,
en „yrði skotinn ef hann fyndist".
Skömmu síðar spurðist að hann
hefði verið fluttur í fangelsi bæjar-
ins og þar fengust þær upplýsingar
að hann væri í haldi samkvæmt
varðhaldsúrskurði. í kjölfar þessara
upplýsinga var yfirmaður fangelsis-
ins rekinn og lögreglustjórinn lét
svo ummælt að Pablo hefði „náðst
aftur", en neitaði því síðar. Hann
hefur ekki sinnt fyrirmælum yfír-
manns ríkislögreglunnar um að
birta upplýsingar um málið, og
habeas corpus-beiðni frá lögfræð-
ingum hefur heldur ekki borið
árangur. Nokkur viðurkenning
fékkst árið 1981 á að Pablo Rodr-
igues hafi horfið á meðan hann var
í vörzlu lögreglunnar, en ríkisstjóm
Joaquín Balaguer sem var við völd
1974 og var endurkjörin í fyrra
hefur ekki svarað fyrirspumum AI
um málið.
Kamerún: André Beyegue
Yakana, öryggisvörður og meðlim-
ur í Vottum Jehóva, var handtekinn
í des. 1984, að því er virðist eftir
fund Votta Jehóva á heimili hans í
þorpinu Limbe. Háttsettur stjórnar-
starfsmaður er borinn fyrir því að
a.m.k. 80 Vottar Jehóva hafi verið
handteknir á sama tíma, vegna
þess að þeir neiti að hylla þjóð-
fánann og kjósa. Vottar Jehóva
voru bannaðir með ríkistilskipun
1970, og virtist ástæðan sú að
margir þeirra hafa neitað að kjósa
í forsetakosningum af trúarástæð-
um. FYammámaður í eina stjórn-
málaflokknum sem leyfður er
ásakaði sértrúarsamtökin árið 1975
um að „dreifa röngum upplýsing-
um“ og kvað þau hafa orðið að
„skjóli fyrir alla sem eru á móti
stofnunum ríkisins". Samtökin hafa
þó ekki verið talin andvíg ríkis-
stjóminni, og meðlimir þeirra
virðast einungis lifa í friði í sam-
ræmi við trúarskoðanir sínar.
Þeir sem vilja leggja málum þess-
ara fanga lið, og þá um leið
mannréttindabaráttu almennt, eru
vinsamlegast beðnir að hafa sam-
band við skrifstofu íslandsdeildar
Amnesty, Hafnarstræti 15,
Reykjavík, sími 16940. Skrifstofan
er opin frá kl. 16.00-18.00 alla virka
daga. Þar fást nánari upplýsingar
sem og heimilisföng þeirra aðila
sem skrifa skal til. Einnig er veitt
aðstoð við bréfaskriftir ef óskað er.
Selfossi.
NÝ kökugerð tók nýlega til
starfa á Selfossi, Kökugerð Hilm-
ars Pálssonar. Þar eru steiktar
kleinur, bakaðar flatkökur og
skonsur.
„Mér datt þetta einfaldlega í hug
vegna þess að ég var orðinn leiður
á því að vinna ekki í plássinu. Var
reyndar búinn að vera með þetta í
maganum í tvö ár,“ sagði Hilmar
Pálsson, sem er lærður bakara-
meistari en hefur undanfarin ár
unnið sem málarasveinn.
Kleinumar, flatkökumar og
skonsurnar frá Kökugerðinni eru
seldar í verslunum og til mötu-
neyta. Hilmar sagði greinilegt af
viðtökunum að þetta hefði vantað
í plássið.
Sig.Jóns.
A morgun
í Laugardalshöll
íslandsmeistarakeppni í samkvæmisdönsum
Keppnisdagurinn skiptist í tvennt:
Fyrri hluti er síðdegis og keppa þá yngri flokkar þ.e. 13 ára og yngri.
Húsið opnað kl. 14.00 — Bolluveitingar.
Um kvöldið keppa síðan eldri flokkar — 14 ára og eldri.
Húsið opnað kl. 19.00 — Allar veitingar.
0n«
Alþjóðlegir dómarar
Glæsileg sýningaratriði
Aðgöngumiðar eru seldir í dansskólunum og á morgun við
innganginn frá kl. 13.00.
Fjölmennum á spennandi og hrífandi keppni,
því þetta er dansviðburður ársins.
Borðapantanir í síma
35355 milli kl. 15 og 18.
Dansráð íslands