Morgunblaðið - 07.07.1987, Blaðsíða 5
MORGUNBLAÐŒ), /IÞROTTIR ÞRŒXIUDAGUR 7. JULÍ 1987
B 5
Dankersen þar sem Ólafur H. Jóns-
son var leikmaður. Með því að
fylgjast svona með handboltaþjálf-
un í langan tíma í löndum þar sem
handboltinn var hátt skrifaður lærði
ég geysilega mikið og þetta var
skemmtilegur tími.
Ég kom síðan heim árið 1976 og
tók þá við þjálfun 21-árs landsliðs:
ins sem ekki hafði verið til áður. í
liðinu voru strákar eins og Kristján
Sigmundsson og þeir sem eru á
svipuðum aldri. Við fórum til
Þýskalands og lékum þar tvo leiki,
við unnum fyrri leikinn 18:16 man
ég og þetta gekk vel hjá okkur
enda mikill efniviður. Fimm leik-
menn úr liði Þjóðveija urðu síðan
heimsmeistarar 1978.
Unglingalandsliðið var ég síðan
með og það eru þeir strákar sem
nú eru í landsliði okkar. Þeir voru
mikil efni og lögðu mikið á sig við
æfingar. Við æfðum tvisvar á dag
um sumarið og á Norðurlandamót-
inu urðum við í öðru sæti með
jafnmörg stig og Svíar sem unnu.“
„Hætti ef strákurinn þjálfar!“
„Þegar ég var 22ja ára tók ég við
þjálfun hjá meistaraflokki Fram
sem var í 1. deild. Ég man að Sigur-
bergur Sigsteinsson og fleiri af
„gömlu" jálkunum sögðust ætla að
hætta ef þessi strákur ætti að verða
þjálfari! Annars hafa það verið eldri
leikmennirnir sem reynst hafa mér
best í gegnum tíðina.
Fallbaráttan hjá okkur þetta árið
var ævintýraleg. Við lékum við tvo
leiki við KR um fallið og töpuðum
fyrri leiknum með 6 mörkum og
nokkrum dögum síðar lékum við
seinni leikinn og Amar Guðlaugs-
son var þá í leikbanni. Fyrir leikinn
sagði ég við strákana að það væri
líklegast útilokað að vinna en ég
treysti þeim til að klára dæmið.
Við unnum með 7 mörkum og héld-
um okkur í deildinni.
KR-ingar léku síðan aukaleik við
HK og vann fyrri leikinn með 7
mörkum en tapaði þeim síðari með
fleiri mörkum og féll í 2. deild."
LandsliAsþjálfarí
Jóhann Ingi vann fyrir sér á sumr-
in sem fararstjóri á Spáni og hafði
fengið tilboð frá liðum þar um að
þjálfa. Sumarið 1978 var hann á
leið til Spánar þegar Sigurður Jóns-
son formaður HSÍ hringdi í hann
og spurði hvort hann væri ekki til-
búinn til að taka að sér A-landsliðið.
„Sigurður hringdi í mig daginn áður
en ég fór út og það var gerður
samningur til fjögurra ára sem end-
urskoða átti árlega. Flestir gengu
út frá því að íslenskur þjálfari gæti
ekki náð neinum árangri með lands-
liðið. Januzs Cerwinsky hafði verið
þjálfari og liðinu hafði gengið mjög
illa.
Ég ákvað að yngja liði verulega og
tók inn nokkra stráka úr 21-árs lið-
inu sem staðið höfðu sig vel. Við
fórum með ungt lið á Eystra-
saltskeppnina 1980 og eftir þá
keppni komu upp leiðindi varðandi
endurnýjun samningsins við HSÍ.
Júlíus Hafstein var formaður og
studdi mig í því að yngja upp liðið
en ný stjóm tók síðan við og þeir
höfðu aðrar hugmyndir þannig að
ég hætti. Hilmar Bjömsson tók við
liðinu og kallaði á „gömlu" jaxl-
ana.“
Góður árangur Bogdans
„Bogdan hefur náð miklum og góð-
um árangri með liðið. HSÍ hefur
einnig unnið gott starf og sem bet-
ur fer skilið mikilvægi unglinga-
starfsins en hinsvegar má gera
meira í sambandi við menntun þjálf-
ara heima."
íslenska landsliðið hefur staðið sig
vel undanfarin ár eins og alþjóð
veit. Hver er skoðum Jóhanns Inga
á gengi liðsins?
„Það em auðvitað margar tilviljanir
sem gerðu það að verkum að við
komumst á Ólympíuleikana í Los
Angeles. Við áttum ekki að vera
þar inni en vegna þess að nokkrar
þjóðir hundsuðu leikana komumst
við þar inn með stuttum fyrirvara.
Þar gekk okkur ljómandi vel og
tryggðum okkur sæti á HM í Sviss.
í Sviss gekk mjög vel og liðið verð-
skuldaði sjötta sætið. Liðið óx með
hverjum leik og stjómun Bogdans
naut sín vel. Islenska liðið er nú
með eitt leikreyndasta lið Vestur-
Evrópu og leikmenn liðsins em allir
á réttum aldri, em á toppnum núna
og því ætti það að geta náð langt
í Seoul. Ég held ég megi fullyrða
að ekkert lið í Vestur-Evrópu undir-
búi sig eins vel og markvisst fyrir
svona stórmót eins og íslenska liðið.
Það sannast á danska knattspymu-
landsliðinu og íslenska handbolta-
landsliðinu að það er hægt að ná
langt þó svo leikmenn leiki í mörg-
um löndum. Ég held að það sé eins
með handbolta og allt annað í lífinu,
vinnan skilar sér, og handbolta-
menn okkar leggja mikla vinnu á
sig til að ná langt.
Markmiðið á næstu Ólympíuleikum
er auðvitað að komast i A-heims-
meistarakeppnina, það er að segja
að verða i einu af sex efstu sætun-
um. Ég held það sé ef til vill erfiðara
að vinna sig upp úr B-keppninni
núna en að halda sér í A-keppn-
inni.“
Áeftiriaun
Nú hefur nafn Jóhanns Inga heyrst
nefnt í sambandi við þjálfun lands-
liðsins eftir Ólympíuleika en líklegt
er að Bogdan hætti þá með liðið.
Er hann tilbúinn til að taka að sér
liðið ef til hans verður leitað?
„Ég veit það ekki. Ég er búinn að
vera atvinnuþjálfari í áratug og er
því eiginlega kominn á eftirlaun
sem þjálfari en þó ég hætti að
þjálfa mun ég reyna að miðla
reynslu minni til þeirra sem áhuga
hafa á og margir hafa sagt að mér
beri skylda til að miðla þekkingu
minni. Ég tel mig þó ekki bundinn
handboltanum alla ævi. Þetta er
slítandi starf, sérstaklega hér í
Vestur-Þýskalandi, hver leikur hér
er úrslitaleikur. Þess er krafist að
árangur náist sama hvernig ástand-
ið er, þó svo lykilmenn séu meiddir
og fleira koma upp á. Þetta hefur
líka orðið til þess að skelin er orðin
harðari en áður! Ég var eflaust við-
kvæmur heima á sínum tíma en það
hefur breyst. Þannig verður þetta
þegar maður lifír við mikla gagn-
rýni. Bogdan hefur til dæmis verið
mikið gagnrýndur, en hann nær
árangri. Það er nefnilega ekki alltaf
sama sem merki milli vinsælda og
gæða. Helsta gagnrýnin á mig hér
er sú að ég haldi leikmönnum dá-
lítið frá mér, setjist of sjaldan niður
með þeim í rólegheitum til að
drekkja bjór!“
Jóhann segir mikinn mun að vinna
með Þjóðverjum og íslendingum.
„Menn hafa það svo gott hér að
það verður að sparka í þá til að
þeir hreyfí sig. Unglingar hér rétta
út hendina; segjast hlaupa af stað
eftir að hafa fengið umbunina fyrir
það. Heima er þessu öfugt farið.
Þar hlaupa menn og athuga síðan
með viðurkenningu. Þannig á það
líka að vera.“
Jóhann segir þjálfun í Þýskalandi
vera harðan skóla: „Það eru 50%
líkur á því að maður verði rekinn
ef ekki gengur vel. Þó sökin sé
ekki alltaf þjálfarans er það hann
sem er látinn fara. Þetta er því lýj-
andi starf, en það er ekkkert sem
jafnast á við sigur. Það er stórkost-
leg tilfínning að sigra. Ef við töpum
verður að efla mannskapinn til að
vinna næsta leik, sem er alltaf sá
mikilvægasti."
Þegar ítrekað var spurt um íslenska
landsliðið, sagði Jóhann Ingi fyrri
tækifæri sín heima liðna tíð og
hann sagðist ekki erfa neitt við
neinn. „Mér gáfust önnur tækifæri,
til dæmis að koma hingað til Þýska-
lands. Þegar ég skipti svo yfír til
Essen vissi ég að ég var að taka
að mér erfítt verkefni, og þannig
vil ég einmitt hafa þetta. Ég held
ég sé svipaður og_ Jón Hjaltalín
hvað það snertir. Ég vil taka að
mér kreíjandi verkefni _því ég trúi
að ég geti leyst þau. Ég er mjög
metnaðargjam, eins og margir ís-
lendingar, og hjartað fylgir alltaf
með í því sem ég er að gera.“ Hann
sagðist ekki hafa velt því fyrir sér
hvort hann tæki við íslenska lands-
liðinu ef honum stæði það til boða.
„Það yrði erfítt verkefni, spuming
um að byggja upp í tvö ár, og leyfa
ungu strákunum að leika í friði, og
tapa í friði ef því er að skipta. Þeir
verða að fá tíma og leikreynslu til
þess að geta staðið sig þegar í stóru
mótin er komið,“ sagði hann.
sigur sé stórkostleg tilfínning, ef marka
Sigur er stórkostleg tilfinning
Áhorfendur og stuðningsmenn Tusem Essen eru sammála Jóhanni Inga um að
má fagnarðarlætin í Grugehallen, heimavelli þeirra.
SIGLINGAR / ÍSLANDSMÓT
Morgunblaöið/BAR
Svrfðu seglum þöndum
Keppnin á íslandsmótinu var spennandi. Hér er einn keppenda á fleygi ferð á
kænu sinni og virðist bara ganga vel.
Bjarki varð
íslands-
meistariá
Topper
UM helgina var íslandsmeist-
aramót barna og unglinga í
siglingum á Topper- og Optim-
istkœnum haldiö á Fossvogin-
um.
m
Íslandsmeistari á Topperkænum
varð Bjarki Amórsson úr Ými í
Kópavogi en í örðu sæti varð Guðni
Jóhannesson úr siglingaklúbbnum
Siglunesi í Reykjavík. Hinrik Lax-
dal úr Ými varð þriðji.
í keppninni á Optimistkænum var
keppt í pilta- og stúlknaflokki en á
slíkum bátum keppa böm á aldrin-
um 8 til 14 ára. íslandsmeistari
pilta varð Ragnar Már Steinsen úr
siglingaklúbbnum Kópanesi í Kópa-
vogi en annar varð piltur úr sigl-
ingaklúbbnum Sörva á Egjlsstöð-
um, Óli Grétar Sveinsson. í þriðja
sæti varð Guðni Dagur Kristjánsson
úr Kópanesi.
I stúlknaflokki varð Sigríður Ólafs-
dóttir íslandsmeistari en hún er úr
Kópanesi í Kópavogi eins og stúlk-
umar sem voru í tveimur næstu
sætum. Hólmfríður Kristjánsdóttir
varð í öðm sæti og Ingibjörg Böðv-
arsdóttir varð í þriðja sæti.
HM A470-BATUM
íslendingamir
aftarlega
ÍSLENSKU keppendurnir á
470-bátum gekk ekki vel á
heimsmeistaramótinu sem
fram fór í Kiel í Vestur-Þýska-
landi í síðustu viku. Þeir urðu
Í77. sæti af 120 keppendum.
eir félagar, Gunnlaugur Jónas-
son og Jón Ólafur Pétursson,
byijuðu mjög vel í keppninni. Eftir
fyrsta dag hennar voru þeir í átt-
unda sæti en í annari umferð fengu
þeir á sig kæru sem í fyrstu var
dæmd þeim í vil en sá sem kærði
fékk málið tekið upp að nýju og
á merinni
á féll dómur þeim í óhag.
þriðju umferð urðu þeir félagar í
68. sæti og í 62. sæti í þeirri fjórðu.
í fimmtu og síðustsu umferðinni
gekk enn verr. Þá var logn og þeim
félögum tókst ekki að komast í
mark innan tiltekinna tímamarka
og enduðu þeir því í 77. sæti.
Sigurvegarar urðu Vestur-Þjóðvetj-
ar og bátur frá þeim varð einnig í
þriðja sæti en ítali skaust á milli
þeirra. Ný-Sjálendingar sem höfðu
haft forystu lengst af urðu að sætta
sig við fjórða sæti.