Morgunblaðið - 12.07.1987, Blaðsíða 14

14 B MORGUNBLAÐIÐ, SUNNUDAGUR 12. JÚLÍ 1987
Leiðangursmenn í kröppum dansi skömmu eftir að lagt var að stað.
hvítfyssandi
öldur og
iðustrauma
Frásögn af siglingu fatlaðra niður Hvítá
ÁRLA morguns laugardag einn í júlí leggja syfjaðir Morgun-
blaðsmenn af stað frá Reykjavík austur á bóginn. Veðrið er
gott, himinn heiður og blár og vegfarendur fáir svo snemma
dags. Áfangastaðurinn er Bláfell á Kili. Klukkan níu ætla
nokkrir félagar úr íþróttafélagi fatlaðra að hefja þaðan sigl-
ingu sína niður Hvítá á gúmmíbátum. Við siglinguna njóta
íþróttamennirnir aðstoðar þaulvanra siglingamanna úr Nýja
ferðaklúbbnum. Ætlunin er að safna peningum með áheitum
til að reisa íþróttahús fyrir fatlaða að Hátúni 12.
Við Bláfell hittum við leiðangurs-
mennina sem eru í óðá önn við að
undirbúa siglinguna. Allir fá björg-
unarbelti og öryggishjálm og þegar
búið er að blása lofti í bátinn er
fólkinu raðað niður í hann. Nokkr-
um dögum fyrr var haldin æfing í
sundlaug í Reykjavík þar sem leið-
angursmönnum var kennt að róa í
takt. Mjög mikilvægt er að skip-
vetjar séu samtaka í róðrinum og
hlýði skipstjóra sínum umyrðalaust
hvað sem á dynur. Vilborg Hannes-
dóttir (Villa) er skipstjóri og áður
en lagt er af stað fer hún yfír helstu
öryggisatriði með áhöfninni.
Anna Geirs er ein þeirra sem sigl-
ir með í þessum fyrsta áfanga. Hún
er hneyksluð þegar ég spyr hana
hvort hún kvíði fyrir siglingunni.
„Ég hlakka ofboðslega til“ segir
hún. „Ég hef ferðast víða en aldrei
hlakkað til nokkurs eins og þessa.
Verst að þeir hleypa bara tveim
fötluðum með í gljúfrinu þvi þar
vildi ég helst fara“.
„Þetta er ótrúlegt“
Gljúfrið sem Anna minntist á er
rétt fyrir neðan Gullfoss. Þar er
viðsjálverðasti hluti siglingarinnar
og fjöldi fatlaðra er takmarkaður
við tvo.
Til að komast niður í gljúfrið
þarf að síga niður rúmlega 20 metra
hamravegg frá gljúfurbarminum
sem kallaður er Pjaxi niður að
vatnsborðinu. Leiðangursmenn
gefa sér góðan tíma til að undirbúa
þennan hluta ferðarinnar. Öll bönd,
hnútar oa- annar klifurbúnaður er
Baldur Guðnason sígur niður í Hvítárgljúfur við Gullfoss með aðstoð ferðaklúbbsmanna.