Morgunblaðið - 20.11.1987, Blaðsíða 13

MORGUNBLAÐIÐ, FÖSTUDAGUR 20. NÓVEMBER 1987
B 13
n/IYNDBÖIMP
Sæbjöm Valdimarsson
Framhald af bls. Bll.
menn laðast að í hrönnum. En einn
fagran veðurdag í paradís hennar
á Austurströndinni knýr ógæfan
dyra í kjölfar dularfulls dauðsfalls.
Er nú friðurinn úti hjá fögru ekkj-
unni, sem einhver 'úll feiga.
Afskaplega er þetta nú ómerkileg
og lítt spennandi blanda. Það er
fátt sem kemur áhorfandanum á
óvart nema ef vera skyldi staða
Pleshette í kvikmyndaheiminum og
ferill hennar. Eitt sinn var hún tal-
in ein efnilegasta leikkonan í
Hollywood. Nú er hún farin að hall-
ast á sextugsaldurinn og að baki
aðeins urmull undirmálsmynda, á
borð við þessa, en undantekninga-
lítið hefur hún skilað sínu furðuvel.
Hún er sú eina sem eitthvað lætur
að sér kveða í A Stranger Waits
og má sín ekki mikils í andleysinu.
A niðurleið
drama
Deadly Care ★ ★
Leikstjóri: David Anspaugh.
Handrit: Lane Slate. Framleið-
endur: Wendy Riche og Paul
Rudnick. Aðalleikendur: Cheryl
Ladd, Jennifer Salt, Jason Miller.
Bandarísk sjónvarpsmynd. Uni-
versal Studios/Laugarásbíó
1987. 120 mín.
Hér er fengist við gamalkunnugt
vandamál; baráttu mannskepnunn-
ar við dóp og brennivín. Ladd leikur
hjúkrunarkonu sem byggði upp
gjörgæsludeild á sjúkrahúsi ásamt
lækninum Miller. Eilífur ótti hennar
við að dauðinn nái alltaf vinningn-
um verður þess valdandi að hún
ánetjast töflum og áfengi. Leið
hennar liggur þá frá sínu upp-
byggingarstarfi á annað sjúkrahús
þar sem henni verða á hræðileg
mistök. Þá sér hún ekki nema einn
veg færan, að hafa samband við
AA-samtökin.
Deadly Care er sögð byggð á
sannsögulegum heimildum ogengin
ástæða til að vefengja það, hlið-
stæðir hlutir eru sífellt að gerast í
kringum okkur. Fólk leitar víst ekki
meðferðarstofnana fyrr en allt er
komið í kaldakol, jafnvel um sein-
an. Myndir sem Deadly Care geta
vonandi greitt eitthvað úr þeirri
sjálfheldu.
Spjall
Slæmur frágangur á hlífðarkáp-
um myndbandahulstranna hafa oft
vakið gremju manna. Þar er nú einu
sinni að fínna einu upplýsingamar
sem fáanlegar eru um innihaldið,
og mikið skelfing eru þær oft fá-
tæklegar. í verstu tilfellunum eru
þær ekki einu sinni á íslensku, held-
ur er notast við ensku kápuna (sem
hlýtur að vera kolólögiegt í dag,
fyrir utan lítilsvirðinguna við þá
sem ekki kunna málið) plús miðar
sem á er letrað á ísl. texti og sá
aldurshópur sem leyflst að taka
bandið á leigu. Merkilega algengt
er, að enn þann dag í dag, í allri
samkeppninni, fá menn myndbönd
uppí hendumar, jafnvel frá stórum
útgefendum, þar sem ekkert er að
hafa nema lélega þýðingu á inni-
haldi og nöfn helstu stjamanna og
nafn myndarinnar. Úr þessu þarf
að bæta, hér er um sjálfsagt rétt-
lætismál að ræða gagnvart neyt-
endum og metnaðarmál hjá
framleiðendum, skyldi maður ætla.
Sjá næstu opnu.
Fróöleikur og
skemmtun
fyrir háa sem lága!
Miele bvottavélar
áleiðinni! —
Síðasta sending uppseld
Næsta sending kemur fyrstu dagana
í desember, en viö höfum sýnishorn
í versluninni, sem viö höfum ánægju
af aö sýna þér-tii þess liggja margar
ástæður.
Einstök Vestur-Þýsk
gæðaframleiðsla
MIELE er að öllu leyti unnin í Vestur-
Þýskalandi úr gæðastáli. Bæði ytri og
innri þvottabelgur er úr ryðfríu stáli í
gegn. Emaleringin er gljábrennd
beint á stálið, sem gerir hana sterk-
ari, hún er vindingsprófuð og gulnar
ekki. Einkauppfinning og einkaleyfi
MIELE verksmiðjanna.
ÖRYGGISLÆSING á þvottaefnis-
hólfinu svo að börnin fari sér ekki að
voða. Öryggisfrárennsli ef straumur
skyldi rofna, svo að hægt sé að tappa
af vélinni og bjarga þvottinum út.
MIELE er sérlega sparneytin, reynd-
ar hönnuð með orkusparnað í huga
og hefur tvö hitaelementi, sem þýðir
minna álag og betri endingu og að
sjálfsögðu er sparnaðarrofi fyrir lítið
magn af þvotti.
Komdu í heimsókn og skoðaðu
MIELE, hún hefur marga aðra góða
kosti, sem við hlökkum til að sýna
þér enda standast þessar gæða-
þvottavélar ströngustu kröfur Þjóð-
verja.
Míele er framtíðareign.
JÓHANN ÓLAFSSON & CO. HF.
43 SUNDABORG 104 REYKJAVfK • SÍMI 688 588
VELDU &TDK
OGHAFÐUALLTÁ HREINU
Lög
Jóns Múla Ámasonar
viðtexta
Jónasar Árnasonar
Lög og textar þeirra bræðra em fyrir löngu
sígild. Hér er úrval þeirra í nýjum búningi
flutt af ffemstu söngvurum og hljóðfæra-
leikurum íslendinga. Tónlistarumsjón var í
höndum Eyþórs Gunnarssonar sem einnig
gerði flestar útsetningarnar.
Bubbi syngur: Við heimtum aukavinnu,
Ellen Kristjánsdóttir og Bjarni Arason látúns-
barki syngja Án þín, Bjarni syngur Augun þín
blá, Magnús Eiríksson syngur Einu sinni á
ágústkvöldi, Vikivaki í nýrri útsetningu.
Þessi plata höfðar til allra aldurshópa.