Morgunblaðið - 30.01.1988, Blaðsíða 3

Morgunblaðið - 30.01.1988, Blaðsíða 3
MORGUNBLAÐIÐ, LAUGARDAGUR 30. JANÚAR 1988 B 3 Bagga ráðskona (Hröim Hafliðadóttir) verður alveg æf þegar upp- götvast að Bjartur, litli sótarinn, er horfinn. Silja (Marta Guðrún Iíalldórsdóttir), sem veit hvar Bjartur er falinn, stendur skelfingu lostin fyrir aftan hana tíma með öfluga barnaleikhússtarf- semi, hefur í dag hvorki fjármagn né húsnæði til þess, þannig að í vetur eru engin barnaleikrit á fjöl- unum í leikhúsunum. Þess má líka geta, að sjónvarpsstöðvarnar eru með mjög lítið af leikritum fyrir börn eða yfirleitt efni sem fullnæg- ir listrænum þörfum þeirra. Þau eiga því ekki mikla möguleika á að vita hvað liggur á bak við uppsetn- ingu leikrits og því hentar þessi formáli mjög vel. Enn annað í sam- bandi við þetta verk er að tónlistin í því er ákaflega falleg og grípandi og það hefur tekist að búa þessa litlu sögu þannig út að hún kallar á tilfinningaviðbrögð hjá krökkun- um. Alþýðuleikhúsið gerði nokkuð af því að fara með sýningar út á land hér áður. En það þýddi aukakostnað fyrir félagið. Núna ætlum við að fara með þessa sýningu út á land, fyrstu þrjár sýningarnar verða á Akranesi. Leikmyndin hefur verið sérstaklega hönnuð til leikferða; hana er hægt að minnka og stækka, eftir því sem sýningahúsnæði krefst. En auðvitað er sama sagan hjá íslensku óperunni og var hjá Alþýðuleikhúsinu; þessum leikferð- um fylgir mikill kostnaður. Það væri hægt að sýna þessa óperu víðast hvar, því það er líka mjög lítil hljómsveit sem fylgir henni. En það sem þyrfti að koma til, er fjár- framlög frá bæja- og sveitafélögum, líka vegna þess að þrátt fyrir ferða- kostnaðinn, verðum við að stilla miðaverði í hóf, þar sem þetta er sýning fyrir börn." Þú sagðir að þessi ópera væri hentug vegna þess að hún er skrifuð fyrir börn. Er vínna í ieikhúsi ekki heldur mikill þræl- dómur fyrir þau? Eða hefur Ieíkhúsvinna einhverja kosti fyr- ir unga krakka? „Ég held það hafi mjög marga kosti fyrir börn að prófa að vinna í leikhúsi. Ég get bara tekið dæmi af sjálfri mér. Eg byrjaði mjög ung að vinna í leikhúsi og það hefur verið mér ómetanlegt. Börn í dag eru svo firrt frá heimi fullorðinna og vissulega er leikhúsvinna erfið. Fyrst í stað er þetta mjög strangt fyrir börnin. Maður þarf að beita þau töluverðri hörku, til að þau átti sig á því sem fer fram. Ég er ekki frá því að krökkunum í Sótar- anum hafi staðið töluverð ógn af mér á þessu byrjunarstigi. En þegar þau eru komin yfir þetta, byrja þau að sjá árangurinn af öllum aganum og vinnunni, þau hafa skilið hversu mikla þýðingu góð samvinna hefur og þegar komið er að sýningum, uppskera þau ríkulega. Þau hafa stefnt að ákveðnu marki og náð því. Ég hef heyrt á skólameisturum og kennurum menntaskóla, að vissulega taki vinnaj leikhúsi mik- inn tíma frá námi, en sú vinna gefi þeim andlegan og félagslegan þroska, sem vinnur upp á móti, því leikhúsið er harður skóli. En þau eru fljót að komast inn í rythmann og þá getur maður slakað á aganum og gefið þeim frelsi til að sýna hvað í þeim býr - og ég verð að segja að það er óskaplega gaman að vinna með börnum. En það má heldur ekki gleyma því að þetta er ævintýraheimur og einhvers konar leikur. Ég er þeirrar skoðunar að notkun á leiklist, og allri listastarfsemi, í skólum ætti að vera miklu meiri en nú er. Ef við tökum leiklistina, til dæmis, þá er hún mjög góð aðferð til að skerpa aga og fá krakkana til að skilja gildi samvinnu. Það er líka hægt að nota leiklistina til að gera náms- efnið miklu áhugaverðar - ég nefni bara sem dæmi að kennsla í íslensku er mjög vel til þess fallin, sérstaklega hvað bókmenntirnar varðar. En það er virkilega sorglegt hvað við sinnum þessum listrænu þáttum lítið í skólakerfinu. Vegna þess hversu mikill ævin- týraheimur leikhúsið sjálft er verðum við samt að passa okkur á því að fara milliveginn, þar sem börn eru annarsvegar. Þau mega aldrei halda að þau séu merkilegri en aðrir krakkar afþví þau hafa komist á svið. Þó mér finnist þau börn sem komast í svona sýningu vera lukkunnar pamfílar, verður maður alltaf að passa að búa ekki til barnastjörnur. Það er hverju barni óholt." Viðtöl: Súsanna Svavarsdóttir Bryndfs Ás- nefur mundBd6ttír Bryndís Ásmundsdóttir: Mundi fórna öllu fyrir þetta tækifæri BRYNDÍS Ás- mundsdóttir, 12 ára, er í 6-C í Melaskóla. Hún leikur Soffíu, sem á heima í húsinu, þar sem sagan um litla sótarann gerist. Systkini Soffíu eru Silja og Glói. Bryndfs verið í Melaskóla- kórnum í nokkra vetur, en_þegar hún frétti af pruf- unni hjá Islensku óperunni, ákvað hún að reyna og tók sér frí frá kóraum, þegar hún komst að. „Mér fannst þetta svo spennandi að ég var með í maganum, bæði fyrir prufuna og þangað til ég vissi að ég hefði komist að. Meir að segja lengur. Ég var sko til í að fórna öllu fyrir að fá að vera með. Ég hef verið að læra dans í Dansnýjun Kollu og er þar á fimmta ári. Ég tók mér líka frí þar. Þetta er svo skemmti- legt að það er þess virði að fóma öllu. Hvernig vissirðu að þér þætt svona gaman að taka þátt f leik- sýningu? „Ég var í Gúmmítarsan hér um árið og þ'að var rosalega skemmit- legt, en þetta hér í Islensku óperunni er miklu stærra og meira og ég mundi ekki sleppa þessu tækifæri fyrir nokkurn pening." En nú virðist þetta vera ægilegt púl. Hefurðu nokkurn tíma fyrir vinkonurnar? „Eini tíminn sem ég hef til að hitta þær, eða gera eitthvað annað, eins og að fara á skíði, er á sunnu- dögum. Annars er ég skíthrædd við að fara á skíði, því það getur alltaf eitthvað komið fyrir mann. Maður getur tognað og og svoleiðis. Það má ekkert bera út af. Annars er vikan þannig, að eftir skóla fer ég á æfingu og eftir æfingar heim að læra, en samt er alltaf eitthvað eftir í náminu sem maður verður að vinna upp á sunnudögum, þannig að ég hef ekki neinar áhyggjur af þessu með skíðin." Aðalheiður Halldórsdóttir: Égvildisjá meira af barnaóper- um Aðalheiður HaU- dórsdóttir AÐALHEEDUR Halldórsdóttir, sem er í hlutvcrki Tinnii tvíbura, er 10 ára og er í Hjallaskóla í Kópavogi. Hún er á I. ári í píanón- ámi í Tónlistar- skóla Kópavogs, en hafðí .áður lært á blokk- flautu. „Svo hef ég líka verið í skólakórnum," segir Aðalheiður; „og æft fimleika í fjögur ár. I haust byrjaði ég svo í Listdans- skóla Þjóðleikhússins. í vetur hef ég að vísu ekki getað verið með í skólakórnum, vegna æfinganna hér og ekki heldur getað verið á fullu í ballettinum." Að- spurðu hvort hún hefði tekið þátt í leik- eða söngsýningu áður, sagði Aðalheiðun Ég tók þátt í Nóaflóðinu þegar ég var fimm ára og mér fannst það ofsalega gaman, minnir mig. Eg var svo lítil þá." En hvers vegna fórstu í Litla sótarann? „Hljómsveitarstjórinn spurði hvort ég vildi vera með og ég var til." En er þetta ekki tunafrekt? „Jú, það fer ofsalega mikill tími í þetta. Ég hef eiginlega aldrei tíma til að leika mér, því ég þarf alltaf að passa að nýta tímann vel, til að læra og æfa mig á píanóið. En það þarf að leggja mikla vinnu í svona sýningu til að hún verði fín og það er virkilega gaman. Eins skemmti- legt og að leika sér." Finnst þér nóg gert fyrir krakka í leikhúsunum hér? „Ne-hei. Það mætti sko vera meira og ég væri alveg til í að sjá meira af barnaóperum." . Gylfí Hafsteinsson: í lagi að hafa mikið að gera Gylfi son Hafsteúu- GYLFI Haf steins- son, 14 ára nemandi í Þing- hólsskóla í Kópavogi, fer mér hlutverk Nonna í Litla sót- aranuni. Gylfi hefur stundað nám í sellóleik i sjð vetur og er í Listdansskóla Þjóðleikhússins. „Þetta er þriðji veturinn minn þar," segir hann, „en ég hef lítinn tima haft til að stunda Listdansskólann eftir að ég byrjaði að æfa i sótaranum." Um það afhverju hann fór í bal- lett segir Gylfi: „Ég var alltaf að hugsa um að fara í fímleika eða ballett, en fór í ballettinn, þvi mig langaði til að dansa. Ég hafði verið að læra dans hjá Sigurði Hákonar- syni. En það tók mig smátíma að ákveða, þvi það er ekkalgengt að strákar fari f ballett. í flokknum mínum f Listdansskólanum eru fjórir strákar, en um fimmtán stelpur. Strákarnir, vinir mínir, gera líka stundum grín að mér fyrir að vera í ballett, en ég hef bara gaman af því. Mörgum finnst þetta asnalegt, en þeir vita ekki hvað þetta er gam- an og hvað þeir fara að á mis við mikið. Þó er skemmtilegast að æfa fyrir sýningar. Hjá Listdansskólan- um eru árlegar nemendasýningar. Ég hef tekið þátt í tveimur; einni í Jóns Þorsteinssonar húsi og einni á stóra sviðinu. En þegar verið er að æfa fyrir sýningar er mikið að gera. Ég þarf að æfa mig á sellóið og læra fyrir skólann. En þetta er svo skemmti- legt að manni er alveg nákvæmlega sama að hafa mikið að gera.". AtliMár Sveinsson: Maður er alltafá hlaupum ATLIMárSveins- son, 10 ára, er i 4. bekk Kársnes- skóla. í Litla sótaranum fer hann með hlut- verk Harðar tvíbura. Atii er í Skólakór Kárs- nesskóla. Stjórn- andínn okkar, hún Þórunn, fékk nokkra krakka tíl að fara f prufu hér, þegar ákveðið var að setja upp Litla sótarann," segir Atli. „Eg var einn af þeiin sem komust að eftír prufuna hjá Jóni Stefáns- syni, hljómsveitarstíóra. Atli Már Sveins- Aðspurður hvort hann hlusti mik- ið á óperutónlist, segir Atli: „Ég hlusta aldrei á óperur, mér finnst þær hálfleiðinlegar. Þá meina ég svona italskar og svoleiðis. Það er annað með barnaóperur. Þær eru fyndnar og skemmtilegar og manni fer að finnast gaman að hlusta á óperuraddir." Hef urðu tekið þátt f svona sýn- ingu áður? „Nei, það hef ég ekki gert, því miður, því mér finnst þetta mjög skemmtilegt. Þetta hefur verið mikil vinna og mér finnst ég alltaf vera á hlaupum - en það gengur. Hún Þórunn var búin að tala við skóla-' stjórann og fá leyfi fyrir okkur, sem tökum þátt í sýningunni, til að sleppa tímum. En við' æfum alltaf seinni hluta dags, svo við höfum ekki þurft mikið á því að halda, þó aðeins í aukatímum, eins og leikfimi og teikningu. En til að geta alltaf lært fyrir næsta dag, verður maður alltaf að flýta sér og hefur engan tíma til að slóra. Ég hef ekki mikinn tíma til að leika mér og mér finnst dálí- tið leiðinlegt að einn vinur minn, sem fór í prufu, komst ekki, afþví þessi tími hefur verið mjög skemmtileg- ur." Finnur Geir Beck: Égheflært meira en bara söng- inn FINNUR Geir Beck er 12 ára, nemandi f 6. bekk A í Kársnesskóla. Finnur er að læra á píanó, er á 1. ári í Nýja tónlist- arskólanum, en hafði áður lært á flautu. „Auk pess er ég í tveímur kórum við skól- ann. Þórunu, stjórnandiiin okk- ar, fékk mig Atla og Gylfa til að fara í prufu fyrir Litla sótarann, asamt öðrum krökkum, og við vorum svo heppnir að komast að. Ég hef sungið f kór sfðan ég var átta ára. Kórnum f Kársnesskóla er skipt niður í fjóra hluta. Maður byrjar í Litlakór. Hann syngur bara einradda. Sfðan fer maður í Miðkór, sem er undirbúningur fyrir söng í rödduðum kór. í miðkórnum er farið að syngja tvíradda. Á aldrinum 10-12 ára fer maður svo í Stórakór og síðan f Skólakór Kársness. í hon- um eru reyndar krakkar frá 10 ára aldri, til 17 ára, mest stelpur, því strákar fara f mútur. Þessvegna lentum við nokkrir í þeim kór, þegar við vorum 10 ára." Nú eru tveir hópar af krökkum sem syngja Litía sótarann til skiptis. Hvað finnst þér um að skipta þessu svona? „Mér finnst það ákaflega sniðugt. Það gefur manni tíma til að hitta félagana og vera stundum með fjöi- skyldunni. Annars gera félagarnir dálítið grfn að manni fyrir að vera að þessu; spyrja mann hvort maður sé að fara í gaulið og þess háttar. En mér er nú nokkuð sama. Skólinn ætlar að koma á eina af fyrstu sýn- ingunum hjá okkur og þeir bíða glottandi eftir að fá að sjá mig og þeir geta sko alveg ðrugglega fund- ið eitthvað til að pína mig á. Þá verð ég að leyfa þeim það í smátíma. En það er svo skrýtið að halda að manni sé einhver stríðni í þessu, því þeir vita ekki af hverju þeir eru að missa." Hvað finnst þér skemmtilegast við vinnuna sem nú er að baki? „Það er svo margtt en auðvital að lang-skemmtilegast að sjá árang- urinn af öllu streðinu. Svo er annað; mér hefur aldrei þótt gaman að hlusta á óperur, en viðhorfið breytist eftir að maður hefur tekið þátt f þessu. Maður lærir svo ótal-margt á þessari vinnu - ekki bara söng, held- ur líka þolinmæði, einbeitni og hópsamvinnu." Finnur Geir Beck

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.