Morgunblaðið - 08.09.1988, Page 3

Gjaldþrot
MORGUNBLÁÐIÐ, VIÐSKlFriAlVINNUIÍF FIMMTUDAGUR 8. SÉPTÉMBER 1988
°B 3
Víxlar með afföllum
urðu versluninni aðfalli
Kröfur í þrotabú Sportvöruverslunar Ingólfs Óskarssonar
71 milljón en eignir á móti á bilinu 7-15 milljónir
Einstakir kröfuhafar í þrotabú Sportvöruverslunar Ingólfs Óskars-
sonar hafa óskað eftir því við bústjórann, Hróbjart Jónatansson
hdl. að hann veki athygli ríkissaksóknara á því með hvaða hætti
forsvarsmaður fyrirtækisins fjármagnaði starfsemi þess. Þessi fjár-
mögnun var einkum með þeim hætti, að forsvarsmaður fyrirtækis-
ins fékk fólk, aðallega viðskiptaaðila heildverslunarinnar, til að sam-
þykkja vixla sem hann seldi siðan í bönkum með þeim miklum afföll-
um sem um slík viðskipti gilda. Þegar þeir víxlar gjaldféllu, voru
þeir framlengdir með nýjum víxlum og að endingu var það gífurleg-
ur fjármagnskostnaður sem reið fyrirtækinu að fullu.
Fyrirtæki
Z-Gardínubrautír íKópavogi
sameinast rekstri Alnabæjar
Sportvöruverslunin var lýst
gjaldþrota fyrr á árinu, en verslun
þessi var meðal hinna elstu í þess-
ari grein hér á höfuðborgarsvæðinu.
Þegar kröfufrestur rann út um mitt
sumar reyndust heildarfjárhæð
krafna í búið liðlega 71 milljón
króna, sem þykir með ólíkindum
há fjárhæð miðað við ekki um-
fangsmeiri rekstur. Hróbjartur Jón-
atansson, bústjóri, segist hingað til
hafa viðurkennt kröfur að fjárhæð
um 40,5 milljónir kr. Þar er Verzl-
unarbankinn með hæstu kröfuna
eða um 10 milljónir króna, Kaup-
þing með um 7 milljónir króna og
heildverslunin Hoffell með um 5
milljónir króna. Þar að auki liggur
fyrir krafa frá Alþýðubankanum
sem Hijóbjartur segist ekki hafa
fallist á enn sem komið er en gerir
ráð að skili sér inn í búið og geti
numið um 7 milljónum króna. Þá
liggja fyrir ýmsar smærri kröfur
en stærsta krafan eða 20 milljónir
króna er hins vegar frá forsvars-
manni Madam í Glæsibæ, sem ein-
mitt mun hafa samþykkt víxla með
þeim hætti sem lýsir í upphafí, og
þannig eiga stóran þátt í gjaldþroti
Madam sem segir frá á öðrum stað.
Bústjóri hefur þó ekki fallist á þessa
kröfu hingað til vegna skorts á full-
nægjandi gögnum.
Hróbjartur segir að þegar hann
hafí komið að búinu um 10 dögum
eftir að fyrirtækið var tekið til
gjaldþrotameðferðar að beiðni eig-
andans, þá hafi þar legið fyrir þrír
kaupsamningar sem eigandinn hafí
gert nokkru áður. í fyrsta lagi hafí
þar verið um að ræða sölu á hús-
eigninni við Klappastíg, þá sjálfri
versluninni og síðan á heildverslun-
mmm—
Islenska
auglýsinga,-
stofan tek-
ur tíl starfa
ÍSLENSKA auglýsingastofan
hf., samrunafyrirtæki auglýs-
ingastofanna Octavo hf og Svona
gerum við, tekur til formlega til
starfa í dag. Fyrirtækið verður
til húsa í Framtíðinni, Faxafeni
10. í frétt frá fyrirtækinu segir
að stefna þess verði að leggja
ríka áherslu á markvissa undir-
búningsvinnu með könnunum og
rannsóknum sem unnar verða af
sérmenntuðum markaðsráðgjöf-
um fyrirtækisins í samvinnu við
viðskiptavini.
Þá segir ennfremur að sérhæfíng
við alla hönnun og úrvinnslu auglýs-
inga verði mikil þar sem fjöldi fag-
lærðra auglýsingateiknara og hönn-
uða starfí hjá fyrirtækinu.
Auglýsingastofan Flj ótt* Flj ótt er
sjálfstæð rekstrareining innan ís-
lensku auglýsingastofunnar hf. og
miðar starfsemi hennar að stuttum
vinnslutíma og lágmarkstilkostnaði.
Framkvæmdastjóri íslensku aug-
lýsingastofunnar er Jónas ólafsson
og listrænn framkvæmdastjóri
Kristján Friðriksson.
inni sem eigandinn rak einnig. Hró-
bjartur segist við skoðun á þessum
kaupsamningum hafa talið þá alveg
viðunandi út frá hagsmunum þrota-
búsins og ekki séð ástæðu til að
rifta þeim. Nokkur óvissa mun þó
ríkja um afdrif kaupanna á heild-
versluninni. Hún var seld Puma-
umboðinu sem m.a. forsvarsmenn
skólverslunarinnar Axels Ó. standa
að, á um 4 milljónir króna, en helstu
verðmætin í þessari sölu voru ann-
ars vegar I*uma-umboðið og hins
vegar Arena-umboðið. Nú hefur
hins vegar komið á daginn að Ar-
ena fyrirtækið úti hefur ekki sætt
sig við þessi skipti og er Heildversl-
un Björgvins Schram komin með
það umboð. Hróbjartur segir einnig,
að enn hafí ekki heldur borist svar
frá aðalstöðvum Puma-fyrirtækis-
ins um það hvort það fallist á fram-
angreinda sölu fyrir sitt leyti. Drátt-
ur á svari kann þó að stafa af því
að Puma-umboðið í Danmörku, sem
fyrirtækið hér skipti einkum við,
mun einnig hafa orðið gjaldþrota,
eftir þeim upplýsingum sem Morg-
unblaðið hefur, en að öðru leyti er
ekki vitað að önnur tengsl séu á
milli þessara tveggja gjaldþrota.
Þá segir Hróbjartur að fyrirtækið
hafi átt á þriðju milljón króna inn
á bindireikningum í þremur bönk-
um, Verslunarbanka, Alþýðubanka
og Utvegsbanka, sem viðkomandi
bankar telji sér bera upp í kröfur
þeirra í búið en bústjóri hefur ekki
viljað fallast á þau sjónarmið. Hró-
bjartur segist því gera ráð fyrir að
eignir búsins geti hlaupið á bilinu
frá 7-8 milljónum króna í versta
falli upp í um 15 milljónir króna,
ef björtustu vonir bústjóra rætast.
Z-Gardínubrautir, Skemmuvegi
10, Kópavogi hefur hætt starf-
semi sinni þar og sameinast
rekstri Álnabæjar að Siðumúla
32. En Álnabær hefur nýlega
flutt starfsemi sina frá Síðumúla
22 að Síðumúla 32 i Reykjavík.
Að sögn forráðamanna fyrirtæk-
isins hefur Álnabær um árabil sér-
hæft sig í öllu sem viðkemur glugg-
um, s.s. gluggatjöldum, gardínu-
brautum, rimlatjöldum og sólarg-
ardínum fyrir baeði heimili og fyrir-
tæki. Sér pöntunarþjónusta sé á
gluggatjöldum og gardínubrautum
fyrir arkitekta og stærri verk. Álna-
bær heldur áfram starfsemi sinni í
Keflavík eins og hingað til.
Aðaleigendur Álnabæjar eru
Magni Sigurhansson og Guðrún
Kristinsdóttir.
fierra
GARÐURINN
Aðalstræti 9 - Kringlunni