Morgunblaðið - 15.02.1989, Qupperneq 36

36
MORGUNBLAÐIÐ MIÐVIKUDAGUR 15. FEBRÚAR 1989
Furðufataverur
á hverju horni
SELFOSS
Krakkamir á Selfossi gerðu sér
dagamun á öskudaginn eins
og svo fjölmargir aðrir krakkar víða
um land. Kötturinn var sleginn úr
tunnunni framan við Hótel Selfoss
þar sem safnaðist stór hópur barna
og fullorðinna.
Tvær tunnur voru barðar í mél.
og strax og síðasta höggið hafði
riðið af gæddi smáfólkið sér á inni-
haldi tunnunnar.
Víða um bæinn mátti sjá krakka
» í furðufötum með hin ýmsu munst-
ur máluð í andlitið. Þeim var hvar-
vetna vel tekið því fullorðnir kunnu
vel að meta þessa tilbreytingu.
Síðdegis var svo slegið upp balli í
félagsmiðstöðinni fyrir yngstu kyn-
slóðina þar sem ýmislegt var sér
til gamans gert, meðal annars keppt
í dansi.
— Sig. Jóns.
Morgunblaðið/Sig. Jóns.
Krakkamir klæddust furðufotum af ýmsum gerðum.
FYRIR VORUGJALDSHÆKKUN
V örugjaldshækkunin er að
skella á. Nú er rétti tíminn til að
festa kaup á baðinnréttingu,eld-
húsinnréttingu eða fataskápum.
Verðið hjá okkur hefur ekki
hækkað síðan í júní 1988 —
það eitt tryggir þér hagstætt
verð.
Hjá okkur í IB-búðinni fara
verð og gæði svo sannarlega
saman.
Ivomdu og skoðaðu úrvalið og
fáðu nánari upplýsingar.
#
INNRETTINGAR
GÆÐAVARA A GÓÐU VERÐI
©BÚÐIN ÁRMÚLA 17a
BYGGINGAWÓNUSTA SÍMAR 84585-84461
l
Morgunblaðið/Emilía
Þröstur Magnússon, hönnuður, og Jóhann Hjálmarsson, blaðafulftrúi
Pósts og síma.
FRÍMERKI
Náttúrulífsmyndir
eru alltaf vinsælar
- segir Þröstur Magnússon, frímerkjahönnuður
essa dagana stendur yfir all
nýstárleg sýning í anddyri
Landssímahússins. Þar getur að líta
röð af fuglafrímerkjum, sem komið
hafa út á síðustu þremur árum. Eru
þau öll teiknuð af Þresti Magnú-
syni, myndlistarmanni. Þröstur er
hinn eini hér á landi sem starfar
eingöngu við hönnun íslenskra
frímerkja.
„Eg teikna að meðaltali um
12-14 frímerki á ári og þessu fylg-
ir gífurlega mikil undirbúnings-
vinna, forteikningar og skissur í
tugatali. Ég vissi til dæmis ekkert
meira um fugla en gengur og ger-
ist áður en ég réðst í að teikna þá.
Fuglinn þarf að virka lifandi og
vera gallalaus, og það er erfiðara
en ég hélt í upphafi. Tæknin er flók-
in og gengur út á einföldun. Maður
þarf að vita miklu meira en það sem
kemst til skila. Smæðin gerir manni
erfitt fyrir, frummyndin er aðeins
7-8 sinnum stærri en frímerkið
sjálft."
— Þarftu að ljósmynda fuglana
áður en þú hefst handa við teikning-
una?
„Það geri ég ef tök eru á. Síðan
er ég úti í náttúrunni og skoða fugl-
ana. Það getur kostað margra
klukkutíma yfirlegu með sjónauka.
Aðalatriðið er að ná stellingum og
átta sig á hreyfíngum fuglsins. Þá
koma fuglafræðingar einnig við
sögu. Ég sæki ráðleggingar til
þeirra og þeir hafa verið mjög
hjálpsamir. Hvort sem viðfangsef-
nið er fuglar eða eitthvað annað
þarf að kanna það til hlítar. Vinsæl
frímerki? Náttúrulífsmyndir höfða
til fólks og eru alltaf vinsælar."
— Að lokum, ert þú frímerkja-
safnari?
„Ég safna miklu af frímerkjum,
bæði þeim sem mér fínnst falleg
og einnig í þeim tilgangi að fylgj-
ast með þróun frímerkjahönnunar
í heiminum. Ég stunda þó ekki söfn-
un á fræðilegum grunni og safna
ekki sjaldgæfum frímerkjum."
Nú eru sýnd 12 fuglafrímerki í
Landssímahúsinu, eða þau sem út
hafa verið gefin. Áætlað er að alls
verði fuglafrímerkin 20 til 25 tals-
ins. Að sögn Rafns Júlíussonar,
póstmálafulltrúa, gætu sýningar á
frímerlqum orðið árlegur viðburður
og jafnvel kæmi til greina að halda
þær oftar og kynna þá einnig eldri
íslensk frímerki svo og Norður-
landafrímerki.
Hjá Sigurþóri Ellertssyni, yfír-
deildarstjóra Frímerkjasölunnar,
fengust þær upplýsingar að 70%
af framleiddum frímerkjum færu
til útlanda. Þeir aðilar sem fá til-
kynningu um nýútkomin frímerki
eru um 27 þúsund talsins. Fimmtán
þúsund aðilar, frímerkjakaupmenn
og einstaklingar, hafa fasta áskrift
að íslenskum frímerkjum og eru
flestir þeirra á Norðurlöndunum, í
Vestur-Þýskalandi og Bandaríkjun-
um.
Frímerkjasöfnun er kapítuli út
af fyrir sig, þeir eru margir sem
stunda, eða hafa einhvem tfma
stundað söfnun og skipti. Sumum
er þetta hrein ástríða. Saga er til
um mann sem átti annað eintakið
af sjaldgæfasta frímerki í heimi og
síðan keypti hann hitt. Það brenndi
hann og margfaldaðist þar með
verðgildi þess sem eftir var!
Án þess að nefna tölur er kannski
ekki of djúpt í árinni tekið að kalla
frímerkjasöfnun næstvinsælasta
innanhússáhugamál manna... á
eftir sjónvarpsglápi.
COSPER
—Hvort mig vanti pils ? Hvemig datt þér það í hug.
J