Morgunblaðið - 10.06.1989, Blaðsíða 12

12
MORGt;>fBIiAÐIÐ CAOGARDAGUR ;Í0: JÚNÍ1989
Fyrsta íslenska tímaritið um heimspeki lítur dagsins ljós:
Otrúlega mikið skrifað og
hugsað um heimspeki hérlendis
- segir Jörundur Guðmundsson, ritstjóri tímaritsins
FÉLAG áhugamanna um heim-
speki og bókaforlagið Birtingur
hafa í sameingu hafíð útgáfu á
tímariti um heimspeki, sem hlot-
ið hefúr nafnið Hugvr. Þetta
tímarit er það fyrsta sinnar teg-
undar á íslensku. Fyrsta heftið
hefúr að geyma sjö ritgerðir eða
erindi, þar af sex innlend og eitt
þýtt, auk bókadóma um þrjár
innlendar bækur. Ritgerðirnar
hafa margar hverjar verið flutt-
ar sem erindi á fúndum í Félagi
áhugamanna um heimspeki.
Jörundur Guðmundsson er rit-
stjóri tímaritsins. Hann sagði í sam-
tali við Morgunblaðið að stefnt
væri að því að tímaritið kæmi út
einu sinni á ári og síðan sé hugsan-
legt að komi út aukahefti af sér-
stökum tilefnum, svo sem ráðstefn-
um og öðru slíku. „Tilgangur þess-
arar útgáfu er að skapa sameigin-
legan vettvang fyrir þá sem hafa
áhuga á heimspekilegum efnum.
Hér á íslandi er ótrúlega mikið
skrifað og hugsað um heimspekileg
Jörundur Guðmundsson
HUGUR
TÍMARIT U M HEIMSPEKI
BÓKAFORLAGIÐ BIRTINGUR
FÉLAG ÁHUGAMANNA UM HEIMSPEKI
19 8 8
Morgunblaðið/Bjarni
Kápa nýja heimspekiritsins.
efni, eins og sést best á fyrirlestrum
um fjölbreytilegustu efni sem flutt-
ir hafa verið í félaginu í gegnum
tíðina. Þannig er til mikið efni, sem
menn hafa ekki gengið frá til birt-
ingar vegna þess að möguleikarnir
til útgáfu hafa ekki verið neinir sem
heitið getur. Hættan er sú að mik-
ið af góðu efni, sem menn hafa
lagt mikla vinnu í, hefði glatast,
ef ekki hefði komið til þessarar
útgáfu.“
Jörundur sagði að þegar hefði
sýnt sig að fjárhagsgrundvöllur
væri fyrir útgáfunni, enda væri
öllum tilkostnaði haldið í algjöru
lágmarki. Áhugi fyrir heimspeki
væri mikill og færi vaxandi. Skýr
vottur þess væri að um 200 manns
væru í Félagi áhugamanna um
heimspeki og hefði fjölgað um
50-60 frá því tímaritið kom út.
„Ég vona að með tímaritinu fái
heimspekingar möguleika á að
koma hugsun sinni og fræðum á
framfæri við almenning. Það væri
slæmt ef það yrði einungis vett-
vangur skoðanaskipta heimspek-
inga. Efni tímaritsins þarf að eiga
erindi við allan almenning og rit-
stjórnarstefnan þarf að brúa bilið
á milli þess og vandaðrar fræði-
mennsku. Heimspekin eins og hún
gerist best er skrifuð á skýran og
skilmerkilegan hátt og aðgengileg
fyrir alla. Þannig þjónar hún því
mikilvæga markmiði að vera leið-
beinandi fyrir samfélagið. Heim-
spekin á erindi við alla. Það er
ekki til sá maður sem ekki hefur
einhvern tíma velt fyrir sér heim-
spekilegum gátum. Þýski heim-
spekingurinn H.G. Gadamer segir
enda að allir menn séu heimspek-
ingar, en vandamálið sé að flestir
þeirra séu mjög slæmir. Þess vegna
sé það hlutverk heimspekinga að
aðstoða menn við að verða betri
sem slíkir,“ segir Jörundur.
Hann benti á að andstætt því
sem margir héldu væru heimspeki-
leg vandamál mjög raunveruleg
fyrir mikinn fjölda fólks og nefndi
til dæmis siðferðileg vandamál, sem
starfsfólk heilbrigðisstétta þarf
sífellt að glíma við, forsendur og
markmið menntunar og lagalegar
forsendur samfélagsins.
í þessu fyrsta hefti tímaritsins
skrifar Mikael M. Karlsson um afl-
fræði Aristótelesar, Atli Harðarson
um verufræði, Vihjálmur Árnason
um siðfræðina og mannlífið. Páll
Skúlason nefnir ritgerð sína: Hug-
mynd mín um heimspeki og Gunn-
ar Harðarson nefnir sína: Heim-
speki og fornmenntir á íslandi á
17. öid og í framhaldi af því eru
birtar skýringar Brynjólfs Sveins-
sonar, biskups, við Rökræðulist
Ramusar, en Ramus var franskur
rökfræðingur sem uppi var á 16.
öld. Þá er birt þýðing Loga Gunn-
arssonar á ritgerð bandaríska
heimspekingsins Nelsons Good-
mans Heimurinn eins og hann er
(The Way the World is), auk rit-
dóms Atla Harðarsonar um rit Er-
lends Jónssonar Frumhugtök rök-
fræðinnar og Vísindaheimspeki,
ritdóms Kristjáns Kristjánssonar
um fjögur rit Arnórs Hannibalsson-
ar, Um rætur þekkingar, Siðfræði
vísinda, Heimspeki félagsvísinda
og Rökleg aðferðafræði og ritdóms
Páls S. Árdals um Pælingar Páls
Skúlasonar.
IOARÐINN
Treur
Hallormsstadarskóéi
Lerki, blágreni, broddfura,
stafafura, lindifura
og stórar aspir.
EINSTAKT TÆKIFÆRI
TAKMARKAÐ MAGN
MATJURTAPLONTUR
Eigum mikið úrval af grænmetis-
plöntum s.s. rófuplöntur, blóm-
kálsplöntur, grænkálsplöntur,
hvítkálsplöntur, kínakál, broccoli
o.fl., o.fl.

$$ bllóínciöol!
Gróðurhúsinu v/Sigtún Sími: 68 90 70