Morgunblaðið - 17.08.1989, Qupperneq 15
15
MORG.UNBLAÐIÐ FIMMTUDAGUR 17. ÁGÚST 1989
eins ein_ fær í raun þegar að er
komið. Á sama hátt má benda á,
gegn siðferðilegri afstæðishyggju,
að þar sem manneðlið sé eitt og
hlutverk siðferðisins ávallt hið sama
(að samstilla ólíkar þarfir manna í
heimi takmarkaðra gæða) þá hljóti
inntak leiðanna sem unnt. er að
velja að vera meira eða minna hið
sama hvar sem er og hvenær sem
er. Það er t.d. erfitt að ímynda sér
að það stuðli að mannlegri heill í
nokkru samfélagi að greinarmunar-
laust manndráp sé látið óátalið.
Auðsætt er að það fley sem Sig-
þrúður og skoðanasystur hennar
eru að hrinda úr vör er ný tegund
afstæðishyggju sem veltur á ósam-
rýmanleik kynjanna: eðlismun og
gjörólíkum hugsunarhætti. Og nú
dugar ekki lengur ráðið gegn fé-
lagsvísindalegu afstæðishyggjunni
hér að framan því að forsendan í
nýju kvennapólitíkinni er að konur
séu ekki menn heldur önnur dýra-
tegund. Skýrist þá hið fornkveðna
hví körlum er „seint kvenna geð
kanna“. Það verður þeim ætíð
óskiljanlegt, hversu lengi sem þeir
kunna að byggja rekkju með konum
sínum, þar eð þeim er útilokað að
hugsa út yfir vébönd karleðlisins
sem og konum að skilja þankagang
karla.
IV
Það er ekki hlutverk þessarar
greinar að mæla gegn hinni nýju
afstæðishyggju með viðhlítandi rök-
um. Ég læt lesandanum það eftir.
Tilgangur minn var sá einn að
benda þeim, sem ekki hafa tekið
eftir á þá eðlisbreytingu sem er að
verða á forsendum kvenréttinda-
baráttunnar. Konur kalla nú ekki
lengur á samlögun kynjanna held-
ur aukin frábrigði, ekki á mann-
réttindi heldur sérréttindi. Lítum
að lokum á tvær ályktanir sem
draga má af þessari nýju hug-
myndafræði.
í fyrra lagi er ljóst að slagorðið
gamla um sérstakan „reynsluheim"
kvenna hefur öðlast nýja merkingu.
Það merkir ekki lengur að konur
reyni margt í lífinu sem karlar fari
á mis við, á svipaðan hátt og sjó-
menn kynnist mörgu sem bændur
þekkja ekki. Þvert á móti merkir
það nú að konur séu önnur dýrateg-
und en-menn, þær geti ekki notað
sömu hugtök, ekki tjáð sig á sama
hátt heldur séu þær (eins og karlar
á sinn hátt) lokaðar inn í hring eig-
in eðlis — og þessir tveir hringir
séu nánast snertipunktalausir. Ef
rétt er blasir við að konur séu í
raun miklu líkari skynsömum
kóngulónum í dæmisögunni hér að
ofan en karlmönnum. Við getum
ekki lotið sömu siðferðisreglum,
byggt sama siðaheim, þar sem eðli
okkar er svo ólíkt. Réttlæti og lýð-
ræði karla getur aldrei orðið hið
sama og réttlæti og lýðræði kvenna,
fremur en manna og kóngulóa.
Sú forsenda Sigþrúðar að kven-
eðlið sé áunnið, ekki áskapað, leiðir
síðan af sér aðra niðurstöðu og
harla óvænta. Fyrst kvenleikinn er
mótaður á þann hátt_og um leið
jafnmikilvægur og konur vilja vera
láta, hlýtur að eiga að efla og
styrkja allar þær orsakir sem stuðla
að mótun hans. Þær þekkjum við
mæta vel úr menningu okkar þó
að kvenfrelsiskonur hafi hingað til
fremur viljað má þær út en hampa.
Nýja línan hlýtur hins vegar að
vera sú að stelpum eigi einungis
að gefa brúður og strákum tindáta,
þær eigi að lesa um Heiðu en þeir
um Tarzan o.s.frv. Allt sem fágar
og styrkir kveneðlið er af hinu góða,
samkvæmt nýju kvennapólitíkinni.
Kannski er svolítil áþján frá hendi
karlmannanna líka nauðsynleg til
að það fái að.njóta sín?
Eg er ekki frá því að ýmsir gaml-
ir kvenfrelsissinnar af báðum kynj-
um stynji við þegar þeir lesa grein-
ar Sigþrúðar og skoðanasystra hen-
anr og þyki sem nú höggvi þær er
hlífa skyldu. Sú kenning að konur
séu iíkari kóngulóm en körlum verð-
ur ekki hrakin i stuttri blaðagrein
en mig uggir að hún verði kvenfrels-
iskonum, þ.á m. í Kvennalistanum,
lítil heillaþúfa um að þreifa.
Höfiindur stundar doktorsnám í
heimspeki.
STURTUKLEFI M/OLLU!
FLAIR STURTUKLEFI MEÐ ÖLLUM FYLGIHLUTUM
Á HREINT FRÁBÆRU VERÐI KR:
&
ALLT
[þorlaksson & Norðmann ht
Suðurlandsbraut 20 • Sími 83833
-
ARA
AFM/ELISUTGAFA
AUKABÚNAÐUR FYRIR KR. 35.000 - ÓKEYPIS
í tilefni 35 ára afmælis BIFREIÐA & LANDBÚNAÐAR-
VÉLA, gefur fyrirtækið nú aukabúnað að verðmæti kr.
35.000, Tneð hverjum 5 dyra Lada Samara 1300.
Opið ki. 10-14 laugardag.
/»
>
- i
Aukabúnaður: Stereo útvarps- og segulbandstæki,
hátalarar, límrendur á hliðar,
hjólkoppar, sportgrill,
hliðarlistar og fl.
Allt þetta ókeypis í
afmælisútgáfunni.
m
Metsölublað á hverjum degi!