Morgunblaðið - 17.08.1989, Page 28

28
MORGUNBLAÐIÐ FIMMTUDAGÚR 17. ÁGÚST 1089
Sundlaug í Glerárhverfí:
Stefiit að opn-
un í október
STEFNT er að því að taka fyrstu
sundsprettina í nýrri sundlaug í
Glerárhverfi í byijun október og
er nú unnið af fúllum krafti við
byggingu laugarinnar, sem er
innilaug. Sundlaugin er við Gler-
árskóla.
Ágúst Berg húsameistari Akur-
eyrarbæjar sagði að verkið hefði
gengið ágætlega, en eftir að vinna
hefur legið niðri um tíma. í sumar
er allt komið á fullan skrið. Nú er
verið að flísaleggja veggi og er það
verk langt komið. Þá verður tekið
til við flísalögn á botni laugarinnar
og síðan á eftir að ganga frá bún-
ingsklefum og aðstöðu fyrir starfs-
fólk.
Sundlaugin er fyrst og fremst
hugsuð sem kennslulaug fyrir börn
og unglinga í Glerárhverfi og er
hún rúmlega 16 metra löng og 12
metra breið. Gert er ráð fyrir tveim-
ur heitum pottum úti undir beru
lofti. Framkvæmdir hófust við gerð
laugarinnar síðla árs 1987 og sem
fyrr segir er stefnt að opnun laugar-
innar í októberbyijun. Á fundi bæj-
arstjórnar á þriðjudag, sagði Sigfús
Jónsson bæjarstjóri að til bráða-
birgða væri búið að ákveða að opn-
unartíminn yrði frá kl. 8 á morgn-
ana til 22 á kvöldin alla virka daga.
Á laugardögum yrði opið frá kl. 8
og fram til kl. 16 og á sunnudögum
einnigfrá kl. 8 ogtil 13 eftir hádegi.
Morgunblaðið/Rúnar Þór
Kurt Sonnenfeld við tannlæknastólinn sinn sem er frá árinu 1944.
Kurt Sonnenfeld tannlæknir:
Áttræður en
enn að störftnn
KURT Sonnenfeld tannlæknir á Akureyri er enn að störfúm þó
svo að hann hafi haldið upp á áttræðisaímæli fyrr í þessum mán-
uði. Sonnenfeld fæddist í Köln, en ólst upp í Berlín þar sem hann
lauk embættisprófi í tannlækningum í mars árið 1935, en hingað
til lands kom hann með Brúarfossi í lok ágúst sama ár. Ástæða
þess að Sonnenfeld kom til íslands var sú að hann fékk ekki leyfi
til að starfa sem tannlæknir í Þýskalandi þar sem hann gat ekki
fært sönnur á að hann væri „hreinn" Þjóðverji, en faðir hans var
gyðingur.
„Ég hafði í fyrstu hugsað mér
að fara til Tyrklands, en ég vissi
að þar gæti ég fengið starf sem
tannlæknir með þýskt próf. Ég fór
hins vegar til Danmerkur þar sem
vantaði tannlækna á þessum tíma,
en þar fékk ég ekki_ starfsleyfi,"
segir Sonnenfeld. í Danmörku
frétti hann að einungis átta tann-
læknastofur væru á Islandi og að
Jón heitinn Benediktsson vantaði
aðstoðarmann. „Ég sendi Jóni póst-
kort og sagði að ég væri á leið-
inni, seinna kom svo í Ijós að hann
vantaði engan aðstoðarmann, en
ég var kominn til iandsins og hef
starfað hér síðan.“
Sonnenfeld starfaði um fimm ára
skeið í Reykjavík, en þaðan lá leið-
in til Siglufjarðar þar sem hann
starfaði einnig í fimm ár. Árið
1945 flutti hann til Akureyrar og
hefur starfað þar síðan. „Það var
oft mikið að gera fyrstu árin og
þegar ég starfaði í Reykjavík var
ég með þrjá stóla og iðulega var
unnið frá klukkan 8 á morgnana
til 10 á kvöldin. Ég man að einu
sínni kom það fyrir að við gleymd-
um einum þegar við fórum í mat,
hann var með gúmmíhettu fyrir
munnmum og gat ekki látið vita
af sér. Hann var auðvitað alveg
hoppandi vitlaus þegar við komum
til baka!“ segir Sonnenfeld þegar
hann var beðinn að rifja upp eftir-
minnileg atvik.
Eiginkona Sonnenfelds, Elísa-
bet, er einnig þýsk, en þau hjónin
kynntust á Islandi. „Ég hef alltaf
sagt að ég hafi verið hátt uppi
þegar ég kynntist konunni minni,“
segir Sonnenfeld, en þau hjónin
kynntust uppi á Snæfellsjökli í
hvítasunnuferð Ferðafélagsins árið
1937. Elísabet hafði komið til ís-
lands til að starfa að ljósmyndun
um tíma. „Við ræddum saman á
íslensku fyrst því við vissum ekk-
ert hvort um þjóðerni annars,“ seg-
ir Sonnenfeld og brosti við minn-
ingunni.
Sonnenfeld segist senn munu
hætta tannlækningum. „Það er
kominn tími til að hvíla sig eftir
54'ára starf. Nú hef ég í hyggju
að ferðast um Norðurland og taka
kvikmyndir, en ég hef alla tíð haft
mjög gaman af útiveru. Það er
verst að fjöllin er mun brattari nú
en þau voru áður!“
Morgunblaðið/Rúnar Þór
Nú er verið að leggja flísar í nýrri sundlaug í Glerárhverfi, en stefnt er að opnun laugarinnar í byrjun
októbermánaðar.
Niðursuðuverksmiðja K. Jónsson:
Vantar starfsfólk vegna
pantana sem hafa borist
BJARTARI horfúr eru nú hjá Niðursuðuverksmiðju K. Jónsson
og Co. á Akureyri og hefúr verksmiðjan auglýst eftir starfsfólki
til starfa. Pantanir hafa verið að berast víða að og á næstu vikum
skýrist hvort af stærri samningum við erlenda aðila verður.
Baldvin Valdemarsson aðstoð- Þýskalandi eftir lok hvalveiða,“
arframkvæmdastjóri sagði að
ýmsar pantanir hefðu verið að
berast nýlega sem afgreiða þyrfti
á næstunni og að nokkuð léttara
væri yfir flestum mörkuðum. „Sér-
staklega rækjumarkaðnum í
sagði Baldvin.
Nú þegar vantar nokkra starfs-
menn að verksmiðjunni, en þar
starfa nú rúmlega 80 manns.
Baldvin sagði að á næstu vikum
skýrðist hvort samningar tækjust
Orlofsíbúðir á Ak-
ureyri orðnar 46
ALLS eru á skrá Fasteignamats
ríkisins á Akureyri 46 íbúðir,
sem eru í eigu stéttar- og starfs-
mannafélaga. Fremur fáar íbúð-
ir hafa verið seldar á þessu ári,
en á árunum 1985-86 fjölgaði
orlofsíbúðum afþessu tagi mjög.
Bjöm Magnússon hjá Fast-
eignamatinu sagði að á árinum
1981 hefði verið skráð ein íbúð,
sem keypt hefði yerið af stéttarfé-
lagi. Slíkar íbúðir eru nú orðnar
46 í bænum, en aukningin varð
mest á árunum 1985-86, en þá
var fasteignaverð lágt á Akureryi.
„Það hefur líklega verið ódýrara
að kaupa íbúð á Akureyri heldur
en sumarbústað,“ sagði Björn.
Björn sagði að fremur lítið hefði
verið um kaup stéttarfélaga á
íbúðum til afnota fyrir félagsmenn
nú á þessu ári, enda væri fast-
eignaverð nokkuð hátt um þessar
mundir.
íbúðirnar dreifast nokkuð um
bæinn, en dæmi eru um í tveimur
raðhúsum við Furulund að meiri-
hluti íbúðanna sé í eigu stéttarfé-
laga og notaðar sem orlofsíbúðir
yfir sumarmánuðina, en leigðar
skólafólki yfir veturinn. í öðru
þessara húsa eru 13 af 19 íbúðum
í eigu stéttarfélaga.
við fleíri aðila varðandi kaup á
framleiðsluvörum fyrirtækisins og
ef af þeim samningum yrði þyrfti
jafnvel að bæta við fólki.
í síðustu viku landaði norskt^
skip talsverðu magni af rækju hjá
verksmiðjunni og í lok vikunnar
er von á öðru skipi til löndunar.
Baldvin segir innanlandsmarkað-
inn þungan um þessar mundir
varðandi kaup á rækju. Lítið sé
eftir af kvóta bátanna og auk þess
hafi veiðin verið treg undanfarið.
K. Jónsson tekur nú þátt í átak-
inu Islenskir dagar og sagði Bald-
vin að það væri þegar farið að
skila árangri. Verksmiðjan setti
fyrir skömmu á markaðinn fiski-
bollur og fiskbúðing sem m.a. er
verið að kynna nú og sagði Bald-
vin að viðtökurnar hefðu verið
afar góðar. „Okkur hefur gengið
vel á innanlandsmarkaði undan-
farið. Fólk virðist nú í ríkara
mæli kaupa íslenskar vörur.“
Guðmundur Frímann
rithöfundur látinn
Guðmundur Frímann, rithöf-
undur, er látinn, 86 ára að aldri.
Hann fæddist í Hvammi í Langad-
al, Austur-Húnavatnssýslu, þann
29. júlí árið 1903. Síðasta æviárið
dvaldi hann á dvalarheimilinu Hlíð
á Akureyri.
Guðmundur nam húsgagnasmíði
og bókband á Akureyri. Hann vann
sem húsgagnasmiður á Akureyri,
kennari við Reykholtsskóla, síðan
bókbindari á Akureyri og gagn-
fræðakennari þar frá árinu 1951.
Hann samdi kennslubók í bókbandi
og smíðum árið 1955 og nokkrar
þýðingar liggja eftir Guðmund. Þá
samdi hann ljóð, smásögur og skáld-
sögur. Hann fékk fyrstur rithöfunda
úthlutun úr Rithöfundasjóði Ríkisút-
varpsins og skáldalaun fékk hann frá
árinu 1937. Guðmundur var jafn-
framt heiðraður af Akureyrarbæ fyr-
ir nokkrum árum og Félag íslenskra
rithöfunda gerði hann að heiðurs-
félaga sínum árið 1984.
Árið 1930 kvæntist Guðmundur
Rögnu Sigurlín Jónasdóttur, en hún
lést 1983. Hjónin eignuðust þijár
dætur, þær Valgerði, Gunnhildi og
Hrefnu, sem allar eru búsettar á
Akureyri.