Morgunblaðið - 30.09.1990, Side 19

MORGUNBLAÐIÐ SUNNUDAGUR 30. SEPTEMBER 1990
19
Útflutningpmiðstöð þarf til
að kynna íslenska tónlist
- segir Aðalsteinn Ásberg Sigurðsson tónlistarmaður
RÁÐSTEFNA um stöðu og markaðsmöguleika norrænnar dægurtónlist-
ar var haldin í Kaupmannahöfn dagana 30. ágúst til 2. september sl.
Ráðstefnuna sóttu um 200 manns þar af hópur tónlistarmanna oghljóm-
plötuútgefenda frá íslandi. Aðalsteinn Ásberg Sigurðsson, tónlistarmað-
ur og einn þeirra er sátu ráðstefnuna fyrir hönd Islands, segir að
koma þurfi á fót útflutningmiðstöð hérlendis fyrir dægurtónlist.
Meðal málefna sem rædd voru á
ráðstefnunni var norrænn
markaður, norrænt sjónvarp og út-
varp, höfundaréttarmál, útgáfumál
og fleira. íslenska sendinefndin var
skipuð tónlistarmönnunum Valgeiri
Guðjónssyni, Jakob Frímanni Magn-
ússyni, Áðalsteini Ásberg Sigurðs-
syni og hljómplötuútgefendunum
Steinari Berg og Ásmundi Jónssyni.
Opnunarræðu ráðstefnunnar flutti
Einar Örn Benediktsson, forsprakki
Sykurmolanna. Á ráðstefnunni kom
m.a. fram að ríkisstyrkir í nágrann-
aríkjunum til útflutnings og kynning-
ar á tónlist viðkomandi landa nema
allt frá 9 milljónum ísl. kr. í Noregi
til 55 milljóna kr. í Danmörku.
Að sögn Aðalsteins Ásbergs kom
fram á ráðstefnunni að írsk stjórn-
völd' hafa áttað sig á fjárhagslegum
ávinningi þess að heimsfrægar rokk-
stjörnur setjist þar að. Höfundarlaun
eru skattfijáls á írlandi og skattaív-
ilnanir til handa fyrirtækjum sem
tengjast tónlistariðnaðinum eru mikl-
ar. Slík stefna hefur skilað sér í
mikilli grósku í rekstri hljóðvera og
hljómplötufyrirtækja. Dæmi um af-
rakstur þessarar stefnu er írska
hljómsveitin U2, sem veltir milljörð-
um kr. árlega.
Danska ríkið veitir áriega 55 millj-
ónum ísl. kr. til alþýðutónlistar og
þar er starfrækt stofnun, ROSA, sem
einvörðungu sinnir útflutningi á
danskri tónlist. Aðalsteinn Ásberg
segir að ísland sé mjög aftarlega á
merinni hvað varðar stuðning við
alþýðutónlist og raunar hefðu frum-
mælendur á ráðstefnunni' talið með
ólíkindum þann árangur sem þó hefði
náðst af hálfu Sykurmolanna og
Mezzoforte, sem samanlagt hafa selt
um 3 milljónir hljómplatna án nok-
kurrar fyrirgreiðslu af hálfu ríkisins.
Aðalsteinn Ásberg sagði að þær
raddir gerðust háværari hér á landi
að fyrirgreiðslu þurfí til að koma
íslenskri tónlist á markað erlendis.
„Markaðurinn hér er ákaflega lítill
og til þess að tónlist hér eigi framtíð
fyrir sér þurfum við helst að koma
henni á markað annarsstaðar. Við
teljum að hægt sé að selja íslenska
tónlist erlendis en til þess hafa aldr-
ei verið gerðar neinar tilraunir að
viti, til þess hefur alltaf skort fjár-
magn. Við hljótum að ætlast til þess
að íslensk yfírvöld sjái sér akk í því
að tónlistarmenningin sé breidd út.
Veita þarf fé til að koma á fót nokk-
urs konar útflutningsmiðstöð í sam-
ráði við höfunda, flytjendur og útgef-
endur hérlendis, en ég held að enginn
hafi bolmagn til að þess nema ríkið.
Tónlistin er í raun iðngrein og það
hefur sýnt sig í nágrannaríkjunum
að hún getur skilað heilmiklu til baka
í þjóðarbúið,“ sagði Aðalsteinn Ás-
berg.
Hann benti einnig á að dægurtón-
list á hljómplötum ein listgreina er
virðisaukaskattskyld og sagði að nið-
urfelling skattsins væri það baráttu-
mál sem stæði dægurtónlistarfólki
einna næst hjarta.
Morgunblaðið/Þorkell
Tveir ungir félagsmenn í KFUM og KFUK tóku fyrstu skóflustung-
una að nýjum aðalstöðvum félaganna í Reykjavík.
KFUM og KFUK í Reykjavík:
Framkvæmdir við nýjar aðal-
stöðvar hefjast á næstunni
Um 300 manns, börn, unglingar og fullorðnir, voru viðstödd þegar
tekin var fyrsta skóflustungan að nýjum aðalstöðvum KFUM og KFUK
á horni Holtavegar og Sunnuvegar í Reykjavík um síðustu helgi. Um
leið var haldin sérstök samkoma í upphafi vetrarstarfs félaganna sem
nú er að hefjast og kynntar voru teikningar að hinu nýja húsi. Fram-
kvæmdir eiga að hefjast á næstunni.
Asíðastliðnum vetri seldu KFUM
og KFUK Menntaskólanum í
Reykjavík húsnæði sitt við Amt-
mannsstíg en þar höfðu aðalstöðvar
félaganna verið til húsa í áratugi,
þ.e. skrifstofur og samkomusalir,
Jafnframt var ákveðið að reisa nýtt
húsnæði á lóð félagsins við Holtaveg
þar sem fyrir er félagsheimili og
íþróttasvæði enda svæðið talið henta
að mörgu ieyti vel fyrir framtíðar-
uppbyggingu félaganna. í nýja hús-
inu verða fundasalir, kennslustofur,
veitingaaðstaða og aðstaða fyrir
tómstundastarf. Arkitektar eru þeir
Björn S. Hallsson og Jón Þór Þor-
valdsson.
Um þessar mundir er verið að
Ijúka við verkfræðiteikningar ög mun
framkvæmdaáætlun liggja fyrir fljót-
lega. Jafnframt hefur íjáröflunar-
nefnd tekið til starfa en leitað verður
stuðnings félagsmanna sem og ann-
arra velunnara félaganna til að fjár-
magna framkvæmdir auk þess sem
vonast er eftir nokkrum stuðningi
borgaryfirvalda.
Sem fyrr segir áttu KFUM og
KFUK húsnæði við Holtaveg, félags-
heimili sem notað hefur verið fyrir
æskulýðsstarf félaganna. Því hús-
næði var breytt sl. vor og þar er nú
skrifstofa félaganna til húsa svo og
aðsetur nokkurra samstarfsfélaga,
svo sem Kristilegrar skólahreyfingar
og Sambands íslenskra kristniboðs-
félaga. Sverrir Axelsson er formaður
bygginganefndar félaganna en hann
lýsti fyrirhuguðum framkvæmdum
og greindi frá þeim breytingum sem
gerðar voru á félagsheimilinu í vor.
Bygginganefndin afhenti síðan fór-
mönnum félaganna starfsmiðstöðina
og tekin var fyrsta skóflustungan
að hinum nýju aðalstöðvum.
Hávamál Indíalands
komin út á íslensku
HÖRPUÚTGÁFAN hefur sent frá sér bókina „Hávamál Indíalands
— Bhagavad-Gíta“ í þýðingu Sigurðar Kristófers Péturssonar. í
formála segir m.a.: „Rit þetta er meðal hinna frægustu rita heims-
ins. Það var fyrsta ritið er þýtt var úr sanskrít á tungur Norður-
álfuþjóða ... Margir lesa Hávamálin sem eins konar guðræknisbók
„passíusálma" kynslóð eftir kynslóð. Umsjón með útgáfunni hafði
Sigfús Daðason.
Hörpuútgáfan hefur einnig sent
frá sér Ljóðaþýðingar II
Yngva Jóhannessonar. Eins og í
fyrri bókinni fylgja frumkvæðin
þýðingunum. I formála segir m.a.:
„Ljóðlist og hljómlist standa hvor
annarri nærri. Ljóðið eitt saman
getur verið söngur og söngur án
orða getur verið ljóð. Saman ná
þær ef til vill hæst. Ljóð er eins
og skammvinnt neistaflug eða
óvænt stef slegið á streng líðandi
stundar. Fyrir þann sem skynjar
eðlisblæ þess getur það verið vel-
komið tækifæri til að líta snöggv-
ast upp frá önn atvinnu og áhuga-
Hörpuútgáfan hefur sent frá sér
bókina „Hávamál Indíalands".
mála. Bjarni Jónsson listmálari
teiknaði band og titilblöð á báðar
bækumar. (Fréttatilkynning)
A
Afmæli Islenzk-ameríska félagsins:
Sigfús Rogich aðalræðumaður
SIGFÚS Rogich, sérlegur ráðgjafi
Bush Bandaríkjaforseta, kemur til
landsins í tilefni 50 ára afmælis
Íslenzk-ameríska félagsins og
verður aðalræðumaður á afmælis-
hátíð félagsins 6. október næst-
komandi.
Sigfús Rogich, eða Sig eins og
hann kallar sig vestra, rekur
Kynjakett-
ir sýndir
Kattaræktarfélag íslands heldur
sýningu á „kypjaköttum" í menn-
ingarmiðstöðinni í Gerðubergi í
dag sunnudag. Þar verða sýndar
þæt kattategundir sem til eru á
landinu, svo sem persneskir kett-
ir, síamskettir, norskir skógar-
kettir, angórakettir, að ógleymd-
um íslenskum heimilisköttum.
Sýningin er opin frá klukkan
10-18. Valdir fverða fallegustu
kettir hverrar deildar og fallegasti
köttur sýningarinnar. Verðlaun
verða afhent klukkan 16. Aðgangur
kostar 300 fyrir fullorðna en 150
krónur fyrir börn. Félagsmenn með
skírteini fá ókeypis aðgang.
auglýsingastofur í Nevada og Utah,
en hefur um skeiða starfað sem ráð-
gjafi Bandaríkjaforseta um frum-
kvæði og framtak. Hann undirbjó
meðal annars fund Bush og Gor-
batsjovs forseta Sovétríkjanna á
Möltu síðastliðinn vetur. Móðir Sigf-
úsar, Ragnheiður Ámadóttir frá
Vestmannaeyjum, verður í för með
honum, en þau eru væntanlegur til
landsins í fyrstu viku október.
í tilefni fimmtugsafmælis ís-
lenzk-ameríska félagsins verður
ýmislegt gert til hátíðabrigða. At-
höfn verður við styttu Leifs Eiríks-
sonar, þar sem Davíð Oddsson borg-
arstjóri, bandaríski sendiherrann og
Ólafur Stephensen, formaður félags-
ins, flytja ávörp. Þá verður sérstök
afmælisbók gefín út, þar sem saga
félagsins er rakin í máli og myndum.
Vegna afmælisins mun íslenzk-
ameríska félagið gangast fyrir
„Leifsleiknum", spumingaleik fyrir
grunnskólabörn. Sigurvegaranum
verður boðið til Bandaríkjanna, þar
sem hann mun heimsækja Hvíta
húsið - og hann má hafa allan bekk-
inn sinn og kennarann með sér.
Félagsmálaráðherra um húsnæðismálakönmin:
Sýnir að fólk hafn-
ar almenna kerfinu
Vinnubrögðin tæpast sæmandi Félags-
vísindastofnun, segir Geir H. Haarde
JÓHANNA Sigurðardóttir félagsmálaráðherra kveðst vera ánægð með
þá niðurstöðu i könnun Félagsvísindastofnunar um húsnæðismál, að
78% svarenda kváðust ánægðir með þróun húsnæðismála. Einnig hve
stór hluti vildi tengja niðurgreiðslur húsnæðiskaupa eignum og tekjum.
„Það tel ég sýna fram á að fólk raunverulega hafni þessu almenna
lánakerfi frá 1986, þar sem var um almennar niðurgreiðslur að ræða
til allra.“ Geir H. Haarde alþingismaður segir vinnubrögð við könnun-
ina tæpast sæma Félagsvísindastofnun.
Jóhanna segir athyglisvert hve stór
hluti framsóknarmanna telji vel
hafa tekist til, eða 73%, og ekki síður
að 93% alþýðubandalagsmanna séu
sömu skoðunar. „Ég hef átt í nokk-
urri baráttu um ýmsar af þessum
breytingum við þá flokka og sama
má raunverulega segja um Sjálf-
stæðisflokkinn. Þess vegna er þetta
hlutfall frá 70 upp í 93% í öllum
flokkum mjög ánægjuleg niður-
staða.“
I niðurstöðum könnunarinnar
kemur fram að stuðningur við hús-
bréfakerfið er mestur meðal atvinnu-
rekenda, en minnstur meðal'verka-
fólks. Það snýst hins vegar við í af-
stöðu til félagslega kerfisins. „Þetta
er ekkert sem kemur á óvart, að
verkafólk leggi mesta áherslu á fé-
lagslega kerfíð. Síðan kemur þetta
heim og saman varðandi almennan
stuðning flokkanna, minnstur stuðn-
ingur Sjálfstæðisflokksins við félags-
lega húsnæðiskerfið kemur ekki á
óvart, miðað við þá stefnu sem þeir
hafa haft í þessum málum," sagði
Jóhanna Sigurðardóttir.
Geir H. Haarde segir könnunina
vera einkennilega og vinnubrögð við
hana tæpast sæmandi Félagsvísinda-
stofnun. Hann segir að spurt hafi
verið rangra spurninga, sem gefi
ekki rétta mynd af þeim breytingum
sem hafa orðið. „Hvers vegna er til
dæmis ekki spurt um hvað fólki
fínnst um að fjárhagsgrundvellinum
hafi verið kippt undan Byggingar-
sjóði ríkisins með aðgerðarleysi
stjórnvalda?"
Þá segir Geir að það sé undarlegt
að þegar spurt var hvaða kost í hús-
næðismálum svarendur vilji leggja
mesta áherslu á, sé einungis gefínn
kostur á að taka afstöðu til þeirra
þriggja málaflokka sem núverandi
félagsmálaráðherra hefur lagt
áherslu á, en hvorki gefinn kostur á
að svara um hið almenna íbúðalána-
kerfi né heldur um annað. „Mér sýn-
ist að fingraför félagsmálaráðuneyt-
isins séu augljós á þessari könnun,"
segir hann.
Geir var spurður hvort það endur-
speglaði stefnu Sjálfstæðisflokksins,
að af þeim svarendum sem sögðust
styðja þann flokk, vildu rúm 10%
leggja mesta áherslu á félagslega
íbúðakerfið, vilja sjálfstæðismenn
þetta kerfi feigt?
„Nei, það er fjarri því. Þessa niður-
stöðu er alls ekki hægt að skilja á
þann veg. Spurningin er um hvaða
kost menn vildu leggja mesta áherslu
á. 10% sjálfstæðismanna völdu þenn-
an kost, það þýðir ekki að hin 90%
sem vildu leggja mesta áherslu á
aðra kosti vilji kasta burt félagslega
kerfinu. Ef þannig ætti að skilja svör-
in, þá væru sjálfstæðismenn reyndar
í félagsskap með stuðningsmönnum
Alþýðuflokksins, flokks félagsmálar-
éðherra, þar sem 18% þeirra vildu
leggja mesta áherslu á félagslega
kerfið, en 82% annað. Sjálfstæðis-
menn vilja að sem flestir geti eign-
ast eigið húsnæði, en jafnframt að
séð verði tryggilega fyrir hag þeirra
sem minna mega sín í þeim efnurn."