Morgunblaðið - 17.01.1991, Page 40

40
MORGUNBLAÐIÐ FIMMTUDAGUR 17. JANÚAR 1991'

JJ
kjukjingasúpe- /dn nú&hz- "
Ást er...
... einskonar lyfjagjöf.
Sniðug hugmynd að gefa hon-
um vatnsþétt úr. Hann fer
orðalaust I bað...
ö • 150
Kom bolti inn um gluggann?
HOGNI HREKKVISI
Þessir hringdu
Góður sjónvarpsþáttur
Áhorfandi hringdi:
„Ég vil þakka fyrir þáttinn
Fóíkið í landinu þar sem rætt var
við Jón Eyþór Guðmundsson
frumkvöðul með brúðuleikhús hér
á landi. Brúður Jóns eru afskap-
lega skemmtilegar og var gaman
að fylgjast með þeim á skjánum.
Væri það ekki athugandi að gerð-
ar yrðu myndir fyrir sjónvarp af
nokkrum brúðuleikritum Jóns, ég
er viss um að það yrði ákaflega
vinsælt sjónvarpsefni. Þetta ættu
sjónvarpsmenn að athuga."
Kettlingar
Fallegir kassavanir kettlingar
fást gefíns. * Upplýsingar í síma
14518.
Vel vandir kettlingar fást gef-
ins. Upplýsingar I síma 28747.
Gleraugu
Gleraugu í gleraugnahulstri týnd-
ust sl. föstudag nálægt Sundlaug
Vesturbæjar. Finnandi vinsam-
legast hringi í síma 23435 milli
kl. 19 og 22.
Óþarfur innflutningur
Kona hringdi:
„Ég vil mótmæla innflutningi á
ostalíki sem er algerlega óþarfur
þar sem nóg er til af osti í landinu.
Bændur eru alls ekki hrifnir af
þessum innflutningi, sem aðeins
verður til þess að auka vanda
landbúnaðarins og verða til þess
að fleiri bændur komist á
vonarvöl.“
Hanskar
Hanskar fundust við Ásbraut í
Kópavogi 23. eða 24. desember.
Upplýsingar í síma 42026.
Úr
Silfurlitað Seiko dömuúr tapað-
ist um miðjan desember. Finnandi
er vinsamlegast beðinn að hringja
í Ingu í síma 23625.
Trúðu á tvennt í heimi
Heiðarleg-
ur stjórn-
málamaður
Til Velvakanda.
. Mig langar til að þakka Stöð 2
fyrir þáttinn „Inn við beinið", sem
sýndur var 6. janúar sl. undir stjórn
Eddu Andrésdóttur.
Þar fylgdust áhorfendur í eina
klukkustund með íslenskum stjórn-
málamanni, sem ekki er útblásinn
af ofmetnaði og sjálfsánægju.
Þorsteinn Pálsson, formaður
Sjálfstæðisflokksins, hefur hvar-
vetna getið sér gott orð fyrir heiðar-
leika og þó harðfyigni við sinn mál-
stað. Var gaman að heyra Guðmund
jaka, þá gömlu kempu, fara viður-
kenningarorðum um þessa eiginleika
Þorsteins, sem fáir af núverandi ráð-
herrum geta státað af.
íslenska þjóðin væri betur sett í
dag ef fleiri væru sem Þorsteinn,
hefðu vit og þekkingu á því sem
þeir væru að fjalla um, en beittu
ekki tómum leikfléttum og sjón-
hverfingum.
Ánægður kjósandi
------+-♦-»---
Einokun
Til Velvakanda.
Eins og kunnugt er hefur verið
veitt heimild til að flytja inn 40 tonn
af ostalíki og hafa hagsmunaaðilar
í landbúnaði rekið upp mikið kvein
yfír þessu. Þetta minnir okkur á
hversu rötgróin innflutningshöft við
búum við hér á landi, fyrst svona
mikil læti verða þegar smávegis
undantekning er gerð á einokuninni.
Einokunin hefur enda aðeins þjónað
þeim tilgangi að halda verðlagi á
landbúnaðarvörum uppsprengdu.
Stjórn landbúnaðarmála hér á landi
hefur verið með þeim ósköpum að
lambakjöti hefur verið ekið á sorp-
hauga í stórum stíl en skattborgar-
inn látinn borga brúsan. Það hefur
ekki verið horft í peninginn þegar
þessi óráðsía hefur verið annars veg-
ar enda margur milliliðurinn makað
krókinn á þessu. Eina ráðið til að
stemma stigu við þessu rugli er að
hefja innflutning sem að vísu mætti
takmarka til að byrja méð. Taka
ætti fyrir allar útflutningsbætur og
endurskoða allt styrkjakerfí land-
búnaðarins með miðurskurð í huga.
Með þessu móti mætti spara mikla
peninga. Neytandi
Til Velvakanda.
Stundum getur að líta lærðar
greinar um trúarbrögð í Velvak-
anda og er greinilegt að sumir
höfundanna hafa lagt mikla vinnu
og lærdóm í skrif sín. En þrátt
fyrir að vitnað sé í heilaga ritningu
af miklum móði eru skoðanir og
niðurstöður næsta ólíkar og engin
algild formúla finnst til skilnings
á hinum æðsta vísdómi. Eftir að
hafa lesið einn slíkan pistil datt
mér í hug vísukorn eftir Steingrím
Thorsteinsson sem er þannig:
Trúðu á tvennt í heimi,
tign sem hæsta ber:
guð í alheims geimi,
guð í sjálfum þér.
Það skyldi þó aldrei vera að
sannleikurinn sé einfaldari en
fræðimennimir ætla?
Grúskari
Víkveqi skrifar
að er mikill ósiður að láta hluti
drabbast niður, því auk þess
að slíkt setur leiðinlegan svip á
umhverfíð þá vill það oft einnig
hafa þær aukaverkanir að menn
sljógvast gagnvart öðru í umhverfi
sínu sem ástæða er til að hlú að.
Víkveiji fagnar þeirri þróun sem
átt hefur sér stað í frágangi á göt-
um og grænum svæðum á höfuð-
borgarsvæðinu á undanförnum
árum og einnig víða úti á lands-
byggðinni eins og til dæmis á Akur-
eyri í miðbænum þar. Mest átak í
þessum efnum hefur verið á vegum
Reykjavíkurborgar og má þar til
dæmis nefna Reykjavíkurtjörn og
Laugardalinn og nýjasta dæmið er
endurbygging gatna og gangstíga
í Gijótaþorpinu.
xxx
Um áratuga skeið hafa hinar
þröngu götur Gijótaþorpsins
verið einhveijar ljótustu götur höf-
uðborgarinnar og fjarri öllu sem
gera verður kröfur til um miðbæ
höfuðborgarinnar. Uppbygging
samgönguleiða í Grjótaþorpinu í
svipuðum dúr og endurbygging
Laugavegarins er hins vegar til
mikillar prýði svo sómi er að. 1 vor
má vænta þess að verkinu ljúki og
að þá verði gengið frá öllu opna
svæðinu fyrir austan Vesturgötu 7.
Víkveiji fagnar þeim áformum
Reykjavíkurborgar að byggja upp
götui-nar í gamla miðbænum þannig
að þær verði augnayndi í stíl við
þær gömlu byggingar sem þar
standa og sem betur fer er tíðarand-
inn að breytast í þá átt að fólki
fínnst sjálfsagt að fegra umhverfið
og gera það hvort tveggja hag-
kvæmt og vistlegt og aðlaðandi.
XXX
Til að mynda hefur Víkveiji
fylgst með því hvernig Flug-
málastjórn hefur á undanförnum
árum snyrt og lagfært umhverfi
Reykjavíkurflugvallar og er það
vel, því flugvöllurinn er í hjarta
höfuðborgarinnar og æskilegt er
að hann falli eins vel að annarri
byggð og kostur er, en auðvitað er
sérstaða Reykjavíkurflugvallar
fyrst og fremslrfölgin í því að vera
iykill landsbyggðarinnar að höfuð-
borg sinni. Um 300 þúsund farþeg-
ar fara árlega um Reykjavíkurflug-
völl og völlurinn er langsamlega
mikilvægasta samgöngubót og
samgönguleið landsbyggðarinnar
til hinna fjölmörgu þjónustuþátta
sem er að finna í höfuöborginni.
Mikilvægi Reykjavíkurflugvallar er
að sjálfsögðu ekki minna fyrir höf-
uðborgarbúa gagnvart landsbyggð-
inni, því staðsétning hans styttir
fjarlægðir milli landshluta og sparar
tíma fyrir alla sem leið eiga til og
frá Reykjavík. Reykjavíkurborg
hefur markvissa stefnu í málefnum
Reykjavíkurflugvallar, að hagS-
munum borgarinnar og lands-
byggðarinnar, sem fara saman á
svo margan hátt, sé best borgið
með því að Reykjavíkurflugvöllur
þjóni því hlutverki áfram sem hann
hefur gert um áratuga skeið.
XXX
Ahinn bóginn vekur Víkveiji at-
hygli á því að þegar markviss
uppbygging á sér stað á aðstöðu
fyrir flugfarþega víða um land þá
hafa setið á hakanum áform um
að byggja upp eðlilega þjónustu
fyrir flugfarþega á Reykjavíkur-
flugvelli með nýrri flugstöð. Flug-
málaáætlun gerir ráð fyrir verulegu
átaki í uppbyggingu flugvalla og
þar má spyija hvort eðlilegt sé að
aðalvöllur innanlandsflugsins sitji á
hakanum öllu lengur með hag-
kvæmar og traustar flugbrautir og
aðstöðu fyrir farþega.