Morgunblaðið - 28.04.1991, Page 11

MORGUNBLAÐIÐ SUNNUDAGUR 28. APRIL 1991
-C 11
Pétur Kristjánsson
sá ég margar af helstu hetjunum
t.a.m. John Mayall og Frank Zappa.
í London var ég á tónleikum á
hveiju einasta kvöldi. Þá var ég
fimmtán ára og sá Spooky Tooth,
Vanilla Fudge frá Bandaríkjunum,
Traffic, Flowerpot Men og fleiri
sveitir. Ég náði tónleikum um átta
til tíu, en fór síðan á klúbb um
kvöldið. Eitt sinn elti ég Small Fac-
es í úthverfi London og kom ég
heim á hótelið um þijúleytið um
nóttina. Þegar þessu ævintýri lauk
fór ég á Núpsskóla mettur og með
bítlið beint í æð. Ég fór með lítið
útvarpstæki á skólann og hlustaði
á Radio Luxemburg til að fylgjast
með og var í bandi í skólanum sem
hét Lords. Ég náði að vinna mig
upp í fyrstu einkunn um veturinn
1967—68, en vorið 1968 kom ég í
bæinn sjúkur í að fara að spila. Eg
talaði við Bigga Hrafns, sem þá var
hættur í Pops. Ég þurfti að fara
til mömmu hans og telja hana á
að leyfa honum að byija aftur, því
hún var þá alveg á móti því. Ég
gat loks talið hana á að leyfa honum
og svo hann á að byija aftur og
við fengum til liðs við okkur Ólaf
Sigurðsson trommara og Benedikt
Torfason, bróður Harðar Torfa. Við
héldum nafninu Pops og spiluðum
mikið í Búðinni um sumarið. Okkur
var borðið að spila í Þórsmörk um
verslunarmannahelgina, sem var
mikil upphefð, því þar áttu allar
helstu sveitir landsins að spila.
Þangað komu menn af Vellinum
og þeir réðu okkur á staðnum til
að spila öll föstudagskvöld næsta
mánuð á Vellinum. Við spiluðum
þar allan veturinn 1968—69, á
hveiju föstudagskvöldi, þá fimmt-
án-sextán ára. Það urðu manna-
breytingar hjá okkur um veturinn
og Björgvin Gíslason bættist við,
sem hleypti nýju lífi í sveitina. Um
vorið varð sprenging í rokkheimin-
um og Trúbrot byija, Ævintýri og
Náttúra. Bjögga var boðið í Náttúru
sem hann þáði auðvitað og Birgir
fór í Ævintýri stuttu á eftir Bjögga.
Við héldum samt ótrauðir áfram
sumarið 1969, spiluðum allan þann
vetur og vorum orðnir ansi góðir,
spiluðum í sjónvarpinu og víðar.
Trúbrot, Náttúra og Ævintýri voru
í fyrstu deildinni, en flestir töldu
Pops efnilegustu sveitina. Þá var
mér boðin söngvarastaðan í Nátt-
úru. Pops var mín hljómsveit í öll
þessi ár og það var erfitt að hætta.
Náttúra var þó aðal hljómsveitin
og mikið í aðsigi. Ég hugsaði mig
lengi um og ákvað svo að slá til
og ákvað um leið að hætta í_ skóla
og helga mig tónlistinni. Ég sá
ekki á eftir því næstu tvö ár voru
skemmtileg og lærdómsrík enda var
mikið að gerast í Náttúru á þessum
árum.“
Pétur hætti í Náttúru um ára-
mótin 1971/72, enda þótti honum
tónlistin vera full framúrstefnuleg,
„mig var farið að langa að spila
kraftmeiri tónlist." Það var því
kominn tími til að breyta til og
Pétur stofnaði Svanfríði með Bigga
Hrafns og Sigurði trommara, sem
fannst þeir vera að spila eintómt
tyggjópopp, og Gunnari Hermanns-
syni.
„Við þóttum villtir og urðum
strax vinsælir og 1972 spiluðum
við 265 sinnum. Þrátt fyrir annir
gáfum við okkur tíma til að taka
upp plötu á 36 tímum í London um
sumarið." Svanfríður starfaði fram
á vor 1973 og í restina gaf sveitin
út smáskífu með Jibbí jei og Kalla
kvennagulli. „Það var gert sem
brandari, en við heyrðum þessi lög
hjá Gylfa Ægis þegar við vorum
veðurtepptir í Eyjum í viku og
ákváðum að gefa þau út. Platan
mokseldist, var tíu vikur í efsta
sæti á Tíu á toppnum og 3.000 ein-
tök seldust upp á þrem vikum. Þetta
var fyrirrennari gleðipoppsins."
Vorið 1973 leystist Svanfríður
upp, þegar Biggi og Siggi ákváðu
að verða heimsfrægir með Change.
Úr varð að Pétur og Björgvin, sem
var við það að ganga í sveitina
skömmu áður, ákváðu að stofna
nýja sveit og nefndu hana Pelican.
Pelican var fljótt vinsælasta rokk-
sveit landsins. í mars 1974 var
haldið til Bandaríkjanna að taka
upp breiðskífuna Uppteknir, sem
kom út um haustið. „Þegar platan
kom út vorum við með tónleika í
Stapa og veldið var svo mikið á
okkur að við vorum með tvær heil-
síðuauglýsingar í lit í Mogganum;
aðra til að auglýsa plötuna og hina
tónleikana. Það var byijað að selja
miða á Stapaballið kl. hálf níu og
kl. níu var orðið uppselt, 700 miðar
farnir. Platan seldust rosalega vel
og einhverntímann heyrði ég að það
hefðu verið framleidd 11.000 ein-
tök, plata og kassetta, og það seld-
ist allt upp.“ Það var því eðlilegt
framhald að sveitin gerði aðra plötu
og í janúar 1975 fóru sveitarmenn
aftur til Bandaríkjanna. Eigendur
Shaggy Dog Studios, þar sem við
tókum upp fyrstu plötuna, höfðu
trú á okkur, því þeir buðust til að
tryggja okkur sölu á 5.000 eintök-
um á Austurströndinni. Það stóð
reyndar ekki og þurfti málaferli til
að greiða úr því, en við treystum
þó á það og gáfum okkur því góðan
tíma og vorum úti í fimm vikur.
Þessi tími var kallaður fimm milljón
króna sukkið. Við spiluðum víða á
þeim tíma og lokatónleikarnir voru
stórtónleikar í háskólabæ, þar sem
farið var með okkur sem stjörnur.
Þetta var það næsta sem ég komst
heimsfrægðinni.“
Eftir að sveitin kom heim voru
sveitarmenn flestir komnir á bragð-
ið með heimsfrægðina og vildu
leggja áherslu á að komast á mark-
að ytra. „Ég lagði hinsvegar áherslu
á að við þyrftum að sinna aðdáend-
unum og vildi að við æfðum upp
ný lög til að bæta í dagskrána til
að geta sinnt heimamarkaði." Svo
fór að Pétur var rekinn úr sveitinni
og þótti meira lagi fréttnæmt. Hann
var þó ekki af baki dottinn og dag-
inn eftir var hann byijaður að æfa
með nýrri hljómsveit, Paradís. Para-
dís gerði út á heimamarkað og varð
vel ágengt í samkeppninni við Pelic-
an „sem við kaffærðum einn, tveir
og þrír“ og Júdas. Með Pétri í Para-
dís voru ungir tónlistarmenn, en
með tímanum fóru að tínast inn í
sveitina gamlir samheijar, því
Björgvin og Ásgeir Óskarsson, sem
voru áður í Pelican, gengu í sveitina
í byijun árs 1976 og þannig skipuð
varð sveitin vinsælasta poppsveit
landsins það árið og fram á vetur
1977, að sveitin breyttist í grund-
vallaratriðum og ný sveit, Póker,
var stofnuð.
„Hér var þá staddur upptöku-
stjórinn Geoff Calver sem heyrði í
okkur og vildi ólmur fá að taka upp
með okkur þijú lög. Það varð og
hann bætti síðan á það blæstri og
strengjum, en ekkert gerðist frekar
og það kvarnaðist úr sveitinni í kjöl-
farið. í febrúar 1978 kom vinur
Björgvins okkur í samband við tvo
lögfræðinga í New Orleans, sem
leist afskaplega vel á það sem við
vorum að gera. Á endanum buðu
þeir okkur samning sem tryggði
okkur milljón dala tekjur á þremur
árum, 300.000 dali fyrsta og annað
árið og 400.000 þriðja árið. Á end-
anum fengum við samninginn und-
irritaðan af þeirra hálfu um haustið
og aðeins vantaði okkar undir-
skrift, en á síðustu stundu vildi Jói
Helga ekki vera með og þar fór
það; hálfs árs vinna í vaskinn.“
Póker fór þó utan til að spila án
Jóa Helga, og dvaldist ytra í nokkr-
ar vikur. Síðan var haldið heim, en
Pétur var búinn að fá nóg í bili.
„Ég hætti þessu og fór að vinna í
piötubúð hjá Skífunni. Þar var ég
í hálft ár, en byijaði þá hjá Stein-
um, hálfan dag á skrifstofunni, en
hálfan daginn var ég verslunastjóri
hjá Steinum í Glæsibæ. Tónlistin
varð að aukastarfi og þó ég hafí
spilað með nokkrum sveitum síðar,
þá var það bara hobbí. Til að mynda
varð til rokksveitin Start um ára-
mótin 1979—80, þegar þeir Jón
Ólafsson, Sigurgeir Sigmundsson
og Eiríkur Hauksson fengu mig
með sér í sveit, sem síðan spilaði
víða næstu fjögur árin, að Eiríkur
hætti vorið 1983. Þá ákvað Steinar
Berg ísleifsson að flytja til Eng-
lands, vegna Mezzoforte og réð mig
til að taka við hér heima. Þá hafði
ég ekki lengur tíma í hobbíið."
Hjá Steinari starfaði Pétur fram
að áramótum 1988—89, að hann
fór yfír til Skífunnar eftir rúmra
níu ára starf hjá Steinari. „Það var
komin viss þreyta í samstarfíð hjá
Steinari, Jónatan Garðarssyni og
mér eftir allan þennan tíma, en við
stýrðum útgáfunni í sameiningu.
Þá var mér var boðið að stýra al-
gjörlega útgáfunni hjá Skífunni,
sem mér fannst spennandi." Stuttu
eftir síðustu áramót ákvað hann svo
að stofna eigin fyrirtæki, til að
sinna útgáfumálum ytra, en í því
er mikil gróska. Fyrirtækið nefndi
hann p.s. músík og er þegar orðinn
umboðsaðili fyrir helstu lagasmiði
landsins, Gunnar Þórðarson, Magn-
ús Eiríksson, Bubba Morthens, Jó-
hann Helgason, Eyjólf Kristjánsson
og fleiri. Eg réð mér sjálfur á með-
an ég var í hljómsveitabransanum
en gerðist svo launþegi í ellefu ár.
Þegar svo vantaði fyrirtæki hér á
landi sem gæti sinnt höfundaréttar-
sölu til útlanda sá ég að það var
að duga eða drepast."
Til viðbótar við höfundaréttarmál
mun p.s. músík gefa út plötur og
væntanlegar eru plötur með Eyjólfi
Kristjánssyni, Rocky Horror-söng-
leiknum, og KK blúsbandinu. „Það
græðir enginn á útgáfu hér heima,
eins og flestir vita, en nánast allt
sem ég er að gefa út er hugsað
fyrir erlendan markað." Þriðji þátt-_
urinn í starfsemi fyrirtækisins er
svo að p.s. músík sinnir útgáfu
Steina hf. ytra, en Steinar og p.s.
músík hafa fengið álitlegt tilboð um
útgáfu á Norðurlöndunum. „Gott
dæmi um það sem ég er að gera
er lagið um Nínu eftir Eyjólf, en
strax og það hafði sigrað í söngva-
keppninni ákváðum við Eyjólfur að
taka það upp á íslensku og ensku.
Síðan sendi ég lagið til fyrirtækja
víða í Evrópu og fékk góðar undir-
tektir; síminn þagnaði ekki. Sum
smáfyrirtæki vildu gefa út plötu
með Eyjólfi sjálfum, en að vel ígrun-
duðu máli ákvað ég að taka tilboði
Warner-Chapell samsteypunnar,
sem mun annast höfundarrétt lags-
ins um heim allan, en það er það
stöndugt fjölþjóðafyrirtæki og stórt
að það tryggir að lagið verður gef-
ið út sem víðast."
í annað, Pétur. Þú ert búinn að
vera að fást við tónlist í þijátíu ár,
og reyndar hefur tónlistin fylgt þér
lengur, ertu ekkert farinn að fá leið?
„Ég held að tónlistin eigi eftir
að fylgja mér það sem eftir er. Ég
sé mig fyrir mér í tónlistarstússi
um sjötugt. Ég get sagt þér til
gamans að maðurinn sem samdi
við mig fyrir hönd Warner-Chapp-
els er 65 ára þannig að það er ekk-
ert því til fyrirstöðu að ég verði
forfallinn þungarokksáhugamaður,
á fullu á grafarbakkanum. Ein-
hvernveginn kom aldrei neitt annað
til greina en tónlistin; þetta er eitt-
hvað í blóðinu."
Að lokum Pétur, langar þig aldr-
ei til að taka upp þráðinn þar sem
frá var horfið og fara að syngja
aftur?
„Það þarf töluvert til ef halda á
úti góðri hljómsveit, og ég hef ekki
nennt að vera að spila með ein-
hveiju dansbandi. Ég gæti þó vel
hugsað mér að starfa með ein-
hverri góðri sveit í nokkra mánuði
og jafnvel gera plötu, en ég er orð-
inn of gamall til að standa í sliku
til langs tíma. Kanski sendi ég frá
mér plötu fyrir fertugt."
Omega-3 duft
Omega Dry n-3
Nú á íslandi
Færð þú nóg af fjölómettuðum omega-3 fitusýrum
sem eru líkamanum lífsnauðsynlegar?
Borðar þú lítið af fiski?
Ef svo er þá höfum við ráð við því.
Omega Dry n-3, sem inniheldur 30% omega-3, er nú fáanlegt í duft- og
pilluformi. Bæta má Omega Dry n-3 í matvæli, t.d. brauð (Omega brauð),
kökur og annan kommat, ungbamamat, jógúrt, súrmjólk, kjötbollur, súpuduft,
pizzur o.fl. Bættu einum skammti af Omega Dry n-3 í jógúrtina og þú færð
dagskammt af omega-3 fitusýmm og því fylgir ekkert auka- né eftirbragð.
Fæst í apótekum og heilsuvömbúðum.
Fiskafurðir hf„ Skipholti 17, 105 Reykjavík, Sími: 91-672280