Morgunblaðið - 29.11.1991, Blaðsíða 1

Aðventan. Aðventukransinn er orðinn sjálfsagður hlutur á
heimilum landsmanna á jólaföstu. Á sunnudaginn er kveikt
á fyrsta kertinu, spádómskertinu, annan sunnudag í aðventu
á Betlehemskertinu, þann þriðja á hirðakertinu og síðasta
sunnudag á jólaföstu er tendrað ljós á englakerti. ■
Allra veöra von.
Sumum útlendingum
finnst hið mesta ævin-
týri að lenda í smábyl
á Islandi
FÖSTUDAGUR
29. NÓVEMBER 1991
c
VW GOLF hefur hlotið titilinn „Bíll ársins í Evr-
ópu 1992” og er þetta í fyrsta sinn sem Golfinn
er kjörinn bíil ársins en hann hefur verið mest
seldi bíllinn í Evrópu síðan 1983.
Það voru 58 blaðamenn með bíla sem sérgrein sem
tóku þátt í kjörinu og komu þeir frá 17 löndum. / Jyl-
lands-Posten segir að Golfinn hafi ekki verið valinn
vegna þess að hann væri brauðtryðjandi eða honum
hefði verið mikið breytt, heldur vegna þess að þetta
væri heilsteyptur bíll sem samsvaraði sér vel.
Það voru sautján bílar sem fengu stig í kjörinu.
Opel Astra er í öðru sæti og Citroen ZX í þriðja og
Volvo 850 hreppti flórða sætið.
Eftirtaldir bílar hlutu atkvæði í kjörinu: VW Golf
(276), Opel Astra (231), Citroen ZX (213), Volvo 850
(197), Seat Toled.o (135), Peugeot 106 (112), Audi 100
(54), BMW-þristarnir (54), Honda Civic (48), Mazda
121 (48), Mercedes S (45), Toyota Carni-y (28), Nissan
Sunny (20), Mazda MX-3 (8), Honda Legend (3),
Mitsubishi Sigma (2), Hyundai Elantra (1). ■
Hápunkturinn
er að lenda í
islenskum byl
„ÞAÐ lætur nærri að Urval/Út-
sýn sjái um móttöku á 2.000 gest-
um frá Skandinavíu frá septem-
ber til áramóta. Svíar hafa verið
hvað flestir en Norðmönnum
hefur og fjölgað og áhugi er að
vakna hjá Finnum. Oftast er
þetta starfsfólk ákveðinna fyrir-
tækja sem hefur fengið ferðirnar
í verðlaun fyrir góða frammi-
stöðu í starfi,” sagði Sigrún Sig-
mundsdóttir hjá innanlandsdeild
Úrvals/Útsýnar.
Sigrún sagði að Flugleiðir byðu
á þessum árstíma helgarpakkaferð-
ir frá fimmtudegi til sunnudags.
Gestir færu í jeppa-safari til Guli-
foss og Geysis og að Hagavatni,
stundum í útreiðartúra, skoðunar-
ferðir væru skipulagðar um Reykja-
vík og flestir versluðu töluvert.
Fólkið sæktist eftir að fara út
að borða og þó því fyndist verð á
veitingastöðum yfirleitt nokkuð
hátt væru gestir undantekningarlít-
ið mjög ánægðir og fyndist matur-
inn gómsætur. Hápunkturinn í ferð-
inni væri oftast jeppa-safari og hið
mesta ævintýri ef þeir væru svo
heppnir að lenda í smábyl á leið-
inni. Allir sem kæmu í þessar ferð-
ir vissu að á þessum árstíma væri
allra veðra von og kipptu sér ekki
upp við það.
Sigrún sagði að aðsókn í þessar
ferðir væri mest frá því í september
og til seinni hluta október og að
þessi viðleitni að lengja ferðamann-
atímann hefði borið nokkuð góðan
ávöxt. ■
LEIKIR
Jólauppbót
til ellilífeyrisþega
GREIDD verður 20% jólaupp-
bót á á tekjutryggingu, heimil-
isuppbót og sérstaka heimilis-
uppbót við útborgun bóta al-
mannatrygginga fyrir desemb-
er. Um 3.500 manns fær greitt
úr bótaflokkunum þremur og
þar með fulla jólauppbót.
Tekjutrygging verður 26.766 kr.
í stað 22.305 kr., heimilisuppbót
9.098 í stað 7.582 kr. og sérstök
heimilisuppbót 6.258 kr. í stað
5.215 kr. í frétt frá Trygginga-
stofnun er vakin athygli á því að
uppbótin kemur ekki fram sem sér-
stakur liður á greiðsluseðli lífeyris-
þega heldur sem hækkun á bóta-
flokkunum þremur.
Aðrar bætur breytast ekki frá
því sem verið hefur. ■