Morgunblaðið - 06.07.1994, Blaðsíða 14
MORGUNBLAÐIÐ
— ---------------— -----------------------■—t
14 MIÐVIKUDAGUR 6. JÚLÍ 1994
Reyna að
bjarga
Nasrin
HÓPUR rithöfunda og lista-
manna í Bangladesh hefur
hvatt landa sína til að sýna
stillingu gagnvart kvenrithöf-
undinum Taslímu Nasrin. Heit-
trúarmenn saka hana um guð-
last og krefjast þess að hún
verði tekin af lífi. Hefur verið
gefín út handtökuskipun á
hendur henni. Hefst hún nú við
í felum, að því er talið er í vest-
rænu sendiráði. Gaf hópurinn
í gær út yfirlýsingu þar sem
vitnað er í Kóraninn og sagt
að Múhameð spámaður hafí
aldrei farið fram á þeir sem
gagnrýndu eða höfnuðu trúnni
yrðu teknir af lífí.
Tapaði kon-
unni í veðmáli
ALBANSKUR áhugamaður um
knattspyrnu og veðmál lék illi-
lega af sér um helgina. Hann
var sannfærður um að Argent-
ínumenn myndu sigra Búlgara
í heimsmeistarakeppninni en
þar sem hann skorti reiðufé
lagði hann eiginkonu sína und-
ir. Leikar fóru hins vegar svo
að Búlgarar sigruðu og hvarf
konan á brott með þeim er
vann veðmálið. Undi maðurinn
því illa að missa hana á þennan
hátt og hefur kært málið til
lögreglunnar.
* >
Afram Italía
einir á báti
SILVIO Berlusconi, forsætis-
ráðherra Ítalíu, hefur ákveðið
að flpkkur
hans, Áfram
Ítalía, gangi
ekki til form-
legs samstarfs
við aðra
flokka á Evr-
ópuþinginu
fyrr en flokk-
urinn hefði
kynnst þing-
inu og starfs-
háttum þess
betur. Munu hinir 27 Evrópu-
þingmenn flokksins mynda eig-
in hóp á þinginu fyrst um sinn.
Alpagöngum
lokað
LENGSTU göngum Evrópu,
Gotthard-göngunum í sviss-
nesku ölpunum, var lokað í gær
eftir að kviknaði í flutningabíi
í þeim. Að sögn lögreglu mynd-
aðist svo mikill hiti við brunann
að malbik í göngunum bráðn-
aði. Er talið að þau verði lokuð
í nokkra daga vegna viðgerða
og á meðan er umferð beint
um fjallvegi. Gotthard-göngin
eru rúmlega tveggja kílómetra
löng og ein helsta tenging Ital-
íu við norðurhluta Evrópu.
Morð í dómsal
ÍRANSKUR lögfræðingur
gekk berserksgang í dómsal í
Teheran í gær. Verið var að
taka fyrir skilnaðarmál manns-
ins og eiginkonu hans og rifust
þau harkalega í dómsalnum.
Tók maðurinn þá upp byssu og
skaut fyrst dómarann og síðan
eiginkonu sína til bana. Að því
búnu skaut hann sjálfan sig.
Þrír áhorfendur í dómsalnum
særðust alvarlega.
ERLEIMT
Reuter
SJÁLFBOÐALIÐAR reyna að slökkva eld í skógi í Collbato-héraði í norðurhluta Katalóníu.
Madrid. Reuter.
ELLEFU manns hafa beðið bana
í rúmlega 200 skógareldum í
norður- og austurhéruðum Spán-
ar sem hafá eyðilagt þúsundir
hektara af skóglendi og neytt
hundruð manna til að flýja heim-
ili sín.
Miklir hitar, rok og þurrkar urðu
til þess að eldarnir breiddust út
á mánudag og rúmlega 10.000
slökkviliðsmenn, sjálfboðaliðar
og hermenn máttu sín lítils í bar-
áttunni við þá. I gærmorgun log-
uðu enn eldar í Katalóníu og
Valencíu en slökkviliðsmönnum
tókst að slökkva mestu eldanna
í héraðinu Teruel.
Um 10.000 hektarar skóglendis
200 skógar-
eldar kosta
ellefu lífið
hafa eyðilagst í Katalóníu og yfir-
völd hafa gert ráðstafanir til að
koma í veg fyrir frekari elda.
Luis Atienza landbúnaðarráð-
herra sagði að búist væri við
mikilli eyðileggingu vegna elda
síðar á árinu. „Ég óttast að þetta
verði versta árið sem við höfum
fengið í tuttugu ár. Við verðum
að hvetja fólk til að kveikja ekki
elda í sveitunum í sumar, annars
verður mikil eyðilegging.“
Spænska stjórnin hyggst
leggja fram frumvarp um hert
viðurlög við því að kveikja skóg-
arelda. Samkvæmt því má dæma
þá sem kveikja skógarelda af
vangá í fjögurra ára fangelsi en
þeir sem gera það af ásettu ráði
eiga allt að tuttugu ára fangelsis-
dóm yfir höfði sér.
Atienza sagði að skógareldarn-
ir á fyrri helmingi ársins væru
sambærilegir við eldana á árun-
um 1985 og 1987 þegar meira en
400.000 hektarar skóglendis eyði-
lögðust.
Krafta-
verkalyf
talin of-
notuð
EKKI er langt síðan algeng-
ir smitsjúkdómar voru helsta
dánarorsökin í heiminum. Þótt
margt hafí stuðlað að því að
slíkum dauðsföllum hafí fækk-
að á Vesturlöndum, svo sem
betri lífskjör og bólusetningar,
réði tilkoma sýklalyfjanna þar
mestu. Þau þýddu að það var
ekki aðeins hægt að komast
hjá sjúkdómunum heldur lækna
þá einnig. Jafnvel mannskæðir
faraldrar, sjúkdómar eins og
berklar og malaría, voru ekki
lengur ógnvaldar. Það er því
engin furða að fólk skuli hafa
litið á sýklalyfin sem krafta-
verkalyf. Meinafræðingurinn
Jeffrey A. Fisher segir hins
vegar í nýrri bók, The Plague
Makers, að hætta sé á að menn
eyðileggi þetta kraftaverk með
of mikilli notkun lyfjanna.
Æ ónæmari sýklar
Fisher segir að þettá vanda-
mál sé líklegast til að koma
fram i gjörgæsludeildum
sjúkrahúsa í stórborgunum, hjá
sjúklingum sem hafa sýkst af
óvenjulegum örverum og eru
með ónæmiskerfi sem verkar
ekki sem skyldi. Þessir sýklar
verða ekki aðeins æ ónæmari
fyrir sýklalyfjum heldur valda
þeir einnig ónæmi hjá öðrum
örverum. Læknar, sem standa
frammi fyrir þessum vanda,
hafa freistast til að gefa sjúkl-
ingunum sjaldgæf lyf og afleið-
ingin er sú að nokkrir sýklar,
sem geta breiðst hratt út og
valdið farsóttum, eru þegar
orðnir ónæmir fyrir öllum
sýklalyfjunum. Berklar á meðal
alnæmissjúklinga eru dæmi um
þetta.
Misnotkun í þriðja
heiminum
Mikil misnotkun sýklalyfja.í
þriðja heiminum veldur einnig
miklum áhyggjum, en þar selja
skottulæknar sýklalyf sem allra
meina bót og nota þau gegn
nánast öllu, allt frá gyllinæð
til getuleysis. Berklar eru
reyndar mikið vandamál í Afr-
íku sunnan Sahara og malaría,
sem gerist æ ónæmari fyrir
venjulegum lyfjum, breiðist
einnig út.
Heimild: The New York
Times Book Review.
Stórveldin segja skipulögðu glæpasamtökunum stríð á hendur
FBI og Rússar
hefja samstarf
Moskvu. Reuter.
LOUIS Freeh, yfirmaður banda-
rísku alríkislögreglunnar FBI, og
Viktor Jerín, innanríkisráðherra
Rússlands, undirrituðu í gær
samning um samvinnu í barátt-
unni við skipulögð glæpasamtök í
líkingu við mafíuna.
Öflugur óvinur
í samningnum er kveðið á um
samstarf til að koma í veg fyrir
að rússnesk glæpasamtök geti
starfað í Bandaríkjunum og
bandarísk giæpasamtök í Rúss-
landi. „Við stöndum nú frammi
fyrir nýjum óvin sem á sér ekki
landamæri, óvin sem er mjög
öflugur, mjög hreyfanlegur og
hefur mikil ítök um gjörvallan
heim,“ sagði Freeh á blaðamanna-
fundi með Jerín.
Freeh hefur verið í fjögurra
daga heimsókn í Moskvu og henni
var lýst af beggja hálfu sem tíma-
mótum í löggæslusamstarfi land-
anna tveggja. Freeh varaði gest-
gjafa sína við því að bandarískir
glæpamenn kynnu brátt að hasla
sér völl í Rússlandi og notfæra sér
veikan efnahag landsins og glund-
roðann sem ríkt hefur í viðskipta-
lífínu frá því kommúnisminn leið
undir lok. Hann nefndi sem dæmi
hóp rússneskra glæpamanna sem
hafi í samstarfi við alþjóðlegan
eiturlyfjasmyglhring og með hjálp
bandarískra glæpamanna smyglað
tonni af kókaíni til Pétursborgar.
Áhyggjur af kjarnorkuvá
Freeh áréttaði ennfremur að
hann óttaðist að glundroðinn í
Rússlandi gæti orðið til þess að
glæpasamtök kæmust yfir efni í
kjarnorkuvopn og seldu „hryðju-
verkamönnum“. Jerín kvað þá
hættu ofmetna og sagði að engin
dæmi væru um þjófnað úr rúss-
neskum kjarnorkuverum.
Freeh lýsti yfir stuðningi við
tilskipun Borísar Jeltsíns Rúss-
landsforseta sem heimilar lögreglu
að halda meintum glæpamönnum
í haldi í allt að mánuð, gera hús-
leit án sérstakrar heimildar og
kanna bankainnistæður þeirra sem
grunaðir eru um tengsl við glæpa-
samtök.
Spillingin rædd
Margir Rússar hafa sagt að til-
skipunin sé ekki réttlætanleg
vegna spillingar sem viðgangist
innan rússnesku lögreglunnar og
Freeh og Jerín sögðust aðspurðir
hafa rætt það mál. Freeh sagði
að nýtt frumvarp, sem verið er
að ræða á rússneska þinginu og
miðar að því að stemma stigu við
spillingu innan lögreglunnar, sé
mun strangara en samskonar lög
í Bandaríkjunum.