Morgunblaðið - 31.12.1994, Blaðsíða 11

MORGUNBLAÐIÐ
LAUGARDAGUR 31. DESEMBER 1994 B 11
Gaman að taka þátt
í merkisviðburði
UM ÞAÐ bil þúsund
börn mynduðu til-
komumikinn barnakór
á þjóðhátíðinni á Þing-
völlum í sumar. Meðal
kórfélaga voru syst-
urnar Ragnheiður og
Anna Lísa Pétursdæt-
ur. Þær voru sammála
um að það hefði verið
skemmtilegt og að sér-
stök tilfinning hafi
fylgt því að syngja fyr-
ir erlenda þjóðhöfð-
ingja. „Það var svolítið
skrítið, því ég hafði
aldrei áður séð kónga-
fólk með eigin augurn,"
sagði Anna Lísa, sem
er í 6. bekk í Æfingadeild Kennara-
háskóla íslands, en Ragnheiður er
í 9. bekk. „Það var gaman að taka
þátt í svona merkisviðburði," sagði
hún.
Systurnar eru í kór Æfingadeild-
Ragnheiður
Pétursdóttir
arinnar, sem gekk sæmilega að
komast til Þingvalla miðað við að-
stæður. „Við komum á staðinn um
það bil fímm mínútum áður en söng-
urinn hófst og þurftum að hlaupa
fleiri kílómetra. Það var því nokkuð
Anna Lísa
Pétursdóttir
Ragnheiður og Anna Lísa
sungu fyrir kóngafólk
Morgunblaðið/Ámi Sæberg
Unga kynslóðin setti svið á þjóðhátíðina á Þingvöllum.
tæpt,“ sagði Ragnheiður.
Þegar systumar voru spurðar
hvað stæði upp úr á árinu svaraði
Ragnheiður: „Ég fermdist í Há-
teigskirkju og það fannst mér eftir-
minnilegt. Svo gleymist 17. júní
auðvitað ekki,“ sagði hún.
„Ég varð tvisvar sinnum íslands-
meistari í dansi í mínum riðli, 10-11
ára dömuriðli," sagði Anna Lísa,
sem æfir dans í Dansskóla Jóns
Péturs og Köru. „Svo fannst mér
líka gaman á Þingvöllum."
Báðar sögðust þær stefna á að
standa sig vel í skólanum. „Ég
ætla líka að reyna að finna herra
til að dansa við,“ sagði Anna Lísa.
Helgi Áss heimsmeistari unglinga í skák
Stefnir á að ljúka
prófum og verða
betri skákmaður
HELGI Áss Grét-
jarsson varð fyrst-
ur íslendinga til að
hljóta heimsmeistara-
titilinn í skák 20 ára
og yngri á heimsmeist-
aramóti í Brasilíu í
september síðastliðn-
um. Úrslitaskákina
tefldi hann við þýska
stórmeistarann Gabri-
el. „Jú, þetta breytti
heilmiklu fyrir mig, því
um leið hlaut ég stór-
meistaratitilinn. Það
hefur í för með sér
fleiri boð um þátttöku
í mótum og að nafn
mitt verður þekktara, sem skiptir
máli upp á framtíðina,“ sagði Helgi
í samtali við Morgunblaðið.
Nokkru eftir að hann sneri heim
frá Brasilíu ákvað hann að taka sér
hlé frá námi í Verslunarskólanum
tii að geta sinnt skákinni betur.
Hefur tími hans að miklu leyti farið
í að tefla í liðakeppnum erlendis.
„Einna eftirminnilegast eftir að titl-
inum var náð var 18 daga dvöl mín
í Moskvu. Það var mjög athyglis-
verð reynsla að kynnast fólkinu þar
og kerfinu.
Mótið sjálft var einkennilegt og
ef til vill haldið af mafíunni, án
þess að ég geti rök-
stutt það. Það flugu í
það minnsta alls kyns
sögur á FIDE-þinginu.
Öryggisgæslan var
ótrúleg og verðir við
hveijar dyr.“
Vonbrigði með
knattspyrnu
Þegar Helgi var
spurður hvað væri það
versta sem hann myndi
eftir frá árinu kvaðst
hann hafa orðið fyrir
miklum vonbrigðum
með að Fram varð ekki
íslandsmeistari í knatt-
spyrnu. „Og enn meiri að íslenska
knattspyrnuliðinu tókst ekki að
skora í undankeppni Evrópumóts-
ins,“ sagði hann.
Síðan hugsaði hann sig lengi um
áður en hann bætti við: „Ja, versta
lífsreynslan er sennilega tengd lyft-
unum í Moskvu. Það var ekki hægt
að taka lyftu án þess að lenda í lífs-
hættu."
Varðandi nánustu framtíð kvaðst
Helgi stefna á að klára verslunar-
prófið frá VÍ í vor. „Markmiðið er
að ná prófunum og reyna að verða
betri skákmaður," sagði hann.
Helgi Áss
Helgi Áss í félagskap stórmeistaranna Jóns L. Árnasonar, Hannes-
ar Hlifars Stefánssonar og Margeirs Péturssonar.

Morgunblaðið/Albert Kemp
BILLINN stöðvaðist 115 metra frá veginum.
Hræðist ekki að
keyra í kjölfar
slyssins
EIRÍKUR GAUTI Jónsson hent-
ist úr bíl sínum á miðri leið
niður stórgrýtta urð við Kyrruvíkur-
skriður í Fáskrúðsfirði í febrúar sl.
Bíllinn valt 115 metra niður og er
hæðarmunur á þeim stað og vegin-
um tæpir 80 metrar. Hann telur sig
hafa verið með meðvitund allan tím-
ann og tókst að skríða upp á veg
og gera vart við sig.
„Eg var fótbrotinn á báðum, það
kom sprunga í mjaðmagrind, rifbein
brákaðist, lunga féll saman og einn-
ig varð ég fyrir ýmsum öðrum smá-
áverkum," sagði Eiríkur í samtali
við Morgunblaðið, en hann var þá
kominn í jólafrí til Egilsstaða.
Hann lá á Landspítalanum í þrjá
mánuði vegna meiðslanna og var
óvinnufær um sumarið. „Ég er orð-
Morgunblaðið/Anna Ingólfs
Eiríkur Gauti Jónsson með litlu systur sinni,
Karítas Eir.
inn nokkuð góður
en hef ekki náð
mér að fullu,“
sagði hann og
kvaðst meðal
annars vera
óhræddur við að
keyra.
Þegar hann var beðinn um að
rifja upp atburði ársins kom fyrst
í hugann lát Fróða Finnssonar.
„Hann var kunningi minn og mér
eru minnisstæðir minningartónleik-
arnir og útgáfa geisladiskanna, svo
og umfjöllunin sem um hann hefur
verið.“
Annað kom ekki í huga Eiríks
nema honum fannst mikið til tón-
leika Prodigy koma, sem haldnir
voru í Kaplakrika. „Þeir voru einn
mesti tónlistarviðburður íslend-
inga,“ sagði hann.
Eiríkur hóf nám í rafeindavirkjun
í Iðnskólanum í haust og heldur
áfram í skólanum eftir áramót.
Aðspurður um markmið næsta árs
var svarið stutt og laggott: „Að
halda áfram.“
Bíll Eiríks Jónssonar valt
í Kyrruskriðum