Morgunblaðið - 05.04.1995, Blaðsíða 3
MORGUNBLAÐIÐ
MIÐVIKUDAGUR 5. APRÍL 1995 D 3
FRAMLEIÐSLA SJÁVARAFURÐA
Hagnaður ISjókst um 38
milljónir króna í fyrra
STARFSEMI íslenskra sjávaraf-
urða hf. á árinu 1994 gekk vel og
var í samræmi við stefnumörkun
aldrei verið ineiri °g áætlanir félagsins. Framleið-
endur innan vébanda ÍS heima og
erlendis framleiddu alls 56.240 tonn á árinu 1994, sem er 7,3% aukning
frá árinu 1993 og þar með metframleiðsla á einu ári. Afurðasala félagsins
á árinu nam 13,5 milljörðum króna á móti 13,4 milljörðum árið áður, sem
er 0,7% aukning milli ára. Heildarvelta ÍS, að meðtalinni sölu umbúða,
rekstrarvara og veiðarfæra, nam alls 14,2 milljörðum króna á móti 14,0
milljörðum króna árið 1993, sem er 1,1% aukning.
Framleiðsla hefur
Fjárfestingar móðurfélagsins á
árinu 1994 námu alls 285,5 millj.
króna og var mest fjárfest í eignar-
hlutum í sjávarútvegsfélögum, en
ijárfestingar samstæðunnar allrar
námu samtals 384,0 millj. króna.
Veltufé frá rekstri móðurfélags var
148.6 millj. krónaen samstæðunnar
allrar 209,4 millj. króna. Arðsemi
eiginíjár móðurfélagsins var 10,3%
á árinu 1994 á móti 7,7% árið áður
og hefur arðsemin aldrei verið
meiri. Sölugengi hlutabréfa var
1,25 í árslok 1994 og hafði hækkað
um 0,15 eða 13,6% á árinu.
Afkoman — samstæðan
Niðurstaða rekstrarreiknings
samstæðu árið 1994 var jákvæð um
89.3 millj. króna, en árið áður var
afkoman einnig jákvæð og þá um
51.4 millj. króna.
Rekstrartekjur námu alls
19.216.6 millj. króna, en voru
18.424,0 millj. árið 1993, og rekstr-
argjöld, án fjármagnsgjalda, námu
18.938,0 millj. króna á móti
18.233,1 árið áður. Hagnaður af
reglulegri starfsemi var 159,4 millj.
króna, en var 97,8 millj. árið 1993,
sem er 61,6 milljóna króna aukning
frá fyrra ári. I efnahagsreikningi
samstæðunnar kemur fram að
heildareignir í árslok voru bókfærð-
ar á 5.833,0 millj. króna. Skuldir
námu alls 4.606,5 millj. króna og
samanlagt eigið fé allra félaganna
í árslok því 1.226,5 millj. króna, á
móti 1.156,9 millj. í árslok 1993.
Eiginfjárhlutfall í árslok 1994 var
21,0% en var 20,0% í árslok 1993.
Starfsmenn ÍS og dótturfélaga
þess voru að jafnaði 478 á árinu
1994, en voru 418 árið áður. Mest-
ur er starfsmannafjöldinn í Banda-
ríkjunum 390.
Afkoma — móðurfélag
Hagnaður af rekstri móðurfé-
lagsins árið 1994 var 89,3 millj.
króna en 51,4 árið áður. Heildarút-
flutningur (umboðssala) árið 1994
var 13.473,3 millj. króna á móti
13.383.6 millj. árið 1993.
Rekstrartekjur félagsins námu
1.080,2 millj. króna á móti 963,6
millj. árið áður. Rekstrargjöld án
fjármagnsgjalda námu 943,7 millj.
kr. á móti 858,7 millj. árið 1993.
Hagnaður af reglulegri starfsemi
nam 121,3 millj. króna á móti 76,9
millj. árið áður, sem er 57,7% aukn-
ing.
Þess skal getið að í lok rekstrar-
ársins 1993 var greiddur 5% arður
til hluthafa félagsins, samtals að
upphæð 32,2 millj. króna.
I efnahagsreikningi móðurfé-
lagsins kemur fram að heildareign-
ir í árslok voru bókfærðar á 3.586,5
millj. kr. Skuldir námu alls 2.672,5
millj. og er eigið fé móðurfélagsins
í árslok 1994 því 914,0 millj. króna,
á móti 862,6 millj. í árslok 1993.
Til eigna í efnahagsreikningnum
er m.a. talinn allur ógreiddur út-
flutningur, ásamt innstæðum á
gjaldeyrisreikningum. Skuldamegin
standa ógreidd greiðsluflýtingarlán,
eftirstöðvar sjávarafurða og
ógreiddar fraktir, að upphæð
1.873,9 millj. króna. Að þessu frá-
dregnu var eiginfjárhlutfall í árslok
1994 53,4% í stað 57,5% 1993.
Arðsemi eiginfjár jókst úr 7,7%
1993 í 10,3% 1994.
Hlutafé íslenskra sjávarafurða
hf. í lok ársins 1994 var 700 millj.
króna, þar af voru 23,3 millj. króna
í eigu félagsins sjálfs, en 676,7
millj. króna í eigu hluthafa.
Heildarvelta í millj. kr.
Heildarvelta íslenskra sjávaraf-
urða hf. árið 1994 var 14.184,4
millj. króna borið saman við
14.028,9 millj. árið áður eða 1,1%
aukning milli ára.
Veltan í frystum afurðum var
13.461,4 millj. króna, á móti
13.213,8 millj. árið áður, sem er
1,9% aukning milli ára. Velta ann-
arra afurða var 11,9 millj. króna,
borið saman við 169,8 millj. árið
áður, sem skýrist af því að hætt
var sölu á mjöli og skreið. Velta
Vöruhúss ÍS var 584,8 millj. króna,
á móti 551,3 millj. árið áður. Ýms-
ar rekstrartekjur námu alls 126,3
millj. á móti 94,0 millj., eða sam-
tals 14.184,4 millj. á móti 14.028,9
millj. árið 1993 eins og áður segir.
HelldarframlelAsla frystra
afurða á íslandi
Heildarframleiðsla frystra afurða
árið 1993 varð sú mesta í sögu IS
ef með er talin framleiðsla erlendis,
eða 56.240 tonn á móti 52.410
tonnum árum áður sem er 7,3%
aukning. Framleiðsla ÍS á þorskaf-
urðum dróst saman um þriðjung
sem endurspeglar þá minnkun sem
varð í þorskafla landsmanna. Fram-
leiðsla á ýsu og sjófrystum karfa
jókst á milli ára, ýsa 29,1% og karfi
27,7%. Framleiðsla á steinbít, land-
frystum karfa, ufsa og grálúðu
dróst saman en samdráttur varð í
veiðum á þessum tegundum á
landsvísu. Framleiðsla á landfrystri
rækju jókst um fjórðung og veruleg
aukning varð í framleiðslu loðnu
og loðnuhrogna. Metár varð í fram-
leiðslu ÍS á síld og nam aukningin
129,4% milli ára.
Framlelðsla ÍS erlendls
Undir framleiðslu erlendis falla
afurðir framleiddar af Seaflower
Whitefish Corporation í Namibíu,
afurðir framleiddar um borð í togar-
anum Admiral Zavoiko á Kamc-
hatka, auk afurða af erlendum tog-
urum. Á síðasta ári nam þessi fram-
leiðsla alls 6.480 tonnum á móti
250 tonnum árið á undan. Þar
munar mest um rúmlega 4.000 tonn
af lýsingi frá SWC í Namibíu. Hér
á eftir fylgir samandregið yfirlit
yfir heildarframleiðslu síðastliðinna
fjögurra ára.
Helldarútflutningur í magnl
og saia á afurðum
framlelddum erlendls
Heildarútflutningur íslenskra
sjávarafurða hf. nam 51.360 tonn-
um á árinif 1994, samanborið við
54.070 tonn árið áður, sem er 5%
minnkun milli ára. Saíh’ á afurðum
framleiddum erlendis jókst úr 250
tonnum í 5.110 tonn.
MarkaAsdrelflng frystra
afurAa
Svipuð þróun varð árið 1994 í
markaðsdreifingu frystra afurða
miðað við magn, eins og árið á
undan. Samdráttur varð í útflutn-
ingi til Evrópu en Bandaríkin héldu
sínum hlut. Útflutningur til Asíu
jókst þriðja árið í röð og munar þar
mest um vaxandi sókn í úthafs-
karfa og góða loðnuvertíð.
Vöruþróun og tllraunavinnsla
í starfí vöruþróunar árið 1994
var lögð megináhersla á verkefni
er lúta að nýrri útfærslu á eldri á
eldri vörum fyrir nýja markaði og
nýja kaupendur. Nýjar neytenda-
pakkningar vonl þróaðar og mark-
aðssettar, og má þar t.d. nefna
kolarúllur, brauðuð formflök, „sea-
food mix“, karfasteikur, humar,
reyktan lax, síldarflök o.fl. Ending
neytendapakkninga er stutt en með
aðlögun að þörfum markaðarins
má lengja hana, t.d. með breytingu
á þyngd, tilfærslu frá breytilegri
vigt yfír í fasta, nýjum umbúðum
o.s.frv.
Af vörum fyrir veitingahúsa-
markaðinn, sem unnið var að, má
nefna sagaða teninga úr bitablokk,
brauðuð karfaflök, formflök og
ferska rækju.
Erlend verkefni á árlnu 1994
Hlutur erlendra verkefna í starfí
ÍS fór vaxandi á síðastliðnu ári, og
nam erlend framleiðsla um 10% af
heildarframleiðslu á vegum fyrir-
tækisins að magni til. Samstarf um
sölu og framleiðslu á Alaskaufsa í
A-Rússlandi, sem hófst 1993, gekk
vel á síðast ári, og var starfsemin
útvíkkuð með tilkomu nýrra afurða
á borð við Alaskaufsahrogn og
Kyrrahafssíld. í maí var gengið frá
kaupum á 20% hlut í nýju sjávarút-
vegsfyrirtæki, Seaflower Whitefísh
Corp. í Namibíu, sem sérhæfir sig
í veiðum og vinnslu á Suður-Afríku-
lýsingi.
Seaflower Whitefish gerði út þrjá
togara á árinu, þar af tvo frystitog-
ara, auk eins linubáts. Frystihús
félagsins hóf starfsemi í ágúst í
Liideritz, þar sem höfuðstöðvar fyr-
irtækisins eru. Nokkur fjöldi íslend-
inga starfar hjá fyrirtækinu í
Namibíu í tengslum við rekstur
skipanna og frystihússins. í septem-
ber voru gerðar skipulagsbreyting-
ar hjá ÍS þar sem meðal annars
nýsköpunarsvið var stofnað, en til-
gangur með stofnun þess er fyrst
og fremst útvíkkun á starfí fyrir-
tækisins erlendis.
VlnnslustöAin hf.
Þann 30. október síðastliðinn
keyptu íslenskar sjávarafurðir hf.
rúmlega 30% hlut Bjarna Sighvats-
sonar og fjölskyldu hans í Vinnslu-
stöðinni hf. í Vestmannaeyjum.
Vinnslustöðin er eitt af stærstu
fyrirtækjum í sjávarútvegi á íslandi
í dag. Á síðasta ári nam útflutnings-
verðmæti afurða 2,5 milljörðum.
Starfsemi Vinnslustöðvarinnar
skiptist í fískvinnslu, útgerð og
fiskimjölsverksmiðju.
GæAakerfi ÍS
Gæðakerfi íslenskra sjávaraf-
urða hf. hefur verið vottað skv. al-
þjóðlega staðlinum ISO 9001. Vott-
unaraðili var Vottur hf., en ráðgjöf
annaðist Ráðgarður hf. Úttekt fór
fram dagana 16.-18. nóvember og
var skírteinið afhent við formlega
athöfn 10. desember síðastliðinn.
Gæðakerfið nær yfir sölu, hönn-
un og markaðssetningu sjávaraf-
urða á alþjóðlegum mörkuðum frá
íslenskum framleiðendum, ásamt
innkaupum og sölu á umbúðum,
rekstrarv.örum og veiðarfærum.
lceland Seafood Corporatlon
Iceland Seafood Corporation,
dótturfélag ÍS í Bandaríkjunum,
sem annast sölu og markaðssetn-
ingu á afurðum framleiddum á ís-
landi og rekur fiskréttaverksmiðju,
náði viðunandi árangri í sölu á ár-
inu.
Hagnaður varð af rekstri félags-
ins, sem nam 454.000 dollurum
fyrir skatta, en árið áður var
Heildarvelta í milliónum króna
Ár Útfl. CIF Salaáerl. Vöruhús ÍS Önnur velta Samtals
verðm. m.kr. afurðum m.kr. sala án VSK m.kr. m.kr. m.kr.
1991 13.013,3 0,0 497,8 63,8 13.574,9
1992 12.631,9 0,0 473,0 66,9 13.171,8
1993 13.334,6 49,0 551,3 94,0 14.028,9
1994 12.638,3 835,0 584,8 126,3 14.184,4
Heildarframleiðsla frystra afurða í tonnum
Ár Framleitt á Framleitt erlendis Samtals
Island (tonn) (tonn) (tonna)
1991 52.070 0 52.070
1992 50.200 0 50.200
1993 52.160 250 52.410
1994 49.760 6.480 56.240
Heildarútflutningur og sala erlendra afurða
Ár Útflutningur frá Sala erlendra Samtals
Islandi(tonn) afurða (tonn) (tonn)
1991 53.400 0 53.400
1992 52.920 0 52.920
1993 54.070 250 54.320
1994 51.360 5.110 56.470
Markaðsdreifing afurða frá íslandi
Mark. USA Evrópa Asía Önnur lönd Samtals
1991 22,5 53,9 21,9 1,7 100
1992 18,9 59,5 19,4 2,2 100
1993 24,9 53,6 21,5 0,0 100
1994 24,5 49,4 25,9 0,2 100
Sala Iceland Seafood Corp. Sala Iceland Seafood Limited
Ár 1991 1992 1993 1994 Ár 1991 1992 1993 1994
Magn Magn
millj. lb. 66 57 63 67 þús. tonn 26,4 27,7 27,4 26,4
Verðm. Verðm.
USD milj. 132,9 112,1 121,1 121,8 miltj. GBP 65,6 68,9 65,1 60,7
175.000 dollara hagnaður á rekstr-
inum.
Rekstraráætlanir gerðu ráð fyrir
betri afkomu en raun varð á, en
gjaldfærsla óreglulegs kostnaðar
og gjaldfærður kostnaður vegna
skipulagsbreytinga ollu því að ekki
náðist sá hagnaður í rekstri sem
stefnt var að.
Heildarsala félagsins á árinu
1994 nam 121,8 millj. USD sem
er svipað verðmæti og á síðasta
ári, en að magni til nam salan 67
milljónum lb á móti 63 millj. lb
árið á undan.
Magnús G. Friðgeirsson lét af
starfi forstjóra 1. ágúst 1994 eftir
sex ára starf og eru honum færðar
þakkir fyrir störf sín í þágu félags-
ins. Við starfí forstjóra tók Mr. Hal
Carper, sem starfað hafði hjá félag-
inu í tvö ár sem aðalsölustjóri. Þar
áður starfaði hann sem fram-
kvæmdastjóri sölu- og markaðs-
mála hjá Design Foods, einu af
dótturfyrirtækjum Sara Lee Corp-
oration í Bandaríkjunum. Ýmsar
fleiri breytingar hafa orðið á starfs-
fólki og skipuriti.
Iceland Seafood Llmlted
Iceland Seafood Limited, sem rek-
ur þrjár söluskrifstofur í Evrópu í
Bretlandi, Þýskalandi og Frakk-
landi, skilaði góðum árangri á síð-
asta ári. Vegna minnkandi framboðs
á hefðbundnum afurðum frá íslandi
varð lítilsháttar samdráttur í veltu,
sjá töflu, en nýjar afurðir meðal
annars frá Namibíu komu til sölu-
meðferðar og gekk markaðssetning
þeirra framar vonum.
Afkoman á síðasta ári var heldur
lakari en árið á undan og nam hagn-
aður fyrir skatta 115.000 sterlings-
pundum á móti 140.000 sterlings-
pundum árið áður.
Eignarhaldsfélög
Til dótturfélags ÍS teljast tvö
eignarhaldsfélög. í fyrsta lagi Út-
vegsfélag samvinnumanna hf., sem
hefur það hlutverk að fjárfesta og
stuðla að fjárhagslegri hagræðingu
í rekstri sjávarútvegsfélaga og í öðru
lagi ísalda hf., sem hefur það hlut-
verk að fjárfesta í áhættuverkefnum
erlendis. Eignir félaganna samtals
eru 354 millj. króna, en á þeim hvíla
engar skuldir.
Aöalfundur Sölusambands ísl. fiskframleiöenda hf. fyrir
áriö 1994 veröur haldinn í SúlnasaFHótels Sögu
föstudaginn 21. apríl 1995 og hefst kl. 14.00.
Dagskrá:
1. Venjuleg aöalfundarstörf skv. grein 4.03 í samþykktum
félagsins.
2. Breytingar á samþykktum félagsins til samræmis viö
lög nr. 2/1995 um hlutafélög.
3. Önnur mál, löglega upp borin.
Fundargögn og atkvæðaseðlar verða afhent á skrifstofu
SÍF hf., Aðalstræti 6, Reykjavík, miövikudaginn 19. apríl
milli kl. 9 og 16 og föstudaginn 21. apríl milli kl. 9 og
12.
Um kvöldiö veröur haldiö aöalfundarhóf fyrir hluthafa
og gesti þeirra í Súlnasal Hótels Sögu og hefst hófiö kl.
20.00. Húsiö verður opnaö kl. 19.30. Aðgöngumiöar á
hófið veröa seldir á skrifstofu SÍF og á aðalfundinum.
Stjórn SÍF hf.