Morgunblaðið - 20.04.1995, Blaðsíða 8
VIÐSKIPn AIVINNULÍF
FIMMTUDAGUR 20. APRÍL 1995
Boðið upp á tölvuvædda síma- og faxþjónustu
AdCall með nýjungar
í símaþjónustu
FYRIRTÆKIÐ AdCall býður nú íslenskum fyrir-
tækjum nýjungar í tölvuvæddri síma- og faxþjón-
ustu, þar á meðal þjónustu sem kallast „Símbréf
um hæl“ og getur komið upplýsingum fljótt til
fyrirspyijenda um vörur og þjónustu. AdCall hefur
náð góðum árangri í sölu á íslenska upplýsinga-
kerfinu FaxCall erlendis að sögn Samir A. Hasan,
forstjóra AdCall á íslandi, en nýlega var skrifað
undir samning við fyrirtækið Dar Saas Alissa í
Saudi Arabíu um uppsetningu á FaxCall þar í landi.
FaxCall-kerfið byggist á því að fyrirtæki og
einstaklingar geta fengið upplýsingar úr hinum
alþjóðlega gagnagrunni Kompass í
gegnum símbréf. „Símbréf um hæl“ -
eða FaxCall on Demand eins og það
er kallað erlendis - er hins vegar ekki
bundin við Kompass gagnagrunninn.
Fyrirtæki geta þar sjálf hannað auglýs-
ingu á A4 blað og þeir sem hringja inn
til að afla upplýsinga heyra lesnar
upplýsingar af tölvu og fá leiðbeiningar um hvern-
ig þeir geta fengið upplýsingamar sendar um hæl
af myndsendi.
Samir sagði að þessi þjónusta nýttist vel fyrir-
tækjum sem standa í auglýsingaherferð og fá sterk
viðbrögð, sem erfitt yrði að anna ef svara þyrfti
hverjum og einum viðskiptavini í síma. Með Sím-
bréfi um hæl væri hægt að koma frekari upplýsing-
um til viðskiptavinarins fljótt og örugglega á öllum
tímum sólarhrings og kerfið gæti þar að auki skráð
hvenær hringt er og þannig gefið fyrirtækinu
upplýsingar um viðbrögð við auglýsingum í Ijósvak-
amiðlum.
fslenskt hugvit til Miðausturlanda
AdCall býður upp á aðra nýjung, sem kallast
SearchCall/Comserve 1.00, sem er hugbúnaðar-
pakki með lista yfir öll fyrirtæki í ákveðnu landi,
fáanlegur á diskettu eða CD-Rom geisladisk. Með
SearchCall er hægt að leita að ákveðnu fyrirtæki
á tölvuskjá og fá síðan beint samband við það í
gegnum síma. Dar Saas Alissa í Saudi Arabíu
hefur lýst yfir áhuga á að kaupa þangað 10-
20.000 SearchCall pakka.
Fyrirtækið tók FaxCall kerfíð í notkun nú í
byrjun apríl og ef búnaðurinn reynist
vel hyggst það innleiða FaxCall í 4-5
löndum til viðbótar í Miðausturlöndum.
AdCall og Kompass á íslandi hafa sam-
ið við alþjóðlegu firmaskrána Kompass
International um að hún hafi forgöngu
um að selja FaxCall fyrir Kompass-gag-
nagrunninn á alþjóðamarkaði. Á ráð-
stefnu í Manila í Filippseyjum nú í lok mánaðarins
verður umboðsaðilum Kompass í 18 Asíuríkjum
kynntur búnaðurinn og verður fundargestum með-
al annars sýnt hvemig hægt er að ná í upplýs-
ingar úr tölvubanka á íslandi.
AdCall hefur einnig verið að þróa tölvuvætt sím-
kerfi, sem getur beint símtölum til fyrirtækja til
réttra aðila og sent skilaboð beint inn á tölvuskjá
ef viðkomandi er á tali. Þetta kerfí hefur nú verið
sett upp á skrifstofu AdCall og Kompass í Hafnar-
fírði og verður væntanlega boðið íslenskum fyrir-
tækjum til kaups innan skamms.
Kerfið þegar
selt til Saudi
Arabíu
í STJÓRN Hástoðar eru f.v. Jósef Auðunn Friðriksson, Hilmar
Þórðarson, Henry Alexander Henrysson, Kjartan Emil Sigurðs-
son, Daði Einarsson, Hrafn Þórðarson, Sigurbjörg Þrastardóttir
og Sigurður Örn Gunnarsson.
Ný síjórn kjörin íHástoð
NÝ STJÓRN var kjörin á aðalfundi
Hástoðar, nemendafyrirtækis Há-
skóla íslands, fyrir skemmstu. Fyr-
irtækið var stofnað fyrir tveimur
árum að erlendri fyrirmynd í því
skyni að gefa stúdentum færi á
hagnýtri starfsreynslu samhliða
námi, segir í frétt frá fyrirtækinu.
Hástoð tekur að sér ráðgjöf og
þjónustu af ýmsum toga, ekki síst
verkefni sem krefjast þverfaglegra
úrlausna þar sem starfsmenn fyrir-
tækisins eru nemendur á öllum svið-
um innan Háskóla íslands. Undir-
búningur stríðsminjasafns á Reyð-
arfirði er eitt stærsta verkefnið sem
Hástoð hefur sinnt hingað til. Þar
hafa þjóðfræðinemar farið í broddi
fylkingar en munu njóta fulltingis
landfræðinema, sagnfræðinema og
annarra við áframhald þeirrar
vinnu.
Meginhluti verkefna sem Hástoð
hefur tekið að sér hefur verið á
sviði viðskipta og tækni og má þar
nefna markaðsrannsóknir, tölvu-
ráðgjöf og hagkvæmniathuganir.
Fjölbreyttir möguleikar eru auk
þess fyrir hendi við markaðsrann-
sóknir og önnur verkefni erlendis
þar sem Hástoð er umboðsaðili fyr-
ir á annað hundrað rótgróin nem-
endafyrirtæki um víða veröld.
Fólk
Versluimrstjóri
Garnbúðarinnar
Tinnu
BERGRÓS Kjart-
ansdóttir hefur
tekið við starfi
verslunarstjóra hjá
Garnbúðinni
Tinnu í Hafnar-
firði. Bergrós er
stúdent frá
Menntaskólanum
á ísafirði og hefur
undanfarin ár
stundað nám í al-
mennri bókmenntafræði við Há-
skóla íslands. Auk þess að sjá um
daglegan rekstur verslunarinnar
mun Bergrós annast ráðgjöf við
útgáfu á Prjónablaðinu Yr.
Bergrós
Kjartansdóttir
GÓLFÞVOTTINN?
TASKI
combimat
Fyrirferðalítil batterídrifin gólfþvottavél.
AuSveld í notkun ó þröngum svæðum.
MikiS úrval af gólfþvottavélum,
bónvélum, ræstivögnum,
gólfbónum, hreinsiefnum o.fl.
HreinlætisróSgjafar RV
aöstoöa þig við að
finna réttu lausnina.
Líttu við og
sjáðu úrvalið!
Með allt á hreinu !
REKSTRARVÖRUR
RÉTTARHÁLSI 2 • 110 REYKJAVÍK • SÍMI: 91-875554
TORGIÐ
Ríghaldið í stólana
UPPHAFLEGAR hugmyndir um sölu
hlutabréfa ríkisins í Lyfjaverslun l's-
lands gerðu ráð fyrir að 40-60% hlut-
afjárins seldust til almennings í
smáum skömmtum en afgangurinn
myndi skiptast á milli stofnanafjár-
festa.
Það kom því fulltrúum ríkissjóðs
mjög á óvart kringum síðustu áramót
að bréfin skyldu öll seljast til almenn-
ings á örskömmum klukkutímum í
tveimur áföngum. Er hér samtals um
rúmar 400 milljónir króna að ræða.
Sala til hvers aðila var takmörkuð við
500 þúsund krónur en starfsmenn
máttu kaupa fyrir 1 milljón. Af þeirri
ástæðu á stærsti hluthafinn einungis
0,6% hlut í félaginu sem er líklega
einsdæmi í íslensku atvinnulífi. Er Ijóst
að eignarhaldið mun haldast mjög
dreift næstu árin vegna vaxtalausra
lána til tveggja ára sem veitt voru
vegna kaupanna. Verða þau bréf varð-
veitt hjá ríkisféhirði þar til þau eru að
fullu greidd.
Þessi staða vekur ýmsar spurning-
ar um völd og áhrif hluthafa í slíku
félagi. Nokkrir hluthafa bundust sam-
tökum fyrir skemmstu undir forystu
Jóns Gunnars Þorsteinssonar með
það að markmiði, að komast til áhrifa
í stjórn og standa vörð um hagsmuni
hinna smáu hluthafa. Var því lýst yfir
að þessi hópur ætlaði að freista þess
að ná meirihluta í stjórn félagsins.
Þessi áhugi er í samræmi við það sem
Einkavæðingarnefnd ríkisstjórnarn-
innar bjóst við og vonaðist eftir.
En um leið og þessi samtök fóru
að láta að sér kveða var upplýst að
fjórir af fimm fulltrúum sem ríkið skip-
aði í núverandi stjórn hygðust gefa
kost á sér til stjórnarkjörs. Þá myndu
starfsmenn ætla að sameinast um
kjör á sínum fulltrúa enda nemur hlut-
ur þeirra í félaginu 6-7%.
Á fundi með á annað hundrað hlut-
höfum á miðvikudag lýsti Jón Þor-
steinn því yfir, að færa mætti gild rök
fyrir því að hlutverk stjórnarinnar hafi
eingöngu verið að tryggja það að sala
á hlutabréfum ríkisins færi eðlilega
fram og undirbúa fyrirtækið fyrir það
að breytast úr ríkisfyrirtæki í almenn-
ingshlutafélag. Þeir ættu því ekki að
bjóða sig fram til stjórnar í umboöi
nýrra eigenda. „Auk þess má benda
á það, að hjá að minnsta kosti fjórum
af núverandi stjórnarmönnum eru
mögulegir verulegir hagsmuna-
árekstrar milli starfa sem þeir sinna
daglega og þess að vera stjórnarmað-
ur í Lyfjaversluninni. Fimmti stjórnar-
maðurinn er mjög áhrifamikill í
stærstu valdablokk í íslensku atvinnu-
lífi og óheppilegt að sú valdablokk
komist þannig til áhrifa í Lyfjaverslun-
inni.“
í því sambandi er bent á að for-
stjóri Borgarspítalans og yfirlæknir á
stórri sérhæfðri deild hljóti að vinna
að því markmiði að lækka lyfjakostn-
að. Þarna geti oröið hagsmuna-
árekstrar.
Þá gagnrýndi hann það einnig, að
núverandi stjórn félagsins hefði al-
gjörlega brugðist upplýsingaskyldu
gagnvart hluthöfum. „Frá því við
keyptum hluti okkar höfum við ekki
verið upplýstir hvorki í fréttabréfi eða
auglýsingum um hvað stjórnin er að
hafast að og hvað hún hyggst fyrir.
Með öðrum orðum hafa hluthafar ver-
ið í algeru myrkri um hvað hefur verið
að gerast í félaginu síðustu mánuði."
Á fundinum var skýrt frá því að fjöldi
hluthafa hefur veitt Jóni Þorsteini
skriflegt umboð til að fara með at-
kvæði sitt á aðalfundi. Liggur fyrir að
þessi hópur mun bjóða fram nokkra
fulltrúa í stjórnarkjöri m.a. Bolla Héð-
insson, hagfræðing.
Þar með lítur út fyrir að hluthafar
þurfi að velja á milli tveggja fylkinga
í stjórnarkjörinu, Annars vegar er um
að ræða fulltrúa sem ríkið treysti fyrir
stjórn fyrirtækisins og hins vegar fylg-
ismenn Jóns Þorsteins. i uppsiglingu
virðist vera hörð barátta um völdin í
félaginu sem á sér engan líka í hlutafé-
lagi hérlendis. Það má vissulega færa
einhver rök fyrir áframhaldandi setu
einhverra fulltrúa ríkisins í stjórninni.
Þeir búa augljóslega yfir mikilvægri
þekkingu og átök um félagið munu
ekki verða því til framdráttar. Ákveð-
inn kjarni reyndra stjómarmanna hlýt-
ur auðvitað að vera dýrmæt kjölfesta
í sérhverju hlutafélagi.
Á hinn bóginn má færa sterk rök
fyrir því að áframhaldandi seta fulltrúa
ríkisins í stjórninni sé mjög óeðlileg.
Þessi sjónarmið munu hluthafar þurfa
að vega og meta fram að aðalfundin-
um í næstu viku og ákveða hverjum
þeir treysta fyrir sínum hagsmunum.
KB