Morgunblaðið - 02.06.1995, Blaðsíða 1

Morgunblaðið - 02.06.1995, Blaðsíða 1
FOSTUDAGUR 2. JÚNÍ 1995 c Færri útlendingar komu í maí FÆRRI útlendingar komu til Islands í maí nú en í fyrra og er þetta fyrsti mánuður ársins 1995 þar sem komum útlendinga fækkar. Nú komu 13.665 erlendir gestir hingað en voru 14.846 í maí í fyrra. íslendingum fjölgaði hins vegar um rösklega 900. Flestir erlendu gestanna voru frá Þýskalandi eða 2.229 og næstir voru Bandaríkjamenn 2.053, Svíar 1.968 og Danir 1.899. Alls komu gestir af 79 þjóð- ernum hingað í maímánuði, og tíu og færri voru frá 34 löndum. \ ¦ Hægt að spara tugi milljóna króna í stóreldhúsum ENDURSKIPULEGGJA mætti mörg stóreldhús í sjúkrahúsum og víðar með það að markmiði að spara umtalsvert í rekstri og gera fæðið mun hollara að mati Ingu Þórsdóttur dósents í næringarfræði við Háskóla Islands. Til stuðnings þessari fullyrðingu sinni bendir Inga á niðurstöður af 3ja ára rann- sóknastarfi sínu sem hlutastarfs- forstöðumaður í eldhúsinu á Lands- sj)ítalanum á árunum 1991-1993. A 3 árum tókst Ingu í samvinnu við Jóhönnu Ingólfsdóttur og Val- gerði Hildibrandsdóttur forstöðu- menn eldhúss spítalans að spara nærri 60 millj. króna á ári með því endurskipuleggja matseðla, gera næringarútreikninga á þeim og auglýsa útboð vegna matarinn- kaupa. Útboð vegna matarinnkaupa „Það mætti gera ofsalegt gæða- átak í ýmsum eldhúsum," sagði Inga í samtali við Daglegt líf. „Á fyrsta ári tilraunarekstursins end- urskipulögðum við matseðla og buð- um sjúklingum upp á hollara fæði í samræmi við manneldismarkmið. Strax á öðru ári höfðum við ágæta yfirsýn yfír hráefni sem við þyrftum í nýju matseðlana. Við jukum magn brauðs, pöstu, grænmetis og ávaxta í matarskömmtum á kostnað kjöts og feitra matvæla. Takmarkið var að minnka magn mettaðrar fitu en auka magn kolvetna og trefjaefna. Þannig gátum við endurskipulagt öll innkaup fyrir eldhúsið og aug- lýstum útboð í samvinnu við skrif- stofu Ríkisspítalanna. Með þessu hafa sparast um 60 milljónir króna á ári," sagði Inga. Aðspurð fullyrti Inga að ekkert bruðl hafi viðgengist í eldhúsi Landsspltalans fyrir tíð útboða. Næringarútreikningar séu nýlega tilkomnir og útboð hafi hreinlega ekki tíðkast áður fyrr. Inga segir að nú starfi menntaður matarfræð- ingur og næringarráðgjafi við hlið matráðskonu eldhússins. ¦ Fjölskyldufræð- ingar stofna fagfélag NÝLEGA var stofnað Félag há- skólamenntaðra fjölskyldufræð- inga. í mörg ár hafa sálfræðingar, félagsráðgjafar, prestar, læknar og fleiri sem eru í sálgæslu sinnt fjöl- skyldum í vanda. Ekkert samheiti hefur verið til fyrir þá sem taka fjölskyldur í meðferð og því hafa mörg hjón eða einstaklingar í erfið- leikum ekki vitað hvert ætti að leita eftir aðstoð. Markmiðið með fjölskyldumeð- ferð er að líta á vanda eínstaklings- ins út frá fjölskyldunni og nýta hana til að hjálpa einstaklingnum að leysa vanda sinn. Á aö vera gæðastimpill Tilgangur félagsins er að efla fagið, stuðla að frekara námi og mynda tengsl við sambærileg félög í öðrum löndum. Að sögn aðstand- enda hafa sumir lagt fyrir sig fjöl- skyldumeðferð án þess að hafa þekkingu á slíku og með stofnun þessa fagfélags á að sporna við því að of mikill leikmannabragur sé á fjölskyldumeðferð hér. Fólk á að vita að hverju það gengur þeg- ar það leitar til fagfólks sem hefur þennan stimpil félagsins. Haldinn var kynningarfundur fyrr í vikunni þar sem reynt var að ná til sem flestra er starfa við fagið. Þar kom fram að inngöngu- skilyrði eru að viðkomandi hafi lokið a.m.k. 3ja ára viðurkenndu háskólanámi, hafi fimm ára starfs- reynslu í fjölskylduvinnu og hafi lokið viðurkenndri sérmenntun og /eða framhaldsnámi í fjölskyldu- meðferð. Þá skulu félagar að hafa hlotið handleiðslu í starfí um 2ja ára skeið og hafa meðmæli félags- manns og umsögn annars er þekkir til starfa viðkomandi. Haldin hafa ver- ið ýmis námskeið í fjöískyldumeð- ferð og í annað sinn stendur yfir hjá endur- mennt- unar- stofnun Háskól- ans 2ja ára fram- haldsnám í fjölskyldu- fræðum sem dr. Sig- rún Júlíus- dóttir og Nanna Sig- urðardóttir fé- lagsráðgjafar hjá Tengslum hafa þróað í samvinnu við endurmennt- unarstofnun og viðurkennda fjölskyldufræð- inga. ¦ POX er nýjasta söfnunarárátta 5-16 ára krakka og poxkeppnir haldnar út um borg og bæ. Leik- urinn felst í að skiptast á poxi, hringlaga myndum, 4,15 sm í þvermál. Aðferðin er einföld; leikmenn stafla myndum sínum í bunka og nota svokallaða sleggju til að kasta á bunka mót- spilarans og vinna þær myndir sem snúast við. Upphafsmenn poxæðisins á ís- landi eru Stefán Guðjónsson og Einar Gunnar Guðmundsson. Fyrir þremur árum kynntist Stefán fyrirbærinu á Hawaii, en þar er það upprunnið. Hann seg- ir að 1948 hafi kennara nokkr- um dottið i hug að teikna margvíslegar myndir á inn- sigli af mjólkurf löskuni og umbuna nemendum sínum, sem hafi fundið upp á að keppa um spjSldin. Leikurinn var vin- sæll um hríð, en áhugi dalaði þar til 1990 er fyrirtæki, sem framleiðir ávaxtasafa, lét prenta merki fyr- irtækisins á slíka miða. Þegar Stefán kom heim fékk hann Einar til sam- starfs um að hefja framleiðslu á poxi og koma því á mark- að. Saman stofnuðu þeir fyrirtækið Hafey og hafa nú ærinn starfa við reksturinn, auk þess sem þeir kynna leikinn í félags- miðstöðvum um land mIII og hafa umsjón með Poxklúbbnum, en í hon- um eru 300 f élagar. „Við settum poxið á markað fyrir jólin, en Poxað á hverju horni áhugi krakkanna vaknaði ekki fyrr en í febrúar og virðist vera í hámarki núna. HM-poxið náði miklum vinsældum kringum heimsmeistarakeppnina og er næstum uppselt. Flestir poppar- ar landsins prýða eina seríuna og tattoo-serían vekur mikla hrifningu. Senn kemur á mark- aðinn pox með myndum af helstu íþróttamönnum landsins, landsl- iðinu í körfubolta o.fl. o.l'l." Sumum krökkum finnst I il- heyra að eiga útbúnað af ýmsu tagi með poxmyndunum. Til að geyma þær í eru til misstórar plastöskjur, sem hægt er að fá með handf angi og hengja í buxnastrenginn. Sleggjurnar eru líka hringlaga og jafnstórar pox- myndunum. Þær eru til í mörgum mismunandi gerðum, misþykkar og þungar með margvíslegum myndum. Þykktin ogþyngdin skipta máli, því þyngri sleggjur eru notaðar á háa bunka en létt- ari eftir því sem bunkinn er lægri. „Krakkarinir leika pox eftir kúnstarinnar reglum og sumir eru orðnir mjög færir. Trúlega er poxið tískubóla, en leikurinn er engu að siður skemmtilegur," segir Stefán. ¦

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.