Morgunblaðið - 23.06.1995, Blaðsíða 7
MORGUNBLAÐIÐ
FÖSTUDAGUR 23. JÚNÍ 1995 B 7
FERÐALÖG
American Colony
í Jerúsalem
mm& AMERICAN Colony hótelið í
JJJaustur Jerúsalem er án efa
SZ eitt þekktasta hótel í þessum
'[2 heimshluta. Það er byggt í
sérstæðum gömlum stíl, var
reist 1860 sem höll ríks arabahöfð-
ingja og fjögurra eiginkvenna
hans. Það hefur um árabil verið
sótt af kvikmyndastjörnum og
öðrum listamönnum. Blaðamenn
hafa verið tíðir gestir. Garðurinn
inni í miðju húsinu gefur því
óvenjulegt og fortíðarlegt yfir-
bragð þar sem gestir geta notið
veitinga, lesið blöð eða bara skraf-
að í rólegheitum.
Hótelið er nú allt að því inni í
miðjum bæ en fyrstu áratugina
stóð það eitt og sér og „langt“ í
burtu frá öllu. Þó er ekki nema
um tíu mínútna labb að Damask-
ushliðinu.
Hefur stækkað
smám saman
Smám saman hefur hótelið ver-
ið stækkað, keyptar hafa verið
byggingar handan götunnar og
gerðir íverustaðir. Þar voru ódýr
herbergi og fábrotin en hreinleg
þegar ég gisti í fyrsta skipti á
hótelinu fyrir 5 árum. Þá fékk ég
herbergi fyrir innan við 40 dollara
og síðan 30% afslátt. Nú hefur
þessum útbyggingum verið lokað
um sinn og er verið að gera þær
upp. Að því loknu verða þar lúxus-
herbergi.
Inni í aðalbyggingunni hafa öll
herbergi yfir sér hefðarlegan brag,
þau eru stór og björt, mörg með
svölum og hálfgildings svítukrók.
Alls eru um 100 herbergi og svítur í
hótelinu.
Lúxusherbergi eru
alls staðar eins
Af þeim fjórum skiptum sem
ég hef búið á American Colony
hef ég þrívegis verið í útbygging-
unum og fundist það prýðilegt.
Þegar ég var þar á dögunum var
sá kostur ekki fyrir hendi vegna
endurbótanna. Herbergið sem ég
bjó í var stórt og allt var til alls.
Verðið var líka eftir því, 140 doll-
arar eftir að fengist hafði með
herkjum 10% afsláttur. Því nú fá
blaðamenn engan auka afslátt.
Ég ætlaði aðeins að stoppa í tvær
nætur svo ég sló til af því ég var
svo hænd að staðnum og andrúms-
loftinu. Þetta herbergi mitt hefði
getað verið hvar sem væri á 4-5
stjörnu hóteli. Það var ekki undan
neinu að kvarta nema að mér
fannst vanta karakterinn.
Garðurinn er indæll, barinn í
kjallaranum með sínum grófu
múrsteinsveggjum og höggnu
grjóti á sínum stað. Anddyrið er
prýtt listaverkum og þar er hátt
til lofts eins og í höllu sæmir.
Ég hef nokkrum sinnum fengið
mér kvöldverð á hótelinu, matseð-
ill er ágætlega fjölbreyttur og verð
í hófi. En í Jerúsalem er aragrúi
góðra lítilla matsölustaða sem er
þó meira gaman að vitja.
Hefðu veggirnir mál
Hótelinu er stjórnað af sviss-
neskri hótelkeðju. Starfsmenn eru
flestir arabískir Palestínumenn.
Þessi bygging gæti án efa sagt
merka sögu ef veggirnir hefðu
mál. Það hefur „lifað“ miklar
breytingar, er byggt þegar svæðið
var undir Tyrkjum, síðan taka við
Bretar milli styijalda, þá Jórdanir
og loks ísraelar.
Ég er ekki frá því að það mikla
orðspor sem af American Colony
hefur farið í áratugi sé farið að
standa því fyrir þrifum. Það er
tíska að vera þar og ef maður er
svo ólánsamur að vera ekki heims-
frægur er trúlegt að maður sé á
hótelinu til að fylgjast með þeim
gestum sem eru heimsfrægir. í
stuttu máli: það er ansi snobbað
lið á þessu hóteli. En umhverfið
gæti varla verið fegurra og það
er leitun að hóteli með jafn mikla
GARÐURINN er í miðju hótelsins.
SKAMMT er að múraborginni gömlu.
sögu og andrúmsloft og American
Colony.
Samt hugsa ég að næst þegar
ég kem til Jerúsalem muni ég leita
annað. American Colony er ein-
hvern veginn ekki það sem áður
var. n
Jóhanna Kristjónsdóttir
Bandarísk bókaforlðg
með í Teheran
FJÖLMÖRG bandarísk útgáfufyrir-
tæki tóku þátt í áttundu Alþjóðlegu
bókakaupstefnunni í Teheran fyrir
skömmu þrátt fyrir viðskiptabann
bandarískra stjórnvalda á íran.
Langflestar bandarísku bækurnar
voru um vísindi, tækni og læknis-
fræði.
Irönsk dagblöð gerðu mikið úr
Umhverfis iörð-
ina á skemmti-
feröaskipi
Á NÆSTA ári verður í fyrsta
skipti boðið upp á heimsreisu á
skemmtiferðaskipi á vegum
skipafélagsins Royal Cruise
Line. Ferðin hefst í San Frans-
isco á vesturströnd Bandaríkj-
anna um miðjan janúar en lýkur
102 dögum seinna í Fort Laud-
erdale í Flórída á austurströnd-
inni.
Á leiðinni verður komið við
í að minnsta kosti 38 höfnum
í 24 löndum. Farmiðinn kostar
22.096 pund, eða um 2,2 ÍKR.
Þeim sem panta snemma býðst
10% afsláttur og er þá verðið
komið niður í tæpar tvær millj-
ónir.
Skipið sem siglir með farþeg-
ana kringum hnöttinn heitir
Royal Odyssey og var nýlega
gert upp fyrir 18 milljónir doll-
ara eða rúman milljarð ÍKR.
Talmsmaður skipafélagsins
segir að bókanir í ferðina lofi
góðu. ■
þátttöku fyrirtækjanna í sýningunni
og sögðu hana sýna að aðgerðir
Bandaríkjastjórnar gegn Iran væru
árangurslausar. Bill Clinton, forseti
Bandaríkjanna, setti viðskiptabann á
íran í apríl síðastliðinum vegna
meints stuðnings írana við hryðju-
verkamenn og tilrauna þeirra til að
framleiða kjarnorkuvopn. ■
Samvinna EL AL
ogjórdanska
flugfélagsins
í FRÉTTABRÉFI Royal Jordan-
ian segir frá því að samkomulag
hafi verið gert milli þess og ísra-
elska flugfélagsins EL AL. Það
felur meðal annars í sér að leyfa
ferðamönnum frá Bandaríkjun-
um að fljúga með E1 A1 til Mið-
austurlanda en nota Royal Jord-
anian á heimleið ef það hentar
þeim betur.
Flugfélögin tvö eru að hleypa
af stokkunum sameiginlegri
auglýsingaherferð í Bandaríkj-
unum til að vekja athygli á þessu
og fá fleiri ferðamenn í heim-
sókn.
Þá segir í Jerusalem Post
nýverið að flugmálayfirvöld í
ísrael og Marokkó hafi nú byijað
samstarf og hafi það verið þegar
félag sem annast sjúkraflug í
ísrael flaug til Tangier í Ma-
rokkó til að flytja heim ísraelska
konu sem hafði veikst skyndi-
lega. Loftferðasamningur milli
ríkjanna er í burðarliðnum og
sama gildir um EL AL og flugfé-
lag Túnis, Tunis Air. ■
10% iartarbúa
bía vlð kröpi kjðr
í ÁR deyja meira en 12 milljón-
ir barna áður en þau ná fimm
ára aldri. Einnig deyja 16 millj-
ónir jarðarbúa vegna sýkinga,
sem hægt væri að koma í veg
fyrir, eða vegna sjúkdóma af
völdum sníkjudýra.
Þessar uggvænlegu stað-
reyndir komu fram í máli
Nakajima Hiroshi, aðalfram-
kvæmdastjóra Alþjóðaheil-
brigðismálastofnunarinnar á
48. þingi stofnunarinnar í Genf
nýverið.
Hiroshi benti á þann gríðar-
lega mun sem er á aðstöðu
ríkra og fátækra þjóða, sér-
staklega varðandi fjárveitingar
til að hindra útbreiðslu sjúk-
dóma.
Bilið milli ríkra og fátækra
verður líklega seint brúað í
heimi þar sem 80% jarðarbúa
býr í fátækum löndunum og
þar af 20% við sárustu ör-
byrgð. Hiroshi sagði að bilið
ætti enn eftir að aukast, nema
meiri áhersla yrði lögð á að
hafa hemil á sjúkdómum og
sýkingum sem heija á þróunar-
löndin. Hann benti þó jafn-
framt á að árangur hefði náðst
í að útrýma mænusótt og vissri
gerð sýkingar af völdum
sníkjudýra, sem breiðist út með
menguðu vatni, og spáði því
að holdsveiki, nýburastíf-
krampi og mislingar yrðu úr
sögunni árið 2000. ■
SJÚKDÓMAR breiðast víða út með menguðu vatni.