Morgunblaðið - 01.08.1995, Side 3
MORGUNBLAÐIÐ
ÞRIÐJUDAGUR 1. ÁGÚST 1995 B 3
ÍÞRÓTTIR
LANDSMOTIÐ I GOLFI
ÚlfarJónsson, sexfaldur íslands-
meistari, um keppni í meistaraflokki
Tímamót hjá
kvenfólkinu
ULFAR Jónsson er sexfaldur
íslandsmeistari karla ígolfi,
sigraði fyrst árið 1986, síðan
1987 og svo f rá 1989 til 1992.
Hann segist eiga von á mikilli
og harðri keppni í meistara-
flokkunum og telur að lands-
mótið á Hellu marki viss tíma-
mót í meistaraflokki kvenna.
Eg held að nú verði ákveðin
tímamót hjá stelpunum. Ég
tel að nú sé komið að því að einok-
un Karenar [Sævarsdóttur] verði
hnekkt,“ segir Úlfar. „Ég er auð-
vitað ekki alveg hlutlaus í þessum
efnum en ég held að það verði
Ólöf María [Jónsdóttir] sem verði
íslandsmeistari, en það getur vel
verið að það sé dálítil óskhyggja
að fá titilinn í Hafnarfjörð," segir
Úlfar en hann er í Golfklúbbnum
Keili í Hafnarfirði — eins og um-
rædd Ólöf María.
Gott fyrir golfið
Nú hafa menn rætt það undan-
farin ár að nú sé komið að hinum
stelpunum að sigra Karenu, en það
hefur ekki tekist. Hvers vegna
ætti það að takast frekar núna?
„Ég held að fýrst núna sé komin
einhver keppni í meistaraflokki
kvenna. Karen hefur haft mikla
yfirburði en hún hefur verið að leika
frekar illa í sumar og hinar stelp-
umar vel og svo hafa þær einnig
lækkað hjá sér skorið þannig að
keppni er nú fyrst til staðar. Þær
sjá líka að þær geta unnið og það
sem þær þurfa að passa sig á er
að stressa sig ekki of mikið, heldur
spila eðlilega því ef þær gera það
geta þær sigrað," sagði Ulfar og
bætti því við að hann teldi það af
hinu góða fyrir golfið ef einhver
annar hampaði titlinum.
„Það er erfitt að segja til um
hver sigrar hjá strákunum. Sigur-
páll [Geir Sveinsson] á titil að veija
og það er alltaf ákveðin pressa sem
fylgir því og ég veit hreinlega ekki
hvemig hann bregst við slíku. En
það er alveg öruggt að hann verð-
ur í toppbaráttunni.
Birgir Leifur [Hafþórsson] verð-
ur einnig örugglega í baráttunni
og mér sýnist að hann hafí leikið
áberandi best í sumar. Hann leikur
mjög áferðarfallegt golf og það
kæmi mér ekki á óvart þó hann
hampaði titlinum.
Björgvin [Sigurbergsson], félagi
minn í Keili, hefur orðið í þriðja
sæti síðustu þijú árin og hann vill
örugglega breyta því. Hann hefur
leikið nokkuð vel í sumar og stefnir
hærra og við Keilismenn hefðum
ekkert á móti því að hann yrði
meistari.
Það eru fleiri sem koma til
greina. Björn Knútsson, Þórður
E. Ólafsson, Kristinn G. Bjarnason,
Örn Ævar Hjartarson og Þorkell
Snorri Sigurðsson. Þorkell Snorri
gæti gert mjög góða hluti og ef
hann verður ekki í allra efstu sæt-
um núna þá verður hann það ör-
ugglega á næstu árum. Svo er
auðvitað aldrei að vita hvað
„gömlu“ mennirnir gera. Björgvin
Þorsteinsson, Sveinn Sigurbergs-
son, Sigurður Hafsteinsson og
Guðmundur Sveinbjörnsson þó svo
hann hafi ekki æft mikið í sumar
frekar en í fyrrasumar.
Úthald, þolinmæði, heppni
Til að sigra í landsmóti þarf
úthald, þolinmæði og heppni —
sérstaklega á Strandarveili. Ég
held að sá sem púttar best þessa
fjóra daga sigri," sagði Úlfar Jóns-
son, sem verður að láta sér nægja
að fylgjast með að þessu sinni.
Hann er atvinnumaður í íþróttinni
og hefur því ekki leyfi til að keppa
á landsmótum.
Morgunblaðið/Gunnlaugur Rögnvaldsson
Frestað vegna veðurs
FRESTA varð leik á fyrsta degi landsmótsins í golfi á Strandarvelli á
sunnudaginn. Leikur hófst kl. 8 árdegis í skaplegu veðri en þó nokkrum
vindi. Er leið á morgunin hvessti stöðugt og eftir að veðurfræðingar
höfðu spáð því að ekkert lygndi fyrr en á mánudagsmorgun var ákveðið
að hætta leik á sunnudeginum. Þá var búið að ræsa alla keppendur í
3. flokki karla út og nokkra riðla í 2. flokki karla. Þessir tveir flokkar
auk 1. og 2. flokks kvenna, sem átti að hefja leik síðar á sunnudegin-
um, munu því aðeins leika þijá hringi í stað fjögurra, 54 holur en ekki
72 eins og venjulega. Vignir Hauksson, sem púttar á myndinni, sagðist
hafa verið í miklum vandræðum á nokkrum brautanna, vegna roksins.
TENNIS
Keuier
MONiCE Seles, til hægri, og Martlna Navratllva klappa fyrir áhorfend-
um eftlr sýningarlelk þeirra í Atlanta í Bandaríkjunum um helgina.
Seles er mætt
til leiks á ný
„TILFINNIN GIN var ólýs-
anleg, henni verður ekki
lýst með orðum,“ sagði
Monica Seles, tennisdrottn-
ing, að loknum fyrsta leik
sínum í rúm tvö ár, en á
laugardaginn mætti hún
Martinu Navratilovu, einni
þekktustu tenniskonu
heims, í sýningarleik í Atl-
anta borg í Bandaríkjunum.
„Straumurinn sem berst frá
áhorfendum er það sem ég
hef saknað mest á árunum
tveimur sem liðin eru,“
bætti hún við en 11.000
manns komu til þess að
horfa á leikinn semSeles
sigraði í, 6-3, 6-2. „Ég vil
þakka aðdáendum mínum
um allan heim fyrir stuðn-
inginn í gegnum erfiðar
stundir á erfiðum tímum og
ég er ánægð með að vera
mætt til leiks að nýju. Von-
andi tekst mér að leika bet-
ur í framhaldinu," sagði
Seles, sem er júgóslavnesk,
en hún varð fyrir hnífsst-
ungu árás þýsks mann á
tennisvellinum i Hamborg í
apríl 1993.
Fyrsta opinbera mótið
sem þessi fyrrum sterkasta
tenniskona heims mun taka
þátt i er Opna bandaríska
meistaramótið í næsta mán-
uði. Alþjóða tennissam-
bandið hefur samþykkt að
Seles verði fyrst um sinn
skráð númer eitt á heims-
listanum ásamt þýsku stúlk-
unni Steffi Graf, en Seles
var einmitt í því sæti þegar
hún var tilneydd til að
draga sig í hlé í kjölfar
árásarinnar og hafði haldið
því sæti í rúm tvö ár. „Ég
var afslöppuð á meðan á
leiknum stóð og mér leið
vel. Ýmislegt gekk vel og
ég vona að mér takist að
hafa það með í farteskinu
á Opna bandaríska mótinu
í næsta mánuði,“ sagði þessi
tuttugu og eins árs gamla
tenniskona sem á sinum
tíma var yngst kvenna til
að ná efsta sæti heimslista
tennismanna.
to&mR
FOLK
■ ÞAÐ voru ekki mjög margir
mættir er 54. landsmótið í golfi var
sett á Strandarvelli á sunnudags-
morgun. Klukkan 8 um morgunin
hófst keppni í 3. flokki karla en
áður hafði Gunnar Bragason, for-
maður landsmótsnefndar boðið
menn velkomna, séra Sigurður
Jónsson sóknarprestur í Odda
flutti bæn og Júlíus Jónsson vara-
forseti Golfsambandsins setti mót-
ið.
■ VENJAN hefur verið að þrír
kylfíngar leiki saman í riðli en að
jessu sinni leika fjórir saman í .
hveijum riðli. Þetta kemur til af
tvennu; í fyrsta lagi vegna þess að
iátttaka í mótinu er mjög mikil og
í annan stað ber völlurinn fjögurra
manna riðla ekkert verr en þriggja
manna.
■ ÞEGAR leik var hætt var orðið
mjög hvasst og moldrok þónokkurt
þannig að kylfingar sáu illa og nær
ógjörningur var að halda boltanum
kjurrum á flötunum. Einn kylfingur
var til dæmis búinn að slá inná 17.
flötina, en missti flatarmerkið þegar
hann ætlaði að merkja hvar boltinn
lá. A meðan hann sótti það fauk
boltinn útaf þannig að hann varð
að slá aftur inná.
■ FRESTUNIN á mótinu á
sunnudaginn mæltist misvel fyrir
hjá kylfingum og talsverðrar
óánægju gætti hjá kylfingum í 3.
flokki því keppnin þar var langt
komin og nokkrir voru með ágætis
árangur. Besta skorið var 91 sem
er mjög gott í slíkum vindi sem var
á sunnudaginn. Flestir voru þó á
því að rétt hafi verið að fresta leik
enda snarvitlaust veður.
■ NOKKRIR þekktir kylfingar
leika í 1. flokki að þessu sinni og
má þar meðal annars nefna Pál
Ketilsson og Gylfa Kristinssonúr
Keflavík, en þeir hafa lengstum
verið í meistaraflokki. Gylfi sagðist
ætla að taka þetta í öfugri röð.
Hann er fyrrum íslandsmeistari
og segist ætla að vinna í 1. flokki
í ár og síðar meir í 2. flokki og
þriðja.
■ TVEIR keppendur í 2. flokki
starfa saman hjá íslenskri getspá,
sem rekur Lottóið. Þeir voru saman
í riðli fyrsta daginn, á sunnudag-
inn, og hafði annar þeirra, Magnús
Gunnarsson, slegið upphafshöggið
á 1. braut er leik var hætt og kom
því inn á einu höggi. Félagi hans
hjá Lottóinu, Björn Björnsson,
notaði helmingi fleiri högg þann
daginn!
■ KEPPENDUR koma víða að og
skiptast hinir 350 keppendur á milli
29 golfklúbba en alls eru 47 klúbb-
ar í landinu. Flestir keppendur
koma úr Golfklúbbi Reykjavíkur,
88 talsins, 56 frá Golfklúbbi Suð-
urnesja, 56 úr Keili og 24 frá
Akureyri.
■ ÁTTA klúbbar senda aðeins
einn keppanda hver, tveir keppend-
ur koma frá þremur klúbbum og
fjórir klúbbar senda þijá keppendur
hver. Góð mæting er sem sagt hjá
smærri klúbbum landsins.
■ MENN leggja mismikið á sig til
að taka þátt í landsmótinu og eru
misvel undir það búnir að keppa. Á
sunnudaginn átti Garðar K. Vil-
hjálmsson úr Golfklúbbi Suður-
nesja að mæta á teig kl. 14.20.
Hann kom askvaðandi inn í klúbb-
hús tíu mínútum áður og hafði þá
ekið í einum spreng frá Reykjavík
en komst að því að búið var að
fresta mótinu.
■ GARÐAR kom beinustu leið af
fæðingardeildinni þar sem kona
hans, Kristín Hilmarsdóttir hafði
alið bam fyrr um daginn og hann
var því ekki vel hvíldur fyrir keppn-
ina. Hann gat því ekið til baka í
bæinn og mætt í pabbatímann um
kvöldið. Þau hjón eignuðust dreng
og áttu fyrir einn dreng.