Morgunblaðið - 12.09.1995, Blaðsíða 4
4 B ÞRIÐJUDAGUR 12. SEPTEMBER 1995
AKSTURSÍÞRÓTTIR
MORGUNBLAÐIÐ
Æsispennandi
lokabarátta
TILÞRIFIN ílokaþrautum síð-
ustu keppni íslandsmótsins í
torfæru á Hellu fengu hárin til
að rísa á höfðum áhorfenda,
jafnvel alhörðustu áhuga-
manna um torfæru. Barist var
um hverja sekúndu og hvert
stig sem var í boði fram á síð-
asta metra. Réðust úrslit í
keppninni ekki fyrr en síðustu
jepparnir í hvorum flokki höfðu
lokið þrautunum. Að sama
skapi réð niðurstaðan úr
keppninni því hver varð ís-
landsmeistari íflokki götu-
jeppa og íflokki sérútbúinna.
Gunnar Guðmundsson varð
meistari í flokki götujeppa eftir
nauman sigur og Haraldur Pét-
ursson íflokki sérútbúinna, þó
Einar Gunnlaugsson sigraði í
keppninni á Hellu.
HARALDUR Pétursson, til
vinstri, varð íslandsmeist-
ari í flokki sérútbúinna
jeppa og tók við titlinum af
Einar Gunnlaugssyni, t.h.,
sem gat brosað þrátt fyrír
það, því hann sigraði í
keppninni á Hellu.
ÍÞRfnmR
FOLK
■ ÖRN Ingólfsson, oft nefndur
Dali komst í hann krappann á
Kaldadal á Trabant sínum í alþjóð-
arallinu. Hann kvaðst hafa stigið á
skott breska heimsveldisins; hefði
ógnað einum heijeppanna, sem var
í vandræðum. Jeppinn hefði síðan
óvait ekið yfir hlífðarpönnu, sem
dottið hafði undan öðrum bíl. Þeytt-
ist hún í Trabantinn, á trýni hans
og tók úr honum bæði augun eins
9g Örn orðaði það, þ.e. framljósin.
Örn lauk keppni í þriðja skipti í al-
þjóðarallinu.
■ BERNARD Stevens og Tim
Line, sem óku einum herjeppanna
veltu á sérleið við Grafning. Við
óhappið bilaði vél bílsins og þeir
hættu keppni.
■ AÐALSTEINN Jónsson og Har-
aldur Gíslason komust við illan leik
í enda síðustu sérleiðar, ísólfsskála-
leiðar. Þar sprakk á báðum aftur-
dekkjum, en þeir náðu að skjögrast
áfram 15 km leið á tveimur sprungn-
um dekkjum. Lítið loft var orðið í
öðru í lok leiðarinnar og ekkert í hinu.
■ ÞRÍR keppendur kærðu stigagjöf
í annarri braut torfærunnar á Hellu.
Töldu að Gunnar Guðmundsson
hefði fengið of mörg-stig. Útkoma
kærunnar gat ráðið úrslitum í keppn-
inni og Islandsmótinu þar sem lítill
munur var á milli keppenda í fyrstu
fimm sætunum. En kæran var ekki
tekin til greina.
■ ÞORSTEINN P. Sverrison og
Ingvar Guðmundsson, sem aka í
flokki ódýrra bíla eru óvænt komnir
í annað sæti í keppninni um íslands-
meistaratitilinn. Þeir eru ofar en mun
öflugri keppnisbílar, eftir að hafa náð
sjöunda sæti í alþjóðarallinu.
■ BALDUR Jónsson var í sjöunda
himni með þriðja sæti í keppninni.
Hann ók með Geir Óskari Hjartar-
syni á Mazda. Þeir sluppu með
skrekkinn á Kaldadal þegar Baldur
misreiknaði beygju og skall með
hægri hliðina, hlið aðstoðaröku-
mannsins á járnhlið. Rigndi glerbrot-
um yfir þá, þegar rúðan sprakk og
hurðin dældaðist illa. Baldur ók ann-
ars vel og hefur greinilega engu
gleymt eftir þriggja ára hlé. Árið
1992 var hann kjörinn aksturs-
íþróttamaður ársins, en dró sig í hlé
vegna bakmeiðsla.
■ SEPPI, jeppi Sighvats Sigurðs-
sonar og Úlfars Eysteinssonar
lagði bresku heijeppana að velli í
alþjóðarallinu. Tvisvar sprakk dekk
hjá þeim félögum í baráttunni við
bresku ökumennina, en Land Rover
þeirra var yfir tvö tonn. Samt náðu
þeir að vera 10 mínútum á undan
Bretunum í mark. Nafn jeppans
dregur nafn sitt af íslensku hunda-
sælgæti, sem kallast Seppi og er
framleitt af Þorsteini Ingassyni
fyrrum rallökumanni. Talsvert var
um það að keppendur smökkuðu á
sælgætinu, sem er unnið úr fisk.
Fyrsta þrautin í sérútbúna
flokknum var varasöm, en gat
ráðið úrslitum ef einhver kæmist
upp hana. Aðeins
tveir keppendur átti
Rögnvaídsson möguleika á meist-
skrifar aratitli í flokknum,
Gísli G. Jónsson og
Haraldur Pétursson. Gísli fór á und-
an í þrautina, sem byijaði á illkleifu
barði. „Ég varð að taka áhættu og
ráðast á þrautina af fullum krafti.
En það varð mér að falli. Jeppinn
kýldist innundir barðið og fram-
hjólabúnaðirnn skekktist allur og
brotnaði. Sjálfskiptingin brotnaði
og tvö drifsköft gáfu sig. Þá skekkt-
ist sveifarás þegar hásingin barðist
upp í vélina,“ sagði Gísli í samtali
við Morgunblaðið um hina hrika-
legu byijun. Á viðgerðarsvæðinu
vann 10 manna hópur að viðgerð á
jeppanum, titillinn var í húfi.
Haraldur gat andað léttar, í bili.
„Ég hefði reynt við fyrstu þrautina
á sama hátt og Gísli, ef ég hefði
verið á undan. En þegar ég sá skell
hans ákvað ég að reyna ekki við
barðið. Ég átti alltaf von á að hann
næði að tjasla jeppanum saman og
varð því að standa mig vel,“ sagði
Haraldur. En það voru aðrir sem
sáu um toppslaginn. Jón Ásti Ár-
sælsson leiddi keppnina fram að
fjórðu þraut, sem var tímaþraut,
ein þriggja sem bauð upp á lífleg
tilþrif. Akureyringurinn Helgi Schi-
öth setti í fluggírinn og náði besta
tíma og um leið forystu í keppninni
með 790 stig, Jón Asti var með 735
og Einar Gunnlaugsson 720. Gísli
var mættur til leiks eftir viðgerð,
en var mjög neðarlega. Engu að
síður gat hann ógnað Haraldi hvað
titilinn varðaði. Ekki síst eftir að
Haraldi mistókst í næstu
þraut, tímaþraut yfir á.
Dragliður dróst út, rétt í
byrjun þrautar og hann
varð að sjóða hann fastan
fyrir lok þrautarinnar.
Helgi ók fjórðu þraut nógu
hratt til að halda fyrsta
sætinu á 1030 stigum,
Einar var með 990, Jón
Ásti 940 og Gunnar Égils-
son kom inn í myndina
með 940 stig.
Mýrin, uppáhaldsþraut
flestra keppenda var eftir.
Einar Gunnlaugsson sló
helstu keppinautunum um
fyrsta sætið við, náði
næstbesta tíma og hrjfsaði
fyrsta sætið af Helga. Jón
Ásti hélt öðru sætinu, en
Helgi og Gunnar urðu jafn-
ir að stigum í þriðja. Gísla
gekk bölvanlega í mýrinni,
stýrisreim þeyttist af og
hann barðist við að koma
bílnum í gegn. Hvert stig
og sæti í keppninni var
Dýrkeypt tilraun
Morgunblaðið/Gunnlaugur Rögnvaldsson
GISLI G. Jónsson lagðl allt undir í fyrstu þrautinni á Hellu. Hann tók áhættu, sem kostaði tjón
á bílnum. Komst hann ekki í þrjár þrautir vegna viðgerða og missti af titlinum, naumlega þó.
SIGURÐUR Þ. Jónsson hafði forystu
í flokki götujeppa fyrir keppnina. En
hann gerði afdrifarík mistök í byrjun,
sem skemmdi vélina í jeppanum.
Vonbrigði hans leyna sér ekki eftir
að hann hafði áttað sig á tjóninu
ásamt aðstoðarmönnum sínum.
dýrmætt vegna meistaratitilsins.
En Gísli komst þrautina ekki á enda
á meðan Haraldur fékk fullt hús
stiga. Reyndar fór hann útúr braut,
en dómarar tóku ekki eftir því.
Þetta hefði breytt lokastöðunni í
keppninni, en hefði ekki breytt því
hver varð meistari í sérútbúna
flokknum. Lokastaðan í kepþninni
um meistaratitilinn varð sú að Har-
aldur fékk 52, Gísli 50 og Einar 48.
Sigurður Þ. Jónsson hafði forystu
til meistara í flokki götujeppa, þeg-
ar keppnin á Hellu byijaði. Gunnar
Guðmundsson var sá eini sem gat
skákað honum. Mistök Sigurðar
kostuðu hann líklega titilinn. Hann
gleymdi að skrúfa fyrir nítró inn-
spýtingu og þegar hann gangsetti
vélina fyrir eina þraut, þá varð
sprenging sem festi vélina með það
sama. „Vélin hreinlega dó. Þoldi
ekki þetta auka hlátursgas, en mér
var enginn hlátur í hug eftir atvik-
ið. Ég gleymdi að skrúfa fyrir gas-
ið eftir fyrstu þraut og þegar ég
startaði næst varð sprenging. Ég
varð síðan að bíða alla keppnina til
að sjá hvernig Gunnari gengi. Hann
vann eftir harða keppni og ég tap-
aði titlinum," sagði Sigurður. Mikil
spenna var í flokki götujeppa og
þegar yfir lauk munaði aðeins
tveimur stigum á fyrsta og öðru
sæti. Gunnar stökk úr fjórða sæti
í það fyrsta með tilþrifamiklum
akstri í síðustu þraut.
„Eg nýtti aflið vel í mýrinni,
hafði aukið kraftinn í vélinni og
sveif yfir erfiðan drullupytt, sem
stöðvaði marga af keppinautum
mínum,“ sagði Gunnar sem ekur
jeppa sem hefur verið notaður í
keppni frá árinu 1974. „Bilunin hjá
Sigurði var ótrúleg óheppni, en
hefur gerst hjá alltof mörgum tor-
færuköppum. Sigurði hefur aldrei
gengið vel á Hellu og ég trúði á
forlögin. Að sama yrði upp á ten-
ingnum núna. Mér gekk illa framan
af, barðist við stýrið í fyrstu þraut-
um, stýrisdælan var að stríða mér.
En þegar kom að tímaþrautunum
setti ég allt á fullt og marði sigur
í mjög skemmtilegri keppni,“ sagði
Gunnar.