Morgunblaðið - 21.09.1995, Blaðsíða 12
VIÐSKIFn AIVINNULÍF
FIMMTUDAGUR 21. SEPTEMBER 1995
KOM annast skipulag á alþjóðlegri sjávarútvegsráðstefnu í London
Færri komast að en
vilja á Groundfish Foruin
RÁÐSTEFNA Groundfish Forum í fyrra þótti takast
með miklum ágætum.
ALÞJÓÐLEGA Groundfish Forum
ráðstefnan verður haldin í fjórða
sinn í London dagana 4. til 6.
október nk. Kynningar- og upplýs-
ingafyrirtækið Kynning og mark-
aður - KOM hf. hefur annast
skipulag og framkvæmd á Gro-
undfish Forum frá upphafi. Ráð-
stefnan, sem er lokuð, er fyrir
helstu stjórnendur öflugustu fisk-
framleiðslu- og fisksölufyrirtækja
rheims. Þátttakendur eru 150 frá
rúmlega 40 þjóðum í fimm heim-
sálfum og þeir einir komast á ráð-
stefnuna sem er boðin þátttaka,
að sögn Jóns Hákonar Magnús-
sonar, framkvæmdastjóra KOM.
Fyrsta ráðstefnan fór fram í
Hamborg, síðan í Kaupmannahöfn
og í fyrra og í ár verður hún á
Churchill Inter-Continental hótel-
inu í London. Einn frumkvöðla og
stofnenda Groundfish Forum er
Friðrik Pálsson, forstjóri Sölumið-
'»stöðvar hraðfrystihúsanna og sit-
ur hann í framkvæmdastjórn þess-
ara óformlegu samtaka. „Gro-
undfish Forum er að verða ein
virtasta ef ekki virtasta sjávarút-
vegsráðstefna sem haldin er í
heiminum og reyna mun fleiri að
komast á hana en boðið er og
hefur það skapað vandamál víða“
segir Jón Hákon.
I ár verður aðalræðumaður ráð-
stefnunnar Brian Tobin, sjávarút-
vegsráðherra Kanada, og talar
hann á hátíðarkvöldverði í Banqu-
eting House í Whitehall, sem er
eign bresku krúnunnar. Banquet-
ing House er eini hluti Whitehall-
hallarinnar sem ekki brann í elds-
voðanum mikla í London árið 1619.
Salarkynnin eru að mestu notuð
fyrir opinberar móttökur, en að
sögn Jóns tókst KOM að fá Banqu-
eting House leigt fyrir kvöldverð-
inn. Hann munu sitja um 200
manns frá öllum heiminum og
verður boðið upp á fjórrétta veislu-
matseðil frá einu frægasta veislu-
fyrirtæki borgarinnar. í fyrra var
hið heimsfræga Madame Tus-
saud’s leigt í sama tilgangi.
Ræðumenn verða flestir úr röð-
um framámanna í fískiðnaði og
fískverslun heimsins, auk þess full-
trúar hagsmuna- og rannsókna-
samtaka og einn af aðalbankasljór-
um Hambros-bankans. Alls munu
um 15 íslendingar frá SH, SÍF,
íslenskum sjávarafurðum og ís-
lenskum fyrirtækjum og söluskrif-
stofum erlendis sitja ráðstefnuna.
„Það var Friðrik Pálsson sem
sá til þess að íslenskt fyrirtæki var
fengið til að annast framkvæmdina
á Groundfish Forum. Megnið af
virðisaukanum sem fæst af ráð-
stefnunni verður eftir á Islandi.
Auk KOM fá t.d. tvær prentsmiðj-
ur, Póstur og sími, Búnaðarbanki
íslands, Flugleiðir og fleiri fyrir-
tæki erlendar tekjur af fram-
kvæmdinni. Hér er því um athygl-
isvert útflutningsverkefni á þekk-
ingu að ræða. Virk þátttaka íslend-
inga í Groundfish Forum hefur
tvímælalaust styrkt ímynd íslensks
sjávarútvegs á heimsmarkaðinum
og aukið hróður íslenskra athafna-
manna á þessu sviði,“ segir Jón
ennfremur.
Fjórir starfsmenn KOM verða í
London meðan á ráðstefnunni
stendur, en undirbúningur hennar
hjá ráðgjafarfyrirtækinu er að
mestu í höndum Margit Elvu Ein-
arsdóttur og Jóns Hákonar Magn-
ússonar hjá KOM hf.
Fólk
Nýr starfs-
maður hjá
Atlanta
•VÍGLUNDUR Þór Víglunds-
son hefur verið ráðinn sem hönn-
unarstjóri hjá nýstofnaðri verk-
fræðideild flugfélagsins Atlanta.
Starf hans mun m.a. felast í að
hanna breytingar
á flugvélum fé-
lagsins. Víglundur
er fæddur 15.
febrúar 1966.
Hann útskrifaðist
sem vélaverk-
fræðingur frá Há-
skóla íslands
1989, Og hóf SÍðan Víglundur Þór
nám við Massach- vígiundsson
usetts Institute of Technology
(M.I.T.) í Boston. Frá verkfræði-
deild M.I.T. útskrifaðist hann 1994
með meistaragráðu í flutningum
með áherslu á flugrekstur. Hann
lauk einnig meistaragráðu í við-
skiptum frá M.I.T. sama ár. Víg-
lundur hefur unnið hjá Eimskip
við ráðgjöf á sviði skiparekstrar,
þróaði skipahönnunarhugbúnað
fyrir Skipatækni og Slippstöðina
á Akureyri, hefur unnið að ráð-
gjöf á sviði tölvumála og skrifaði
grein um tölvuvædda hönnun í
bandaríska tímaritið CADENCE.
Auk þess vann hann sem ráðgjafi
samninganefndar Læknafélags
Reykjavíkur vegna samninga sér-
fræðinga við Tryggingastofnun
ríkisins 1988, 1990 og 1995, og
lauk nýlega^ við hagræðingarverk-
efni fyrir ísfélagið hf. í Vest-
mannaeyjum.
Torgið
Kapphlaupið til Kína
Miklar vangaveltur eru innan ís-
lensks atvinnulífs og ekki síður
stjórnkerfisins hvernig eigi að haga
samskiptum við Kína. Áhugi íslend-
inga hefur einkum helgast af hugs-
anlegum viðskipta- og fjárfestingar-
tækifærum þar.
Fjölmörg íslensk fyrirtæki hafa
sýnt því áhuga að efna til viðskipta-
sambanda við Kínverja. Það kom
áþreifanlega í Ijós þegar, utanríkis-
ráðherra ákvað að taka hóp manna
úr viðskiptalífi með sér þangað
austur og komust færri að en vildu.
Hingað til hafa þó íslensk fyrir-
tæki almennt hikað við að efna til
viðskiptasambanda þar eystra og
kemur margt til. Mörg eiga nógu
erfitt með að koma sér á framfæri
á þeim mörkuðum, sem standa
okkur næstir og telja því éngar for-
sendur til að reyna að hasla sér
völl á fjarlægum markaði, sem út-
heimtir mikla vinnu og kostnað,
sem ekki er víst að skili sér. Öll
viðskipti við Kína eða viðhald þeirra
eru háð duttlungum stjórnmála-
eða embættismanna og kauþmátt-
ur þar er miklu lægri en í þeim lönd-
um, sem við skiptum nú aðallega
við. Að auki bætast við efasemdir
um það hvort íslensk stjórnvöld
eigi beinlínis að hvetja til viðskipta
við alræðisríki eins og Kína þar sem
mannréttindi eru fótum troðin.
Hitt er svo annað mál að hægt
er að líta á Kínaviðskiptin sem fjár-
festingu í framtíð. Þótt Kínverjar
séu margir og fátækir í dag telja
margir efnahagssérfræðingar að
kaupmáttur.þeirra eigi eftir að vaxa
ört á næstu áratugum. Þess vegna
gætu einhver íslensk fyrirtæki sætt
sig við að fjárfesta í lítt ábatasöm-
um viðskiptum þar á næstunni og
viðhaldið þeim í von um að sú fót-
festa skilaði fjárfestingunni marg-
faldri þegar og ef Kínverjar komast
í álnir. Þeir, sem fást við Kínavið-
skipti, lenda þó í grimmilegri sam-
keppni við margfalt stærri og
öflugri fyrirtæki hvaðanæva að úr
heiminum sem keppast nú við að
tryggja sér stöðu á ört vaxandi
mörkuðum þar.
í markaðsathugun um Kína, sem
Vilhjálmur Guðmundsson og
Sveinn Óskar Sigurðsson tóku
saman fyrir Útflutningsráð kemur
fram að árlegur hagvöxtur í Kína
er mældur í tveggja stafa tölu. í
fyrra nam hann 11,4% og árið á
undan 13,4%. Með þessu áfram-
haldi munu Kínverjar fara fram úr
öðrum iðnríkjum á nokkrum áratug-
um og verða öflugasta efnahags-
veldi í heimi. Rétt er þó að benda
á að enn bendir ekkert til að það
gerist. Hinn mikla hagvöxt má að
miklu leyti skýra með því að áratug-
um saman hefur Kína verið lokaður
markaður og kommúnistastjórnin
komið í veg fyrir að frjálst framtak
og erlend fjárfesting fái að njóta
sín. Eðlilegur hagvöxtur hefur því
verið hindraður og því rýkur hann
tímabundið upp nú, þegar slakað
er á klónni.
Það er þó.alveg Ijóst að kín-
verski markaðurinn er í örum vexti
og því er ómaksins vert að fylgjast
náið með honum. f skýrslunni kem-
ur fram að utanríkisviðskipti Kín-
verja námu 196 milljörðum Banda-
ríkjadala árið 1993 og höfðu þá
aukist um 18,2% á einu ári. Útflutn-
ingur þeirra jókst þá um 8% en
innflutningur um 29%.
Kína er stærsti framleiðandi sjáv-
arafurða í heiminum og nemur árs-
framleiðslan 18 milljónum tonna.
Hefð er fyrir neyslu sjávarafurða
• þar og er því spáð að með vax-
andi kaupgetu neytenda komist
Kínverjar í hóp stærstu innflytjenda
á sjávarafurðum. Áætlað er að
70-100 milljónir hafi nú efni á að
kaupa innflutt, tilbúin matvæli eða
6-8% þjóðarinnar. Tollar eru þó
enn háir, sérstaklega á'Sjávarafurð-
ir og það ásamt mikilli fjarlægð
hlýtur að veikja samkeppnishæfni
íslenskra fiskseljenda á Kínamörk-
uðum. Hins vegar eru íslensk sjáv-
arútvegsfyrirtæki í fremstu röð og
því hljóta þau að eiga góða mögu-
leika þegar kemur að fjárfestingu
í kínverskum sjávarútvegi. KM