Morgunblaðið - 17.10.1995, Side 2
2 B ÞRIÐJUDAGUR 17. OKTÓBER 1995
MORGUNBLAÐIÐ
ÍÞRÓTTIR
■ HERBERT Arnarson, skytta í
körfuboltaliði ÍR, gaf sér tíma í léik-
hléi gegn Val á sunnudaginn og tók
þátt í skotkeppni áhorfenda. Hann
vann sér inn kippu af gosdrykkjum
þegar hann hitti frá vítalínu — yfir
endilangan völlinn!
■ BERGSVEINN Bergsveinsson
landsliðsmarkvörður, Gunnar Andr-
ésson, Ingimundur Helgason og
Jóhann Samúelsson leikmenn
UMFA létu sér vaxa yfirvararskegg
fyrir fyrri leikinn við Negótínó og
ætluðu ekki að raka sig nema þeim
tækist að komast áfram í keppninni.
Það tókst þeim og strax að leik lokn-
um á sunnudaginn voru rakhnífamir
brýndir og motturnar látnar hverfa.
■ SEBASTÍAN Alexandersson,
varamarkvörður UMFA, átti hug-
myndina og var sennilega með þeim
„myndarlegustu". Hann rakaði ekki
skeggið af eins og félagarnir en sagð-
ist ætla að gera það þegar hann
kæmi heim. Hann hafði ekki tekið
rakvélina með í töskunni, sagðist
aðspurður ekki hafa verið svo sigur-
viss.
■ LEIKMENN Negótínó heim-
sóttu Gullfoss og Geysi á laugardag-
inn og þótti mikið tii koma. Fyrir
leikinn á sunnudag höfðu þeir frekar
hægt um sig en fóru þó í heimsókn
íÞfémR
FOLK
í Kolaportið þegar það var opnað
fyrir hádegi.
■ FIMM íslenskir keppendur eru á
meðal þátttakenda á Evrópumóti
fatlaðra í borðtennis sem nú stendur
yfir í Danmörku. Þeir e_ru: Jón
Heiðar Jónsson og Viðar Árnason
sem keppa í flokki sitjandi hreyfi-
hamlaðra, Sigríður Þ. Árnadóttir
og Hulda Pétursdóttir í flokki
standandi hreyfihamlaðra og Jón
Grétar Hafsteinsson í flokki
þroskaheftra.
■ KONA var í dómaratríóinu á leik
Kaiserslautern og Schalke og er
það í fyrsta sinn í 33 ára sögu þýsku
deildarinnar í knattspyrnu. Sú sem
reið á vaðið heitir Getrud Gebhardt.
■ MIGUEL Indurain, spænski
hjólreiðakappinn snjalli, hætti eftir
31 mínútu er hann hugðist bæta
heimsmetið í klukkustundar-hjólreið-
um í Bogota í Kólumbíu á sunnu-
dag. Indurain sá fram á að hann
næði ekki metinu, en það setti Tony
Rominger frá Sviss í fyrra, er hann
komst 55,291 kílómetra á einni
klukkustund. Indurain setti heims-
met í september í fyrra en það stóð
aðeins í 50 daga.
■ JEAN-Pierre Papin, Frakkinn í
liði Bayern Munchen, hefur fengið
tilboð frá franska liðinu Marseille,
sem hann lék með áður en hann fór
til AC Milan á Italíu. Otto Rehhag-
el, þjálfari Bayern, segir að félagið
muni ekki selja fleiri leikmenn á
þessu tímabili og því fari Papin
hvergi. Hann skoraði fyrir Bayern
gegn Gladbach um helgina.
■ JOHN Harkes, hefur ákveðið að
leika í bandarísku deildinni næsta
ár og hefur Knattspyrnusamband
Bandaríkjanna samþykkt að greiða
Derby 500.000 pund fyrir landsliðs-
manninn en Derby fékk hann á
800.000 pund frá Sheffield Wed-
nesday fyrir tveimur árum.
■ POUL-Erik Hoyer-Larsen frá
Danmörku sigraði Hendrawan frá
Indónesíu, 17-18, 17-14 og 17-16 í
úrslitum á Opna danska meistara-
mótinu í einliðaleik karla í badmin-
ton. Lim Ziaoqing frá Svíþjóð sigr-
aði í kvennaflokki, vann Wang Chen
frá Kína, 11-6 og 11-3, í úrsitum.
Eggert Magnússon, formaður
KSÍ, sagði fyrir nokkrum
árum að ef íslensk félagsiið og
landslið ættu að komast lengra í
alþjóða stórmótum yrðu leikmenn-
irnir að geta æft allt árið í skjóli
fyrir vetrarveðri og
vindum. Yfirbyggðir
knattspyrnuvellir væri
svarið og mikilvægt
væri að menn samein-
uðust um að koma slík-
um mannvirkjum upp í
helst ölium landsfjórð-
ungum. Tillaga form-
annsins fékk góðan hijómgrunn
innan hreyfingarinnar en ekkert
hefur orðið úr framkvæmdum,
fyrst og fremst vegna þess að ein-
stök félög hafa ekki bolmagn til
að standa í slíkum fjárfestingum,
bæjarstjórnir telja sig ekki hafa
fé aflögu og félög og sveitarstjórn-
ir hafa ekki séð ástæðu til að sam-
einast um svona byggingar.
Umræðan um nauðsyn yfir-
byggðra valla hefur verið áberandi
að undanförnu. Forystumenn,
þjálfarar og leikmenn hafa ítrekað
bent á nauðsyn þeirra með fram-
tíðina í huga og svo virðist sem
almennur skilningur sé innan
knattspyrnuhreyfingarinnar á því
að kominn sé tími til að félögin
hugsi fyrst og fremst um hag
heildarinnar frekar en frekari upp-
byggingu hvert í sínu horni.
Engum dylst að miklir peningar
eru í alþjóða knattspymu. Félagsl-
ið fá milljónir fyrir það eitt að
vera með í Evrópukeppni og hagn-
aðurinn eykst eftir því sem lið
komast lengra í keppni. Til dæmis
gera síðustu mótheijar Skaga-
manna ráð fyrir að fá a.m.k. sem
svarar um 50 milljónum króna
fyrir sjónvarpsrétt vegna næstu
umferðar. Landslið í úrsiitakeppni
Evrópumóts eða heimsmeistara-
keppni fá hundruð milljóna 1 sinn
hlut. Það er því að miklu að keppa
og ljóst að aukinn árangur skilar
sér í auknum fjármunum sem nýt-
ast til viðhalds og frekari upp-
byggingar.
Yfirbyggður knattspyrnuvöllur
kostar sjálfsagt um hálfan milljarð
eða meira. Það eru miklir pening-
ar en margt smátt gerir eitt stórt.
Bent hefur verið á að mörg knatt-
spyrnulið fara árlega í æfingaferð-
ir til útlanda, ferðir sem kosta oft
um tvær milljónir króna. Forystu-
mennirnir hafa sagt að þeim pen-
ingum væri betur varið í sameigin-
legt hús á heimaslóðum og safn-
ast þegar saman kemur. Eins hafa
forsvarsmenn félaga lýst því yfir
að beina ætti opinberum styrkjum
til hreyfingarinnar í einn sterkan
farveg í þeim tilgangi að koma
upp yfirbyggðum velli sem kæmi
öllum til góða. í því sambandi er
um umtalsverðar upphæðir að
ræða, fjármagn sem nægir til að
láta drauminn verða að veruleika.
Markvisst hefur verið unnið að
uppbyggingu og eflingu knatt-
spymunnar undir traustri og fram-
sýnni stjóm KSÍ en félögin em
KSÍ og framhaldið er undir þeim
komið. íslendingar eru kröfuharðir
þegar um keppni afreksíþrótta-
manna er að ræða en kröfur um
að íslenskir knattspyrnumenn séu
í fremstu röð eru ekki raunhæfar
fyrr en þeir sitja við sama borð og
mótheijarnir hvað aðstöðu ailt árið
áhrærir. Aflið til að bæta úr þessu
er til staðar ef menn ganga ein-
huga og sameinaðir til verks.
Steinþór
Guðbjartsson
Yfirbyggðir vellir
háðir einhug og
samvinnu félaganna
Hvers vegna er karatemaðurinn HJALTIÓLAFSSON langbesturá Islandi ?
Ætla mér heims-
meistaratitilinn
HJALTI Ólafsson úr karatefélaginu Þórshamri varð þrefaldur
meistari á íslandsmótinu í Kumete sem fram fór í Smáranum
í Kópavogi á laugardaginn. Hann vann í öllum sínum viðureign-
um og var óumdeilanlega maður mótsins. Hann starfar nú
sem framkvæmdastjóri karatefélagsins Þórshamars, sem var
sigursælasta félagið á mótinu um helgina. Hjalti er 23 ára,
ókvæntur og á fjögurra ára son sem heitir Ólafur.
þarf að hafa rétt hugarfar gagn-
vart íþróttinni. Þú ert ekki að
fara í bardaga til að slást, heldur
fyrst og fremst til að beita þeirri
tækni sem þú býrð yfir. Ef þú
færð þungt högg frá andstæðingi
máttu aldrei láta það fara í skap-
ið á þér og láta það bitna á and-
stæðingnum.“
— Hvað æfir þú mikið fyrir
mót?
„Ég æfi lágmark tvo klukku-
tíma á dag og allt upp í fimm
tíma og þá alla daga vikunnar.“
— Hver er besti árangur sem
þú hefur náð?
„Ætli það sé ekki frammistaða
min á alþjóðlegu móti í Þýska-
landi þar sem ég keppti fyrir
þýskt lið. Liðið hafnaði í öðru
sæti og ég var valinn maður
mótsins.“
— Nú hefur þú keppt á nokkr-
um Norðurlandamótum, hvern-
ing hefur þér gengið?
Hjalti byrjaði að æfa karate
þegar hann var tólf ára
gamall og segir að til að ná ár-
angri þurfi einfaldlega að æfa
■■■■■■■ mikið. Hann hefur
æft og keppt tölu-
Jónatansson vert erlendis og
er þvi að verða
nokkuð sjóaður í karate, sem er
sjálfsvarnaríþrótt. Þetta var í
fyrsta sinn sem hann er þrefaldur
meistari; sigrði í -80 kg flokki,
opnum flokki og var í sigurliði
Þórshamars í liðakeppninni. „Það
var stefnan að vinna þrefalt og
það tókst,“ sagði Hjalti sem verð-
ur þátttakandi í Norðurlanda-
mótinu sem fram fer í Danmörku
eftir hálfan mánuð.
— Hvað þarf til að vera góður
karatemaður?
„Það þarf fyrst og fremst að
æfa mikið og það er grundvöllur-
inn fyrir því að ná árangrí eins
og öðrum íþróttagreinum. Það
Morgunblaðið/Jón Svavarsson
HJALTI Ólafsson hafði mikla yfirburði á Islandsmótinu í kar-
ate um helgina, varð þrefaldur meistari.
„Það hefur gengið frekar illa.
Ég hef verið óheppinn með drátt
og dóma. Þessi mót virðast vera
óhappa mótin mín. Ég hef verið
að ná betri árangri á miklu sterk-
ari mótum. í fyrra varð ég í öðru
sæti í opnum flokki á alþjóðlegu
móti í Svíþóð og þriðja sæti í +80
kg flokki. Ég varð einnig sigur-
vegari á alþjóðlegu móti í Dan-
mörku."
— Nú, þegar þú er orðinn
bestur á Islandi þarftu þá ekki
að fara meira utan til að keppa?
„Jú, það er ekki nokkur spurn-
ing. Ef menn ætla að ná í allra
fremstu röð verða þeir að keppa
meira erlendis. Þar er barist á
allt öðrum grundvelli en hér
heima á Islandsmóti."
— Hvert er helsta markmið
þitt sem karatemaður?
„Ég ætla mér heimsmeistara-
titil. Ég sé í sjálfu sér ekkert því
til fyrirstöðu því ég hef keppt við
tvo karatemenn sem hafa orðið
í öðru sæti á HM og ég hef unn-
ið þá báða. Því ætti ég þá ekki
að geta orðið heimsmeistari eins
og aðrir?“
— Þá er rétt að spyrja í fram-
haldinu, hvenær er næsta heims-
meistaramót?
„Það verður í Afríku eftir eitt
ár. Ég veit ekki hvort ég kemst
-þangað því það er svo rosalega
dýrt, kostar mörg hundruð þús-
und krónur bara að komast á
staðinn. En það koma fleiri
heimsmeistaramót og ég er ekki
orðinn gamall í þessu.“