Morgunblaðið - 23.01.1996, Side 1

KÖRFUKNATTLEIKUR: CHICAGO VANTAR FIMM LEIKITILAÐJAFNA MET LAKERS / B8
Góður árangur
Daníels á
sænska meist-
aramótinu
DANÍEL Jakobsson, sem keppir fyrir Leiftur,
Ólafsfirði, varð í 13. sæti í 30 km göngu með
frjálsri aðferð á sænska meistaramótinu á sunnu-
dag. Hann var meirihluta göngunnar í sjöunda
sæti en dalaði aðeins á síðustu kilómetrunum.
Allir sterkustu göngumenn Svía tóku þátt í
mótinu og er því árangur Daníels góður.
Sigurvegari í göngunni var Ólympíumeistar-
inn Vladimir Smirnov frá Kasakstan. Sviinn
Niklas Jonsson varð annar og landi hans, Torgny
Mogren, þriðji. Ásarna, félag Daníels, sigraði i
liðakeppninni, en þrír bestu timarnir hjá liðs-
mönnum hvers félags eru reiknaðir saman. Daní-
el varð þriðji Ásama-strákanna og því kom tími
hans til útreiknings.
í dag verður keppt í 15 km göngu með frjálsri
aðferð á sænska meistaramótinu.
Afturelding nálægt
meti FH-inga
Vippaði séryfir 3,90 metra ífyrstu tilraun
VALA Flosadóttir, frjálsíþrótta-
kona úr ÍR, tvíbætti Islands-
og Norðurlandametið í stang-
arstökki kvenna á frjálsíþrótta-
móti í Malmö í Svíþjóð á sunnu-
dag. Gamla metið hennar, 3,82
metrar, var viku gamalt. Á
sunnudaginn bætti hún metið
fyrst um þrjá sentímetra er hún
stökk 3,85 metra og fór síðan
yfir 3,90 metra í fyrstu tilraun.
„Árangurinn hefur komið mjög
á óvart. Ég bjóst ekki við að
bæta mig svona mikið strax í
upphafi keppnistímabilsins,"
sagði Vala.
Vala, sem verður 18 ára á þessu
ári, er nú komin í röð 15 bestu
stangarstökkvara heims. „Eg get
bætt mig enn frekar ef ég fæ stöng
sem er harðari en sú sem ég hef
notað að undanfömu. Ég á von á
nýrri stöng frá FRÍ á næstu dögum
og vonandi verður ekki langt að
bíða þar til ég fer yfir fjóra metra.
Það er markmiðið að ná því fyrir
Evrópumótið innanhúss sem fram
fer í Stokkhólmi í mars,“ sagði
Vala við Morgunblaðið.
Heimsmetið í stangarstökki
kvenna utanhúss er 4,28 metrar og
er það í eigu ástralskrar stúlku.
Vala er yngst kvenna sem stokkið
hafa yfir 3,90 metra og því má segja
að hún eigi óopinbert heimsmet í
sínum aldursflokki. Vala hefur
mikla yfirburði í stangarstökkinu í
Svíþjóð því sú sem varð önnur á
mótinu í Malmö um helgina, og er
næstbest í Svíþjóð, stökk aðeins
2,70 metra.
Vala keppti einnig í þremur öðr-
um greinum á mótinu um helgina
þar sem þátttakendur voru 1.400
talsins og komu m.a. frá Dan-
mörku. Hún sigraði í hástökki, stökk
1,76 metra og var aðeins fimm
sentímetrum frá sínu besta. Hún
varpaði kúlu 11,68 metra og varð
önnur og hljóp 60 metra grinda-
hlaup á 9,47 sekúndum og hafnaði
í öðru sæti.
Hún tekur þátt í tveimur mótum
um næstu helgi. Á laugardaginn í
Malmö og síðan á sunnudag í Gauta-
borg, en þar keppa einnig Jón Arn-
ar Magnússon, UMSS, Jóhannes
Már Marteinsson, ÍR, og Geirlaug
B. Geirlaugsdóttir, Ármanni. Jó-
hannes Már og Geirlaug eru að
reyna við lágmörk í 60 metra hlaupi
fyrir EM í Stokkhólmi.
iviyna/noii uisson, öyasvensKa uagDiaaex.
VALA Flosadóttir tvíbættl íslands- og Norðurlandametið f stangarstökki á
sunnudaginn. Hér er hún komln í háloftin og stefnan er sett á fjóra metra.
LEIKMENN Aftureldingar voru nær því búnir
að jafna met íslenskra liða í Evrópukeppninni,
þegar þeir skoruðu ekki nema þijú mörk í fyrri
háfleik gegn Drammen, 13:3, og töpuðu 14:22.
FH-ingar skoruðu aðeins tvö mörk, 18:2, í fyrri
hálfleik gegn júgóslavneska liðinu Partizan
Bjelovar í Skolsko-sportaka-dvorana í Karlovac
í Króatíu 1971. FH-ingar töpuðu leiknum 27:8,
en áður höfðu þeir tapað 14:28 í Laugardalshöll-
inni.
FH-ingar komu til leiksins aðeins rúmri
klukkustund fyrir hann, eftir að hafa verið 45
klukkustundir á ferðalagi af þeim 60 kls. sem
ferðin til Karlovac tók. FH-liðið fór fyrst til
Kaupmannahafnar, þar sem þeir fengu að kynn-
ast svikum hjá j úgóslavneska flugfélaginu JAT,
en FH-ingar, sem áttu að fara nær beint til Júgó-
slavíu, urðu að bíða í sjö klukkustundir á Kast-
rup-flugvelli, þaðan var flogið til Stokkhólms
og síðan til Júgóslavíu. Vegna veðurs gat flugvél-
in ekki lent í Zagreb og var þá flogið til Split,
þar sem FH-ingar komu um nótt. Eftir stuttan
svefn á hóteli hélt FH-liðið til Zagreb ogþaðan
með langferðabifreið til Karlovac. Komið var á
áfangastað kl. 15, leikurinn gegn Partizan
Bjelovar hófst kl. 16.15.
„Það þýðir ekkert að skamma mig — ég hef
skorað helminginn af mörkunum,“ sagði Jónas
Magnússon, linumaður FH-liðsins, þegar FH-ing-
ar komu inn í búningsklefa í leikhléi.
Krol fastar með
landsliði Egypta
RUUD Krol, hinn hollenski landsliðsþjálfari
Egypta, hefur ákveðið að fasta með leikmönnum
landsliðsins, en leikmenn halda Ramadan hátið-
legan á meðan liðið tekur þátt í Afríkukeppni
landsliða sem fram fer í Suður-Afríku. Krol, sem
er kaþólikki, sagðist gera þetta tU að skilja bet-
ur hvernig leikmönnum sinum liður. Hann mun
því hvorki neyta matar né drykkjar á meðan
bjart er og eftír að skyggja tekur ætlar hann
aðeins að snæða með leikmönnum sínum. Egypt-
ar leika á morgun við Suður-Afriku og verða
að sigra til að komast áfram i keppninni.
íslandsmet Jóns Arnars
Jón Arnar Magnússon úr UMSS
setti íslandsmet í 50 metra
grindahlaupi á móti í Reykjavík um
helgina. Hljóp vegalengdina á 6,6
sekúndum en eldra metið, sem var
6,7 sekúndur, átti hann sjálfur
ásamt Gísla Sigurðssyni, sem nú
þjálfar Jón Arnar, Hirti Gíslasyni
og Ólafi Guðmundssyni.
Geirlaug B. Geirlaugsdóttir, Ár-
manni, jafnaði á sama móti eigið
Íslandsmst í 50 metra hlaupi er hún
hljóp á 6,2 sek. Metið setti hún í
fyrra. Geirlaug, Jóhannes Marteins-
son úr ÍR og Jón Arnar halda öll
til Svíþjóðar á fimmtudag þar sem
þau taka þátt í alþjóðlegu móti í
Gautaborg um helgina. Geirlaug og
Jóhann ætla að freista þess að ná
lágmarki í 60 m hlaupi fyrir Evr-
ópumeistaramótið innanhúss sem
verður í Stokkhólmi í byijun mars
en Jón Arnar keppir um helgina í
60 m hlaupi og 60 m grindahlaupi.
Um aðra helgi taka Geirlaug og
Jóhannes þátt í 60 m hlaupi á
norska meistaramótinu en þá verð-
ur Jón Arnar enn í eldlínunni í
Gautaborg, ásamt Ólafi Guðmunds-
syni, þar sem þeir keppa á sænska
meistaramótinu í sjöþraut.

1996
FRJALSIÞROTTIR
ÞRIÐJUDAGUR 23. JANUAR
BLAÐ
Vala Flosadóttir tvf-
bætti IMorðurlandametið
BLAÐ ALLRA LANDSMANNA