Morgunblaðið - 25.01.1996, Síða 8
VIÐSKIFTIAIVINNUIÍF
FIMMTUDAGUR 25. JANÚAR 1996
Alþjóða líftryggingarfélagið fjölgar tryggingarkostum á þrítugsafmæli sínu
ALÞJÓÐA líftryggingarfélagið
horfist í augu við sífellt meiri sam-
keppni eins og önnur íslensk trygg-
ingafélög. Félagið hyggst bregðast
við henni með hagstæðari iðgjöld-
um og fjölgun tryggingakosta.
Alþjóða líftryggingarfélagið átti
þrítugsafmæli hinn 22. janúar, en
frá upphafi hefur það sérhæft sig
í líftryggingum fyrir einstaklinga.
Ólafur Njáll Sigurðsson, forstjóri
fyrirtækisins, segir að nú séu á
tíunda þúsund einstaklingar líf-
tryggðir hjá því. „Markaðshlut-
deild okkar í líftryggingum er um
22% og við erum því í þriðja sæti
á þeim markaði hér á landi. I fyrsta
og öðru sæti eru Samlíf hf., sem
Sjóvá-Almennar og Tryggingamið-
stöðin standa að, með um 40% hlut-
deild, og Líftryggingafélag ís-
lands, sem rekið er af Vátrygg-
ingafélagi íslands (VÍS), með um
30% hlutdeild. Markaðshlutdeild
okkar héfur aukist nokkuð á und-
anförnum árum, en mikil óvissa
ríkir um framtíðina í kjölfar þess
að á síðasta ári var erlendum aðil-
um heimilað að selja líftryggingar
hér á landi. Enn er of snemmt að
segja hvaða breytingar það muni
hafa í för með sér fyrir markað-
inn, en samkeppnin hefur þegar
harðnað og ljóst er að hún mun
stóraukast.
Aukin fyrirhyggja
Ólafur segir að mikil breyting
hafi orðið á viðhorfí til líftrygginga
Sókn er
besta vömin
hérlendis á síð-
ustu áratugum,
sérstaklega hjá
ungu fólki. „Það
ér fyrirhyggjus-
amara nú en
áður, sérstak-
lega eftir að
verðbólgunni var
náð niður. Það
er meira um að
fólk geri áætlan-
ir fram í tímann
og sýni fyrir-
hyggju. Ef eitt-
hvað kemur fyrir
veit það að al-
mannabótakerfið leysir aðeins lít-
inn hluta vandans. í raun á líf-
tryggingin ekki að standa óbreytt
út gildistíma sinn. Hún ætti að
vera endurskoðuð reglulega til að
hún endurspegli þapfir fólks á
hveijum tíma. Þess vegna ætti
bótafjárhæðin að vera hækkuð eða
lækkuð eftir breytingum á skuld-
um, fjölda barna og aldri þeirra.
Almennt séð eru viðskiptavinir
okkar úr öllum stéttum.“
Morgunbl&ðið/Þorkell
Ert þú
með lánshæfa
hugmynd til eflingar
atvinnulífi?
Við veitum
góðri hugmynd
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
O
LANASJOÐUR
VESTUR-NORÐURLANDA
ENGJATEIGI 3 - PÓSTHÓLF 5410, 125 REYKJAVÍK,
SÍMI: 560 54 00 FAX: 588 29 04
Lægri iðgjöld
fyrir reyklausa
Félagið býður
þeim viðskiptavin-
um sínum, sem
reykja ekki, hag-
stæðari iðgjöld og
er að sögn Ólafs
eina íslenska líf-
tryggingafélagið,
sem það gerir.
„Þetta þykir okk-
ur sjálfsögð regla
enda er löngu
sannað að reyk-
ingamenn lifa að
jafnaði skemur en aðrir og eiga
miklu fremur á hættu að fá ýmsa
alvarlega sjúkdóma. Hjá okkur
greiðir því 35 ára reyklaus maður
12% láegri iðgjöld en reykingamað-
ur á sama aldri. Afslátturinn
hækkar síðan smám saman eftir
aldri og verður hæstur 25%,“ segir
Ólafur.
Ný trygging gegn
sjúkdómum
Fyrir skömmu kynnti, Alþjóða
líftryggingarfélagið nýjung í per-
sónutryggingum hérlendis, eða
svokallaða sjúkdómatryggingu.
„Þessi trygging hefur fengið góðar
viðtökur, en henni er ætlað að
greiða fólki bætur við greiningu á
alvarlegum sjúkdómi eins og
krabbameini eða hjartaáfalli,“ seg-
ir Ólafur. „Slíkt hefur auðvitað
afgerandi áhrif á líf þess, sem verð-
ur fyrir veikindunum, og fjölskyldu
hans. Það er út af fyrir sig nógu
þungbært þótt fjárhagsáhyggjur
bætist ekki við.“
Framtíðin er
samkeppninnar
Ólafur telur að miklar breyting-
ar muni verða á næstu árum á
íslenskum tryggingamarkaði. Til
dæmis eigi tryggingategundum
eftir að fjölga og markaðurinn
geri einnig sífellt meiri kröfur um
fjölbreytni.
„Skattalegt umhverfi hefur valdið
því að íslensku líftryggingafélögin
hafa einbeitt sér að áhættulíf-
tryggingum. Til þess að auka veg
sparnaðartrygginga þurfa að koma
til breytingar á skattakerfinu, sem
hvetja einstaklinga til langtíma-
sparnaðar, eins og reyndin hefur
verið víða erlendis. Það er skiljan-
legt að fólk vilji tengja líftryggingu
og fijálsan lífeyrissparnað og ekki
nema eðlilegt að stjórnvöld komi
til móts við slíkar óskir. Fólk þarf
að spara og tryggja sig og það er
hægt- að gera sitt í hvoru lagi en
einnig saman í söfnunartrygging-
um. Þá er ljóst að ef einhvers kon-
ar kostnaðarþátttaka sjúklinga
verður tekin upp í heilbrigðiskerf-
inu, sem verður sífellt dýrara, er
ekki ósennilegt að fólk geti tryggt
sig gegn slíkum útgjöldum í fram-
tíðinni,“ segir Ólafur.
Manna-
breytingar
hjá Eimskip
RÓBERT V. Tómasson hefur verið
ráðinn forstöðumaður nýrrar mark-
aðsskrifstofu Eimskips í Boston í
Bandaríkjunum. Ró-
bert hefur störf í
Boston á vormánuð-
um. Róbert hefur
starfað hjá Eimskip
síðan 1991, fyrstu
árin sem sölufulltrúi
í innflutningsdeild
og síðar sem for-
stöðumaður skrif-
stofu Eimskips á Nýfundnalandi.
Róbert er stúdent frá Fjölbrauta-
skólanum við Ármúla og lauk það-
an prófí 1981. Hann stundaði fram-
haldsnám við Monterey Peninsula
College með aðaláherslu á markaðs-
fræði og lauk þaðan prófi 1984 með
AS gráðu.
ÓLAFUR Örn Ólafsson tekur við
starfi Róberts V. Tómassonar sem
Eintskips á Ný-
fundnalandi. Ólafur
hefur starfað sem
fulltrúi' í útflutn-
ingsdeild Eimskips
síðan árið 1994.
Hann er lærður
stýrimaður frá
Vestmannaeyjum
jafnframt því sem
hann lauk prófi frá
Tækniskóla íslands, útgerðardeild,
árið 1981. Ólafur stundaði nám í
viðskiptafræði við Háskóla íslands
og útskrifaðist þaðan af endurskoð-
unarsviði árið 1986.
forstöðumaður
Torgið
Iðnfyrirtækin á markaðinn
IÐNAÐUR er ein af undirstöðu-
greinum íslensks atvinnulífs en
samt eru aðeins örfá iðnfyrirtæki á
hlutabréfamarkaði. Þetta kemur
mörgum áhugamönnum um eflingu
atvinnulífsins spánskt fyrir sjónir,
enda telja margir að iðnaðurinn sé
vaxtarbroddur og þar liggi arðsem-
istækifæri framtfðarinnar.
Á morgunverðarfundi, sem Sam-
tök iðnaðarins héldu í gær, var leit-
að skýringa á tregðu iðnfyrirtækja
við að láta skrá sig á hlutabréfa-
markaði. í upphafi fundar greindi
Sveinn Hannesson, framkvstj. Sl,
frá því að íslensk iðnfyrirtæki væru
að jafnaði skuldsettari og með verri
eiginfjárstöðu en erlendir sam-
keppnisaðilar. „Á sama tíma er
mikil eftirspurn eftir hlutabréfum.
Hvers vegna berum við okkur ekki
eftir björginni?" spurði hann.
Á fundinum kom fram að af 27
fyrirtækjum, sem skráð eru á Verð-
bréfaþingi íslands, eru aðeins fjög-
ur hrein iðnfyrirtæki, Hampiðjan,
Marel, Skinnaiðnaður og Sæplast.
Átján fyrirtæki eru á Opna tilboðs-
markaðnum og þar eru tvö hrein
iðnfyrirtæki innanborðs.
Stefán Halldórsson, fram-
kvæmdastjóri Verðbréfaþingsins,
nefndi að tregða til upplýsingagjaf-
ar væri býsna algeng í iðngreinum.
Til dæmis hefði aðeins helmingur
iðnfyrirtaekja, á lista Frjálsrar versl-
unar yfir 230 stærstu fyrirtækin
1994, veitt greinargóðar upplýs-
ingar um afkomu og efnahag.
Stefán taldi að ein helsta skýring-
in á tregðu iðnfyrirtækja til að
demba sér út á hlutabréfamarkað
væri sú að mörg þeirra væru rekin,
sem fjölskyldufyrirtæki. Hann sagði
að nú væri rétti tíminn fyrir stjórn-
endur margra slíkra fyrirtækja að
velta því fyrir sér hvort ekki væri
kominn tími til að breyta rekstrar-
formi fyrirtækisins og setja það á
hlutabréfamarkað. Slík breyting
væri til þess fallin að losa um þá
fjármuni núverandi hluthafa, t.d.
vegna kynslóðaskipta eða vegna
fjárfestinga á öðrum sviðum. Þetta
væri einnig hentug leið til að afla
fjár til vaxtar og til að auðvelda
samstarf eða samruna fyrirtækja.
Stefán sagði að fleiri iðnfyrirtæki
ættu tvímælalaust erindi á hluta-
bréfamarkað en eru þar nú enda
hefði það margvíslega kosti í för
með sér fyrir þau. Hann nefndi
nokkur dæmi um fyrirtæki, sem
ættu erindi á hlutabréfamarkað. Úr
stóriðju nefndi hann íslenska álfé-
lagið, íslenska járnblendifélagið,
Áburðarverksmiðjuna, Kísiliðjuna
og Sementsverksmiðjuna. Úr bygg-
ingariðnaði: íslenska aðalverktaka,
Istak, Gunnar og Gylfa, BM-Vallá,
Álftarós. Úr plastiðnaði: Plastprent,
Plastos. Úr matvælaframleiðslu
(annarri en úr landbúnaðar- og sjáv-
arafurðum): Vífilfell, Ölgerðina, O.
Johnson & Kaaber, Sól, Mylluna og
Nóa-Síríus. Úr málmiðnaði: Héðin
og Slippstöðina-Odda og Delta úr
lyfjaframleiðslu.
Frosti Sigurjónsson, fjármála-
stjóri hjá Marel, rakti reynslu fyrir-
tækisins af hlutafjárútboðum og
sagði hana vera góða. Helstu
ókostir þess að vera á verðbréfa-
þingi væru kostnaður, aukin ábyrgð
og upplýsingaskylda, sem sam-
keppnisaðilar gætu nýtt sér. Ko-
stirnir væru þó mun fleiri og ríkari
en gallarnir.
Frosti gerði samanburð á Verð-
bréfaþinginu og Opna tilboðsmark-
aðnum. Hann sagði að hætta væri
á að menn væru farnir að bera
óhóflegt traust til tilboðsmarkaðar-
ins og benti á að á honum væri
upplýsingagjöf ekki mikil. Ríkulegar
kröfur væru gerðar til Verðbréfa-
þingsins en nánast engar til Opna
tilboðsmarkaðarins. Líklega væri
komin tími til að stofna þriðju deild-
ina á markaðnum, sem hentaði vel
fyrir lítil fyrirtæki og sameinaði kosti
hinna tveggja. Til dæmis væri hægt
að gera minni kröfur um hlutafé,
eigin fé og fjölda hluthafa en gerðar
eru á Verðbréfaþingi en sömu kröf-
ur um upplýsingaskyldu.
Stefán tók undir þessar hug-
myndir og nefndi þá hugmynd að í
þessari deild yrðu gerðar kröfur um
að hluthafar yrðu ekki færri en 25
og hlutafé hvers fyrirtækis yrði
a.m.k. 25 milljónir króna.
íslenski hlutabréfamarkaðurinn
er einn hinn smæsti í heimi og
ýmsir höfðu enga trú á honum þeg-
ar honum var komið á fót fyrir
nokkrum árum. Um það efast þó
enginn að mörg fyrirtæki hafa náð
að nýta sér markaðinn til að treysta
stöðu sína og verða sér úti um fjár-
magn til frekari sóknar. Hlutabréf
margra fyrirtækja á markaðnum
hafa einnig hækkað jafnt og þétt í
verði og orðið til þess að efla at-
vinnulífið og auka þátttöku almenn-
ings í því, sem er mikils virði. Von-
andi líður ekki á löngu uns fleiri
iðnfyrirtæki feta sig út á hlutabréfa-
markaðinn þeim sjálfum og atvinnu-
lífinu til hagsbóta.
KjM