Morgunblaðið - 10.04.1996, Blaðsíða 3

MORGUNBLAÐIÐ
MIÐVIKUDAGUR 10. APRÍL 1996 B 3
KORFUKNATTLEIKUR
Ánægju-
legir
páskar
hjá Grind-
vfldngum
GRINDVÍKINGAR hafa örugg-
lega átt ánægjulega páska
eftir að þeir lögðu Keflvíkinga
86:70 ífjórða leik liðanna um
íslandsmeistaratitilinn í
körfuknattleik á laugardaginn
fyrir páska, í Keflvík. Staðan
var þar með orðin 3:1 fyrir
Grindvíkinga og Keflvíkingar
hafa trúlega notað páskana
til að hugsað um hvernig þeir
gætu stöðvað Grindvíkinga.
Það virðist sem allur þróttur sé
úr Keflvíkingum eftir að þeir
sigruðu Grindvíkinga í fyrsta leik
liðanna, í Grinda-
vík. Síðan þá hefur
Keflavíkurliðið átt
tvo mjög slaka leiki,
og var leikurinn á
laugardaginn annar þeirra, og tap-
aði síðan í Grindavík á lokasekúnd-
unum, leik sem liðið virtist vera
með í hendi sér.
Skúli Unnar
Sveinsson
skrifar
Betri á öllum sviðum
Grindvíkingar voru betri á öllum
sviðum leiksins á laugardaginn.
Mestu munaði þó að þeir voru
greinilega komnir til að sigra á
meðan doði og losarabragur var á
leik heimamanna. Grindvíkingar
léku maður á mann vörn í fyrri
hálfleiknum, með talsverðri
pressuvörn inn á milli og gafst
þessi varnaraðferð vel. I síðari
hálfleiknum skiptu þeir í svæðis-
vörn og gafst hún einnig vel.
Furðulegt að sjá lið, með eins
margar þriggja stiga skyttur og
Keflvíkingar hafa, eiga ekkert
svar við svæðisvörn.
Gestirnir náðu ágætri foyrstu
og er líða tók á leikinn héldu þeir
knettinum eins og þeir gátu og
létu heimamenn bijóta á sér. Do-
bard eflist með hverjum leiknum
og er gríðarlega mikilvægur fyrir
liðið, vinnur sína vinnu vel og er
að allan tímann. Helgi Jónas átti
mjög öflugan síðari hálfleik og
eins Marel og Guðmundur og
Hjörtur átti mjög góðan leik.
Fátt um fína...
Hjá Keflvíkingum var fátt um fína
drætti. Grissom varðist vel, hitti
reyndar illa framan af leik, og
Gunnar Einarsson kom sterkur
inná í fyrri hálfleik, en fékk ekki
að njóta sín sem skyldi - var tek-
inn útaf allt of fljótt.
Urslitakeppnin
í körfuknattleik 1996
Fjórði leikur liðanna í úrslitunum,
leikinn i Keflavik laugard. 6. april 1996
KEFLAVÍK GRINDAVÍK
70 Stig 86
12/14 Víti 21/32
6/24 3ja stlga 8/22
35 Fráköst 39
20 (varnar) 28
15 (sóknar) 11
16 Boltanðð 9
6® Bolta tapað 14
16 Stoðsendingar 8
27 Villur 17
Dominique Wilkins I Sigurður
sýndi gamla takta 1 lo^S''
Barcelona og Panathinaikos leika til úrslita um Evrópumeistaratitilinn
Barcelona frá Spáni og gríska
liðið Panathinaikos leika til
úrslita í Evrópukeppni félagsliða í
körfuknatteik. Barcelona vann
Real Madrid 76:66 í undanúrslitum
í París í gær og Panathinaikos
vann CSKA Moskva 81:71 í hinum
undanúrslitaleiknum á sama stað.
Barcelona hafði fjögurra stiga
forystu í hálfleik, 38:34, en Real
náði að rétta úr kútnum og var
með eins stigs forskot, 63:62, þeg-
ar aðeins tvær mínútur voru eftir.
Ferran Martinez gerði þá fimm
stig í röð fyrir Barcelona, fyrst tvö
stig og síðan fylgdi þriggja stiga
karfa í kjölfarið og staðan þá
67:63. Eftir það lét Barcelona ekki
forystuna af hendi og tryggði sér
sæti í úrslitum í fyrsta sinn síðan
liðið mætti Split árið 1991.
Litháinn Arturas Karnishovas
var stigahæstur í liði Barcelona
með 24 stig en Joe Arlauckas var
atkvæðamestur í liði Real Madrid
með 16 stig.
Fyrrum NBA-stjarnan Dom-
inique Wilkins, sem er 36 ára, átti
stórleik og var í aðalhlutverki hjá
Panathinaikos sem vann CSKA
Moskvu örugglega 81:71. Hann
skoraði 35 stig. Þetta er þriðja
árið í röð sem Panathinaikos leikur
undanúrslitum keppninnar en í
fyrri tvö skiptin hafnaði liðið í
þriðja sæti. Gríska liðið hafði yfir
hálfleik, 36:33. Stigahæstur í liði
CSKA var Vasili Karasev með 23
stig.
Pavlos Yannakopoulos, forseti
Panathinaikos, sem eyddi 7
milljónum dollara til að fá Wilkins
til liðsins, fylgdist með leiknum og
virtist mjög sáttur við fjárfesting-
una eftir sigurinn.
Reuter
XAVI Fernandez, leikmaður Barcelona, réttir út hendur til
að verjast skoti Ismael Santos Rodriguez í leiknum í gær.
Hornets stöðvaði Bulls
ÞAÐ var mikið leikið f NBA-deildinni um páskahátíðina og þar
bar helst til tíðinda að Orlando tapaði tvívegis á heimavelli, fyrst
fyrir Boston og síðan fyrir Chicago. Það telst einnig til tíðinda
að Chicago tapaði á heimavelli fyrir Hornets, en liðið hafði leikið
44 leiki þar án þess að tapa. Jordan og félagar verða því ekki
fyrst félaga til að komast í gegnum eitt tfmabil án þess að tapa
leik. Chicago þarf nú að sigra ífjórum af þeim sjö leikjum sem
liðið á eftir til að verða fyrst allra liða í deildinni til að sigra 170
leikjum á tímabilinu. Liðið er með einstakan árangur, hefur sigrað
í 66 leikjum og aðeins tapað í níu.
ichael Jordan hitti ekki sér-
lega vel þegar Chicago heim-
sótti Orlando, aðeins úr 10 af 30
skotum utan teigs, en hann gerði
engu að síður 27 stig og jafnaði
meðal annars, 86:86 er mínúta var
til leiksloka. Toni Kukoc skoraði síð-
an úr íjórum vítaskotum og Chicago
vann - þriðji sigur þeirra á Orlando
í vetur en liðin hafa mæst fjórum
sinnum.
Jordan „stal“ boltanum
í 2.000 skipti
Chicago vann Miami aðfaranótt
föstudagsins og þá var Jordan með
40 stig og náði einnig þeim merka
áfanga a? verða ljórði leikmaðurinn
í sögu NBA til að „stela“ boltanum
2.000 sinnum. Hinir eru John Stock-
ton, Maurice Cheeks og Alvin Ro-
bertson. Toni Kukoc gerði 34 stig
fyrir Chicago.
Boston lék vel um páskana og
sigraði tvívegis, Orlando með tveim-
ur stigum á útivelli og síðan Detro-
it með einu stigi á heimavelli. Per-
vis Ellison gerði 18 stig gegn Detro-
it og Todd Day var með 16 stig,
þar af 11 í síðasta leikhluta. Með
þessum stigum tókst Boston að
sleppa við að jafna versta árangur
félagsins, en þeim „áfanga" náði
liðið 1978-79. Grant Hill lék vel
fyrir Detroit og náði níundu þreföldu
tvennunni á tímabilinu, og það hefur
enginn leikið eftir í vetur. Hann
gerði 16 stig, tók 10 fráköst og
átti 10 stoðsendingar. Hann er eini
leikmaður deildarinnar sem er allt
í senn hjá sínu liði, stigahæstur,
með flest fráköst og flestar stoð-
sendingar.
Það var David Wesley sem gerði
sigurkörfu Boston í Orlando þegar
nokkur sekúndubrot voru eftir. Shaq
O’Neal lék ekki með í þessari hrinu
vegna þess að amma hans dó fyrr
í vikunni og hann fékk því frí frá
körfuknattleik í nokkra daga. Penny
Hardaway var rekinn af velli eftir
tvær tæknivillur skömmu fyrir leik-
h!é. LA Lakers stöðvaði sigurgöngu
Orlando á heimavelli fyrir nokkru
en þá hafði félagið sigrað í 40 leikj-
um í röð, með tapinu gegn Boston
lauk annarri sigurgöngu, Orlando
hafði ekki tapað heima fyrir liði i
austurdeildinni í 51 leik í röð, eða
frá því 14. apríl 1994.
Houston í basli
Meistarar Houston eru ekki í
miklu stuði þessa dagana. Liðið tap-
aði þremur leikjum um páskana og
hefurtapað 10 af síðustu 11 leikjum
sínum. Liðið tapaði meðal annars í
Seattle en heimamenn voru með
frábæra nýtingu, hittu úr 65% skota
utanaf velli þegar þeir unnu Hous-
ton í níunda sinn í röð.
Þrátt fyrir að David Robinson
hafi gert 40 stig fyrir Spurs, tekið
11 fráköst og varið fimm skot, dugði
það ekki til er liðið heimsótti Lak-
ers. LA sigraði í sjötta sinn í síð-
ustu átta leikjum.
Karl Malone skaust upp í 11.
sætið á lista stigahæstu manna í
NBA-deildinni, upp fyrir Adrian
Dantley sem lék með Utah Jazz.
Malone gerði 35 stig er Jazz vann
Sacramento og hefur gert 23.190
stig i NBA.
Vernon Maxwell setti persónulegt
met á þessu tímabili er hann gerði
38 stig fyrir Philadelphia er liðið
vann Atlanta 100:99. Maxwell
tryggði sigurinn með tveggja stiga
körfu um leið og flautan gall.
Dallas sigraði öðru sinni í 16 leikj-
um er liðið tók á móti Clippers að-
faranótt sunnudagsins. „Ef þetta
kemur strákunum ekki af stað þá
verð ég fyrir miklum vonbrigðum
með þá sem menn. Þeir hljóta að
fínna muninn á því að leika sem lið,
eins og við gerðum í dag, og að
leika sem einstaklingar, eins og
þeir hafa verið að gera að undan-
förnu,“ sagði Dick Motta, þjálfari
Dallas. Popeye Jones tók 27 fráköst
í leiknum.
Reggie Miller gerði 40 stig, þar
af 19 í síðasta íjórðungi, er Indiana
vann Miami. Hann gerði meðal ann-
ars þriggja stiga körfu er tíu sek-
úndur voru eftir og tryggði þar með
sigurinn. Þetta er í annað sinn í
vetur sem Miller gerir 40 stig í leik
og nú hefur hann gert 14.004 stig
í deildinni.
SIGURÐUR Jónsson knatt-
spyrnumaður með Örebro í
Svíþjóð er fimmtándi besti
leikmaður sænsku fyrstu
■IHB deildarinnar
Grétar Þór að mati tíma-
Eyþórsson ritsins Fotball
SSviþ%öa í ný3>sta
tolublaði smu
birtir blaðið lista yfir 200
bestu knattspyrnumenn sem
leika á sænskri grund. List-
inn er settur saman af blaða-
mönnum þess. Arnór Guð-
johnsen er í 37. sæti, Rúnar
Kristinsson í 40. sæti og
Hlynur Birgisson er 1123.
sæti. Besti leikmaðurinn er
að mati blaðsins Niclas Alex-
anderson landsliðsmaður og
leikmaður með Gautaborg.
Til grundvallar við gerð
listans var lagt mat á eftir-
talin atriði: tækni, hæfileika,
auga fyrir samleik, hraða,
boltameðferð, skallatækni.
Blaðið lét þess ennfremur
getið að þessar matsreglur
kæmu augljóslega niður á
hinum trausta leikmanni sem
oft færi lítið fyrir en skilaði
ævinlega sínu.
Tveimur fyrstu umferðun-
um í sænsku 1. deildinni hef-
ur verið frestað og ólíklegt
talið að þriðja umferðin sem
fram á að fara hinn 21. apríl
verði á réttum tíma. Mikill
kuldi og frost er í jörðu sem
hefur sett strik í reikningin
en þó hafa hlýindi undanfar-
inna daga orðið til að létta
lund sænskra knattspyrnu-
manna frá því sem var.
Öruggt hjá
Þórði og
samherjum
í Bochum
ÞÓRÐUR Guðjónsson og
samheqar í Bochum eru nán-
ast öruggir með að endur-
heimta sætið í 1. deild þýsku
knattspymunnar. Liðið sótti
Meppen heim um helgina,
vann 3:2 eftir að hafa verið
2:0 undir í hálfleik og er með
51 stig. Duisburg er í öðru
sæti með 44 stig og Bielefeld
í því þriðja með 42 stig. Þórð-
ur kom inn á sem varamaður
um miðjan seinni hálfleik
gegn Meppen.
Besti leikur
Eyjólfs
með Hertha
EYJÓLFUR Sverrisson fékk
2 í einkunn og var besti
maður Hertha í 1:0 sigri
gegn Duisburg um helgina.
Eyjólfur lék í vörninni og sá
til þess að gestirnir, sem eru
í öðru sæti 2. deildar, skor-
uðu ekki en þetta var besti
leikur hans síðan hann gekk
til liðs við Berlínarliðið síð-
sumars.
Bjarki Gunnlaugsson kom
inn á undir lokin hjá Mann-
heim en það breytti því ekki
að liðið tapaði 3:1 fyrir
Unterliaching á útivelli.