Morgunblaðið - 23.05.1996, Blaðsíða 12

Þjónustuskrá
Gulu línunnar
VIÐSKIFn AIVINNULÍF
Mtt
ATILfl
Þjónustuskrá
Gulu línunnar
FIMMTUDAGUR 23. MAI 1996
*
DHL Hraðflutningar ehf. bæta þjónustu við inn- og útflytjendur með nýrri vél Islandsflugs
Varan afhent í
Evrópu næsta dag
ÍSLANDSFLUG hf. bætti nýlega
sjöttu flugvélinni í flota sinn, eins
og komið hefur fram í fréttum. Hún
er af gerðinni ATR-42 300 og verður
bæði notuð til farþegaflugs og frakt-
flutninga. DHL Hraðflutningar ehf.
hafa gert samning við íslandsflug
um leiguflug fimm sinnum í viku til
og frá Englandi með nýju vélinni. í
tæp tvö ár hefur íslandsflug sinnt
leiguflugi fyrir DHL með Metro-vél
sinni en hún hefur mun minni burðar-
getu, ber 1,4 tonn en nýja vélin get-
ur borið 3,8 tonn.
Flogið á nóttunni
Bjarni Hákonarson, framkvæmda-
stjóri DHL, segir að hin nýja vél
komi sér afar vel fyrir starfsemi fyr-
irtækisins. Frá byijun hafi verið
síaukin spurn eftir þjónustu DHL og
því hafi verið orðið aðkallandi að fá
stærri vél í verkefnið.
„Æ fleiri inn- og útflytjendur not-
færa sér þessa þjónustu og margir
þeirra eru beinlínis famir að setja
. traust sitt á hana. Vélin flýgur til
Englands á nóttunni en kemur
snemma morguns til baka. Við get-
um því sótt fraktina til útflytjenda
síðdegis en samt er henni komið til
móttakanda í Evrópu næsta dag.
Með sama hætti geta innflytjendur
pantað vöru eða varahlut hjá evr-
ópsku fyrirtæki síðdegis og fengið
hana til sín á höfuðborgarsvæðinu
og víða úti á landi næsta dag. ís-
lensk fyrirtæki telja sig hafa mikla
þörf fyrir slíka þjónustu og því var
orðið fyllilega tímabært að fá stærri
vél til flutninganna."
Tengist alþjóðlegu
flutninganeti DHL
í Englandi lendir vélin á East
Midland-flugvelli, sem er mitt á milli
borganna Derby og Nottingham.
Þaðan er skammt til Grimsby, Hull
og Lundúna svo dæmi séu tekín. Þá
eru tíð flug milli East Midland-flug-
vallarins og flutningamiðstöðva DHL
í Evrópu. Þær sendingar sem fara
annað en til Bretlands eru því sendar
með hraði til þessara miðstöðva þar
sem þær eru fiokkaðar og sendar
áfram. Bjami segir að allar vörur,
sem fari héðan með næturfiugi, eigi
að vera hægt að afhenda í Evrópu
Ert þú
með lánshæfa
hugmynd til eflingar
atvinnulífi?
Við veitum
góðri hugmynd
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
D
LANASJOÐUR
VESTUR-NORÐURLANDA
ENGJATEIGI 3 - PÓSTHÓLF 5410, 125 REYKJAVÍK,
SÍMI: 560 54 00 FAX: 588 29 04
næsta dag og hvar sem er í heimin-
um næstu daga.
DHL sérhæfir sig í hraðflutning-
um milli landa. íslenska fyrirtækið,
DHL Hraðflutningar, var stofnað
árið 1982 og nú vinna þar 24 starfs-
menn. Mikil aukning hefur orðið á
umsvifum fyrirtækisins að undan-
förnu að sögn Bjarna. „DHL hrað-
flutningar byrjuðu sem skjalaflutn-
ingafyrirtæki en smám saman hafa
pakkasendingar orðið aðalviðfangs-
efnið. Markmið fyrirtækisins er að
veita viðskiptavinum alhliða þjón-
ustu. í því felst að sendingin er sótt
til sendanda, flutt milli landa á eins
skjótan hátt og kostur er, tollaf-
greidd og afhent viðtakanda. Öll
þessi þjónusta er innifalin í verðinu.“
Hörð samkeppni
DHL er með um helmings mark-
aðshlutdeild í hraðflutningum að
mati Bjarna. Hann segir að sam-
keppnin á þessu sviði sé hörð og
hafi harðnað til muna á undanförnum
árum. „Fyrirtækjum í hraðflutning-
um hefur fjölgað sem hafa lagt
aukna áherslu á slíka flutninga í
starfsemi sinni. Næturflug DHL er
þó stóra trompið okkar enda ekki
lítils virði að geta afhent vöru erlend-
Morgunblaðið/Ásdís.
BJARNI Hákonarson, framkvæmdastjóri DHL
Hraðflutninga. ATR flugvél íslandsflugs er í baksýn.
is daginn eftir að hún er send. Þessi
þjónusta mælist vel fyrir í atvinnulíf-
inu enda fjölgar þeim íslenskum fyr-
irtækjum stöðugt, sem keppa á al-
þjóðlegum markaði. Þar skiptir öllu
að geta brugðist skjótt við óskum
viðskiptavinarins. “
Velta DHL hraðflutninga var á
annað hundrað milljónir króna á síð-
asta ári og jókst um rúm 30% frá
árinu áður að sögn Bjarna. Rekstr-
aráætlanir gera ráð fyrir að veltan
aukist um a.m.k. 25% á þessu ári.
Bjarni segir að hagnaður fyrirtækis-
ins hafí aukist undanfarin ár. Fiutn-
ingar til útlanda hafi aukist í tonnum
um tæp 50% árið 1995 samanborið
við 1994, en fjöldi sendinga um 35%.
Hingað til hafa DHL Hraðflutn-
ingar hf. eingöngu séð um sendingar
á milli landa en Bjarni segir að það
komi til greina að hefja innanlands-
flutninga. „Þær sendingar sem við
flytjum inn eru afhentar hvar sem
er á landinu þannig að í sjálfu sér
væri ekki svo flókið að hefja slíka
þjónustu. Hins vegar þyrfti að fjölga
fólki og um þessar mundir erum við
að meta hvort slík aukning myndi
borga sig.“ Bjarni segir að samstarf-
ið við alþjóðanet DHL geri fyrirtæk-
inu kleift að tileinka sér þær nýjung-
ar sem verði í hinum harða heimi
flutningatækninnar. Mikil áhersla sé
m.a. lögð á að samnýta flutninga-
og upplýsingatækni. Viðskiptavinir
DHL geta nú þegar fylgst með því
á alnetinu hvar sending þeirra er
stödd hveiju sinni frá því hún kemst
í hendur fyrirtækisins.
Torgið
Hlutabréf hátt á lofti
HÆKKANIR á hlutabréfamarkaði
virðast engan endi ætla að taka.
Um síðustu áramót hafði Þingvísi-
tala hlutabréfa á Verðbréfaþingi
hækkað um 36% frá ársbyrjun
1995, eftir um 24% hækkun árið
þar á undan, og töldu margir að
ekki væri svigrúm fyrir svo miklar
hækkanir áfram og þeir svartsýn-
ustu töldu jafnvel að lækkanir
kynnu að vera framundan. Þeir
hafa þó ekki reynst sannspáir enn
sem komið er því þingvísitalan
hefur hækkað um tæplega 31%
frá áramótum og ekkert lát virðist
ætla að verða þar á.
Áhugi fjárfesta á hlutabréfa-
markaði endurspeglast líka í góðu
gengi hlutabréfaútboða upp á síð-
kastið. í þessari viku hafa 5 hlutafj-
árútboð verið í gangi, auk um-
fangsmikillar sölu á hlutabréfum
Reykjavíkurborgar og ríkissjóðs í
Jarðborunum, samtals að mark-
aðsvirði tæpar 1.300 millj. króna.
Sala þessara hlutabréfa hefur
gengið vel og þegar þetta er skrif-
að er útlit fyrir að sölu bréfa í fjór-
um þessara félaga muni Ijúka í
þessari viku en frestur til að nýta
sér forkaupsrétt að bréfum í hinum
tveimur rennur út 1 júní og er
reiknað með því að þau muni klá-
rast í forkaupsrétti.
Þrátt fyrir þetta gríðarlega mikla
framboð hafa hlutabréfaviðskipti
verið með mesta móti á hluta-
bréfamarkaði í þessari viku. Heild-
arviðskipti í þessum mánuði eru
nú komin yfir 330 milljónir króna
og hefur ríflega helmingur þeirra
átt sér stað í þessari viku.
Frekari hækkanir ólíklegar
Þeir sérfræðingar á verðbréfa-
markaði sem Morgunblaðið ræddi
við segja þetta mikla framboð
hlutabréfa nú ekki eiga valda mark-
aðnum neinum vandkvæðum. Enn
séu hlutabréfasjóðir á ferðinni á
markaðnum með það fjármagn
sem kom inn um áramót og einnig
séu lífeyrissjóðirnir mjög öflugir
þegar komi að hlutafjárútboðum
fyrirtækja og nýti þeir undantekn-
ingalítið forkaupsrétt sinn í þeim.
í stærri hlutabréfasölum á borð
við Jarðboranir þar sem settar eru
takmarkanir á þær upphæðir sem
heimilt er að kaupa fyrir komi ein-
staklingar einnig öflugir inn á
markaðinn. Einn viðmælenda
blaðsins sagði raunar að einstakl-
ingar væru orðnir mun virkari á
hlutabréfamarkaði en áður og
kaup þeirra einskorðuðust ekki
lengur við kaup á svokölluðum
skattaskömmtum fyrir áramót.
Orðaði hann þessa þróun svo að
nú væri hlutabréfamarkaður fyrst
að fæðast hér á landi.
Annar viðmælandi blaðsins
sagðist hins vegar ekki telja svig-
rúm fyrir verulegar hækkanir til
viðbótar. Þær hækkanir sem átt
hefðu sér stað af undanförnu
byggðust á væntingum um betri
afkomu fyrirtækja á þessu ári, m.a.
í sjávarútvegi, en sjávarútvegsfyr-
irtæki hafa einmitt verið mjög
áberandi í viðskiptum á Verðbréfa-
þingi á undanförnum dögum.
Sagði hann að góðar afkomutöl-
ur m.a. hjá Síldarvinnslunni í milli-
uppgjöri hefðu vakið þessar vænt-
ingar, ,en þær væru að mestu
komnar fram í verði hlutabréfa nú
og því myndu fjárfestar væntan-
lega halda að sér höndum fram til
hausts og sjá hver útkoman yrði í
6 mánaða uppgjöri fyrirtækjanna.
Ef milliuppgjör fyrirtækjanna
myndu valda vonbrigðum þá mætti
reikna með því að hlutabréf þeirra
myndu lækka eitthvað í kjölfarið.
Þá virðist ekki vera mikið af
nýjum tækifærum í boði á hluta-
bréfamarkaði nú. Helst er bent á
hlutafjárútboð fyrirtækja enda sé
gengi hlutabréfa þar oft talsvert
undir markaðsvirði. Raunin sé líka
sú að þau klárist í flestum tilfellum
í forkaupsrétti. Þá geti ný fyrirtæki
á markað einnig gefið góða mögu-
leika eins og þróunin á gengi hluta-
bréfa í Plastprenti gefur til kynna,
en gengi bréfanna hefur hækkað
um rösklega 35% frá því að hluta-
bréfin voru skráð á markaði fyrir
rúmum mánuði síðan.
Þá áttu fyrstu viðskipti sér stað
í SS í gær eftir að hlutabréf félags-
ins voru skráð á VÞÍ og hafði geng-
ið hækkað um rúm 13% frá út-
boðsgengi, en útboðinu lauk á
mánudag. Hér er þó aðeins um
ein viðskipti að ræða sem ekki er
rétt að álykta mikið út frá.
Það verður því áhugavert að
fylgjast með þróuninni á hluta-
bréfamarkaði næstu mánuði, sér-
staklega í kjölfar þess að fyrirtæki
fara að birta milliuppgjör sín. Síð-
asta ár var fyrirtækjum almennt
nokkuð hagstætt og því má ætla
að markaðurinn muni krefjast enn
betri afkomu nú til að standa und-
ir þessum miklu hækkunum.
ÞV