Morgunblaðið - 28.06.1996, Blaðsíða 1
■ EilMS MANNS HLJÓMSVEIT/2 ■ HIMÍFURINN SIGGI/2 ■ VARIR ÞYKK-
AR OG ÞUNNAR/3 ■ BANGSAR SEUAST PÝRT/3 ■ SKILABOÐ AÐ
HANDAN - FRAMHALDSLÍFIÐ/6 ■ SKAPAÐ, SAUMAÐ OG SMÍÐAÐ/8
Uppáklædd
á sína vísu
BÖRN og unglingar vilja oft klæða
sig á allt annan hátt en foreldrum
þeirra hugnast best. Sum eru vart
farin að staulast um á tveimur
óstöðugum þegar þau byija að I
malda í móinn; vilja ekki hitt og
ekki þetta og eru til hinna mestu
vandræða hvað klæðaburð varðar.
Önnur eru tiltölulega til friðs þar
til á unglingsárunum þegar allt
sem pabba og mömmu finnst smart
og huggulegt er gersamlega von-
laust í þeirra augum.
Á miðopnunni má sjá hvernig
fatasmekkur barna og unglinga
getur gengið á skjön við skoðanir
foreldranna.
5
Vinsælir hárlitir
táninga eru rauðir, bláir og grænir
SÍFELLT fleiri ungmenni sjást spóka sig
um í bænum með skærgult, eldrautt eða
jafnvel blátt, grænt eða fjólublátt hár. Yfir-
leitt er klæðnaður þessara sömu unglinga
ósköp hefðbundinn eða í samræmi við nýj-
ustu tísku, þótt háraliturinn sé heldur
óvenjulegur. Margir hveijir eru hins vegar
ekki alveg eins djarfir hvað háralit varðar
og láta sér nægja nokkra þykka hárlokka
í grænum, fjólubláum eða einhveijum álíka
óvanalegum háralitum.
Blaðamaður Daglegs lífs ákvað að for-
vitnast nánar um þessa sérstæðu hártísku
og ræddi í því skyni við afgreiðslufólk og
hárgreiðslukonur nokkurra hárgreiðslustofa
í Reykjavík.
Viðmælendum bar saman um að æ oftar
kæmi það fyrir að viðskiptavinir hárgreiðslu-
stofa vildu að hárið yrði litað í áberandi lit-
um, eins og til dæmis grænum eða fjólublá-
um. Einkum væri það eftirsótt hjá táning-
um, aðallega stúlkum, en einnig strákum.
Margir kæmu þó til þess eins að láta lita
einn þykkan hárlokk í áberandi lit, sumir
vildu tvo, fjóra eða fleiri litaða hárlokka, á
meðan aðrir vildu láta lita allt hárið í græn-
um eða bláum lit, svo dæmi séu tekin. Ekki
færu þó allir á hárgreiðslustofur, heldur
væri eitthvað um það að unglingar lituðu á
sér hárið sjálfir.
Flestir viðmælendur blaðamanns sögðu
líka að þessi óvenjulega hártíska væri ekki
alveg ný af nálinni heldur hefði hennar
gætt fyrst fyrir um ári. En þrátt fyrir það
virtist hún vera vinsælli nú en oft áður.
Nokkrar hárgreiðslukonur töldu að þessi
hártíska væri angi af „pönktískunni“ svo-
kölluðu. Einnig sögðust þær verða varar við
Morgunblaðið/Kristinn
að með hækkandi sól og betri tíð létu margir
lita á sér hárið og væru unglingarnir ófeimnari
við að prófa eitthvað nýstárlegt, til
dæmis eldrauðan hárlokk. ■