Morgunblaðið - 02.07.1996, Blaðsíða 3

MORGUNBLAÐIÐ
ÞRIÐJUDAGUR 2. JÚLÍ 1996 B 3
ÍÞRÓTTIR
HANDKNATTLEIKUR
Morgunblaðið/Golli
LANDSLIÐSHÓPURINN í handknattleik, aftari röð frá vlnstri: Sigurður Bjarnason, Guðmundur Hrafnkelsson, Róbert Sighvats-
son, Ólafur Stefánsson, Róbert Julian Duranona, Dagur Sigurðsson, Júlíus Jónasson, Geir Sveinsson, Patrekur Jóhannesson.
Fremrl röö: Valgarð Thoroddsen, Valdimar Grímsson, Jason Ólafsson, Bjarnl Frostason, Slgtryggur Albertsson, Arnar Péturs-
son, Björgvin BJörgvlnsson og Gústaf Bjarnason.
íslenska handknattleikslandsliðið fagnaði tveimur sigrum á Svisslendingum í Sviss
„ÉG er ánægður með að við
náðum að leggja Svisslendinga
tvisvar að velli. Það kom margt
jákvætt fram í leikjum okkar og
er ég harðánægður með loka-
sprettinn í seinni leiknum, þar
sem við skoruðum fimm síðustu
mörk leiksins og náðum að
tryggja okkur sigur, 26:27,"
sagði Þorbjörn Jensson, þjálfari
landsliðsins íhandknattieik. ís-
land vann fyrri leikinn, á laugar-
dag, 21:23.
Varnarleikurinn var mjög góður
hjá okkur undir lokin á seinni
leiknum, þegar Svisslendingar voru
yfir 26:22. Strákarnir sögðu þá lok,
lok og læs! - skoruðu mörk eftir
hraðaupphlaup og Guðmundur
Hrafnkelsson náði að veija víta-
spyrnu á þessum leikkafla. Það er
gott að fagna tveimur sigrum á
Svisslendingum, sem eru að und-
irbúa sig fyrir keppni á Ólympíuleik-
unum í Atlanta. Við höfum verið
saman í þrjár vikur og voru leikirnir
gegn Sviss liður í undirbúningi okk-
ar fyrir undankeppni heimsmeistara-
keppninnar - við stefnum á að kom-
ast í HM til Japans á næsta ári,“
sagði Þorbjörn, sem var ánægður
með þátt Róberts Julian Duranona,
Morgunblaðið/Golli
ÞORBJÖRN Jensson, landsllðsþjálfari, og nýliðinn
Róbert Julian Duranona.
sem iék sína fyrstu leiki með ís-
lenska landsliðinu. „Breiddin er
meiri í landsliðshópnum, eftir að
Duranona kom - hann styrkir liðið.
Við söknuðum Patreks Jóhannesson-
ar og Bjarka Sigurðssonar í leikjun-
um gegn Sviss.“
Geir Sveinsson, landsliðsfyrirliði,
var einnig ánægður með leikina
gegn Sviss. „Svisslendingar eru erf-
iðir heim að sækja og því eru sigr-
arnir sætari. Þessi ferð kemur að
góðu gagni. Duranona féll vel inn í
leik okkar og styrkir liðið mikið,
skoraði fjögur mörk í seinni leiknum.
Þegar Patrekur er kominn í hópinn
er landsliðið orðið mjög gott, reynsl-
umikið,“ sagði Geir, sem var ánægð-
ur með liðsheildina. „Við náðum að
vinna mjög vel saman.“
Ólafur Stefánsson skoraði ellefu
mörk í fyrri leiknum. „Mér gekk
ágætlega að koma knettinum í net-
ið, skoraði sjö af mörkunum úr víta-
köstum. Það var liðsheildin sem réði
ferðinni hér, leikmenn náðu mjög
vel saman og það er mikill styrkur
í Duranona," sagði Ólafur, sem held-
ur til Þýskalands í 13. júlí ásamt
Degi Sigurðssyni, þar sem þeir leika
með Wuppertal.
■ Úrslit / B11
Skoruðu fimm síd-
ustu mörkin í Sviss
KORFUKNATTLEIKUR
Stúlkumar með gull á Möltu
Einn besti árangur kvennaliðsins frá upphafi
Islenska kvennalandsliðið í körfu-
knattleik sigraði á smáþjóða-
móti (Promotion Cup) sem lauk á
Möitu um helgina. ísland vann Alb-
aníu, sem hafnaði í öðru sæti, í loka-
leik mótsins á sunnudag, 81:73.
Þetta er í fyrsta sinn sem Islending-
ar sigra á mótinu og er þetta einn
besti árangur kvennaliðsins frá
upphafi.
Islensku stúlkumar tóku leikinn
strax I sínar hendur og léku fyrri
hálfleikinn sérlega vel og voru með
21 stigs forskot i leikhléi, 47:26. í
síðari hálfleik léku þær af skynsemi
og héldu öruggri forystu allan síð-
ari hálfleikinn.
Anna Dís Sveinbjörnsdóttir var
stigahæst með 21 stig, Erla Reynis-
dóttir kom næst með 18, Anna
María Sveinsdóttir 17, Helga Þor-
valdsdóttir 12, Linda Stefánsdóttir
11 og Hanna Kjartansdóttir 2.
A laugardag sigraði íslenska liðið
Lúxemborg 59:55 og var þetta í
fyrsta sinn sem ísland vinnur Lúx-
emborg. Leikurinn var jafn og
skemmtilegur og staðan í hálfleik
30:27 fyrir ísland. Lokamínúturnar
voru mjög spennandi og þegar ein
og hálf mínúta var eftir var staðan
53:53. Eftir það tók íslenska liðið
völdin og gerði sex stig á móti
tveimur.
Anna Dís var stigahæst í leiknum
með 18 stig, Erla Reynisdóttir gerði
12, Linda Stefánsdóttir 10, Helga
Þorvaldsdóttir 10, Anna María
Sveinsdóttir 7, Kristín Blöndal 1
og Hanna Kjartansdóttir 1 stig.
Lokastaðan:
1. ísland
2. Albanía
3. Lúxemborg
4. Kýpur
5. Malta
6. Wales
7. Gíbraltar
8. Andorra
50. sigur
Williams
Renault
BRETINN Damon Hill og
Jaques Villeneuve á Williams
Renault urðu I fyrsta og öðru
sæti í franska kappakstrinum.
Hill vann eftir að hafa náð
forystu í byrjun í 305 km
langri keppninni og náði hann
194,6 km meðalhraða í keppn-
inni, en mest 302 km hraða.
Heimsmeistarinn Michael
Schumacher féll úr leik I
fyrsta hring eftir olíuleka og
vélarbilun. Benetton-öku-
mennirnir Jean Alesi og Ger-
hard Berger urðu í þriðja og
fjórða sæti. Hill er nú með
63 stig í heimsmeistarakeppn-
inni, en Villeneuve 38 þegar
níu mótum af 17 er lokið.
Villeneuve ók hraðasta hring
keppninnar á 1.18.610 sek-
úndum.
íuémR
FOI_K
■ NEFPLÁSTRARNIR sem sést
hafa í Evrópumótinu í knattspyrnu
eru nú líka notaðir í Formula 1.
Ökumennirnir Barrichello, Panis
og Brundle notuðu slíka plástra í
franska kappakstrinum. Plástrarnir
hafa örugglega náð að setja hraða-
met, náðu 300 km hraða með aðstoð
ökumannnana.
■ JAQUES Villenueve gjöreyði-
lagði Williams keppnisbíl sinn í tíma-
tökum. Þurfti að setja saman nýjat
bíl fyrir hann og bíllinn sem skemmd-
ist verður líklega iagaður og notaður
sem sýningargripur.
■ / UPPHITUN fyrir keppni óku
Micahel Schumacher, Mika Hakk-
inen og David Coulthard allir útaf
í sömu beygju með nokkurra mínútna
millibili. Damon Hill ók annars staðr
ar í veg fyrir Heinz Harald Frentz-
en og framhjól brotnaði undan bíl
þess síðarnefnda. Óvenjulegt er að
óhöpp verði í lokaupphitun fyrir
keppni.
■ SILVERSTONE kappaksturinn í
Englandi er um miðjan júli og er
þegar uppselt á keppnina. Velgegni
Damon Hill á stóran þátt í góðri
sölu aðgöngumiða, en talið er að á
svörtum markaði fáist miðar fyrir
30-40.000 krónur á aðal keppnisdag-
inn.
■ FERRARl átti ekki góðan dag.
Eddie Irvine hætti keppni eftir fímm
hringi með bilaðan gírkassa. Irinn
ungi lenti í vandræðum í tímatökum
og þurfti að byija aftastur í keppn-
inni, en komst ekki langt, þó lengra
en félagi hans Michael Schumac-
her.
■ PEUGEOT vélin í bílum Barric-
hello og Brundle er orðinn sú kraft-
mesta i kappakstri. Gæti þetta leitt
til þess að slagur verði um vélina á
keppnistímabilinu 1998, því Renault
hættir árið áður í kappakstri og
Williams og Benetton vantar þá
vélar í bíla sína.
■ VIÐAR Sigþórsson sem nýbyij-
aður er að keppa í torfæru keppti í
kartmótinu við Kringluna. Hann
varð fjórði, en grindin í bíl hans var
skökk og Viðar þurfti í sífellu að
henda bílnum til hliðanna til að kom-
ast gegnum beygjurnar. Hann kvað
kartakstur skemmtilegan viðfangs,
en hann kvaðst jafnframt bíða tor-
færumótsins í Jósepsdal um næstu
helgi með eftirvæntingu.
■ ÓLAFUR Guðmundsson forseti
Landsambands Islenskra Aksturs-
iþróttafélaga mundaði kvimynda-
tökuvél atvinnumanna á kartkeppn-
inni og sneri henni rétt allan tímann,
þó hann væri óvanur. Hann kvað
vélina þó í þyngra lagj, en hún er í
eigu Qölmiðlafélags LÍA sem hefur
framleitt Mótorsport sjónvarps-
þættina.