Morgunblaðið - 20.07.1996, Blaðsíða 5

MORGUNBLAÐIÐ Q89 ATLANTA '96 LAUGARDAGUR 20. JÚLÍ 1996
C 5
Með dagsskammt af vatni
Morgunblaðið/Kristinn Ingvarsson
JÓN Arnar hefur búið sig af kostgæfni undir keppni ð Ólympíulelkunum og einn liðurinn í því er að drekka nðg af vatnl í hitanum og rakanum f Atianta. Hér heldur
hann á tæplega 19 lítra vatnskút sem er rúmlega dagsskammtur hans fram yfir tugþrautarkeppnina sem stendur yfir 31. Júlí til 1. ðgúst
þarf ég að vakna klukkan fimm
um morguninn og kem líkaman-
um í gang með súrmjólk, ávöxt-
um og vatni og síðan tekur upp-
hitun og bið við þar til keppnin
fer af stað klukkan níu. Eins og
nærri má geta er talsverð spenna
í loftinu fyrir fyrstu grein en hún
minnkar þegar á líður. Margir
keppendur þekkjast og á milli
greina og meðan á keppni stend-
ur leiðbeina menn oft hver öðrum.
Þar liggur munur á tugþraut og
mörgum öðrum greinum. Það
bjargar miklu að það er engin
óvild á milli manna þó þeir séu
að bítast.
Síðari daginn hefst keppni
einnig klukkan níu og þá er sama
dagskrá um morguninn. Hvíldin
er lítil á milli daganna því keppni
lýkur seint og ekki gert ráð fyrir
að ég verði kominn inn á her-
bergi mitt fyrr en upp úr klukkan
tíu um kvöldið. Það tekur sinn
tíma að komast í ró eftir átökin
og á ný verður að vakna klukkan
fímm að morgni. Ég reikna með
að ná fimm til sex tíma hvíld í
mesta lagi. Síðan gengur síðari
dagur á líkan hátt fyrir sig og
sá fyrri.“
Hvað heldur þú að verði það
síðasta sem Gísli þjálfari segi við
þig áður en leiðir skilja og þú
ferð út á völl og hann upp í áhoif-
endastúku til að fylgjast með
árangri erfiðis ykkar beggja und-
anfarin misseri?
íslandsmet gæfi „stuð“
„Það er erfitt að segja, ætli
hann segi ekki, slappaðu af og
hafðu gaman að þessu.“
Þú ert sterkur 100 metra
hlaupari og það er einmitt fyrsta
grein á fyrri keppnisdegi og síðan
tekur við langstökk þar sem þú
ert einnig í fremstu röð. Svo ef
allt gengur að óskum ættir þú
að geta byijað vel, en það er
mikilvægt ekki satt?
„Það væri rosalega gaman að
ná íslandsmeti í 100 metra hlaupi
í fyrstu grein. Það gæfi rosalegt
„stuð“. Ef hins vegar tvær til
þijár fyrstu greinarnar verða lé-
legar tel ég mig geta mætt því
með því að berjast áfram. Ég tel
mig hafa sýnt það að þrátt fyrir
skakkaföll gefst ég ekki upp
heldur reyni að bæta við í fram-
haldinu."
Á HM ífyrrasumar var byrjun-
in góð en síðan kom áfallið í 400
metra hlaupi er þú varst dæmdur
úr leik. Á EM í Gautaborg í vet-
ur hrasaðir þú í grindahlaupinu
og það kostaði þig liklega gullið.
Leynist engin hræðsla að þetta
gangi heldur ekki upp núna og
þú komist vandræðalaust í gegn-
um þrautina?
„Svona eru íþróttirnar og ein-
hveijir verða að lenda í þessu.
Stór þáttur í undirbúningnum er
að bægja svona hugsun frá sér.
Þetta getur þó alltaf komið fýrir
en skiljanlega verður maður að
koma til leiks, albúinn að taka
þátt í gleði og sorg. í tugþrautar-
keppni í Eistlandi í vor gekk mér
mjög vel í flestum greinum nema
í kringlukasti sem fór meira og
minna út um þúfur. Ég lét það
ekki slá mig út af laginu heldur
bætti við mig í þeim greinum sem
eftir komu og útkoman varð
ágæt.“
Sauðkrækingar glaðir
Finnur þú fyrir miklum vænt-
ingum frá fólki heima fyrir
Ólympíuleikana?
„Nei, ég finn ekki fyrir miklum
væntingum. Fólk heima á
Sauðárkróki gleðst frekar yfír
því með mér að ég sé að fara á
leikana, miðað við þær aðstæður
sem ég hef haft til þess að æfa.
Svipað finn ég hjá fólki almennt,
það krefst þess ekki að ég vinni
til verðlauna.“
Hvaða væntingar gerir þú
sjálfur til þín?
„Ég yrði mjög ánægður með
10. sætið í keppninni. Það tel ég
ekki vera fráleitt markmið. Allt
umfram það yrði stórkostlegt,
þegar litið er til þess hversu
margir sterkir keppndur verða
þarna. Þetta eru tíu greinar sem
keppt er í á tveimur dögum og
það þarf allt að ganga upp til
þess að ég verði í fremstu röð. Á
því leikur enginn vafi.“
Hvaða stigafjölda heldur þú
að nægi til að verða í 10. sæti?
„Ætli það sé ekki í kringum
8.300 stig sem þyrfti til, jafnvel
8.400 stig. Það á ekki að vera
neitt vandamál ef þrautin verður
jöfn og ég fæ engan skell.“
Nú þegar þú ert á meðal kepp-
enda í Ólympíuleikum í fyrsta
skipti, leitar hugurinn fjögur ár
aftur í tímann. Þá æfðir þú ekki
eins skipulega og í dag, hafðir
jafnvel enn ekki ákveðið að reyna
fyrir þér í tugþrautinni. Datt þér
þá íhug að næst yrðir þú á meðal
keppenda?
„Sú hugsun hvarflaði ekki að
mér að ég keppti nokkurn tímann
á Ólympíuleikum þó svo einhveij-
ir væru að segja mér að ef ég
hefði áhuga og sneri mér að
æfíngum af fullum krafti þá
gæti ég komist í þau spor. Þegar
ég snéri mér að æfingum af full-
um krafti bjóst ég aldrei við að
það myndi reynast mér svo auð-
velt sem raun ber vitni að ná inn
á Ólympíuleikana.“
Takist þér að ná þeim árangri
sem þú stefnir að, hverju breytir
hann fyrir þig í framhaldinu við
að æfa þína grein af þeim krafti
sem þú hefur gert undanfarin tvö
ár?
„Um það er erfitt að segja.
Ég veit ekki hvað þeir aðilar sem
hafa styrkt mig undanfarin ár
vilja gera. Þeirra stuðningur hef-
ur gert mér þetta kleift en nú
eftir leikana eru flestir samning-
ar lausir og ekkert verið rætt um
framhaldið. Ég vil geta stundað
mína íþrótt áfram, en um leið
verð ég að hugleiða hvað minni
fjölskyldu er fyrir bestu, ég er
ekki einn á báti lengur.“
Þarf að huga að vinnu
En það verður samt sem áður
að vera líf eftir Ólympíuleikana?
„Auðvitað verður það að vera,
ég hætti nú kannski ekki. En ég
hef aðeins hugsað þessi mál lítill-
lega, hvað ég á að gera þegar
leikunum lýkur. Á ég að finna
mér vinnu og æfa eitthvað með
henni eða hvað? En ég hefði gam-
an að því að geta einbeitt mér
að tugþrautinni í einhvern tíma
í viðbót, ég tala nú ekki um á
meðan ég er ekki staðnaður í
neinni grein. Það væri gaman að
fullnýta krafta sína og fara á
Ólympíuleika á ný eftir fjögur
ár. Með niðui-stöðu leikanna í
huga verður farið yfir þessi mál
öll að þeim loknum og vonandi
kemur eitthvað gott út úr því.“
Telur þú þig geta bætt þig
verulega?
„Ég held að ég geti auðveldlega
bætt mig í níu greinum þrautar-
innar. Ég hef minnsta trú á að
mér takist að bæta íslandsmetið
mitt í langstökki sem er átta
metrar, í þraut. Það er eina grein-
in. Annarsstaðar á ég talsvert
inni sem þýðir að ég get náð enn
lengra, sleppi ég við alvarleg
meiðsli."
Beðið í kæli-
herbergi
„Á S VONA stóntióti þar sem margir
keppendur eru í tugþraut kemur oft
mikil bið á milli greina og hana notar
maður til þess að slappa af með lapp-
úr upp í loft einhverstaðar innanhúss.
í Atlanta er gert ráð fyrir sérstökum
kæliherbergjum fyrir keppendur þar
sem þeir geta verið milli greina. Það
verður útilokað að bíða úti á vellinum.“
Þetta kalla
ég auðvelt
„ÉG taldi mig aldrei vera svona góðan
sem raun ber vitni, Þrátt fyrir strangar
æfingar hef ég samt ekki þurft að
leggja eins mikið á mig og margir
kollega minna. Ég hef aðeins æft í stutt-
an tima og náð jafn langt og margir
aðrir hafa eytt mörgum árum í og jafn-
vel áratug. Eg hef aðeins æft tugþraut
í tvö ár. Þetta kalla ég auðvelt."
Dagárd
ekki með
NORÐURLANDAMETHAFINN í tug-
þraut Henrik Dagárd, Svíþjóð, verður
ekki með á Ólympiuleikunum vegna
meiðsla í hásin. Er það vissulega skarð
fyrir skildi því hann virtist í góðri
æfingu og náði m.a. 8.336 stigum í
móti i april í Bandaríkjunum. Meiðlsin
hafa hins vegar verið að hrjá hann
síðustu vikur og hefur ekkert gengið
hjá honum að fá sig góðan af þeim.
Norðurlandamet Dagárds er 8.403
stig, sett í Talance í Frakklandi árið
1994. Sama stað og Jón Amar setti
íslandsmet sitt 8.248 stig í fyrrahaust.