Morgunblaðið - 20.08.1996, Síða 4

4 B ÞRIÐJUDAGUR 20. ÁGÚST 1996
MORGUNBLAÐIÐ
KNATTSPYRNA
„Vorum
betri“
Þetta var hörkuleikur, við vorum
miklu betri allan leikinn. Nú
reynir á framhaldið," sagði Sindri
Grétarsson, leik-
Eyjólfur T. maður Skallagríms
Geirsson eftir öruggan 3:1
skrifar sigur Skallagríms á
Þórsurum í Borgar-
nesi. Fyrsta mark leiksins kom á
21. mín. leiksins, þegar Sindri
Grétarsson skoraði gott rnark eftir
sendingu frá Sveinbirni Ásgríms-
syni, sem lék að nýju í byijunarliði
Skallagríms, eftir að hafa átt í
meiðslum frá því í 5. umferð.
Annað mark heimamanna kom
á 37. mín. Hilmar Hákonarson ein-
lék frá miðju og skaut síðan föstum
jarðarbolta í hliðarnet Þórsara af
um 20 metra færi. Á 44. mín.
bættu Skallagrímsmenn við þriðja
markinu, en það skoraði Valdimar
Sigurðsson, eftir góða sendingu frá
Sveinbirni. Staðan í hálfleik 3:0
og í fullu samræmi við gang leiks-
ins.
Þórsarar byijuðu síðari hálfleik-
inn af fullum krafti, án þess að
skapa sér nokkurt færi. Heima-
menn komu meira inn i leikinn og
m.a. björguðust gestirnir á línu.
Undir lokin leystist leikurinn upp
og 4 mín. fyrir leikslok minnkaði
Hreinn Hringsson muninn með
góðu skoti utan úr teig.
Sigur heimamanna var fyllilega
verðskuldaður, en eins og jafnan
áður var það liðsheildin sem vann
vel og styrktist við að Sveinbjörn
kom inn að nýju.
Framarar
feta sig
áfram
Framarar héldu sínu striki í topp-
baráttu 2. deildar á sunnu-
dagskvöld þegar þeir báru sigurorð
af ÍR-ingum í
Mjóddinni, 3:0.
Leikurinn var nokk-
uð íjörugur í fyrstu
þó að mörkin hafi
látið á sér standa, en drengirnir úr
Safamýri sköpuðu sér fleiri mark-
tækifæri og gerði það gæfumuninn.
Strax á þriðju mínútu tókst Krist-
jáni Brooks að koma knettinum í
mark Framara, en markið var dæmt
af vegna rangstöðu. Aðeins mínútu
síðar komst Þorbjörn Atli Sveinsson
inn fyrir vörn Breiðhyltinga, en
Ólafur Þór Gunnarsson í marki ÍR
varði skot hans. Kristján Brooks
var aftur á ferðinni _ fyrir heima-
menn á 9. mínútu, en Ólafur Péturs-
son, markvörður Fram, stöðvaði
upphlaup hans við markteiginn.
Eftir að leikurinn hafði staðið
yfir í stundarijórðung skutu gest-
irnir þrívegis hættulegum skotum
að marki IR, en inn vildi boltinn
ekki. Það sem eftir lifði af fyrri
hálfleik náðu ÍR-ingar ekki að
skapa sér nógu góð marktækifæri
svo einhver umtalsverð hætta skap-
aðist af.
Þegar fimm mínútur voru eftir
af fyrri hálfleik brutu Framararnir
ísinn, en Ágúst Ólafsson skoraði
af stuttu færi eftir fyrirgjöf Stein-
ars Guðgeirssonar.
Framarar juku forystu sína í tvö
mörk á 53. mínútu þegar Hólm-
steinn Jónasson skoraði úr mark-
teig eftir þunga sókn. IR-ingar, sem
eru ekki þekktir fyrir að gefast upp
baráttulaust, reyndu vitaskuld að
snúa leiknum sér í hag, en skot
þeirra voru nokkuð frá því að rata
rétta leið. Aftur á móti innsigluðu
Framararnir sigur sinn þegar Þor-
björn Atli skoraði þriðja mark þeirra
eftir fyrirgjöf frá Hólmsteini Jónas-
syni.
Edwin
Rögnvaldsson
skrifar
Morgunblaðið/Ásdís
ÞRÓTTARAR léku oft og tíðum skemmtilega á milli sín og létu gestina um að eltast við knöttinn. Hér hefur Gunnar Gunnarsson
dregið til sín þrjá FH-inga sem reyna ýmislegt til að stöðva hann. ________________________________________
Sigurður skaut
Þrótti á toppinn
róttarar þrengdu heldur betur
að FH-ingum þegar liðin
mættust á Valbjarnarvelli í gær-
kvöldi, en leiknum
lauk með sigri Þrótt-
Rögnvaidsson ara: Tölumar
skrifar segja þo ekki alla
söguna því leikmenn
Þróttar voru mun betri heldur en
gestir þeirra úr Hafnarfirði og hefði
sigurinn getað verið stærri.
Heimamenn tóku völdin strax frá
byrjun og áttu fjögur ágæt mark-
skot í fyrri hálfleik, en Daði Lárus-
son, markvörður FH, varði tvívegis.
Þróttararnir hófu síðari hálfleik-
inn eins og þeir luku þeim fyrri og
áttu besta færi sitt á 49. mínútu,
en Hermann Karlsson skaut föstu
skoti í þverslána og niður við mark-
línu. FH-ingar létu Þróttarana finna
eilítið fyrir sér eftir það þrátt fyrir
að þeim hafi ekki tekist að skapa
sér nein umtalsverð marktækifæri.
Á 69. mínútu kom Sigurður Hall-
varðsson inná af varamannabekkn-
um og gerði talsverðan usla við
mark FH. Hafnfirðingum leiddist
þófið og tóku að setja svip sinn á
leikinn. Óskar Axelsson skaut rétt
framhjá marki Þróttar á 77. mínútu
og aðeins einni mínútu síðar átti
Hörður Magnússon glæsilegt skot
úr aukaspyrnu sem hafnaði í innan-
verðri markstönginni.
Þróttarinn Sigurður Hallvarðsson
er ötull við að koma félögum sínum
til bjargar af bekknum þegar mest
á reynir, en hann tryggði sínum
mönnum öll þijú stigin með góðum
skalla eftir sendingu frá Þorsteini
Halldórssyni á 85. mínútu. Sigurður
studdi því félaga sina á göngu sinni
upp á topp 2. deildar og það gæti
reynst dýrmætt þegar hausta tekur.
Húsvíkingar höfðu
betur í botnslagnum
Völsungar frá Húsavík kræktu
sér í þijú afar dýrmæt stig í
botnbaráttu 2. deildar þeir lögðu
Víkinga að velli 2:0
í Fossvoginum á
sunnudag og skut-
ust þeir þar með úr
fallsæti deildarinnar
Sigurgeir
Guðlaugsson
skrifar
á ný.
Leikurinn fór rólega af stað og
einkenndist fyrri hálfleikur af mik-
illi baráttu á miðjunni en sóknir
gestanna voru þó öllu markvissari
og besta færi hálfleiksins fékk
Guðni Rúnar Helgason þegar hann
slapp einn inn fyrir Víkingsvörnina
en skot hans fór hárfínt framhjá.
Síðari hálfleikur var svo öllu fjör-
ugri og ekki liðu nema tæpar sjö
mínútur þar til Guðni Rúnar kom
Völsungi yfir með föstu skoti fram-
hjá Stefáni í marki Víkings eftir
glæsilegan undirbúning Ásgeirs
Baldurssonar. Víkingar létu mót-
lætið fara nokkuð í skapið á sér
og fyrir vikið varð sóknarleikur
þeirra heldur bitlausari en ella en
Völsungar drógu sig hins vegar
aftar á völlinn og freistuðu þess að
beita skyndisóknum, sem heima-
menn áttu oft og tíðum í mestu
vandræðum með að stöðva.
Til að mynda var Guðni Rúnar
óheppinn að bæta ekki við öðru
marki sínu skömmu fyrir leikslok
þegar þrumuskot hans small i
þverslá Víkingsmarksins en þrátt
fyrir að knötturinn hafi ekki sungið
í netinu í það skiptið þurfti Guðni
ekki að bíða lengi eftir öðru mark-
inu því aðeins tveimur mínútum
síðar skoraði hann með góðu skoti
í stöngina og inn eftir að hafa snú-
ið af sér fyrirliða Víkings, Þránd
Sigurðsson, á vítateigslínunni.
Það voru því Völsungar, sem
fögnuðu mikilvægum sigri í Foss-
voginum í fyrradag en Víkingar eru
hins vegar komnir í fallsæti deildar-
innar á ný og verða heldur betur
að taka sig saman í andlitinu ætli
■þeir sér að forðast fall í 3. deild.
„Þetta var mjög dýrmætur sigur
en það er þó mikið eftir enn. Mark-
mið okkar er halda okkur í deild-
inni en ég sé ekki nokkra ástæðu
til annars en að horfa bjartsýnum
augum á framhaldið,“ sagði Sigurð-
ur Lárusson, þjálfari Völsungs, og
var að vonum hinn ánægðasti í
leikslok.
Margrét til Hjörring
MARGRÉT Ólafsdóttir, knattspyrnukona úr Breiðabliki, er á för-
um til Álaborgar þar sem hún mun ganga til liðs við dönsku
meistarana Fortuna frá Hjörring.
Margrét heldur til Danmerkur þann 4. september og mun því
missa af tveimur síðustu leikjum Breiðabliks í 1. deildinni en
þrátt fyrir að dönsku meistararnir hafi lagt hart að Margréti að
koma utan strax í byrjun ágúst vildi hún ekki fara fyrr en að
bikarúrslitaleiknum loknum.
„Mér finnst alveg kjörið að breyta aðeins til en ég er einnig
að fara að læra viðskiptafræði í Álaborg. Ef mér líkar dvölin í
Danmörku má vel vera að ég verði þarna úti I einhvern tíma og
spili þá með Fortuna á meðan.“ sagði Margrét í gær.
Ottó Karl
gerði fjög-
ur mörk
KA bauð upp á bragðmikla
markasúpu þegar liðið tók á
móti Leikni í gærkvöldi og þegar
upp var staðið hafði
KA gert sjö mörk
gegn einu marki
gestanna. KA lék
vel og var götótt
vörn Leiknis sprækum framheijum
KA lítil hindrun og hefðu mörk KA
hæglega getað orðið fleiri. Ottó
Karl Ottósson var iðinn við kolann
og gerði hann ijögur af mörkum
Reynir B.
Eiríksson skrifar
frá Akureyri
KA.
Ottó Karl gerði fyrsta markið á
13. mínútu með skoti af vítateig.
Þremur mínútum síðar jafnaði Frið-
rik Ellert Jónsson fyrir Leikni, en
hann komst einn inn fyrir vörn KA
og skoraði með góðu skoti. KA-
menn svöruðu með marki á 21.
mínútu og var þar Þorvaldur Makan
Sigbjörnsson á ferð með skot af
vítateig eftir laglegt spil hans og
Ottós. Heimamenn voru nú sterkari
aðilinn og juku forystu sína í 3:1
fjórum mínútum fyrir lok hálfleiks-
ins með marki Þorvaldar sem komst
einn innfyrir, lék á markvörðinn og
skoraði í opið markið.
KA-menn mættu ákveðnir til
leiks í síðari hálfleik og voru greini-
lega staðráðnir í því að bæta enn
við forskot sitt og það tókst á 47.
mínútu. Ottó fékk laglega sendingu
frá Loga Jónssyni og afgreiddi
knöttinn með viðstöðulausu skoti
af vítateig í mark Leiknis, sérlega
glæsilegt mark. Ellefu mínútum síð-
ar var Ottó enn á ferð og að þessu
sinni skallaði hann í netið af stuttu
færi. Áfram hélt þung sókn KA og
á 68. mínútu var það Steinn Gunn-
arsson sem kom knettinum rétta
boðleið eftir að markvörður Leiknis
hafði reynt hvað hann gat til að
veija skalla frá Ottó. Sjöunda mark
KA kom svo ellefu mínútum fyrir
leikslok þegar Ottó kórónaði góðan
leik sinn og skoraði sitt fjórða mark
af stuttu færi.
Lið KA lék vel í þessum leik og
var framlína þess mjög beitt. Menn
létu knöttinn vinna vel og mátti
slök vörn Leiknis sín lítils. KA er
nú með 21 stig í deildinni og er
staða þess vænleg og á liðið eflaust
eftir að velgja toppliðunum undir
uggum ef það leikur áfram eins og
það gerði í gærkvöldi, en hafa skal
þó í liuga að mótstaðan var ekki
mikil. Leikur Leiknis var slakur og
er liðið sem fyrr í neðsta sæti deild-
arinnar og staða þess vægst sagt
mjög slæm.